1. вибхан̇гава̄ро

хетупаччайо

149. саппӣтико дхаммо саппӣтикасса дхаммасса хетупаччайена паччайо – саппӣтика̄ хетӯ сампайуттака̄нам̣ кхандха̄нам̣ хетупаччайена паччайо; пат̣исандхиккхан̣е…пе…. саппӣтико дхаммо аппӣтикасса дхаммасса хетупаччайена паччайо – саппӣтика̄ хетӯ пӣтийа̄ ча читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (мӯлам̣ ка̄таббам̣.) саппӣтика̄ хетӯ сампайуттака̄нам̣ кхандха̄нам̣ пӣтийа̄ ча читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (3)

аппӣтико дхаммо аппӣтикасса дхаммасса хетупаччайена паччайо – аппӣтика̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (1)

а̄рамман̣апаччайо

150. саппӣтико дхаммо саппӣтикасса дхаммасса а̄рамман̣апаччайена паччайо – саппӣтике кхандхе а̄раббха саппӣтика̄ кхандха̄ уппаджджанти. (мӯлам̣ ка̄таббам̣.) саппӣтике кхандхе а̄раббха аппӣтика̄ кхандха̄ ча пӣти ча уппаджджанти. (мӯлам̣ ка̄таббам̣.) саппӣтике кхандхе а̄раббха саппӣтика̄ кхандха̄ ча пӣти ча уппаджджанти. (3)

151. аппӣтико дхаммо аппӣтикасса дхаммасса а̄рамман̣апаччайена паччайо – аппӣтикена читтена да̄нам̣ датва̄ сӣлам̣…пе… упосатхакаммам̣ катва̄ аппӣтикена читтена паччавеккхати, асса̄дети абхинандати, там̣ а̄раббха аппӣтико ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати; аппӣтика̄ джха̄на̄ вут̣т̣хахитва̄…пе… магга̄ вут̣т̣хахитва̄…пе… пхала̄ вут̣т̣хахитва̄ аппӣтикена читтена пхалам̣ паччавеккхати, арийа̄ аппӣтикена читтена нибба̄нам̣ паччавеккханти, нибба̄нам̣ аппӣтикасса готрабхусса, вода̄насса, маггасса, пхаласса, а̄ваджджана̄йа пӣтийа̄ ча а̄рамман̣апаччайена паччайо; арийа̄ аппӣтикена читтена аппӣтике пахӣне килесе…пе… виккхамбхите килесе…пе… пуббе…пе… чаккхум̣…пе… ваттхум̣ аппӣтике кхандхе ча пӣтин̃ча аппӣтикена читтена аниччато…пе… випассати асса̄дети абхинандати, там̣ а̄раббха аппӣтико ра̄го уппаджджати…пе… доманассам̣ уппаджджати; диббена чаккхуна̄ рӯпам̣ пассати…пе… пхот̣т̣хабба̄йатанам̣ ка̄йавин̃н̃а̄н̣асса а̄рамман̣апаччайена паччайо; аппӣтика̄ кхандха̄ иддхивидхан̃а̄н̣асса четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа пӣтийа̄ ча а̄рамман̣апаччайена паччайо; аппӣтике кхандхе ча пӣтин̃ча а̄раббха аппӣтика̄ кхандха̄ ча пӣти ча уппаджджанти. (1)

аппӣтико дхаммо саппӣтикасса дхаммасса а̄рамман̣апаччайена паччайо – аппӣтикена читтена да̄нам̣ датва̄ сӣлам̣…пе… упосатхакаммам̣…пе… саппӣтикена читтена паччавеккхати асса̄дети абхинандати, там̣ а̄раббха саппӣтико ра̄го уппаджджати, дит̣т̣хи уппаджджати; аппӣтика̄ джха̄на̄ вут̣т̣хахитва̄…пе… магга̄ вут̣т̣хахитва̄…пе… пхала̄ вут̣т̣хахитва̄ саппӣтикена читтена пхалам̣ паччавеккхати, арийа̄ саппӣтикена читтена нибба̄нам̣ паччавеккханти, нибба̄нам̣ саппӣтикасса готрабхусса, вода̄насса, маггасса, пхаласса а̄рамман̣апаччайена паччайо; арийа̄ саппӣтикена читтена аппӣтике пахӣне килесе…пе… виккхамбхите килесе …пе… пуббе…пе… чаккхум̣…пе… ваттхум̣ аппӣтике кхандхе ча пӣтин̃ча саппӣтикена читтена аниччато…пе… випассати асса̄дети абхинандати, там̣ а̄раббха саппӣтико ра̄го уппаджджати, дит̣т̣хи уппаджджати; аппӣтике кхандхе ча пӣтин̃ча а̄раббха саппӣтика̄ кхандха̄ уппаджджанти. (2)

