1. вибхан̇гава̄ро

хетупаччайа̄ди

186. упеккха̄сахагато дхаммо упеккха̄сахагатасса дхаммасса хетупаччайена паччайо – упеккха̄сахагата̄ хетӯ сампайуттака̄нам̣ кхандха̄нам̣ хетупаччайена паччайо; пат̣исандхиккхан̣е…пе…. (евам̣ чатта̄ри пан̃ха̄ йатха̄ савитаккадукасса.)

упеккха̄сахагато дхаммо упеккха̄сахагатасса дхаммасса а̄рамман̣апаччайена паччайо… адхипатипаччайена паччайо. (йатха̄ саппӣтикадукам̣ евам̣ а̄рамман̣ампи адхипатипи виттха̄ретабба̄, ‘‘упеккха̄’’ти на̄нам̣.)

анантарапаччайа̄ди

187. упеккха̄сахагато дхаммо упеккха̄сахагатасса дхаммасса анантарапаччайена паччайо – пурима̄ пурима̄ упеккха̄сахагата̄ кхандха̄ паччхима̄нам̣ паччхима̄нам̣ упеккха̄сахагата̄нам̣ кхандха̄нам̣ анантарапаччайена паччайо. (1)

упеккха̄сахагато дхаммо наупеккха̄сахагатасса дхаммасса анантарапаччайена паччайо – пурима̄ пурима̄ упеккха̄сахагата̄ кхандха̄ паччхима̄йа паччхима̄йа упеккха̄йа анантарапаччайена паччайо; упеккха̄сахагатам̣ чутичиттам̣ наупеккха̄сахагатасса упапаттичиттасса… а̄ваджджана̄ наупеккха̄сахагата̄нам̣ кхандха̄нам̣… випа̄каманодха̄ту наупеккха̄сахагата̄йа випа̄камановин̃н̃а̄н̣адха̄туйа̄… упеккха̄сахагатам̣ бхаван̇гам̣ наупеккха̄сахагатасса бхаван̇гасса… упеккха̄сахагатам̣ кусала̄кусалам̣ наупеккха̄сахагатасса вут̣т̣ха̄насса… кирийам̣ вут̣т̣ха̄насса… пхалам̣ вут̣т̣ха̄насса… ниродха̄ вут̣т̣хахантасса невасан̃н̃а̄на̄сан̃н̃а̄йатанам̣ наупеккха̄сахагата̄йа пхаласама̄паттийа̄ анантарапаччайена паччайо. (2)

упеккха̄сахагато дхаммо упеккха̄сахагатасса ча наупеккха̄сахагатасса ча дхаммасса анантарапаччайена паччайо – пурима̄ пурима̄ упеккха̄сахагата̄ кхандха̄ паччхима̄нам̣ паччхима̄нам̣ упеккха̄сахагата̄нам̣ кхандха̄нам̣ упеккха̄йа ча анантарапаччайена паччайо. (3)

188. наупеккха̄сахагато дхаммо наупеккха̄сахагатасса дхаммасса анантарапаччайена паччайо – пурима̄ пурима̄ упеккха̄ паччхима̄йа паччхима̄йа упеккха̄йа анантарапаччайена паччайо; пурима̄ пурима̄ наупеккха̄сахагата̄ кхандха̄ паччхима̄нам̣ паччхима̄нам̣ наупеккха̄сахагата̄нам̣ кхандха̄нам̣ анантарапаччайена паччайо; ануломам̣ готрабхусса…пе… ануломам̣ пхаласама̄паттийа̄ анантарапаччайена паччайо. (мӯлам̣ ка̄таббам̣.) пурима̄ пурима̄ упеккха̄ паччхима̄нам̣ паччхима̄нам̣ упеккха̄сахагата̄нам̣ кхандха̄нам̣ анантарапаччайена паччайо; наупеккха̄сахагатам̣ чутичиттам̣ упеккха̄сахагатасса упапаттичиттасса… наупеккха̄сахагатам̣ бхаван̇гам̣ а̄ваджджана̄йа… ка̄йавин̃н̃а̄н̣адха̄ту випа̄каманодха̄туйа̄… наупеккха̄сахагата̄ випа̄камановин̃н̃а̄н̣адха̄ту кирийамановин̃н̃а̄н̣адха̄туйа̄… наупеккха̄сахагатам̣ бхаван̇гам̣ упеккха̄сахагатасса бхаван̇гасса… наупеккха̄сахагатам̣ кусала̄кусалам̣ упеккха̄сахагатасса вут̣т̣ха̄насса… кирийам̣ вут̣т̣ха̄насса… пхалам̣ вут̣т̣ха̄насса анантарапаччайена паччайо. (2)

