1-7. пат̣иччава̄ра̄ди

паччайачатуккам̣

11. надассанена паха̄таббахетукам̣ кусалам̣ дхамма пат̣ичча надассанена паха̄таббахетуко кусало дхаммо уппаджджати хетупаччайа̄ (сам̣кхиттам̣).

хетуйа̄ екам̣, а̄рамман̣е екам̣…пе… авигате екам̣ (сам̣кхиттам̣).

(сахаджа̄тава̄репи…пе… пан̃ха̄ва̄репи саббаттха екам̣.)

12. дассанена паха̄таббахетукам̣ акусалам̣ дхаммам̣ пат̣ичча дассанена паха̄таббахетуко акусало дхаммо уппаджджати хетупаччайа̄. (1)

надассанена паха̄таббахетукам̣ акусалам̣ дхаммам̣ пат̣ичча надассанена паха̄таббахетуко акусало дхаммо уппаджджати хетупаччайа̄. надассанена паха̄таббахетукам̣ акусалам̣ дхаммам̣ пат̣ичча дассанена паха̄таббахетуко акусало дхаммо уппаджджати хетупаччайа̄. (2)

дассанена паха̄таббахетукам̣ акусалан̃ча надассанена паха̄таббахетукам̣ акусалан̃ча дхаммам̣ пат̣ичча дассанена паха̄таббахетуко акусало дхаммо уппаджджати хетупаччайа̄. (1)

дассанена паха̄таббахетукам̣ акусалам̣ дхаммам̣ пат̣ичча дассанена паха̄таббахетуко акусало дхаммо уппаджджати а̄рамман̣апаччайа̄… тӣн̣и (надассане две, гхат̣ане екам̣, сам̣кхиттам̣).

13. хетуйа̄ чатта̄ри, а̄рамман̣е чха, адхипатийа̄ две (саббаттха чха), авигате чха (сам̣кхиттам̣).

14. дассанена паха̄таббахетукам̣ акусалам̣ дхаммам̣ пат̣ичча надассанена паха̄таббахетуко акусало дхаммо уппаджджати нахетупаччайа̄.

надассанена паха̄таббахетукам̣ акусалам̣ дхаммам̣ пат̣ичча надассанена паха̄таббахетуко акусало дхаммо уппаджджати нахетупаччайа̄ (сам̣кхиттам̣).

15. нахетуйа̄ две, наадхипатийа̄ чха…пе… накамме чатта̄ри, навипа̄ке чха, навиппайутте чха (сам̣кхиттам̣. сахаджа̄тава̄ра̄ди виттха̄ретаббо).

16. дассанена паха̄таббахетуко акусало дхаммо дассанена паха̄таббахетукасса акусаласса дхаммасса хетупаччайена паччайо (сам̣кхиттам̣).

17. хетуйа̄ тӣн̣и, а̄рамман̣е нава, адхипатийа̄ тӣн̣и (дассане екам̣, надассане две), анантаре нава, саманантаре нава, сахаджа̄те чха…пе… упаниссайе нава, а̄севане нава, камме чатта̄ри, а̄ха̄ре чатта̄ри, индрийе чатта̄ри…пе… сампайутте чха, аттхийа̄ чха, наттхийа̄ нава…пе… авигате чха (сам̣кхиттам̣).

18. надассанена паха̄таббахетукам̣ абйа̄катам̣ дхаммам̣ пат̣ичча надассанена паха̄таббахетуко абйа̄като дхаммо уппаджджати хетупаччайа̄ (сам̣кхиттам̣).

хетуйа̄ екам̣, а̄рамман̣е екам̣…пе… авигате екам̣ (сам̣кхиттам̣).

(сахаджа̄тава̄репи…пе… пан̃ха̄ва̄репи саббаттха екам̣.)