1. вибхан̇гава̄ро

хетупаччайо

63. пара̄ма̄сасампайутто дхаммо пара̄ма̄сасампайуттасса дхаммасса хетупаччайена паччайо – пара̄ма̄сасампайутта̄ хетӯ сампайуттака̄нам̣ кхандха̄нам̣ хетупаччайена паччайо. (мӯлам̣ ка̄таббам̣) пара̄ма̄сасампайутта̄ хетӯ читтасамут̣т̣ха̄на̄нам̣ рӯпа̄нам̣ хетупаччайена паччайо. (мӯлам̣ ка̄таббам̣) пара̄ма̄сасампайутта̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо. (3)

пара̄ма̄савиппайутто дхаммо пара̄ма̄савиппайуттасса дхаммасса хетупаччайена паччайо – пара̄ма̄савиппайутта̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (1)

а̄рамман̣апаччайо

64. пара̄ма̄сасампайутто дхаммо пара̄ма̄сасампайуттасса дхаммасса а̄рамман̣апаччайена паччайо – ра̄гам̣ асса̄дети абхинандати, там̣ а̄раббха пара̄ма̄сасампайутто ра̄го уппаджджати; пара̄ма̄сасампайутте кхандхе асса̄дети абхинандати, там̣ а̄раббха пара̄ма̄сасампайутто ра̄го уппаджджати. (1)

пара̄ма̄сасампайутто дхаммо пара̄ма̄савиппайуттасса дхаммасса а̄рамман̣апаччайена паччайо – арийа̄ пара̄ма̄сасампайутте пахӣне килесе паччавеккханти, пуббе самуда̄чин̣н̣е килесе джа̄нанти, пара̄ма̄сасампайутте кхандхе аниччато…пе… випассати, асса̄дети абхинандати, там̣ а̄раббха пара̄ма̄савиппайутто ра̄го…пе… вичикиччха̄…пе… уддхаччам̣…пе… доманассам̣ уппаджджати; четопарийан̃а̄н̣ена пара̄ма̄сасампайуттачиттасаман̇гисса читтам̣ джа̄на̄ти, пара̄ма̄сасампайутта̄ кхандха̄ четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (2)

65. пара̄ма̄савиппайутто дхаммо пара̄ма̄савиппайуттасса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣ катва̄ там̣ паччавеккхати, асса̄дети абхинандати, там̣ а̄раббха пара̄ма̄савиппайутто ра̄го…пе… вичикиччха̄…пе… уддхаччам̣…пе… доманассам̣ уппаджджати; пуббе сучин̣н̣а̄ни…пе… джха̄на̄…пе… арийа̄ магга̄ вут̣т̣хахитва̄ маггам̣ паччавеккханти, пхалам̣…пе… нибба̄нам̣…пе… нибба̄нам̣ готрабхусса, вода̄насса, маггасса, пхаласса, а̄ваджджана̄йа а̄рамман̣апаччайена паччайо; арийа̄ пара̄ма̄савиппайутте пахӣне килесе…пе… виккхамбхите килесе…пе… пуббе…пе… чаккхум̣…пе… ваттхум̣ пара̄ма̄савиппайутте кхандхе аниччато…пе… випассати, асса̄дети абхинандати, там̣ а̄раббха пара̄ма̄савиппайутто ра̄го…пе… вичикиччха̄…пе… уддхаччам̣…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. четопарийан̃а̄н̣ена пара̄ма̄савиппайуттачиттасаман̇гисса читтам̣ джа̄на̄ти, а̄ка̄са̄нан̃ча̄йатанам̣ вин̃н̃а̄н̣ан̃ча̄йатанасса…пе… а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса…пе… рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе… пара̄ма̄савиппайутта̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)

пара̄ма̄савиппайутто дхаммо пара̄ма̄сасампайуттасса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣…пе… пуббе…пе… джха̄на̄…пе… чаккхум̣…пе… ваттхум̣ пара̄ма̄савиппайутте кхандхе асса̄дети абхинандати. там̣ а̄раббха пара̄ма̄сасампайутто ра̄го уппаджджати. (2)

адхипатипаччайо

66. пара̄ма̄сасампайутто дхаммо пара̄ма̄сасампайуттасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – ра̄гам̣ гарум̣ катва̄ асса̄дети абхинандати, там̣ гарум̣ катва̄ пара̄ма̄сасампайутто ра̄го уппаджджати, пара̄ма̄сасампайутте кхандхе гарум̣ катва̄ асса̄дети абхинандати, там̣ гарум̣ катва̄ пара̄ма̄сасампайутто ра̄го уппаджджати. сахаджа̄та̄дхипати – пара̄ма̄сасампайутта̄дхипати сампайуттака̄нам̣ кхандха̄нам̣ адхипатипаччайена паччайо. (1)

