1-6. пат̣иччава̄ра̄ди

паччайачатуккам̣

хету-а̄рамман̣апаччайа̄

1. кусалам̣ хетум̣ дхаммам̣ пат̣ичча кусало хету дхаммо уппаджджати хетупаччайа̄.

акусалам̣ хетум̣ дхаммам̣ пат̣ичча акусало хету дхаммо уппаджджати хетупаччайа̄. (1)

абйа̄катам̣ хетум̣ дхаммам̣ пат̣ичча абйа̄като хету дхаммо уппаджджати хетупаччайа̄. (1)

2. кусалам̣ хетум̣ дхаммам̣ пат̣ичча кусало хету дхаммо уппаджджати а̄рамман̣апаччайа̄. (1)

акусалам̣ хетум̣ дхаммам̣ пат̣ичча акусало хету дхаммо уппаджджати а̄рамман̣апаччайа̄. (1)

абйа̄катам̣ хетум̣ дхаммам̣ пат̣ичча абйа̄като хету дхаммо уппаджджати а̄рамман̣апаччайа̄. (1) (сам̣кхиттам̣.)

3. хетуйа̄ тӣн̣и, а̄рамман̣е тӣн̣и, адхипатийа̄ тӣн̣и, анантаре тӣн̣и, саманантаре тӣн̣и, сахаджа̄те тӣн̣и, ан̃н̃аман̃н̃е тӣн̣и, ниссайе тӣн̣и, упаниссайе тӣн̣и, пуреджа̄те тӣн̣и, а̄севане тӣн̣и, камме тӣн̣и, випа̄ке екам̣, а̄ха̄ре тӣн̣и…пе… авигате тӣн̣и (сам̣кхиттам̣).

паччанӣйам̣ –наадхипатипаччайо

4. кусалам̣ хетум̣ дхаммам̣ пат̣ичча кусало хету дхаммо уппаджджати наадхипатипаччайа̄. (1)

акусалам̣ хетум̣ дхаммам̣ пат̣ичча акусало хету дхаммо уппаджджати наадхипатипаччайа̄. (1)

абйа̄катам̣ хетум̣ дхаммам̣ пат̣ичча абйа̄като хету дхаммо уппаджджати наадхипатипаччайа̄. (1) (сам̣кхиттам̣.)

5. наадхипатийа̄ тӣн̣и, напуреджа̄те тӣн̣и, напаччха̄джа̄те тӣн̣и, наа̄севане тӣн̣и, навипа̄ке тӣн̣и, навиппайутте тӣн̣и (сам̣кхиттам̣).

хетупаччайа̄ наадхипатийа̄ тӣн̣и (сам̣кхиттам̣).

наадхипатипаччайа̄ хетуйа̄ тӣн̣и (сам̣кхиттам̣).

(сахаджа̄тава̄репи паччайава̄репи ниссайава̄репи сам̣сат̣т̣хава̄репи сампайуттава̄репи саббаттха тӣн̣и.)