аппӣтико дхаммо саппӣтикасса ча аппӣтикасса ча дхаммасса а̄рамман̣апаччайена паччайо – аппӣтикена читтена да̄нам̣ датва̄ сӣлам̣…пе… упосатхакаммам̣…пе… саппӣтикена читтена паччавеккхати асса̄дети абхинандати, там̣ а̄раббха саппӣтика̄ кхандха̄ ча пӣти ча уппаджджанти, аппӣтика̄ джха̄на̄…пе… магга̄…пе… пхала̄ вут̣т̣хахитва̄ саппӣтикена читтена пхалам̣ паччавеккхати, арийа̄ саппӣтикена читтена нибба̄нам̣ паччавеккханти, нибба̄нам̣ саппӣтикасса готрабхусса, вода̄насса, маггасса, пхаласса, пӣтийа̄ ча а̄рамман̣апаччайена паччайо; арийа̄ саппӣтикена читтена аппӣтике пахӣне килесе паччавеккханти, виккхамбхите килесе…пе… пуббе…пе… чаккхум̣…пе… ваттхум̣ аппӣтике кхандхе ча пӣтин̃ча саппӣтикена читтена аниччато…пе… випассати асса̄дети абхинандати, там̣ а̄раббха саппӣтика̄ кхандха̄ ча пӣти ча уппаджджанти, аппӣтике кхандхе ча пӣтин̃ча а̄раббха саппӣтика̄ кхандха̄ ча пӣти ча уппаджджанти. (3)

152. саппӣтико ча аппӣтико ча дхамма̄ саппӣтикасса дхаммасса а̄рамман̣апаччайена паччайо – саппӣтике кхандхе ча пӣтин̃ча а̄раббха саппӣтика̄ кхандха̄ уппаджджанти. (мӯлам̣ ка̄таббам̣.) саппӣтике кхандхе ча пӣтин̃ча а̄раббха аппӣтика̄ кхандха̄ ча пӣти ча уппаджджанти.

(мӯлам̣ ка̄таббам̣.) саппӣтике кхандхе ча пӣтин̃ча а̄раббха саппӣтика̄ кхандха̄ ча пӣти ча уппаджджанти. (3)

адхипатипаччайо

153. саппӣтико дхаммо саппӣтикасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – саппӣтике кхандхе гарум̣ катва̄ саппӣтика̄ кхандха̄ уппаджджанти. сахаджа̄та̄дхипати – саппӣтика̄дхипати сампайуттака̄нам̣ кхандха̄нам̣ адхипатипаччайена паччайо. (1)

саппӣтико дхаммо аппӣтикасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – саппӣтике кхандхе гарум̣ катва̄ аппӣтика̄ кхандха̄ ча пӣти ча уппаджджанти. сахаджа̄та̄дхипати – саппӣтика̄дхипати пӣтийа̄ ча читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (2)

саппӣтико дхаммо саппӣтикасса ча аппӣтикасса ча дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – саппӣтике кхандхе гарум̣ катва̄ саппӣтика̄ кхандха̄ ча пӣти ча уппаджджанти. сахаджа̄та̄дхипати – саппӣтика̄дхипати сампайуттака̄нам̣ кхандха̄нам̣ пӣтийа̄ ча читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