пара̄ма̄сасампайутто дхаммо пара̄ма̄савиппайуттасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – пара̄ма̄сасампайутте кхандхе гарум̣ катва̄ асса̄дети абхинандати, там̣ гарум̣ катва̄ пара̄ма̄савиппайутто ра̄го уппаджджати. сахаджа̄та̄дхипати – пара̄ма̄сасампайутта̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. (2)

пара̄ма̄сасампайутто дхаммо пара̄ма̄сасампайуттасса ча пара̄ма̄савиппайуттасса ча дхаммасса адхипатипаччайена паччайо. сахаджа̄та̄дхипати – пара̄ма̄сасампайутта̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

67. пара̄ма̄савиппайутто дхаммо пара̄ма̄савиппайуттасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣…пе… сӣлам̣…пе… упосатхакаммам̣ катва̄ там̣ гарум̣ катва̄ паччавеккхати, асса̄дети абхинандати, там̣ гарум̣ катва̄ пара̄ма̄савиппайутто ра̄го уппаджджати, пуббе…пе… джха̄на̄…пе… арийа̄ магга̄ вут̣т̣хахитва̄ маггам̣ гарум̣ катва̄…пе… пхалам̣…пе… нибба̄нам̣…пе… нибба̄нам̣ готрабхусса, вода̄насса, маггасса, пхаласса адхипатипаччайена паччайо; чаккхум̣…пе… ваттхум̣ пара̄ма̄савиппайутте кхандхе гарум̣ катва̄ асса̄дети абхинандати, там̣ гарум̣ катва̄ пара̄ма̄савиппайутто ра̄го уппаджджати. сахаджа̄та̄дхипати – пара̄ма̄савиппайутта̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (1)

пара̄ма̄савиппайутто дхаммо пара̄ма̄сасампайуттасса дхаммасса адхипатипаччайена паччайо. а̄рамман̣а̄дхипати – да̄нам̣…пе… сӣлам̣…пе… упосатхакаммам̣ катва̄ там̣ гарум̣ катва̄ асса̄дети абхинандати, там̣ гарум̣ катва̄ пара̄ма̄сасампайутто ра̄го уппаджджати, пуббе…пе… джха̄на̄…пе… чаккхум̣…пе… ваттхум̣ пара̄ма̄савиппайутте кхандхе гарум̣ катва̄ асса̄дети абхинандати, там̣ гарум̣ катва̄ пара̄ма̄сасампайутто ра̄го уппаджджати. (2)

анантара-саманантарапаччайа̄

68. пара̄ма̄сасампайутто дхаммо пара̄ма̄сасампайуттасса дхаммасса анантарапаччайена паччайо – пурима̄ пурима̄ пара̄ма̄сасампайутта̄ кхандха̄ паччхима̄нам̣ паччхима̄нам̣ пара̄ма̄сасампайуттака̄нам̣ кхандха̄нам̣ анантарапаччайена паччайо. (1)

пара̄ма̄сасампайутто дхаммо пара̄ма̄савиппайуттасса дхаммасса анантарапаччайена паччайо – пара̄ма̄сасампайутта̄ кхандха̄ вут̣т̣ха̄насса анантарапаччайена паччайо. (2)

69. пара̄ма̄савиппайутто дхаммо пара̄ма̄савиппайуттасса дхаммасса анантарапаччайена паччайо – пурима̄ пурима̄ пара̄ма̄савиппайутта̄ кхандха̄ паччхима̄нам̣ паччхима̄нам̣ пара̄ма̄савиппайутта̄нам̣ кхандха̄нам̣ анантарапаччайена паччайо; ануломам̣…пе… пхаласама̄паттийа̄ анантарапаччайена паччайо. (1)

пара̄ма̄савиппайутто дхаммо пара̄ма̄сасампайуттасса дхаммасса анантарапаччайена паччайо – а̄ваджджана̄ пара̄ма̄сасампайуттака̄нам̣ кхандха̄нам̣ анантарапаччайена паччайо… саманантарапаччайена паччайо. (2)

сахаджа̄тапаччайа̄ди

70. пара̄ма̄сасампайутто дхаммо пара̄ма̄сасампайуттасса дхаммасса сахаджа̄тапаччайена паччайо… пан̃ча… ан̃н̃аман̃н̃апаччайена паччайо… две… ниссайапаччайена паччайо… сатта.

