1. вибхан̇гава̄ро

хетупаччайо

104. гантхо чева гантханийо ча дхаммо гантхасса чева гантханийасса ча дхаммасса хетупаччайена паччайо – гантха̄ хетӯ сампайуттака̄нам̣ гантха̄нам̣ хетупаччайена паччайо (евам̣ нава пан̃ха̄ виттха̄ретабба̄).

а̄рамман̣апаччайо

105. гантхо чева гантханийо ча дхаммо гантхасса чева гантханийасса ча дхаммасса а̄рамман̣апаччайена паччайо – гантхе а̄раббха гантха̄ уппаджджанти. (мӯлам̣ пуччхитаббам̣) гантхе а̄раббха гантханийа̄ чева но ча гантха̄ кхандха̄ уппаджджанти. (мӯлам̣ пуччхитаббам̣) гантхе а̄раббха гантха̄ ча сампайуттака̄ ча кхандха̄ уппаджджанти. (3)

106. гантханийо чева но ча гантхо дхаммо гантханийасса чева но ча гантхасса ча дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣ катва̄ там̣ паччавеккхати, пуббе сучин̣н̣а̄ни…пе… джха̄на̄…пе… арийа̄ готрабхум̣ паччавеккханти, вода̄нам̣ паччавеккханти, пахӣне килесе…пе… виккхамбхите килесе паччавеккханти, пуббе самуда̄чин̣н̣е килесе джа̄нанти, чаккхум̣…пе… ваттхум̣ гантханийе чева но ча гантхе кхандхе аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. (саббам̣ виттха̄ретаббам̣) а̄ваджджана̄йа а̄рамман̣апаччайена паччайо. (1)

гантханийо чева но ча гантхо дхаммо гантхасса чева гантханийасса ча дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣ катва̄ там̣ асса̄дети абхинандати, там̣ а̄раббха ра̄го уппаджджати, дит̣т̣хи…пе… вичикиччха̄…пе… доманассам̣ уппаджджати; пуббе сучин̣н̣а̄ни…пе… джха̄на̄ вут̣т̣хахитва̄ джха̄нам̣…пе… чаккхум̣…пе… ваттхум̣ гантханийе чева но ча гантхе кхандхе асса̄дети абхинандати, там̣ а̄раббха ра̄го уппаджджати, дит̣т̣хи…пе… доманассам̣ уппаджджати. (2)

гантханийо чева но ча гантхо дхаммо гантхасса чева гантханийасса ча гантханийасса чева но ча гантхасса ча дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣…пе… пуббе сучин̣н̣а̄ни…пе… джха̄на̄ вут̣т̣хахитва̄ джха̄нам̣…пе… чаккхум̣…пе… ваттхум̣ гантханийе чева но ча гантхе кхандхе асса̄дети абхинандати, там̣ а̄раббха гантха̄ ча сампайуттака̄ ча кхандха̄ уппаджджанти (евам̣ итарепи тӣн̣и виттха̄ретабба̄). (3)

(а̄раббха ка̄табба̄. имасмим̣ дуке локуттарам̣ наттхи, гантхадукасадисам̣, нинна̄на̄каран̣ам̣. ‘‘гантханийа’’нти нийа̄метаббам̣, магге нава пан̃ха̄ ка̄табба̄.)

гантхагантханийадукам̣ нит̣т̣хитам̣.