7. пан̃ха̄ва̄ро

паччайачатуккам̣

хетуа̄рамман̣апаччайа̄ди

66. сам̣килит̣т̣хасам̣килесико хету дхаммо сам̣килит̣т̣хасам̣килесикасса хетусса дхаммасса хетупаччайена паччайо. (1)

асам̣килит̣т̣хасам̣килесико хету дхаммо асам̣килит̣т̣хасам̣килесикасса хетусса дхаммасса хетупаччайена паччайо. (1)

асам̣килит̣т̣хаасам̣килесико хету дхаммо асам̣килит̣т̣хаасам̣килесикасса хетусса дхаммасса хетупаччайена паччайо. (1)

67. сам̣килит̣т̣хасам̣килесико хету дхаммо сам̣килит̣т̣хасам̣килесикасса хетусса дхаммасса а̄рамман̣апаччайена паччайо… две.

асам̣килит̣т̣хасам̣килесико хету дхаммо асам̣килит̣т̣хасам̣килесикасса хетусса дхаммасса а̄рамман̣апаччайена паччайо… две.

асам̣килит̣т̣хаасам̣килесико хету дхаммо асам̣килит̣т̣хасам̣килесикасса хетусса дхаммасса а̄рамман̣апаччайена паччайо. (1)

68. сам̣килит̣т̣хасам̣килесико хету дхаммо сам̣килит̣т̣хасам̣килесикасса хетусса дхаммасса адхипатипаччайена паччайо. (1)

асам̣килит̣т̣хасам̣килесико хету дхаммо асам̣килит̣т̣хасам̣килесикасса хетусса дхаммасса адхипатипаччайена паччайо. асам̣килит̣т̣хасам̣килесико хету дхаммо сам̣килит̣т̣хасам̣килесикасса хетусса дхаммасса адхипатипаччайена паччайо. (2)

асам̣килит̣т̣хаасам̣килесико хету дхаммо асам̣килит̣т̣хаасам̣килесикасса хетусса дхаммасса адхипатипаччайена паччайо… две.

69. сам̣килит̣т̣хасам̣килесико хету дхаммо сам̣килит̣т̣хасам̣килесикасса хетусса дхаммасса анантарапаччайена паччайо… чха…пе….

сам̣килит̣т̣хасам̣килесико хету дхаммо сам̣килит̣т̣хасам̣килесикасса хетусса дхаммасса упаниссайапаччайена паччайо. сам̣килит̣т̣хасам̣килесико хету дхаммо асам̣килит̣т̣хасам̣килесикасса хетусса дхаммасса упаниссайапаччайена паччайо. сам̣килит̣т̣хасам̣килесико хету дхаммо асам̣килит̣т̣хаасам̣килесикасса хетусса дхаммасса упаниссайапаччайена паччайо. (1)

асам̣килит̣т̣хасам̣килесико хету дхаммо асам̣килит̣т̣хасам̣килесикасса хетусса дхаммасса упаниссайапаччайена паччайо… тӣн̣и.

асам̣килит̣т̣хаасам̣килесико хету дхаммо асам̣килит̣т̣хаасам̣килесикасса хетусса дхаммасса упаниссайапаччайена паччайо… две (сам̣кхиттам̣).

70. хетуйа̄ тӣн̣и, а̄рамман̣е пан̃ча, адхипатийа̄ пан̃ча, анантаре чха, саманантаре чха, сахаджа̄те тӣн̣и, ан̃н̃аман̃н̃е тӣн̣и, ниссайе тӣн̣и, упаниссайе ат̣т̣ха, а̄севане тӣн̣и, випа̄ке две, индрийе две…пе… авигате тӣн̣и (сам̣кхиттам̣).

нахетуйа̄ ат̣т̣ха, наа̄рамман̣е ат̣т̣ха (сам̣кхиттам̣).

хетупаччайа̄ наа̄рамман̣е тӣн̣и (сам̣кхиттам̣).

нахетупаччайа̄ а̄рамман̣е пан̃ча (сам̣кхиттам̣).

