1-7. пат̣иччава̄ра̄ди

паччайачатуккам̣

94. нийатам̣ кусалам̣ дхаммам̣ пат̣ичча нийато кусало дхаммо уппаджджати хетупаччайа̄. (1)

анийатам̣ кусалам̣ дхаммам̣ пат̣ичча анийато кусало дхаммо уппаджджати хетупаччайа̄. (1) (сам̣кхиттам̣.)

95. хетуйа̄ две, а̄рамман̣е две…пе… авигате две (сам̣кхиттам̣. локийадукакусаласадисам̣. сахаджа̄тава̄рампи…пе… пан̃ха̄ва̄рампи виттха̄ретаббам̣).

96. нийатам̣ акусалам̣ дхаммам̣ пат̣ичча нийато акусало дхаммо уппаджджати хетупаччайа̄. (1)

анийатам̣ акусалам̣ дхаммам̣ пат̣ичча анийато акусало дхаммо уппаджджати хетупаччайа̄. (1) (сам̣кхиттам̣.)

97. хетуйа̄ две, а̄рамман̣е две (саббаттха две), авигате две (сам̣кхиттам̣).

нахетуйа̄ екам̣, наадхипатийа̄ две, напуреджа̄те екам̣…пе… накамме две…пе… навиппайутте екам̣ (сам̣кхиттам̣. сахаджа̄тава̄ра̄ди виттха̄ретаббо).

98. нийато акусало дхаммо нийатасса акусаласса дхаммасса хетупаччайена паччайо. (1)

анийато акусало дхаммо анийатасса акусаласса дхаммасса хетупаччайена паччайо. (1) (сам̣кхиттам̣.)

99. хетуйа̄ две, а̄рамман̣е тӣн̣и, адхипатийа̄ две (нийате сахаджа̄та̄дхипати, дутийе а̄рамман̣а̄дхипати сахаджа̄та̄дхипати), анантаре две…пе… ниссайе две, упаниссайе тӣн̣и, а̄севане две, камме две…пе… авигате две (сам̣кхиттам̣).

100. анийатам̣ абйа̄катам̣ дхаммам̣ пат̣ичча анийато абйа̄като дхаммо уппаджджати хетупаччайа̄ (сам̣кхиттам̣).

хетуйа̄ екам̣, а̄рамман̣е екам̣…пе… авигате екам̣ (сам̣кхиттам̣. сахаджа̄тава̄репи…пе… пан̃ха̄ва̄репи саббаттха екам̣).