1. вибхан̇гава̄ро

хетупаччайо

148. локийо дхаммо локийасса дхаммасса хетупаччайена паччайо – локийа̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (1)

локуттаро дхаммо локуттарасса дхаммасса хетупаччайена паччайо… тӣн̣и.

а̄рамман̣апаччайо

149. локийо дхаммо локийасса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣ катва̄ там̣ паччавеккхати, пуббе сучин̣н̣а̄ни паччавеккхати, джха̄на̄…пе… арийа̄ готрабхум̣ паччавеккханти, вода̄нам̣ паччавеккханти, пахӣне килесе паччавеккханти, виккхамбхите килесе…пе… пуббе самуда̄чин̣н̣е килесе джа̄нанти; чаккхум̣…пе… ваттхум̣ локийе кхандхе аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. четопарийан̃а̄н̣ена локийачиттасаман̇гисса читтам̣ джа̄на̄ти, а̄ка̄са̄нан̃ча̄йатанам̣ вин̃н̃а̄н̣ан̃ча̄йатанасса…пе… а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса…пе… рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса, локийа̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)

150. локуттаро дхаммо локуттарасса дхаммасса а̄рамман̣апаччайена паччайо – нибба̄нам̣ маггасса, пхаласса а̄рамман̣апаччайена паччайо. (1)

локуттаро дхаммо локийасса дхаммасса а̄рамман̣апаччайена паччайо – арийа̄ магга̄ вут̣т̣хахитва̄ маггам̣ паччавеккханти, пхалам̣ паччавеккханти, нибба̄нам̣ паччавеккханти; нибба̄нам̣ готрабхусса, вода̄насса, а̄ваджджана̄йа а̄рамман̣апаччайена паччайо; арийа̄ четопарийан̃а̄н̣ена локуттарачиттасаман̇гисса читтам̣ джа̄нанти, локуттара̄ кхандха̄ четопарийан̃а̄н̣асса, пуббенива̄са̄нуссатин̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (2)

адхипатипаччайо

151. локийо дхаммо локийасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣ датва̄ сӣлам̣…пе… упосатхакаммам̣ …пе… пуббе…пе… джха̄на̄…пе… секкха̄ готрабхум̣ гарум̣ катва̄ паччавеккханти, вода̄нам̣ гарум̣ катва̄ паччавеккханти; чаккхум̣…пе… ваттхум̣ локийе кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. сахаджа̄та̄дхипати – локийа̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (1)

152. локуттаро дхаммо локуттарасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – нибба̄нам̣ маггасса, пхаласса адхипатипаччайена паччайо. сахаджа̄та̄дхипати – локуттара̄дхипати сампайуттака̄нам̣ кхандха̄нам̣ адхипатипаччайена паччайо. (1)

локуттаро дхаммо локийасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – арийа̄ магга̄ вут̣т̣хахитва̄ маггам̣ гарум̣ катва̄ паччавеккханти, пхалам̣ гарум̣ катва̄ паччавеккханти, нибба̄нам̣ гарум̣ катва̄ паччавеккханти; нибба̄нам̣ готрабхусса, вода̄насса адхипатипаччайена паччайо. сахаджа̄та̄дхипати – локуттара̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. (2)

локуттаро дхаммо локийасса ча локуттарасса ча дхаммасса адхипатипаччайена паччайо. сахаджа̄та̄дхипати – локуттара̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

анантарапаччайо

153. локийо дхаммо локийасса дхаммасса анантарапаччайена паччайо – пурима̄ пурима̄ локийа̄ кхандха̄ паччхима̄нам̣ паччхима̄нам̣ локийа̄нам̣ кхандха̄нам̣…пе… ануломам̣ готрабхусса… ануломам̣ вода̄насса анантарапаччайена паччайо. (1)

локийо дхаммо локуттарасса дхаммасса анантарапаччайена паччайо – готрабху маггасса… вода̄нам̣ маггасса… ануломам̣ пхаласама̄паттийа̄… ниродха̄ вут̣т̣хахантасса невасан̃н̃а̄на̄сан̃н̃а̄йатанам̣ пхаласама̄паттийа̄ анантарапаччайена паччайо. (2)