154. аппӣтико дхаммо аппӣтикасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – аппӣтикена читтена да̄нам̣…пе… сӣлам̣…пе… упосатхакаммам̣…пе… аппӣтикена читтена там̣ гарум̣ катва̄ паччавеккхати асса̄дети абхинандати, там̣ гарум̣ катва̄ аппӣтико ра̄го уппаджджати, дит̣т̣хи уппаджджати; аппӣтика̄ джха̄на̄…пе… магга̄…пе… пхала̄ вут̣т̣хахитва̄ аппӣтикена читтена пхалам̣ гарум̣ катва̄ паччавеккхати; арийа̄ аппӣтикена читтена нибба̄нам̣ гарум̣ катва̄ паччавеккханти, нибба̄нам̣ аппӣтикасса готрабхусса, вода̄насса, маггасса, пхаласса адхипатипаччайена паччайо; чаккхум̣…пе… ваттхум̣ аппӣтике кхандхе ча пӣтин̃ча аппӣтикена читтена гарум̣ катва̄ асса̄дети абхинандати, там̣ гарум̣ катва̄ аппӣтико ра̄го уппаджджати, дит̣т̣хи уппаджджати, аппӣтике кхандхе ча пӣтин̃ча гарум̣ катва̄ аппӣтика̄ кхандха̄ ча пӣти ча уппаджджанти. сахаджа̄та̄дхипати – аппӣтика̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (1)

аппӣтико дхаммо саппӣтикасса дхаммасса адхипатипаччайена паччайо. а̄рамман̣а̄дхипати – аппӣтикена читтена да̄нам̣…пе… сӣлам̣…пе… упосатхакаммам̣…пе… (сам̣кхиттам̣) нибба̄нам̣ саппӣтикасса готрабхусса, вода̄насса, маггасса, пхаласса адхипатипаччайена паччайо; чаккхум̣…пе… ваттхум̣ аппӣтике кхандхе ча пӣтин̃ча саппӣтикена читтена гарум̣ катва̄ асса̄дети абхинандати, там̣ гарум̣ катва̄ саппӣтико ра̄го уппаджджати, дит̣т̣хи уппаджджати; аппӣтике кхандхе ча пӣтин̃ча гарум̣ катва̄ саппӣтика̄ кхандха̄ уппаджджанти. (2)

аппӣтико дхаммо саппӣтикасса ча аппӣтикасса ча дхаммасса адхипатипаччайена паччайо. а̄рамман̣а̄дхипати – да̄нам̣…пе… (сам̣кхиттам̣) нибба̄нам̣ саппӣтикасса готрабхусса, вода̄насса, маггасса, пхаласса, пӣтийа̄ ча адхипатипаччайена паччайо; чаккхум̣…пе… ваттхум̣ аппӣтике кхандхе ча пӣтин̃ча саппӣтикена читтена гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати аппӣтике кхандхе ча пӣтин̃ча гарум̣ катва̄ саппӣтика̄ кхандха̄ ча пӣти ча уппаджджанти. (3)

155. саппӣтико ча аппӣтико ча дхамма̄ саппӣтикасса дхаммасса адхипатипаччайена паччайо. а̄рамман̣а̄дхипати – саппӣтике кхандхе ча пӣтин̃ча гарум̣ катва̄ саппӣтика̄ кхандха̄ уппаджджанти. (мӯлам̣ ка̄таббам̣.) саппӣтике кхандхе ча пӣтин̃ча гарум̣ катва̄ аппӣтика̄ кхандха̄ ча пӣти ча уппаджджанти. (мӯлам̣ ка̄таббам̣.) саппӣтике кхандхе ча пӣтин̃ча гарум̣ катва̄ саппӣтика̄ кхандха̄ ча пӣти ча уппаджджанти. (3)

анантарапаччайа̄ди

156. саппӣтико дхаммо саппӣтикасса дхаммасса анантарапаччайена паччайо – пурима̄ пурима̄ саппӣтика̄ кхандха̄ паччхима̄нам̣ паччхима̄нам̣ саппӣтика̄нам̣ кхандха̄нам̣ анантарапаччайена паччайо. (мӯлам̣ ка̄таббам̣.) пурима̄ пурима̄ саппӣтика̄ кхандха̄ паччхима̄йа паччхима̄йа пӣтийа̄ анантарапаччайена паччайо – саппӣтикам̣ чутичиттам̣ аппӣтикасса упапаттичиттасса, саппӣтикам̣ бхаван̇гам̣ а̄ваджджана̄йа, саппӣтика̄ кхандха̄ аппӣтикасса вут̣т̣ха̄насса, пӣтисахагата̄ випа̄камановин̃н̃а̄н̣адха̄ту кирийамановин̃н̃а̄н̣адха̄туйа̄, саппӣтикам̣ бхаван̇гам̣ аппӣтикасса бхаван̇гасса, саппӣтикам̣ кусала̄кусалам̣ аппӣтикасса вут̣т̣ха̄насса, кирийам̣ вут̣т̣ха̄насса, пхалам̣ вут̣т̣ха̄насса анантарапаччайена паччайо. (мӯлам̣ ка̄таббам̣.) пурима̄ пурима̄ саппӣтика̄ кхандха̄ паччхима̄нам̣ паччхима̄нам̣ саппӣтика̄нам̣ кхандха̄нам̣ пӣтийа̄ ча анантарапаччайена паччайо. (3)

