1-7. пат̣иччава̄ра̄ди

паччайачатуккам̣

42. саран̣ам̣ париттам̣ дхаммам̣ пат̣ичча саран̣о паритто дхаммо уппаджджати хетупаччайа̄… тӣн̣и.

аран̣ам̣ париттам̣ дхаммам̣ пат̣ичча аран̣о паритто дхаммо уппаджджати хетупаччайа̄. (1)

саран̣ам̣ париттан̃ча аран̣ам̣ париттан̃ча дхаммам̣ пат̣ичча аран̣о паритто дхаммо уппаджджати хетупаччайа̄. (1) (сам̣кхиттам̣.)

хетуйа̄ пан̃ча, а̄рамман̣е две…пе… авигате пан̃ча. (сам̣кхиттам̣.) (сахаджа̄тава̄репи…пе… пан̃ха̄ва̄репи саббаттха виттха̄ретаббо.)

43. аран̣ам̣ махаггатам̣ дхаммам̣ пат̣ичча аран̣о махаггато дхаммо уппаджджати хетупаччайа̄ (сам̣кхиттам̣).

хетуйа̄ екам̣, а̄рамман̣е екам̣…пе… авигате екам̣. (сам̣кхиттам̣.) (сахаджа̄тава̄репи…пе… пан̃ха̄ва̄репи саббаттха екам̣.)

44. аран̣ам̣ аппама̄н̣ам̣ дхаммам̣ пат̣ичча аран̣о аппама̄н̣о дхаммо уппаджджати хетупаччайа̄ (сам̣кхиттам̣).

хетуйа̄ екам̣, а̄рамман̣е екам̣…пе… авигате екам̣ (сам̣кхиттам̣).

(сахаджа̄тава̄репи…пе… пан̃ха̄ва̄репи саббаттха екам̣.)