1. вибхан̇гава̄ро

хетупаччайо

65. саппат̣игхам̣ дхаммам̣ паччайа̄ саппат̣игхо дхаммо уппаджджати хетупаччайа̄… тӣн̣и.

аппат̣игхам̣ дхаммам̣ паччайа̄ аппат̣игхо дхаммо уппаджджати хетупаччайа̄ – аппат̣игхам̣ екам̣ кхандхам̣ паччайа̄ тайо кхандха̄ аппат̣игхам̣ читтасамут̣т̣ха̄нан̃ча рӯпам̣…пе… две кхандхе…пе… пат̣исандхиккхан̣е …пе… а̄подха̄тум̣ паччайа̄ аппат̣игхам̣ читтасамут̣т̣ха̄нам̣ рӯпам̣, кат̣атта̄рӯпам̣, упа̄да̄рӯпам̣, а̄подха̄тум̣ паччайа̄ иттхиндрийам̣…пе… кабал̣ӣка̄ро а̄ха̄ро, ваттхум̣ паччайа̄ аппат̣игха̄ кхандха̄. (1)

(авасеса̄ пан̃ча пан̃ха̄ пат̣иччава̄расадиса̄.)

а̄рамман̣апаччайа̄ди

66. саппат̣игхам̣ дхаммам̣ паччайа̄ аппат̣игхо дхаммо уппаджджати а̄рамман̣апаччайа̄ – чаккха̄йатанам̣ паччайа̄ чаккхувин̃н̃а̄н̣ам̣…пе… ка̄йа̄йатанам̣ паччайа̄ ка̄йавин̃н̃а̄н̣ам̣. (1)

аппат̣игхам̣ дхаммам̣ паччайа̄ аппат̣игхо дхаммо уппаджджати а̄рамман̣апаччайа̄ – аппат̣игхам̣ екам̣ кхандхам̣ паччайа̄ тайо кхандха̄…пе… две кхандхе…пе… пат̣исандхиккхан̣е…пе… ваттхум̣ паччайа̄ аппат̣игха̄ кхандха̄. (1)

саппат̣игхан̃ча аппат̣игхан̃ча дхаммам̣ паччайа̄ аппат̣игхо дхаммо уппаджджати а̄рамман̣апаччайа̄ – чаккхувин̃н̃а̄н̣асахагатам̣ екам̣ кхандхан̃ча чаккха̄йатанан̃ча паччайа̄ тайо кхандха̄…пе… ка̄йавин̃н̃а̄н̣асахагатам̣ екам̣ кхандхан̃ча ка̄йа̄йатанан̃ча паччайа̄ тайо кхандха̄…пе… адхипатипаччайа̄… (сам̣кхиттам̣) авигатапаччайа̄.