157. аппӣтико дхаммо аппӣтикасса дхаммасса анантарапаччайена паччайо – пурима̄ пурима̄ пӣти паччхима̄йа паччхима̄йа пӣтийа̄ анантарапаччайена паччайо; пурима̄ пурима̄ аппӣтика̄ кхандха̄ паччхима̄нам̣ паччхима̄нам̣ аппӣтика̄нам̣ кхандха̄нам̣ анантарапаччайена паччайо; ануломам̣ готрабхусса…пе… аппӣтика̄йа пхаласама̄паттийа̄ пӣтийа̄ ча анантарапаччайена паччайо. (мӯлам̣ ка̄таббам̣.) пурима̄ пурима̄ пӣти паччхима̄нам̣ паччхима̄нам̣ саппӣтика̄нам̣ кхандха̄нам̣ анантарапаччайена паччайо; аппӣтикам̣ чутичиттам̣ саппӣтикасса упапаттичиттасса, а̄ваджджана̄ саппӣтика̄нам̣ кхандха̄нам̣, аппӣтика̄ кхандха̄ саппӣтикасса вут̣т̣ха̄насса, випа̄каманодха̄ту саппӣтика̄йа випа̄камановин̃н̃а̄н̣адха̄туйа̄, аппӣтикам̣ бхаван̇гам̣ саппӣтикасса бхаван̇гасса, аппӣтикам̣ кусала̄кусалам̣ саппӣтикасса вут̣т̣ха̄насса, кирийам̣ вут̣т̣ха̄насса, пхалам̣ вут̣т̣ха̄насса анантарапаччайена паччайо; ниродха̄ вут̣т̣хахантасса невасан̃н̃а̄на̄сан̃н̃а̄йатанам̣ саппӣтика̄йа пхаласама̄паттийа̄ анантарапаччайена паччайо. (2)

аппӣтико дхаммо саппӣтикасса ча аппӣтикасса ча дхаммасса анантарапаччайена паччайо – пурима̄ пурима̄ пӣти паччхима̄нам̣ паччхима̄нам̣ саппӣтика̄нам̣ кхандха̄нам̣ пӣтийа̄ ча анантарапаччайена паччайо. (3)

158. саппӣтико ча аппӣтико ча дхамма̄ саппӣтикасса дхаммасса анантарапаччайена паччайо – пурима̄ пурима̄ саппӣтика̄ кхандха̄ ча пӣти ча паччхима̄нам̣ паччхима̄нам̣ саппӣтика̄нам̣ кхандха̄нам̣ анантарапаччайена паччайо. (1)

саппӣтико ча аппӣтико ча дхамма̄ аппӣтикасса дхаммасса анантарапаччайена паччайо – пурима̄ пурима̄ саппӣтика̄ кхандха̄ ча пӣти ча паччхима̄йа паччхима̄йа пӣтийа̄ анантарапаччайена паччайо; саппӣтикам̣ чутичиттан̃ча пӣти ча аппӣтикасса упапаттичиттасса… саппӣтикам̣ бхаван̇ган̃ча пӣти ча а̄ваджджана̄йа… саппӣтика̄ кхандха̄ ча пӣти ча аппӣтикасса вут̣т̣ха̄насса… саппӣтика̄ випа̄камановин̃н̃а̄н̣адха̄ту ча пӣти ча кирийамановин̃н̃а̄н̣адха̄туйа̄… саппӣтикам̣ бхаван̇ган̃ча пӣти ча аппӣтикасса бхаван̇гасса… саппӣтикам̣ кусала̄кусалан̃ча пӣти ча аппӣтикасса вут̣т̣ха̄насса… кирийан̃ча пӣти ча вут̣т̣ха̄насса… пхалан̃ча пӣти ча вут̣т̣ха̄насса анантарапаччайена паччайо. (2)

саппӣтико ча аппӣтико ча дхамма̄ саппӣтикасса ча аппӣтикасса ча дхаммасса анантарапаччайена паччайо – пурима̄ пурима̄ саппӣтика̄ кхандха̄ ча пӣти ча паччхима̄нам̣ паччхима̄нам̣ саппӣтика̄нам̣ кхандха̄нам̣ пӣтийа̄ ча анантарапаччайена паччайо. (3)

саманантарапаччайена паччайо… нава… сахаджа̄тапаччайена паччайо… нава… ан̃н̃аман̃н̃апаччайена паччайо… нава… ниссайапаччайена паччайо… нава.