154. локуттаро дхаммо локуттарасса дхаммасса анантарапаччайена паччайо – пурима̄ пурима̄ локуттара̄ кхандха̄ паччхима̄нам̣ паччхима̄нам̣ локуттара̄нам̣ кхандха̄нам̣ анантарапаччайена паччайо; магго пхаласса, пхалам̣ пхаласса анантарапаччайена паччайо. (1)

локуттаро дхаммо локийасса дхаммасса анантарапаччайена паччайо – пхалам̣ вут̣т̣ха̄насса анантарапаччайена паччайо. (2)

саманантарапаччайа̄ди

155. локийо дхаммо локийасса дхаммасса саманантарапаччайена паччайо… сахаджа̄тапаччайена паччайо (пан̃ча пан̃ха̄, гхат̣ана̄ наттхи) ан̃н̃аман̃н̃апаччайена паччайо… две… ниссайапаччайена паччайо.

упаниссайапаччайо

156. локийо дхаммо локийасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – локийам̣ саддхам̣ упанисса̄йа да̄нам̣ дети…пе… випассанам̣ уппа̄дети, абхин̃н̃ам̣ уппа̄дети, сама̄паттим̣ уппа̄дети, ма̄нам̣ джаппети, дит̣т̣хим̣ ган̣ха̄ти; локийам̣ сӣлам̣…пе… сена̄санам̣ упанисса̄йа да̄нам̣ дети…пе… сан̇гхам̣ бхиндати; локийа̄ саддха̄…пе… сена̄санам̣ локийа̄йа саддха̄йа…пе… ка̄йикасса дуккхасса упаниссайапаччайена паччайо; кусала̄кусалам̣ каммам̣ випа̄касса упаниссайапаччайена паччайо. (1)

локийо дхаммо локуттараса дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – пат̣хамасса маггасса парикаммам̣ пат̣хамасса маггасса упаниссайапаччайена паччайо…пе… чатуттхасса маггасса парикаммам̣ чатуттхасса маггасса упаниссайапаччайена паччайо. (2)

157. локуттаро дхаммо локуттарасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – пат̣хамо магго дутийасса маггасса упаниссайапаччайена паччайо…пе… татийо магго чатуттхасса маггасса упаниссайапаччайена паччайо. (1)

локуттаро дхаммо локийасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – арийа̄ маггам̣ упанисса̄йа ануппаннам̣ сама̄паттим̣ уппа̄денти, уппаннам̣ сама̄паджджанти, сан̇кха̄ре аниччато дуккхато анаттато випассанти, арийа̄нам̣ магго…пе… т̣ха̄на̄т̣ха̄накосалласса упаниссайапаччайена паччайо; пхаласама̄патти ка̄йикасса сукхасса упаниссайапаччайена паччайо. (2)

пуреджа̄тапаччайо

158. локийо дхаммо локийасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато дуккхато анаттато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса пуреджа̄тапаччайена паччайо. ваттхупуреджа̄там̣ – чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса…пе… ваттху локийа̄нам̣ кхандха̄нам̣ пуреджа̄тапаччайена паччайо. (1)

локийо дхаммо локуттарасса дхаммасса пуреджа̄тапаччайена паччайо. ваттхупуреджа̄там̣ – ваттху локуттара̄нам̣ кхандха̄нам̣ пуреджа̄тапаччайена паччайо. (2)

паччха̄джа̄тапаччайо

159. локийо дхаммо локийасса дхаммасса паччха̄джа̄тапаччайена паччайо – паччха̄джа̄та̄ локийа̄ кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)

локуттаро дхаммо локийасса дхаммасса паччха̄джа̄тапаччайена паччайо – паччха̄джа̄та̄ локуттара̄ кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)