наупеккха̄сахагато дхаммо упеккха̄сахагатасса ча наупеккха̄сахагатасса ча дхаммасса анантарапаччайена паччайо – пурима̄ пурима̄ упеккха̄ паччхима̄нам̣ паччхима̄нам̣ упеккха̄сахагата̄нам̣ кхандха̄нам̣ упеккха̄йа ча анантарапаччайена паччайо. (3)

189. упеккха̄сахагато ча наупеккха̄сахагато ча дхамма̄ упеккха̄сахагатасса дхаммасса анантарапаччайена паччайо – пурима̄ пурима̄ упеккха̄сахагата̄ кхандха̄ ча упеккха̄ ча паччхима̄нам̣ паччхима̄нам̣ упеккха̄сахагата̄нам̣ кхандха̄нам̣ анантарапаччайена паччайо. (мӯлам̣ ка̄таббам̣.) пурима̄ пурима̄ упеккха̄сахагата̄ кхандха̄ ча упеккха̄ ча паччхима̄йа паччхима̄йа упеккха̄йа анантарапаччайена паччайо; упеккха̄сахагатам̣ чутичиттан̃ча упеккха̄ ча наупеккха̄сахагатасса упапаттичиттасса… а̄ваджджана̄ ча упеккха̄ ча наупеккха̄сахагата̄нам̣ кхандха̄нам̣… випа̄каманодха̄ту ча упеккха̄ ча наупеккха̄сахагата̄йа випа̄камановин̃н̃а̄н̣адха̄туйа̄… упеккха̄сахагатам̣ бхаван̇ган̃ча упеккха̄ ча наупеккха̄сахагатасса бхаван̇гасса… упеккха̄сахагатам̣ кусала̄кусалан̃ча упеккха̄ ча наупеккха̄сахагатасса вут̣т̣ха̄насса… кирийан̃ча упеккха̄ ча вут̣т̣ха̄насса… пхалан̃ча упеккха̄ ча вут̣т̣ха̄насса… ниродха̄ вут̣т̣хахантасса невасан̃н̃а̄на̄сан̃н̃а̄йатанан̃ча упеккха̄ ча наупеккха̄сахагата̄йа пхаласама̄паттийа̄ анантарапаччайена паччайо. (мӯлам̣ ка̄таббам̣.) пурима̄ пурима̄ упеккха̄сахагата̄ кхандха̄ ча упеккха̄ ча паччхима̄нам̣ паччхима̄нам̣ упеккха̄сахагата̄нам̣ кхандха̄нам̣ упеккха̄йа ча анантарапаччайена паччайо. (3)

саманантарапаччайена паччайо… сахаджа̄тапаччайена паччайо… нава… ан̃н̃аман̃н̃апаччайена паччайо… нава… ниссайапаччайена паччайо… нава.

упаниссайапаччайо

190. упеккха̄сахагато дхаммо упеккха̄сахагатасса дхаммасса упаниссайапаччайена паччайо… тӣн̣и.