упаниссайапаччайо

159. саппӣтико дхаммо саппӣтикасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – саппӣтика̄ кхандха̄ саппӣтика̄нам̣ кхандха̄нам̣ упаниссайапаччайена паччайо. (мӯлам̣ ка̄таббам̣.) саппӣтика̄ кхандха̄ аппӣтика̄нам̣ кхандха̄нам̣ пӣтийа̄ ча упаниссайапаччайена паччайо. (мӯлам̣ ка̄таббам̣.) саппӣтика̄ кхандха̄ саппӣтика̄нам̣ кхандха̄нам̣ пӣтийа̄ ча упаниссайапаччайена паччайо. (3)

160. аппӣтико дхаммо аппӣтикасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – аппӣтикам̣ саддхам̣ упанисса̄йа аппӣтикена читтена да̄нам̣ дети, сӣлам̣ сама̄дийати, упосатхакаммам̣ кароти; аппӣтикам̣ джха̄нам̣…пе… випассанам̣… маггам̣… абхин̃н̃ам̣… сама̄паттим̣ уппа̄дети, ма̄нам̣ джаппети, дит̣т̣хим̣ ган̣ха̄ти; аппӣтикам̣ сӣлам̣…пе… пан̃н̃ам̣… ра̄гам̣… досам̣… мохам̣… ма̄нам̣… дит̣т̣хим̣… паттханам̣… ка̄йикам̣ сукхам̣… ка̄йикам̣ дуккхам̣… утум̣… бходжанам̣… сена̄санам̣… пӣтим̣ упанисса̄йа аппӣтикена читтена да̄нам̣ дети…пе… сама̄паттим̣ уппа̄дети, па̄н̣ам̣ ханати…пе… сан̇гхам̣ бхиндати; аппӣтика̄ саддха̄…пе… сена̄санам̣ пӣти ча аппӣтика̄йа саддха̄йа…пе… паттхана̄йа… ка̄йикасса сукхасса… ка̄йикасса дуккхасса… маггасса пхаласама̄паттийа̄ пӣтийа̄ ча упаниссайапаччайена паччайо. (1)

аппӣтико дхаммо саппӣтикасса дхаммасса упаниссайапаччайена паччайо (тӣн̣и упаниссайа̄). аппӣтикам̣ саддхам̣ упанисса̄йа саппӣтикена читтена да̄нам̣ дети…пе… аппӣтика̄ джха̄на̄…пе… ма̄нам̣ джаппети, дит̣т̣хим̣ ган̣ха̄ти; аппӣтикам̣ сӣлам̣…пе… сена̄санам̣ пӣтим̣ упанисса̄йа саппӣтикена читтена да̄нам̣ дети…пе… сама̄паттим̣ уппа̄дети; саппӣтикена читтена адиннам̣ а̄дийати, муса̄…пе… писун̣ам̣…пе… сампхам̣…пе… сандхим̣…пе… ниллопам̣…пе… ека̄га̄рикам̣…пе… парипантхе…пе… парада̄рам̣…пе… га̄магха̄там̣…пе… нигамагха̄там̣ кароти; аппӣтика̄ саддха̄…пе… сена̄санам̣ пӣти ча саппӣтика̄йа саддха̄йа…пе… пан̃н̃а̄йа ра̄гасса, мохасса… ма̄насса… дит̣т̣хийа̄… паттхана̄йа… маггасса, пхаласама̄паттийа̄ упаниссайапаччайена паччайо. (2)

