1. вибхан̇гава̄ро

хетупаччайо

106. четасикам̣ дхаммам̣ паччайа̄ четасико дхаммо уппаджджати хетупаччайа̄… тӣн̣и (пат̣иччасадиса̄).

ачетасикам̣ дхаммам̣ паччайа̄ ачетасико дхаммо уппаджджати хетупаччайа̄ – читтам̣ паччайа̄ читтасамут̣т̣ха̄нам̣ рӯпам̣, ваттхум̣ паччайа̄ читтам̣; пат̣исандхиккхан̣е читтам̣ паччайа̄ кат̣атта̄рӯпам̣, читтам̣ паччайа̄ ваттху, ваттхум̣ паччайа̄ читтам̣, екам̣ маха̄бхӯтам̣…пе…. (1)

ачетасикам̣ дхаммам̣ паччайа̄ четасико дхаммо уппаджджати хетупаччайа̄ – читтам̣ паччайа̄ сампайуттака̄ кхандха̄, ваттхум̣ паччайа̄ четасика̄ кхандха̄ (пат̣исандхиккхан̣е двепи ка̄табба̄). (2)

ачетасикам̣ дхаммам̣ паччайа̄ четасико ча ачетасико ча дхамма̄ уппаджджанти хетупаччайа̄ – читтам̣ паччайа̄ сампайуттака̄ кхандха̄ читтасамут̣т̣ха̄нан̃ча рӯпам̣, ваттхум̣ паччайа̄ читтан̃ча сампайуттака̄ ча кхандха̄ (пат̣исандхиккхан̣е двепи ка̄табба̄). (3)

107. четасикан̃ча ачетасикан̃ча дхаммам̣ паччайа̄ четасико дхаммо уппаджджати хетупаччайа̄ – четасикам̣ екам̣ кхандхан̃ча читтан̃ча паччайа̄ две кхандха̄, две кхандхе ча…пе… четасикам̣ екам̣ кхандхан̃ча ваттхун̃ча паччайа̄ две кхандха̄, две кхандхе ча…пе… (пат̣исандхиккхан̣е двепи ка̄табба̄). (1)

четасикан̃ча ачетасикан̃ча дхаммам̣ паччайа̄ ачетасико дхаммо уппаджджати хетупаччайа̄ – четасике кхандхе ча читтан̃ча паччайа̄ читтасамут̣т̣ха̄нам̣ рӯпам̣, четасике кхандхе ча маха̄бхӯте ча паччайа̄ читтасамут̣т̣ха̄нам̣ рӯпам̣, четасике кхандхе ча ваттхун̃ча паччайа̄ читтам̣ (пат̣исандхиккхан̣е тӣн̣ипи ка̄табба̄). (2)

четасикан̃ча ачетасикан̃ча дхаммам̣ паччайа̄ четасико ча ачетасико ча дхамма̄ уппаджджанти хетупаччайа̄ – четасикам̣ екам̣ кхандхан̃ча читтан̃ча паччайа̄ две кхандха̄ читтасамут̣т̣ха̄нан̃ча рӯпам̣, две кхандхе ча…пе… четасикам̣ екам̣ кхандхан̃ча ваттхун̃ча паччайа̄ две кхандха̄ читтан̃ча, две кхандхе ча…пе… (пат̣исандхиккхан̣е двепи ка̄табба̄). (3)

а̄рамман̣апаччайо

108. четасикам̣ дхаммам̣ паччайа̄ четасико дхаммо уппаджджати а̄рамман̣апаччайа̄… тӣн̣и (пат̣иччасадиса̄).

ачетасикам̣ дхаммам̣ паччайа̄ ачетасико дхаммо уппаджджати а̄рамман̣апаччайа̄ – чаккха̄йатанам̣ паччайа̄ чаккхувин̃н̃а̄н̣ам̣…пе… ка̄йа̄йатанам̣ паччайа̄ ка̄йавин̃н̃а̄н̣ам̣, ваттхум̣ паччайа̄ читтам̣; пат̣исандхиккхан̣е…пе…. (1)

ачетасикам̣ дхаммам̣ паччайа̄ четасико дхаммо уппаджджати а̄рамман̣апаччайа̄ – чаккха̄йатанам̣ паччайа̄ чаккхувин̃н̃а̄н̣асахагата̄ кхандха̄…пе… ка̄йа̄йатанам̣ паччайа̄…пе… читтам̣ паччайа̄ сампайуттака̄ кхандха̄, ваттхум̣ паччайа̄ четасика̄ кхандха̄ (пат̣исандхиккхан̣е двепи ка̄табба̄). (2)

ачетасикам̣ дхаммам̣ паччайа̄ четасико ча ачетасико ча дхамма̄ уппаджджанти а̄рамман̣апаччайа̄ – чаккха̄йатанам̣ паччайа̄ чаккхувин̃н̃а̄н̣ам̣ сампайуттака̄ ча кхандха̄…пе… ка̄йа̄йатанам̣ паччайа̄…пе… ваттхум̣ паччайа̄ читтам̣ сампайуттака̄ ча кхандха̄ (пат̣исандхиккхан̣е екам̣). (3)

109. четасикан̃ча ачетасикан̃ча дхаммам̣ паччайа̄ четасико дхаммо уппаджджати а̄рамман̣апаччайа̄ – чаккхувин̃н̃а̄н̣асахагатам̣ екам̣ кхандхан̃ча чаккхувин̃н̃а̄н̣ан̃ча паччайа̄ две кхандха̄, две кхандхе ча…пе… чаккхувин̃н̃а̄н̣асахагатам̣ екам̣ кхандхан̃ча чаккха̄йатанан̃ча паччайа̄ две кхандха̄, две кхандхе ча…пе… ка̄йавин̃н̃а̄н̣асахагатам̣…пе… четасикам̣ екам̣ кхандхан̃ча читтан̃ча паччайа̄ две кхандха̄, две кхандхе ча…пе… четасикам̣ екам̣ кхандхан̃ча ваттхун̃ча паччайа̄ две кхандха̄, две кхандхе ча…пе… (пат̣исандхиккхан̣е две). (1)

четасикан̃ча ачетасикан̃ча дхаммам̣ паччайа̄ ачетасико дхаммо уппаджджати а̄рамман̣апаччайа̄ – чаккхувин̃н̃а̄н̣асахагате кхандхе ча чаккха̄йатанан̃ча паччайа̄ чаккхувин̃н̃а̄н̣ам̣…пе… ка̄йавин̃н̃а̄н̣асахагате…пе… четасике кхандхе ча ваттхун̃ча паччайа̄ читтам̣ (пат̣исандхиккхан̣е екам̣). (2)

четасикан̃ча ачетасикан̃ча дхаммам̣ паччайа̄ четасико ча ачетасико ча дхамма̄ уппаджджанти а̄рамман̣апаччайа̄ – чаккхувин̃н̃а̄н̣асахагатам̣ екам̣ кхандхан̃ча чаккха̄йатанан̃ча паччайа̄ две кхандха̄ чаккхувин̃н̃а̄н̣ан̃ча, две кхандхе ча…пе… четасикам̣ екам̣ кхандхан̃ча ваттхун̃ча паччайа̄ две кхандха̄ читтан̃ча, две кхандхе ча…пе… (пат̣исандхиккхан̣е екам̣, сам̣кхиттам̣). (3)