1-7. пат̣иччава̄ра̄ди

паччайачатуккам̣

85. парийа̄паннам̣ кусалам̣ дхаммам̣ пат̣ичча парийа̄панно кусало дхаммо уппаджджати хетупаччайа̄. (1)

апарийа̄паннам̣ кусалам̣ дхаммам̣ пат̣ичча апарийа̄панно кусало дхаммо уппаджджати хетупаччайа̄. (1) (сам̣кхиттам̣.)

86. хетуйа̄ две, а̄рамман̣е две…пе… авигате две (сам̣кхиттам̣. локийадукакусаласадисам̣. сахаджа̄тава̄ропи…пе… пан̃ха̄ва̄ропи виттха̄ретабба̄).

87. парийа̄паннам̣ акусалам̣ дхаммам̣ пат̣ичча парийа̄панно акусало дхаммо уппаджджати хетупаччайа̄ (сам̣кхиттам̣).

хетуйа̄ екам̣, а̄рамман̣е екам̣…пе… авигате екам̣ (сам̣кхиттам̣).

(сахаджа̄тава̄репи…пе… пан̃ха̄ва̄репи саббаттха екам̣).

88. парийа̄паннам̣ абйа̄катам̣ дхаммам̣ пат̣ичча парийа̄панно абйа̄като дхаммо уппаджджати хетупаччайа̄. (1)

апарийа̄паннам̣ абйа̄катам̣ дхаммам̣ пат̣ичча апарийа̄панно абйа̄като дхаммо уппаджджати хетупаччайа̄… тӣн̣и.

парийа̄паннам̣ абйа̄катан̃ча апарийа̄паннам̣ абйа̄катан̃ча дхаммам̣ пат̣ичча парийа̄панно абйа̄като дхаммо уппаджджати хетупаччайа̄. (1) (сам̣кхиттам̣.)

89. хетуйа̄ пан̃ча, а̄рамман̣е две…пе… авигате пан̃ча (сам̣кхиттам̣. локийадукаабйа̄катасадисам̣. сахаджа̄тава̄рампи…пе… пан̃ха̄ва̄рампи саббаттха виттха̄ретаббам̣).