1. вибхан̇гава̄ро

хетупаччайо

66. нӣваран̣асампайутто дхаммо нӣваран̣асампайуттасса дхаммасса хетупаччайена паччайо – нӣваран̣асампайутта̄ хетӯ сампайуттака̄нам̣ кхандха̄нам̣ хетупаччайена паччайо. (мӯлам̣ пуччхитаббам̣) нӣваран̣асампайутта̄ хетӯ читтасамут̣т̣ха̄на̄нам̣ рӯпа̄нам̣ хетупаччайена паччайо. (мӯлам̣ пуччхитаббам̣) нӣваран̣асампайутта̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо. (3)

нӣваран̣авиппайутто дхаммо нӣваран̣авиппайуттасса дхаммасса хетупаччайена паччайо – нӣваран̣авиппайутта̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (1)

а̄рамман̣апаччайо

67. нӣваран̣асампайутто дхаммо нӣваран̣асампайуттасса дхаммасса а̄рамман̣апаччайена паччайо – ра̄гам̣ асса̄дети абхинандати, там̣ а̄раббха ра̄го уппаджджати, дит̣т̣хи…пе… вичикиччха̄…пе… уддхаччам̣…пе… доманассам̣ уппаджджати; дит̣т̣хим̣ асса̄дети абхинандати, там̣ а̄раббха ра̄го уппаджджати, дит̣т̣хи…пе… вичикиччха̄…пе… уддхаччам̣…пе… доманассам̣ уппаджджати; вичикиччхам̣ а̄раббха вичикиччха̄…пе… дит̣т̣хи…пе… уддхаччам̣…пе… доманассам̣ уппаджджати; уддхаччам̣ а̄раббха уддхаччам̣ уппаджджати, дит̣т̣хи…пе… вичикиччха̄, доманассам̣ уппаджджати; доманассам̣ а̄раббха доманассам̣ уппаджджати; дит̣т̣хи …пе… вичикиччха̄…пе… уддхаччам̣ уппаджджати. (1)

нӣваран̣асампайутто дхаммо нӣваран̣авиппайуттасса дхаммасса а̄рамман̣апаччайена паччайо – арийа̄ нӣваран̣асампайутте пахӣне килесе паччавеккханти, виккхамбхите килесе паччавеккханти, пуббе самуда̄чин̣н̣е килесе джа̄нанти; нӣваран̣асампайутте кхандхе аниччато дуккхато анаттато випассати, четопарийан̃а̄н̣ена нӣваран̣асампайуттачиттасаман̇гисса читтам̣ джа̄на̄ти; нӣваран̣асампайутта̄ кхандха̄ четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (2)

68. нӣваран̣авиппайутто дхаммо нӣваран̣авиппайуттасса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣ катва̄ там̣ паччавеккхати, пуббе сучин̣н̣а̄ни…пе… джха̄на̄ вут̣т̣хахитва̄ джха̄нам̣…пе… арийа̄ магга̄ вут̣т̣хахитва̄ маггам̣…пе… пхалам̣…пе… нибба̄нам̣…пе… нибба̄нам̣ готрабхусса, вода̄насса, маггасса, пхаласса, а̄ваджджана̄йа а̄рамман̣апаччайена паччайо; чаккхум̣…пе… ваттхум̣ нӣваран̣авиппайутте кхандхе аниччато дуккхато анаттато випассати, диббена чаккхуна̄ рӯпам̣ пассати (йа̄ва а̄ваджджана̄йа). (1)

нӣваран̣авиппайутто дхаммо нӣваран̣асампайуттасса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣…пе… пуббе…пе… джха̄на̄…пе… чаккхум̣…пе… ваттхум̣ нӣваран̣авиппайутте кхандхе асса̄дети абхинандати, там̣ а̄раббха ра̄го уппаджджати, дит̣т̣хи…пе… вичикиччха̄…пе… уддхаччам̣…пе… доманассам̣ уппаджджати. (2)