наупеккха̄сахагато дхаммо наупеккха̄сахагатасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – наупеккха̄сахагатам̣ саддхам̣ упанисса̄йа наупеккха̄сахагатена читтена да̄нам̣ дети, сӣлам̣…пе… упосатхакаммам̣…пе… наупеккха̄сахагатам̣ джха̄нам̣…пе… випассанам̣…пе… маггам̣…пе… сама̄паттим̣ уппа̄дети, ма̄нам̣ джаппети, дит̣т̣хим̣ ган̣ха̄ти; наупеккха̄сахагатам̣ сӣлам̣…пе… пан̃н̃ам̣… ра̄гам̣… досам̣… мохам̣… ма̄нам̣… дит̣т̣хим̣… паттханам̣… ка̄йикам̣ сукхам̣… ка̄йикам̣ дуккхам̣… утум̣… бходжанам̣… сена̄санам̣ упеккхам̣ упанисса̄йа наупеккха̄сахагатена читтена да̄нам̣ дети…пе… сама̄паттим̣ уппа̄дети, па̄н̣ам̣ ханати…пе… сан̇гхам̣ бхиндати; наупеккха̄сахагата̄ саддха̄…пе… сена̄санам̣ упеккха̄ ча наупеккха̄сахагата̄йа саддха̄йа…пе… пан̃н̃а̄йа… ра̄гасса…пе… паттхана̄йа… ка̄йикасса сукхасса… ка̄йикасса дуккхасса … маггасса, пхаласама̄паттийа̄ упеккха̄йа ча упаниссайапаччайена паччайо. (1)

наупеккха̄сахагато дхаммо упеккха̄сахагатасса дхаммасса упаниссайапаччайена паччайо (тӣн̣ипи упаниссайа̄). наупеккха̄сахагатам̣ саддхам̣ упанисса̄йа упеккха̄сахагатена читтена да̄нам̣ дети…пе… сама̄паттим̣ уппа̄дети, ма̄нам̣ джаппети, дит̣т̣хим̣ ган̣ха̄ти; наупеккха̄сахагатам̣ сӣлам̣…пе… сена̄санам̣ упеккхам̣ упанисса̄йа упеккха̄сахагатена читтена да̄нам̣ дети…пе… сама̄паттим̣ уппа̄дети, упеккха̄сахагатена читтена адиннам̣ а̄дийати, муса̄ бхан̣ати, писун̣ам̣…пе… сампхам̣…пе… сандхим̣…пе… ниллопам̣…пе… ека̄га̄рикам̣…пе… парипантхе…пе… парада̄рам̣…пе… га̄магха̄там̣…пе… нигамагха̄там̣ кароти; наупеккха̄сахагата̄ саддха̄…пе… сена̄санам̣ упеккха̄ ча упеккха̄сахагата̄йа саддха̄йа…пе… паттхана̄йа… маггасса, пхаласама̄паттийа̄ упаниссайапаччайена паччайо.

наупеккха̄сахагато дхаммо упеккха̄сахагатасса ча наупеккха̄сахагатасса ча дхаммасса упаниссайапаччайена паччайо (тӣн̣и упаниссайа̄ дутийагаманасадиса̄). (3)

упеккха̄сахагато ча наупеккха̄сахагато ча дхамма̄ упеккха̄сахагатасса дхаммасса упаниссайапаччайена паччайо… тӣн̣и.

пуреджа̄тапаччайо

191. наупеккха̄сахагато дхаммо наупеккха̄сахагатасса дхаммасса пуреджа̄тапаччайена паччайо… тӣн̣и (саппӣтикадукасадиса̄).

паччха̄джа̄тапаччайа̄ди

192. упеккха̄сахагато дхаммо наупеккха̄сахагатасса дхаммасса паччха̄джа̄тапаччайена паччайо… тӣн̣и… а̄севанапаччайена паччайо… нава… каммапаччайена паччайо… чха. (чатта̄ри сахаджа̄та̄ на̄на̄ккхан̣ика̄ ка̄табба̄, две на̄на̄ккхан̣ика̄ ча.)… випа̄капаччайена паччайо… нава… а̄ха̄рапаччайена паччайо… чатта̄ри… индрийапаччайена паччайо… нава… джха̄напаччайена паччайо… нава… маггапаччайена паччайо… чатта̄ри… сампайуттапаччайена паччайо… чха… виппайуттапаччайена паччайо… пан̃ча… аттхипаччайена паччайо… нава… наттхипаччайена паччайо… вигатапаччайена паччайо… авигатапаччайена паччайо. (има̄ни паччайа̄ни саппӣтикакаран̣ена вибхаджитабба̄ни.)