1. вибхан̇гава̄ро

хетупаччайо

92. нӣваран̣ан̃чева нӣваран̣асампайуттан̃ча дхаммам̣ пат̣ичча нӣваран̣о чева нӣваран̣асампайутто ча дхаммо уппаджджати хетупаччайа̄ – ка̄маччханданӣваран̣ам̣ пат̣ичча тхинамиддханӣваран̣ам̣ уддхаччанӣваран̣ам̣ авиджджа̄нӣваран̣ам̣ (чаккам̣. саббепи нӣваран̣а̄ ка̄табба̄). (1)

нӣваран̣ан̃чева нӣваран̣асампайуттан̃ча дхаммам̣ пат̣ичча нӣваран̣асампайутто чева но ча нӣваран̣о дхаммо уппаджджати хетупаччайа̄ – нӣваран̣е пат̣ичча сампайуттака̄ кхандха̄. (2)

нӣваран̣ан̃чева нӣваран̣асампайуттан̃ча дхаммам̣ пат̣ичча нӣваран̣о чева нӣваран̣асампайутто ча нӣваран̣асампайутто чева но ча нӣваран̣о ча дхамма̄ уппаджджанти хетупаччайа̄ – ка̄маччханданӣваран̣ам̣ пат̣ичча тхинамиддханӣваран̣ам̣ уддхаччанӣваран̣ам̣ авиджджа̄нӣваран̣ам̣ сампайуттака̄ ча кхандха̄ (чаккам̣). (3)

93. нӣваран̣асампайуттан̃чева но ча нӣваран̣ам̣ дхаммам̣ пат̣ичча нӣваран̣асампайутто чева но ча нӣваран̣о дхаммо уппаджджати хетупаччайа̄ – нӣваран̣асампайуттан̃чева но ча нӣваран̣ам̣ екам̣ кхандхам̣ пат̣ичча тайо кхандха̄…пе… две кхандхе…пе…. (1)

нӣваран̣асампайуттан̃чева но ча нӣваран̣ам̣ дхаммам̣ пат̣ичча нӣваран̣о чева нӣваран̣асампайутто ча дхаммо уппаджджати хетупаччайа̄ – нӣваран̣асампайутте чева но ча нӣваран̣е кхандхе пат̣ичча нӣваран̣а̄. (2)

нӣваран̣асампайуттан̃чева но ча нӣваран̣ам̣ дхаммам̣ пат̣ичча нӣваран̣о чева нӣваран̣асампайутто ча нӣваран̣асампайутто чева но ча нӣваран̣о ча дхамма̄ уппаджджанти хетупаччайа̄ – нӣваран̣асампайуттан̃чева но ча нӣваран̣ам̣ екам̣ кхандхам̣ пат̣ичча тайо кхандха̄ нӣваран̣а̄ ча…пе… две кхандхе…пе…. (3)

94. нӣваран̣ан̃чева нӣваран̣асампайуттан̃ча нӣваран̣асампайуттан̃чева но ча нӣваран̣ан̃ча дхаммам̣ пат̣ичча нӣваран̣о чева нӣваран̣асампайутто ча дхаммо уппаджджати хетупаччайа̄ – ка̄маччханданӣваран̣ан̃ча сампайуттаке ча кхандхе пат̣ичча тхинамиддханӣваран̣ам̣ уддхаччанӣваран̣ам̣ авиджджа̄нӣваран̣ам̣ (чаккам̣). (1)

нӣваран̣ан̃чева нӣваран̣асампайуттан̃ча нӣваран̣асампайуттан̃чева но ча нӣваран̣ан̃ча дхаммам̣ пат̣ичча нӣваран̣асампайутто чева но ча нӣваран̣о дхаммо уппаджджати хетупаччайа̄ – нӣваран̣асампайуттан̃чева но ча нӣваран̣ам̣ екам̣ кхандхан̃ча нӣваран̣ан̃ча пат̣ичча тайо кхандха̄…пе… две кхандхе ча…пе…. (2)

нӣваран̣ан̃чева нӣваран̣асампайуттан̃ча нӣваран̣асампайуттан̃чева но ча нӣваран̣ан̃ча дхаммам̣ пат̣ичча нӣваран̣о чева нӣваран̣асампайутто ча нӣваран̣асампайутто чева но ча нӣваран̣о ча дхамма̄ уппаджджанти хетупаччайа̄ – нӣваран̣асампайуттан̃чева но ча нӣваран̣ам̣ екам̣ кхандхан̃ча ка̄маччханданӣваран̣ан̃ча пат̣ичча тайо кхандха̄ тхинамиддханӣваран̣ам̣ уддхаччанӣваран̣ам̣ авиджджа̄нӣваран̣ам̣…пе… две кхандхе ча…пе… (чаккам̣. сам̣кхиттам̣.). (3)