упаниссайапаччайо

71. пара̄ма̄сасампайутто дхаммо пара̄ма̄сасампайуттасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – пара̄ма̄сасампайутто ра̄го… мохо… паттхана̄ пара̄ма̄сасампайуттасса ра̄гасса… мохасса… паттхана̄йа упаниссайапаччайена паччайо. (1)

пара̄ма̄сасампайутто дхаммо пара̄ма̄савиппайуттасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – пара̄ма̄сасампайуттам̣ ра̄гам̣ упанисса̄йа да̄нам̣ дети…пе… сама̄паттим̣ уппа̄дети, ма̄нам̣ джаппети; пара̄ма̄сасампайуттам̣ мохам̣… паттханам̣ упанисса̄йа да̄нам̣ дети…пе… сама̄паттим̣ уппа̄дети, ма̄нам̣ джаппети, па̄н̣ам̣ ханати…пе… сан̇гхам̣ бхиндати; пара̄ма̄сасампайутто ра̄го… мохо… паттхана̄ саддха̄йа …пе… пан̃н̃а̄йа, ра̄гасса… досасса… мохасса… ма̄насса… паттхана̄йа… ка̄йикасса сукхасса…пе… пхаласама̄паттийа̄ упаниссайапаччайена паччайо. (2)

72. пара̄ма̄савиппайутто дхаммо пара̄ма̄савиппайуттасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – саддхам̣ упанисса̄йа да̄нам̣ дети …пе… сама̄паттим̣ уппа̄дети, ма̄нам̣ джаппети; сӣлам̣…пе… пан̃н̃ам̣, ра̄гам̣…пе… ма̄нам̣…пе… паттханам̣ упанисса̄йа да̄нам̣ дети…пе… сама̄паттим̣ уппа̄дети, па̄н̣ам̣ ханати…пе… сан̇гхам̣ бхиндати; ка̄йикам̣ сукхам̣…пе… сена̄санам̣ упанисса̄йа да̄нам̣ дети…пе… сан̇гхам̣ бхиндати; саддха̄…пе… пан̃н̃а̄, ра̄го…пе… ма̄но… паттхана̄… ка̄йикам̣ сукхам̣…пе… сена̄санам̣ саддха̄йа…пе… пан̃н̃а̄йа, ра̄гасса…пе… ма̄насса… паттхана̄йа… ка̄йикасса сукхасса…пе… пхаласама̄паттийа̄ упаниссайапаччайена паччайо. (1)

пара̄ма̄савиппайутто дхаммо пара̄ма̄сасампайуттасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – саддхам̣ упанисса̄йа пара̄ма̄сасампайутто ра̄го уппаджджати; сӣлам̣…пе… сена̄санам̣ упанисса̄йа пара̄ма̄сасампайутто ра̄го уппаджджати; саддха̄…пе… сена̄санам̣ пара̄ма̄сасампайуттасса ра̄гасса…пе… паттхана̄йа упаниссайапаччайена паччайо. (2)

пуреджа̄тапаччайо

73. пара̄ма̄савиппайутто дхаммо пара̄ма̄савиппайуттасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато…пе… випассати, асса̄дети абхинандати, там̣ а̄раббха пара̄ма̄савиппайутто ра̄го…пе… вичикиччха̄…пе… уддхаччам̣…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса пуреджа̄тапаччайена паччайо. ваттхупуреджа̄там̣ – чаккха̄йатанам̣ чаккхувин̃н̃а̄н̣асса …пе… ка̄йа̄йатанам̣ ка̄йавин̃н̃а̄н̣асса…пе… ваттху пара̄ма̄савиппайутта̄нам̣ кхандха̄нам̣ пуреджа̄тапаччайена паччайо. (1)

пара̄ма̄савиппайутто дхаммо пара̄ма̄сасампайуттасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ асса̄дети абхинандати, там̣ а̄раббха пара̄ма̄сасампайутто ра̄го уппаджджати. ваттхупуреджа̄там̣ – ваттху пара̄ма̄сасампайуттака̄нам̣ кхандха̄нам̣ пуреджа̄тапаччайена паччайо. (2)

паччха̄джа̄та̄севанапаччайа̄

74. пара̄ма̄сасампайутто дхаммо пара̄ма̄савиппайуттасса дхаммасса паччха̄джа̄тапаччайена паччайо (сам̣кхиттам̣). (1)

пара̄ма̄савиппайутто дхаммо пара̄ма̄савиппайуттасса дхаммасса паччха̄джа̄тапаччайена паччайо (сам̣кхиттам̣). (1)

пара̄ма̄сасампайутто дхаммо пара̄ма̄сасампайуттасса дхаммасса а̄севанапаччайена паччайо… две.

