1-7. пат̣иччава̄ра̄ди

паччайачатуккам̣

хетупаччайо

21. упа̄да̄нийан̃чева но ча упа̄да̄нам̣ кусалам̣ дхаммам̣ пат̣ичча упа̄да̄нийо чева но ча упа̄да̄но кусало дхаммо уппаджджати хетупаччайа̄ (сам̣кхиттам̣).

хетуйа̄ екам̣, а̄рамман̣е екам̣…пе… авигате екам̣ (сам̣кхиттам̣).

(сахаджа̄тава̄репи…пе… пан̃ха̄ва̄репи саббаттха екам̣.)

22. упа̄да̄нан̃чева упа̄да̄нийан̃ча акусалам̣ дхаммам̣ пат̣ичча упа̄да̄но чева упа̄да̄нийо ча акусало дхаммо уппаджджати хетупаччайа̄… тӣн̣и.

упа̄да̄нийан̃чева но ча упа̄да̄нам̣ акусалам̣ дхаммам̣ пат̣ичча упа̄да̄нийо чева но ча упа̄да̄но акусало дхаммо уппаджджати хетупаччайа̄… тӣн̣и.

упа̄да̄нан̃чева упа̄да̄нийам̣ акусалан̃ча упа̄да̄нийан̃чева но ча упа̄да̄нам̣ акусалан̃ча дхаммам̣ пат̣ичча упа̄да̄но чева упа̄да̄нийо ча акусало дхаммо уппаджджати хетупаччайа̄… тӣн̣и (сам̣кхиттам̣).

23. хетуйа̄ нава, а̄рамман̣е нава…пе… авигате нава (сам̣кхиттам̣. имам̣ гаманам̣ упа̄да̄надукаакусаласадисам̣. сахаджа̄тава̄рампи…пе… пан̃ха̄ва̄рампи виттха̄ретаббам̣).

24. упа̄да̄нийан̃чева но ча упа̄да̄нам̣ абйа̄катам̣ дхаммам̣ пат̣ичча упа̄да̄нийо чева но ча упа̄да̄но абйа̄като дхаммо уппаджджати хетупаччайа̄ (сам̣кхиттам̣).

25. хетуйа̄ екам̣, а̄рамман̣е екам̣…пе… авигате екам̣ (сам̣кхиттам̣).

(сахаджа̄тава̄репи…пе… пан̃ха̄ва̄репи саббаттха екам̣.)