а̄севанапаччайо

160. локийо дхаммо локийасса дхаммасса а̄севанапаччайена паччайо – пурима̄ пурима̄ локийа̄ кхандха̄ паччхима̄нам̣ паччхима̄нам̣ локийа̄нам̣ кхандха̄нам̣ а̄севанапаччайена паччайо; ануломам̣ готрабхусса… ануломам̣ вода̄насса а̄севанапаччайена паччайо. (1)

локийо дхаммо локуттарасса дхаммасса а̄севанапаччайена паччайо – готрабху маггасса… вода̄нам̣ маггасса а̄севанапаччайена паччайо. (2)

каммапаччайо

161. локийо дхаммо локийасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – локийа̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – локийа̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (1)

локуттаро дхаммо локуттарасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – локуттара̄ четана̄ сампайуттака̄нам̣ кхандха̄нам̣ каммапаччайена паччайо. на̄на̄ккхан̣ика̄ – локуттара̄ четана̄ випа̄ка̄нам̣ кхандха̄нам̣ каммапаччайена паччайо. (1)

локуттаро дхаммо локийасса дхаммасса каммапаччайена паччайо – локуттара̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо. (2)

локуттаро дхаммо локийасса ча локуттарасса ча дхаммасса каммапаччайена паччайо – локуттара̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. (3)

випа̄капаччайо

162. локийо дхаммо локийасса дхаммасса випа̄капаччайена паччайо – випа̄ко локийо еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ випа̄капаччайена паччайо…пе… две кхандха̄…пе… пат̣исандхиккхан̣е…пе…. (1)

локуттаро дхаммо локуттарасса дхаммасса випа̄капаччайена паччайо… тӣн̣и.

а̄ха̄рапаччайо

163. локийо дхаммо локийасса дхаммасса а̄ха̄рапаччайена паччайо – локийа̄ а̄ха̄ра̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ а̄ха̄рапаччайена паччайо; пат̣исандхиккхан̣е…пе… кабал̣ӣка̄ро а̄ха̄ро имасса ка̄йасса а̄ха̄рапаччайена паччайо. (1)

локуттаро дхаммо локуттарасса дхаммасса а̄ха̄рапаччайена паччайо… тӣн̣и.

индрийапаччайо

164. локийо дхаммо локийасса дхаммасса индрийапаччайена паччайо (пат̣исандхи ка̄табба̄); чаккхундрийам̣ чаккхувин̃н̃а̄н̣асса…пе… ка̄йиндрийам̣ ка̄йавин̃н̃а̄н̣асса индрийапаччайена паччайо; рӯпаджӣвитиндрийам̣ кат̣атта̄рӯпа̄нам̣ индрийапаччайена паччайо. (1)

локуттаро дхаммо локуттарасса дхаммасса индрийапаччайена паччайо… тӣн̣и.

джха̄напаччайа̄ди

165. локийо дхаммо локийасса дхаммасса джха̄напаччайена паччайо… екам̣, локуттаро дхаммо…пе… тӣн̣и… маггапаччайена паччайо, локийе екам̣, локуттаре тӣн̣и.

локийо дхаммо локийасса дхаммасса сампайуттапаччайена паччайо… екам̣, локуттаро дхаммо…пе… екам̣.

виппайуттапаччайо

166. локийо дхаммо локийасса дхаммасса виппайуттапаччайена паччайо – сахаджа̄там̣, пуреджа̄там̣, паччха̄джа̄там̣. сахаджа̄та̄ – локийа̄ кхандха̄ читтасамут̣т̣ха̄на̄нам̣ рӯпа̄нам̣ виппайуттапаччайена паччайо; пат̣исандхиккхан̣е…пе… кхандха̄ ваттхусса виппайуттапаччайена паччайо; ваттху кхандха̄нам̣ виппайуттапаччайена паччайо. пуреджа̄там̣ – чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса…пе… ваттху локийа̄нам̣ кхандха̄нам̣ виппайуттапаччайена паччайо. паччха̄джа̄та̄ – локийа̄ кхандха̄ пуреджа̄тасса имасса ка̄йасса виппайуттапаччайена паччайо. (1)