каммапаччайа̄ди

75. пара̄ма̄сасампайутто дхаммо пара̄ма̄сасампайуттасса дхаммасса каммапаччайена паччайо – пара̄ма̄сасампайутта̄ четана̄ сампайуттака̄нам̣ кхандха̄нам̣ каммапаччайена паччайо. (1)

пара̄ма̄сасампайутто дхаммо пара̄ма̄савиппайуттасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – пара̄ма̄сасампайутта̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо. на̄на̄ккхан̣ика̄ – пара̄ма̄сасампайутта̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (мӯлам̣ ка̄таббам̣) пара̄ма̄сасампайутта̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. (3)

пара̄ма̄савиппайутто дхаммо пара̄ма̄савиппайуттасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – пара̄ма̄савиппайутта̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – пара̄ма̄савиппайутта̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (1)

випа̄капаччайена паччайо… екам̣, а̄ха̄рапаччайена паччайо… чатта̄ри, индрийапаччайена паччайо… чатта̄ри, джха̄напаччайена паччайо… чатта̄ри, маггапаччайена паччайо… чатта̄ри, сампайуттапаччайена паччайо… две.

виппайуттапаччайо

76. пара̄ма̄сасампайутто дхаммо пара̄ма̄савиппайуттасса дхаммасса виппайуттапаччайена паччайо – сахаджа̄там̣, паччха̄джа̄там̣ (сам̣кхиттам̣). (1)

пара̄ма̄савиппайутто дхаммо пара̄ма̄савиппайуттасса дхаммасса виппайуттапаччайена паччайо – сахаджа̄там̣, пуреджа̄там̣, паччха̄джа̄там̣ (сам̣кхиттам̣). (1)

пара̄ма̄савиппайутто дхаммо пара̄ма̄сасампайуттасса дхаммасса виппайуттапаччайена паччайо. пуреджа̄там̣ – ваттху пара̄ма̄сампайуттака̄нам̣ кхандха̄нам̣ виппайуттапаччайена паччайо. (1)

аттхипаччайо

77. пара̄ма̄сасампайутто дхаммо пара̄ма̄сасампайуттасса дхаммасса аттхипаччайена паччайо – пара̄ма̄сасампайутто еко кхандхо тин̣н̣аннам̣ кхандха̄нам̣ аттхипаччайена паччайо…пе… две кхандха̄…пе…. (1)

пара̄ма̄сасампайутто дхаммо пара̄ма̄савиппайуттасса дхаммасса аттхипаччайена паччайо – пара̄ма̄сасампайутта̄ кхандха̄ читтасамут̣т̣ха̄на̄нам̣ рӯпа̄нам̣ аттхипаччайена паччайо. (мӯлам̣ ка̄таббам̣.) (2)

пара̄ма̄сасампайутто дхаммо пара̄ма̄сасампайуттасса ча пара̄ма̄савиппайуттасса ча дхаммасса аттхипаччайена паччайо – пара̄ма̄сасампайутто еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо…пе… две кхандха̄…пе…. (3)

78. пара̄ма̄савиппайутто дхаммо пара̄ма̄савиппайуттасса дхаммасса аттхипаччайена паччайо – сахаджа̄там̣, пуреджа̄там̣, паччха̄джа̄там̣, а̄ха̄рам̣, индрийам̣ (сам̣кхиттам̣). (1)

пара̄ма̄савиппайутто дхаммо пара̄ма̄сасампайуттасса дхаммасса аттхипаччайена паччайо. пуреджа̄там̣ – чаккхум̣…пе… ваттхум̣ асса̄дети абхинандати, там̣ а̄раббха пара̄ма̄сасампайутто ра̄го уппаджджати, ваттху пара̄ма̄сасампайуттака̄нам̣ кхандха̄нам̣ аттхипаччайена паччайо. (2)

79. пара̄ма̄сасампайутто ча пара̄ма̄савиппайутто ча дхамма̄ пара̄ма̄сасампайуттасса дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – пара̄ма̄сасампайутто еко кхандхо ча ваттху ча тин̣н̣аннам̣ кхандха̄нам̣ аттхипаччайена паччайо…пе… две кхандха̄ ча…пе…. (1)

пара̄ма̄сасампайутто ча пара̄ма̄савиппайутто ча дхамма̄ пара̄ма̄савиппайуттасса дхаммасса аттхипаччайена паччайо – сахаджа̄там̣, паччха̄джа̄там̣, а̄ха̄рам̣, индрийам̣. сахаджа̄та̄ – пара̄ма̄сасампайутта̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ аттхипаччайена паччайо. паччха̄джа̄та̄ – пара̄ма̄сасампайутта̄ кхандха̄ ча кабал̣ӣка̄ро а̄ха̄ро ча имасса ка̄йасса аттхипаччайена паччайо. паччха̄джа̄та̄ – пара̄ма̄сасампайутта̄ кхандха̄ ча рӯпаджӣвитиндрийан̃ча кат̣атта̄рӯпа̄нам̣ аттхипаччайена паччайо. (2)