адхипатипаччайо

69. нӣваран̣асампайутто дхаммо нӣваран̣асампайуттасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – ра̄гам̣ гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати; дит̣т̣хим̣ гарум̣ катва̄ асса̄дети…пе…. сахаджа̄та̄дхипати – нӣваран̣асампайутта̄дхипати нӣваран̣асампайуттака̄нам̣ кхандха̄нам̣ адхипатипаччайена паччайо. (1)

нӣваран̣асампайутто дхаммо нӣваран̣авиппайуттасса дхаммасса адхипатипаччайена паччайо. сахаджа̄та̄дхипати – нӣваран̣асампайутта̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. (мӯлам̣ пуччхитаббам̣) нӣваран̣асампайутта̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

70. нӣваран̣авиппайутто дхаммо нӣваран̣авиппайуттасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣…пе… сӣлам̣…пе… упосатхакаммам̣ катва̄ там̣ гарум̣ катва̄ паччавеккхати, пуббе сучин̣н̣а̄ни…пе… джха̄на̄ вут̣т̣хахитва̄ джха̄нам̣…пе… арийа̄ магга̄ вут̣т̣хахитва̄ маггам̣ гарум̣ катва̄…пе… пхалам̣…пе… нибба̄нам̣…пе… нибба̄нам̣ готрабхусса, вода̄насса, маггасса, пхаласса адхипатипаччайена паччайо. сахаджа̄та̄дхипати – нӣваран̣авиппайутта̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (1)

нӣваран̣авиппайутто дхаммо нӣваран̣асампайуттасса дхаммасса адхипатипаччайена паччайо. а̄рамман̣а̄дхипати – да̄нам̣…пе… сӣлам̣…пе… пуббе…пе… джха̄нам̣…пе… чаккхум̣…пе… ваттхум̣ нӣваран̣авиппайутте кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. (2)

анантарапаччайо

71. нӣваран̣асампайутто дхаммо нӣваран̣асампайуттасса дхаммасса анантарапаччайена паччайо – пурима̄ пурима̄ нӣваран̣асампайутта̄ кхандха̄ паччхима̄нам̣ паччхима̄нам̣ нӣваран̣асампайуттака̄нам̣ кхандха̄нам̣ анантарапаччайена паччайо. (мӯлам̣ пуччхитаббам̣) нӣваран̣асампайутта̄ кхандха̄ вут̣т̣ха̄насса анантарапаччайена паччайо (идха пурима̄ пурима̄ти наттхи). (2)

(мӯлам̣ пуччхитаббам̣) пурима̄ пурима̄ нӣваран̣авиппайутта̄ кхандха̄ паччхима̄нам̣ паччхима̄нам̣ нӣваран̣авиппайутта̄нам̣ кхандха̄нам̣ анантарапаччайена паччайо; ануломам̣ готрабхусса…пе… пхаласама̄паттийа̄ анантарапаччайена паччайо. (1)

нӣваран̣авиппайутто дхаммо нӣваран̣асампайуттасса дхаммасса анантарапаччайена паччайо – а̄ваджджана̄ нӣваран̣асампайуттака̄нам̣ кхандха̄нам̣ анантарапаччайена паччайо. (2)

саманантарапаччайа̄ди

72. нӣваран̣асампайутто дхаммо нӣваран̣асампайуттасса дхаммасса саманантарапаччайена паччайо… сахаджа̄тапаччайена паччайо… ан̃н̃аман̃н̃апаччайена паччайо… ниссайапаччайена паччайо.

упаниссайапаччайо

73. нӣваран̣асампайутто дхаммо нӣваран̣асампайуттасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – ра̄гам̣ упанисса̄йа па̄н̣ам̣ ханати…пе… сан̇гхам̣ бхиндати; досам̣… мохам̣… ма̄нам̣… дит̣т̣хим̣… паттханам̣ упанисса̄йа па̄н̣ам̣ ханати…пе… сан̇гхам̣ бхиндати; ра̄го…пе… паттхана̄ ра̄гасса…пе… паттхана̄йа упаниссайапаччайена паччайо. (1)

