1. вибхан̇гава̄ро

нахетупаччайо

5. сан̃н̃оджанам̣ дхаммам̣ пат̣ичча сан̃н̃оджано дхаммо уппаджджати нахетупаччайа̄ – вичикиччха̄сан̃н̃оджанам̣ пат̣ичча авиджджа̄сан̃н̃оджанам̣. (1)

носан̃н̃оджанам̣ дхаммам̣ пат̣ичча носан̃н̃оджано дхаммо уппаджджати нахетупаччайа̄ – ахетукам̣ носан̃н̃оджанам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… (йа̄ва асан̃н̃асатта̄). (1)

носан̃н̃оджанам̣ дхаммам̣ пат̣ичча сан̃н̃оджано дхаммо уппаджджати нахетупаччайа̄ – вичикиччха̄сахагате уддхаччасахагате кхандхе пат̣ичча авиджджа̄сан̃н̃оджанам̣. (2)

сан̃н̃оджанан̃ча носан̃н̃оджанан̃ча дхаммам̣ пат̣ичча сан̃н̃оджано дхаммо уппаджджати нахетупаччайа̄ – вичикиччха̄сан̃н̃оджанан̃ча сампайуттаке ча кхандхе пат̣ичча авиджджа̄сан̃н̃оджанам̣. (3)

(сам̣кхиттам̣. а̄савагоччхакасадисам̣. наа̄рамман̣а̄пи саббе уддхаритабба̄.)