1. вибхан̇гава̄ро

нахетупаччайо

22. анидассанам̣ дхаммам̣ пат̣ичча анидассано дхаммо уппаджджати нахетупаччайа̄ – ахетукам̣ анидассанам̣ екам̣ кхандхам̣ пат̣ичча тайо кхандха̄ анидассанам̣ читтасамут̣т̣ха̄нан̃ча рӯпам̣…пе… две кхандхе…пе… ахетукапат̣исандхиккхан̣е…пе… кхандхе пат̣ичча ваттху, ваттхум̣ пат̣ичча кхандха̄; екам̣ маха̄бхӯтам̣…пе… маха̄бхӯте пат̣ичча анидассанам̣ читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣… ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе… вичикиччха̄сахагате уддхаччасахагате кхандхе пат̣ичча вичикиччха̄сахагато уддхаччасахагато мохо. (1)

анидассанам̣ дхаммам̣ пат̣ичча санидассано дхаммо уппаджджати нахетупаччайа̄ – ахетуке анидассане кхандхе пат̣ичча санидассанам̣ читтасамут̣т̣ха̄нам̣ рӯпам̣; пат̣исандхиккхан̣е…пе… маха̄бхӯте пат̣ичча санидассанам̣ читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣… ба̄хире… а̄ха̄расамут̣т̣ха̄не… утусамут̣т̣ха̄не… асан̃н̃асатта̄нам̣ маха̄бхӯте пат̣ичча санидассанам̣ кат̣атта̄рӯпам̣ упа̄да̄рӯпам̣. (2)

анидассанам̣ дхаммам̣ пат̣ичча санидассано ча анидассано ча дхамма̄ уппаджджанти нахетупаччайа̄ – ахетукам̣ анидассанам̣ екам̣ кхандхам̣ пат̣ичча тайо кхандха̄ санидассанан̃ча анидассанан̃ча читтасамут̣т̣ха̄нам̣ рӯпам̣…пе… две кхандхе…пе… пат̣исандхиккхан̣е…пе… маха̄бхӯте пат̣ичча…пе… ба̄хире… а̄ха̄расамут̣т̣ха̄не… утусамут̣т̣ха̄не… асан̃н̃асатта̄нам̣ маха̄бхӯте пат̣ичча санидассанан̃ча анидассанан̃ча кат̣атта̄рӯпам̣, упа̄да̄рӯпам̣. (3) (евам̣ саббе ка̄табба̄.)