(йатха̄ кусалаттике пан̃ха̄ва̄рам̣, евам̣ виттха̄ретаббам̣.)

нахетупадапаччайачатуккам̣

71. сам̣килит̣т̣хасам̣килесикам̣ нахетум̣ дхаммам̣ пат̣ичча сам̣килит̣т̣хасам̣килесико нахету дхаммо уппаджджати хетупаччайа̄. сам̣килит̣т̣хасам̣килесикам̣ нахетум̣ дхаммам̣ пат̣ичча асам̣килит̣т̣хасам̣килесико нахету дхаммо уппаджджати хетупаччайа̄. сам̣килит̣т̣хасам̣килесикам̣ нахетум̣ дхаммам̣ пат̣ичча сам̣килит̣т̣хасам̣килесико нахету ча асам̣килит̣т̣хасам̣килесико нахету ча дхамма̄ уппаджджанти хетупаччайа̄. (3)

асам̣килит̣т̣хасам̣килесикам̣ нахетум̣ дхаммам̣ пат̣ичча асам̣килит̣т̣хасам̣килесико нахету дхаммо уппаджджати хетупаччайа̄. (1)

асам̣килит̣т̣хаасам̣килесикам̣ нахетум̣ дхаммам̣ пат̣ичча асам̣килит̣т̣хаасам̣килесико нахету дхаммо уппаджджати хетупаччайа̄… тӣн̣и.

сам̣килит̣т̣хасам̣килесикам̣ нахетун̃ча асам̣килит̣т̣хасам̣килесикам̣ нахетун̃ча дхаммам̣ пат̣ичча асам̣килит̣т̣хасам̣килесико нахету дхаммо уппаджджати хетупаччайа̄. (1)

асам̣килит̣т̣хасам̣килесикам̣ нахетун̃ча асам̣килит̣т̣хаасам̣килесикам̣ нахетун̃ча дхаммам̣ пат̣ичча асам̣килит̣т̣хасам̣килесико нахету дхаммо уппаджджати хетупаччайа̄. (1)

72. сам̣килит̣т̣хасам̣килесикам̣ нахетум̣ дхаммам̣ пат̣ичча сам̣килит̣т̣хасам̣килесико нахету дхаммо уппаджджати а̄рамман̣апаччайа̄. (1)

асам̣килит̣т̣хасам̣килесикам̣ нахетум̣ дхаммам̣ пат̣ичча асам̣килит̣т̣хасам̣килесико нахету дхаммо уппаджджати а̄рамман̣апаччайа̄. (1)

асам̣килит̣т̣хаасам̣килесикам̣ нахетум̣ дхаммам̣ пат̣ичча асам̣килит̣т̣хаасам̣килесико нахету дхаммо уппаджджати а̄рамман̣апаччайа̄. (1) (сам̣кхиттам̣.)

73. хетуйа̄ нава, а̄рамман̣е тӣн̣и, адхипатийа̄ нава, анантаре тӣн̣и, саманантаре тӣн̣и, сахаджа̄те нава, ан̃н̃аман̃н̃е тӣн̣и, ниссайе нава, упаниссайе тӣн̣и, пуреджа̄те тӣн̣и, а̄севане тӣн̣и, камме нава, випа̄ке пан̃ча, а̄ха̄ре нава…пе… авигате нава (сам̣кхиттам̣).

паччанӣйам̣ –нахетупаччайо

74. асам̣килит̣т̣хасам̣килесикам̣ нахетум̣ дхаммам̣ пат̣ичча асам̣килит̣т̣хасам̣килесико нахету дхаммо уппаджджати нахетупаччайа̄ (сам̣кхиттам̣).

нахетуйа̄ екам̣, наа̄рамман̣е пан̃ча, наадхипатийа̄ чха, напуреджа̄те сатта…пе… накамме тӣн̣и…пе… навиппайутте тӣн̣и…пе… новигате пан̃ча (сам̣кхиттам̣).

(сахаджа̄тава̄рампи…пе… сампайуттава̄рампи виттха̄ретаббам̣.)