1. вибхан̇гава̄ро

нахетупаччайо

51. упа̄да̄навиппайуттам̣ дхаммам̣ пат̣ичча упа̄да̄навиппайутто дхаммо уппаджджати нахетупаччайа̄ – ахетукам̣ упа̄да̄навиппайуттам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… ахетукапат̣исандхиккхан̣е…пе… (йа̄ва асан̃н̃асатта̄) вичикиччха̄сахагате уддхаччасахагате кхандхе пат̣ичча вичикиччха̄сахагато уддхаччасахагато мохо. (1)

наа̄рамман̣апаччайа̄ди

52. упа̄да̄насампайуттам̣ дхаммам̣ пат̣ичча упа̄да̄навиппайутто дхаммо уппаджджати наа̄рамман̣апаччайа̄ – упа̄да̄насампайутте кхандхе пат̣ичча читтасамут̣т̣ха̄нам̣ рӯпам̣. (1)

упа̄да̄навиппайуттам̣ дхаммам̣ пат̣ичча упа̄да̄навиппайутто дхаммо уппаджджати наа̄рамман̣апаччайа̄ – упа̄да̄навиппайутте кхандхе пат̣ичча читтасамут̣т̣ха̄нам̣ рӯпам̣, дит̣т̣хигатавиппайуттам̣ лобхам̣ пат̣ичча читтасамут̣т̣ха̄нам̣ рӯпам̣; пат̣исандхиккхан̣е…пе… (йа̄ва асан̃н̃асатта̄). (1)

упа̄да̄насампайуттан̃ча упа̄да̄навиппайуттан̃ча дхаммам̣ пат̣ичча упа̄да̄навиппайутто дхаммо уппаджджати наа̄рамман̣апаччайа̄ – упа̄да̄насампайутте кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣, дит̣т̣хигатавиппайутталобхасахагате кхандхе ча лобхан̃ча пат̣ичча читтасамут̣т̣ха̄нам̣ рӯпам̣. (1)

наадхипатипаччайа̄… наанантарапаччайа̄… насаманантарапаччайа̄… наупаниссайапаччайа̄.

напуреджа̄тапаччайа̄ди

53. упа̄да̄насампайуттам̣ дхаммам̣ пат̣ичча упа̄да̄насампайутто дхаммо уппаджджати напуреджа̄тапаччайа̄ – арӯпе упа̄да̄насампайуттам̣ екам̣ кхандхам̣ пат̣ичча тайо кхандха̄…пе… две кхандхе…пе…. (1)

упа̄да̄насампайуттам̣ дхаммам̣ пат̣ичча упа̄да̄навиппайутто дхаммо уппаджджати напуреджа̄тапаччайа̄ – арӯпе дит̣т̣хигатавиппайутталобхасахагате кхандхе пат̣ичча лобхо, упа̄да̄насампайутте кхандхе пат̣ичча читтасамут̣т̣ха̄нам̣ рӯпам̣. (2)

упа̄да̄насампайуттам̣ дхаммам̣ пат̣ичча упа̄да̄насампайутто ча упа̄да̄навиппайутто ча дхамма̄ уппаджджанти напуреджа̄тапаччайа̄ – арӯпе дит̣т̣хигатавиппайутталобхасахагатам̣ екам̣ кхандхам̣ пат̣ичча тайо кхандха̄ лобхо ча…пе… две кхандхе…пе…. (3)

54. упа̄да̄навиппайуттам̣ дхаммам̣ пат̣ичча упа̄да̄навиппайутто дхаммо уппаджджати напуреджа̄тапаччайа̄ – арӯпе упа̄да̄навиппайуттам̣ екам̣ кхандхам̣ пат̣ичча тайо кхандха̄…пе… две кхандхе…пе… упа̄да̄навиппайутте кхандхе пат̣ичча читтасамут̣т̣ха̄нам̣ рӯпам̣, дит̣т̣хигатавиппайуттам̣ лобхам̣ пат̣ичча читтасамут̣т̣ха̄нам̣ рӯпам̣; пат̣исандхиккхан̣е…пе… (йа̄ва асан̃н̃асатта̄). (1)

упа̄да̄навиппайуттам̣ дхаммам̣ пат̣ичча упа̄да̄насампайутто дхаммо уппаджджати напуреджа̄тапаччайа̄ – арӯпе дит̣т̣хигатавиппайуттам̣ лобхам̣ пат̣ичча сампайуттака̄ кхандха̄. (2)

упа̄да̄насампайуттан̃ча упа̄да̄навиппайуттан̃ча дхаммам̣ пат̣ичча упа̄да̄насампайутто дхаммо уппаджджати напуреджа̄тапаччайа̄ – арӯпе дит̣т̣хигатавиппайутталобхасахагатам̣ екам̣ кхандхан̃ча лобхан̃ча пат̣ичча тайо кхандха̄…пе… две кхандхе ча…пе…. (1)

упа̄да̄насампайуттан̃ча упа̄да̄навиппайуттан̃ча дхаммам̣ пат̣ичча упа̄да̄навиппайутто дхаммо уппаджджати напуреджа̄тапаччайа̄ – упа̄да̄насампайутте кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣, дит̣т̣хигатавиппайутталобхасахагате кхандхе ча лобхан̃ча пат̣ичча читтасамут̣т̣ха̄нам̣ рӯпам̣. (2)

напаччха̄джа̄тапаччайа̄… наа̄севанапаччайа̄.

накаммапаччайо

55. упа̄да̄насампайуттам̣ дхаммам̣ пат̣ичча упа̄да̄насампайутто дхаммо уппаджджати накаммапаччайа̄ – упа̄да̄насампайутте кхандхе пат̣ичча сампайуттака̄ четана̄. (1)

упа̄да̄навиппайуттам̣ дхаммам̣ пат̣ичча упа̄да̄навиппайутто дхаммо уппаджджати накаммапаччайа̄ – упа̄да̄навиппайутте кхандхе пат̣ичча сампайуттака̄ четана̄; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣…пе…. (1)

упа̄да̄навиппайуттам̣ дхаммам̣ пат̣ичча упа̄да̄насампайутто дхаммо уппаджджати накаммапаччайа̄ – дит̣т̣хигатавиппайуттам̣ лобхам̣ пат̣ичча сампайуттака̄ четана̄. (2)

упа̄да̄насампайуттан̃ча упа̄да̄навиппайуттан̃ча дхаммам̣ пат̣ичча упа̄да̄насампайутто дхаммо уппаджджати накаммапаччайа̄ – дит̣т̣хигатавиппайутталобхасахагате кхандхе ча лобхан̃ча пат̣ичча сампайуттака̄ четана̄. (1) (сам̣кхиттам̣.)