локийо дхаммо локуттарасса дхаммасса виппайуттапаччайена паччайо. пуреджа̄там̣ – ваттху локуттара̄нам̣ кхандха̄нам̣ виппайуттапаччайена паччайо. (2)

локуттаро дхаммо локийасса дхаммасса виппайуттапаччайена паччайо – сахаджа̄там̣, паччха̄джа̄там̣. сахаджа̄та̄ – локуттара̄ кхандха̄ читтасамут̣т̣ха̄на̄нам̣ рӯпа̄нам̣ виппайуттапаччайена паччайо. паччха̄джа̄та̄ – локуттара̄ кхандха̄ пуреджа̄тасса имасса ка̄йасса виппайуттапаччайена паччайо. (1)

аттхипаччайа̄ди

167. локийо дхаммо локийасса дхаммасса аттхипаччайена паччайо – сахаджа̄там̣, пуреджа̄там̣, паччха̄джа̄там̣, а̄ха̄рам̣, индрийам̣. сахаджа̄то – локийо еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣…пе… (йа̄ва асан̃н̃асатта̄). пуреджа̄там̣ – чаккхум̣…пе… ваттхум̣ …пе… (пуреджа̄тасадисам̣). ваттху локийа̄нам̣ кхандха̄нам̣ аттхипаччайена паччайо. паччха̄джа̄та̄ – локийа̄ кхандха̄ пуреджа̄тасса имасса ка̄йасса аттхипаччайена паччайо; кабал̣ӣка̄ро а̄ха̄ро имасса ка̄йасса аттхипаччайена паччайо; рӯпаджӣвитиндрийам̣ кат̣атта̄рӯпа̄нам̣ аттхипаччайена паччайо. (1)

локийо дхаммо локуттарасса дхаммасса аттхипаччайена паччайо. пуреджа̄там̣ – ваттху локуттара̄нам̣ кхандха̄нам̣ аттхипаччайена паччайо. (2)

168. локуттаро дхаммо локуттарасса дхаммасса аттхипаччайена паччайо – локуттаро еко кхандхо тин̣н̣аннам̣ кхандха̄нам̣ аттхипаччайена паччайо…пе… две кхандха̄…пе…. (1)

локуттаро дхаммо локийасса дхаммасса аттхипаччайена паччайо – сахаджа̄там̣, паччха̄джа̄там̣. сахаджа̄та̄ – локуттара̄ кхандха̄ читтасамут̣т̣ха̄на̄нам̣ рӯпа̄нам̣ аттхипаччайена паччайо. паччха̄джа̄та̄ – локуттара̄ кхандха̄ пуреджа̄тасса имасса ка̄йасса аттхипаччайена паччайо. (2)

локуттаро дхаммо локийасса ча локуттарасса ча дхаммасса аттхипаччайена паччайо – локуттаро еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо…пе… две кхандха̄…пе…. (3)

169. локийо ча локуттаро ча дхамма̄ локийасса дхаммасса аттхипаччайена паччайо – сахаджа̄там̣, паччха̄джа̄там̣, а̄ха̄рам̣, индрийам̣. сахаджа̄та̄ – локуттара̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ аттхипаччайена паччайо. паччха̄джа̄та̄ – локуттара̄ кхандха̄ ча кабал̣ӣка̄ро а̄ха̄ро ча имасса ка̄йасса аттхипаччайена паччайо. паччха̄джа̄та̄ – локуттара̄ кхандха̄ ча рӯпаджӣвитиндрийан̃ча кат̣атта̄рӯпа̄нам̣ аттхипаччайена паччайо. (1)

локийо ча локуттаро ча дхамма̄ локуттарасса дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – локуттаро еко кхандхо ча ваттху ча тин̣н̣аннам̣ кхандха̄нам̣ аттхипаччайена паччайо…пе… две кхандха̄ ча…пе…. (2)

наттхипаччайена паччайо… вигатапаччайена паччайо… авигатапаччайена паччайо. (2)