1. вибхан̇гава̄ро

нахетупаччайо

6. са̄рамман̣ам̣ дхаммам̣ пат̣ичча са̄рамман̣о дхаммо уппаджджати нахетупаччайа̄ – ахетукам̣ са̄рамман̣ам̣ екам̣ кхандхам̣ пат̣ичча тайо кхандха̄…пе… две кхандхе…пе… ахетукапат̣исандхиккхан̣е…пе… вичикиччха̄сахагате уддхаччасахагате кхандхе пат̣ичча вичикиччха̄сахагато уддхаччасахагато мохо. (1)

са̄рамман̣ам̣ дхаммам̣ пат̣ичча ана̄рамман̣о дхаммо уппаджджати нахетупаччайа̄ – ахетуке са̄рамман̣е кхандхе пат̣ичча читтасамут̣т̣ха̄нам̣ рӯпам̣; ахетукапат̣исандхиккхан̣е…пе…. (2)

са̄рамман̣ам̣ дхаммам̣ пат̣ичча са̄рамман̣о ча ана̄рамман̣о ча дхамма̄ уппаджджанти нахетупаччайа̄ – ахетукам̣ са̄рамман̣ам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… ахетукапат̣исандхиккхан̣е…пе…. (3)

7. ана̄рамман̣ам̣ дхаммам̣ пат̣ичча ана̄рамман̣о дхаммо уппаджджати нахетупаччайа̄ – екам̣ маха̄бхӯтам̣…пе… асан̃н̃асатта̄нам̣ екам̣ маха̄бхӯтам̣…пе…. (1)

ана̄рамман̣ам̣ дхаммам̣ пат̣ичча са̄рамман̣о дхаммо уппаджджати нахетупаччайа̄ – ахетукапат̣исандхиккхан̣е ваттхум̣ пат̣ичча са̄рамман̣а̄ кхандха̄. (2)

ана̄рамман̣ам̣ дхаммам̣ пат̣ичча са̄рамман̣о ча ана̄рамман̣о ча дхамма̄ уппаджджанти нахетупаччайа̄ – ахетукапат̣исандхиккхан̣е ваттхум̣ пат̣ичча са̄рамман̣а̄ кхандха̄, маха̄бхӯте пат̣ичча кат̣атта̄рӯпам̣. (3)

8. са̄рамман̣ан̃ча ана̄рамман̣ан̃ча дхаммам̣ пат̣ичча са̄рамман̣о дхаммо уппаджджати нахетупаччайа̄ – ахетукапат̣исандхиккхан̣е са̄рамман̣ам̣ екам̣ кхандхан̃ча ваттхун̃ча пат̣ичча тайо кхандха̄…пе… две кхандхе ча…пе…. (1)

са̄рамман̣ан̃ча ана̄рамман̣ан̃ча дхаммам̣ пат̣ичча ана̄рамман̣о дхаммо уппаджджати нахетупаччайа̄ – ахетуке са̄рамман̣е кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣; ахетукапат̣исандхиккхан̣е…пе…. (2)

са̄рамман̣ан̃ча ана̄рамман̣ан̃ча дхаммам̣ пат̣ичча са̄рамман̣о ча ана̄рамман̣о ча дхамма̄ уппаджджанти нахетупаччайа̄ – ахетукапат̣исандхиккхан̣е са̄рамман̣ам̣ екам̣ кхандхан̃ча ваттхун̃ча пат̣ичча тайо кхандха̄…пе… две кхандхе ча…пе… са̄рамман̣е кхандхе ча маха̄бхӯте ча пат̣ичча кат̣атта̄рӯпам̣. (3)

наа̄рамман̣апаччайо

9. са̄рамман̣ам̣ дхаммам̣ пат̣ичча ана̄рамман̣о дхаммо уппаджджати наа̄рамман̣апаччайа̄ – са̄рамман̣е кхандхе пат̣ичча читтасамут̣т̣ха̄нам̣ рӯпам̣; пат̣исандхиккхан̣е…пе…. (1)

ана̄рамман̣ам̣ дхаммам̣ пат̣ичча ана̄рамман̣о дхаммо уппаджджати наа̄рамман̣апаччайа̄ (йа̄ва асан̃н̃асатта̄). (1)

са̄рамман̣ан̃ча ана̄рамман̣ан̃ча дхаммам̣ пат̣ичча ана̄рамман̣о дхаммо уппаджджати наа̄рамман̣апаччайа̄ – са̄рамман̣е кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣; пат̣исандхиккхан̣е…пе… (сам̣кхиттам̣). (1)