аппӣтико дхаммо саппӣтикасса ча аппӣтикасса ча дхаммасса упаниссайапаччайена паччайо (тӣн̣и упаниссайа̄). аппӣтикам̣ саддхам̣ упанисса̄йа саппӣтикена читтена да̄нам̣ дети…пе… сама̄паттим̣ уппа̄дети, ма̄нам̣ джаппети, дит̣т̣хим̣ ган̣ха̄ти; аппӣтикам̣ сӣлам̣…пе… сена̄санам̣ пӣтим̣ упанисса̄йа саппӣтикена читтена да̄нам̣ дети…пе… сама̄паттим̣ уппа̄дети; саппӣтикена читтена адиннам̣ а̄дийати…пе… (дутийава̄расадисам̣) нигамагха̄там̣ кароти; аппӣтика̄ саддха̄…пе… сена̄санам̣ пӣти ча саппӣтика̄йа саддха̄йа…пе… пан̃н̃а̄йа… ра̄гасса… мохасса… ма̄насса… дит̣т̣хийа̄… паттхана̄йа… маггасса, пхаласама̄паттийа̄ пӣтийа̄ ча упаниссайапаччайена паччайо. (3)

саппӣтико ча аппӣтико ча дхамма̄ саппӣтикасса дхаммасса упаниссайапаччайена паччайо (тӣн̣ипи упаниссайа̄). саппӣтика̄ кхандха̄ ча пӣти ча саппӣтика̄нам̣ кхандха̄нам̣ упаниссайапаччайена паччайо. (мӯлам̣ ка̄таббам̣.) саппӣтика̄ кхандха̄ ча пӣти ча аппӣтика̄нам̣ кхандха̄нам̣ пӣтийа̄ ча упаниссайапаччайена паччайо. (мӯлам̣ ка̄таббам̣.) саппӣтика̄ кхандха̄ ча пӣти ча саппӣтика̄нам̣ кхандха̄нам̣ пӣтийа̄ ча упаниссайапаччайена паччайо. (3)

пуреджа̄тапаччайо

161. аппӣтико дхаммо аппӣтикасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аппӣтикена читтена аниччато…пе… випассати, асса̄дети абхинандати, там̣ а̄раббха аппӣтико ра̄го…пе… доманассам̣ уппаджджати, пӣти уппаджджати, диббена чаккхуна̄ рӯпам̣ пассати…пе… пхот̣т̣хабба̄йатанам̣ ка̄йавин̃н̃а̄н̣асса…пе…. ваттхупуреджа̄там̣ – чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса…пе… ваттху аппӣтика̄нам̣ кхандха̄нам̣ пӣтийа̄ ча пуреджа̄тапаччайена паччайо. (1)

аппӣтико дхаммо саппӣтикасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ саппӣтикена читтена аниччато…пе… випассати, асса̄дети абхинандати, там̣ а̄раббха саппӣтико ра̄го уппаджджати, дит̣т̣хи уппаджджати. ваттхупуреджа̄там̣ – ваттху саппӣтика̄нам̣ кхандха̄нам̣ пуреджа̄тапаччайена паччайо. (2)

аппӣтико дхаммо саппӣтикасса ча аппӣтикасса ча дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ саппӣтикена читтена аниччато…пе… випассати асса̄дети абхинандати, там̣ а̄раббха пӣти ча сампайуттака̄ кхандха̄ ча уппаджджанти. ваттхупуреджа̄там̣ – ваттху саппӣтика̄нам̣ кхандха̄нам̣ пӣтийа̄ ча пуреджа̄тапаччайена паччайо. (3)

паччха̄джа̄тапаччайа̄ди

162. саппӣтико дхаммо аппӣтикасса дхаммасса паччха̄джа̄тапаччайена паччайо… тӣн̣и… а̄севанапаччайена паччайо… нава… каммапаччайена паччайо… чха (сахаджа̄та̄пи на̄на̄ккхан̣ика̄пи ка̄табба̄… две на̄на̄ккхан̣ика̄)… випа̄капаччайена паччайо… нава… а̄ха̄рапаччайена паччайо… чатта̄ри… индрийапаччайена паччайо… чатта̄ри… джха̄напаччайена паччайо… нава… маггапаччайена паччайо… чатта̄ри… сампайуттапаччайена паччайо… чха… виппайуттапаччайена паччайо… пан̃ча… аттхипаччайена паччайо… нава (сам̣кхиттам̣. савитаккадукасадисам̣ ка̄таббам̣.)… наттхипаччайена паччайо… вигатапаччайена паччайо… авигатапаччайена паччайо… нава.