нӣваран̣асампайутто дхаммо нӣваран̣авиппайуттасса дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – ра̄гам̣ упанисса̄йа да̄нам̣ дети…пе… сӣлам̣…пе… упосатхакаммам̣…пе… джха̄нам̣…пе… випассанам̣… маггам̣… абхин̃н̃ам̣… сама̄паттим̣ уппа̄дети; досам̣…пе… паттханам̣ упанисса̄йа да̄нам̣ дети…пе… сама̄паттим̣ уппа̄дети; ра̄го…пе… паттхана̄ саддха̄йа …пе… пан̃н̃а̄йа… ка̄йикасса сукхасса, ка̄йикасса дуккхасса, маггасса, пхаласама̄паттийа̄ упаниссайапаччайена паччайо. (2)

74. нӣваран̣авиппайутто дхаммо нӣваран̣авиппайуттасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – саддхам̣ упанисса̄йа да̄нам̣ дети, сӣлам̣…пе… маггам̣…пе… абхин̃н̃ам̣…пе… сама̄паттим̣ уппа̄дети, сӣлам̣…пе… пан̃н̃ам̣…пе… сена̄санам̣ упанисса̄йа да̄нам̣ дети…пе… сама̄паттим̣ уппа̄дети; саддха̄…пе… сена̄санам̣ саддха̄йа…пе… пан̃н̃а̄йа…пе… маггасса пхаласама̄паттийа̄ упаниссайапаччайена паччайо. (1)

нӣваран̣авиппайутто дхаммо нӣваран̣асампайуттасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – саддхам̣ упанисса̄йа ма̄нам̣ джаппети, дит̣т̣хим̣ ган̣ха̄ти; сӣлам̣…пе… пан̃н̃ам̣, ка̄йикам̣ сукхам̣…пе… сена̄санам̣ упанисса̄йа па̄н̣ам̣ ханати…пе… сан̇гхам̣ бхиндати; саддха̄…пе… сена̄санам̣ ра̄гасса… досасса… мохасса… ма̄насса… дит̣т̣хийа̄… паттхана̄йа упаниссайапаччайена паччайо. (2)

пуреджа̄тапаччайо

75. нӣваран̣авиппайутто дхаммо нӣваран̣авиппайуттасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато дуккхато анаттато випассати. диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе…. ваттхупуреджа̄там̣ – чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса…пе… ваттху нӣваран̣авиппайутта̄нам̣ кхандха̄нам̣ пуреджа̄тапаччайена паччайо. (1)

нӣваран̣авиппайутто дхаммо нӣваран̣асампайуттасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ асса̄дети абхинандати, там̣ а̄раббха ра̄го… досо… мохо…. ваттхупуреджа̄там̣ – ваттху нӣваран̣асампайутта̄нам̣ кхандха̄нам̣ пуреджа̄тапаччайена паччайо. (2)

паччха̄джа̄та̄севанапаччайа̄

76. нӣваран̣асампайутто дхаммо нӣваран̣авиппайуттасса дхаммасса паччха̄джа̄тапаччайена паччайо… две, а̄севанапаччайена паччайо… две.

каммапаччайа̄ди

77. нӣваран̣асампайутто дхаммо нӣваран̣асампайуттасса дхаммасса каммапаччайена паччайо – нӣваран̣асампайутта̄ четана̄ сампайуттака̄нам̣ кхандха̄нам̣ каммапаччайена паччайо. (мӯлам̣ ка̄таббам̣) сахаджа̄та̄, на̄на̄ккхан̣ика̄. сахаджа̄та̄ – нӣваран̣асампайутта̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо. на̄на̄ккхан̣ика̄ – нӣваран̣асампайутта̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (мӯлам̣ ка̄таббам̣) нӣваран̣асампайутта̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. (3)

нӣваран̣авиппайутто дхаммо нӣваран̣авиппайуттасса дхаммасса каммапаччайена паччайо – сахаджа̄та̄, на̄на̄ккхан̣ика̄ (сам̣кхиттам̣). випа̄капаччайа̄… екам̣.

а̄ха̄рапаччайа̄ди

78. нӣваран̣асампайутто дхаммо нӣваран̣асампайуттасса дхаммасса а̄ха̄рапаччайена паччайо… индрийапаччайена паччайо… джха̄напаччайена паччайо… маггапаччайена паччайо… сампайуттапаччайена паччайо… две.

виппайуттапаччайо

79. нӣваран̣асампайутто дхаммо нӣваран̣авиппайуттасса дхаммасса виппайуттапаччайена паччайо – сахаджа̄там̣, паччха̄джа̄там̣ (сам̣кхиттам̣). (1)

нӣваран̣авиппайутто дхаммо нӣваран̣авиппайуттасса дхаммасса виппайуттапаччайена паччайо – сахаджа̄там̣, пуреджа̄там̣, паччха̄джа̄там̣ (сам̣кхиттам̣). (1)

нӣваран̣авиппайутто дхаммо нӣваран̣асампайуттасса дхаммасса виппайуттапаччайена паччайо. пуреджа̄там̣ – ваттху нӣваран̣асампайуттака̄нам̣ кхандха̄нам̣ виппайуттапаччайена паччайо. (2)

аттхипаччайо

80. нӣваран̣асампайутто дхаммо нӣваран̣асампайуттасса дхаммасса аттхипаччайена паччайо – нӣваран̣асампайутто еко кхандхо тин̣н̣аннам̣ кхандха̄нам̣ аттхипаччайена паччайо…пе…. (1)

нӣваран̣асампайутто дхаммо нӣваран̣авиппайуттасса дхаммасса аттхипаччайена паччайо – сахаджа̄там̣, паччха̄джа̄там̣. сахаджа̄та̄ – нӣваран̣асампайутта̄ кхандха̄ читтасамут̣т̣ха̄на̄нан̃ча рӯпа̄нам̣ аттхипаччайена паччайо. паччха̄джа̄та̄ – нӣваран̣асампайутта̄ кхандха̄ пуреджа̄тасса имасса ка̄йасса аттхипаччайена паччайо. (2)

нӣваран̣асампайутто дхаммо нӣваран̣асампайуттасса ча нӣваран̣авиппайуттасса ча дхаммасса аттхипаччайена паччайо – нӣваран̣асампайутто еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо…пе… две кхандха̄ двиннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо. (3)

81. нӣваран̣авиппайутто дхаммо нӣваран̣авиппайуттасса дхаммасса аттхипаччайена паччайо – сахаджа̄там̣, пуреджа̄там̣, паччха̄джа̄там̣, а̄ха̄рам̣, индрийам̣ (сам̣кхиттам̣). (1)

нӣваран̣авиппайутто дхаммо нӣваран̣асампайуттасса дхаммасса аттхипаччайена паччайо. пуреджа̄там̣ – чаккхум̣…пе… ваттхум̣ асса̄дети абхинандати, там̣ а̄раббха ра̄го…пе… дит̣т̣хи…пе… вичикиччха̄…пе… уддхаччам̣…пе… доманассам̣ уппаджджати; ваттху нӣваран̣асампайуттака̄нам̣ кхандха̄нам̣ аттхипаччайена паччайо. (2)

82. нӣваран̣асампайутто ча нӣваран̣авиппайутто ча дхамма̄ нӣваран̣асампайуттасса дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – нӣваран̣асампайутто еко кхандхо ча ваттху ча тин̣н̣аннам̣ кхандха̄нам̣ аттхипаччайена паччайо…пе… две кхандха̄ ча ваттху ча двиннам̣ кхандха̄нам̣ аттхипаччайена паччайо. (1)

нӣваран̣асампайутто ча нӣваран̣авиппайутто ча дхамма̄ нӣваран̣авиппайуттасса дхаммасса аттхипаччайена паччайо – сахаджа̄там̣, паччха̄джа̄там̣, а̄ха̄рам̣, индрийам̣. сахаджа̄та̄ – нӣваран̣асампайутта̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ аттхипаччайена паччайо. паччха̄джа̄та̄ – нӣваран̣асампайутта̄ кхандха̄ ча кабал̣ӣка̄ро а̄ха̄ро ча имасса ка̄йасса аттхипаччайена паччайо. паччха̄джа̄та̄ – нӣваран̣асампайутта̄ кхандха̄ ча рӯпаджӣвитиндрийан̃ча кат̣атта̄рӯпа̄нам̣ аттхипаччайена паччайо. (2)