1. вибхан̇гава̄ро

хетупаччайо

92. четасикам̣ дхаммам̣ пат̣ичча четасико дхаммо уппаджджати хетупаччайа̄ – четасикам̣ екам̣ кхандхам̣ пат̣ичча две кхандха̄, две кхандхе пат̣ичча еко кхандхо; пат̣исандхиккхан̣е…пе…. (1)

четасикам̣ дхаммам̣ пат̣ичча ачетасико дхаммо уппаджджати хетупаччайа̄ – четасике кхандхе пат̣ичча читтан̃ча читтасамут̣т̣ха̄нан̃ча рӯпам̣; пат̣исандхиккхан̣е четасике кхандхе пат̣ичча читтан̃ча кат̣атта̄ ча рӯпам̣. (2)

четасикам̣ дхаммам̣ пат̣ичча четасико ча ачетасико ча дхамма̄ уппаджджанти хетупаччайа̄ – четасикам̣ екам̣ кхандхам̣ пат̣ичча две кхандха̄ читтан̃ча читтасамут̣т̣ха̄нан̃ча рӯпам̣, две кхандхе…пе… пат̣исандхиккхан̣е…пе…. (3)

93. ачетасикам̣ дхаммам̣ пат̣ичча ачетасико дхаммо уппаджджати хетупаччайа̄ – читтам̣ пат̣ичча читтасамут̣т̣ха̄нам̣ рӯпам̣; пат̣исандхиккхан̣е читтам̣ пат̣ичча кат̣атта̄рӯпам̣, читтам̣ пат̣ичча ваттху, ваттхум̣ пат̣ичча читтам̣, екам̣ маха̄бхӯтам̣…пе… маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣. (1)

ачетасикам̣ дхаммам̣ пат̣ичча четасико дхаммо уппаджджати хетупаччайа̄ – читтам̣ пат̣ичча сампайуттака̄ кхандха̄; пат̣исандхиккхан̣е читтам̣…пе… пат̣исандхиккхан̣е ваттхум̣ пат̣ичча четасика̄ кхандха̄. (2)

ачетасикам̣ дхаммам̣ пат̣ичча четасико ча ачетасико ча дхамма̄ уппаджджанти хетупаччайа̄ – читтам̣ пат̣ичча сампайуттака̄ кхандха̄ читтасамут̣т̣ха̄нан̃ча рӯпам̣; пат̣исандхиккхан̣е читтам̣…пе… пат̣исандхиккхан̣е ваттхум̣ пат̣ичча читтан̃ча сампайуттака̄ ча кхандха̄. (3)

94. четасикан̃ча ачетасикан̃ча дхаммам̣ пат̣ичча четасико дхаммо уппаджджати хетупаччайа̄ – четасикам̣ екам̣ кхандхан̃ча читтан̃ча пат̣ичча две кхандха̄, две кхандхе ча…пе… пат̣исандхиккхан̣е четасикам̣ екам̣ кхандхан̃ча читтан̃ча пат̣ичча две кхандха̄, две кхандхе ча…пе… пат̣исандхиккхан̣е четасикам̣ екам̣ кхандхан̃ча ваттхун̃ча пат̣ичча две кхандха̄, две кхандхе ча…пе…. (1)

четасикан̃ча ачетасикан̃ча дхаммам̣ пат̣ичча ачетасико дхаммо уппаджджати хетупаччайа̄ – четасике кхандхе ча читтан̃ча пат̣ичча читтасамут̣т̣ха̄нам̣ рӯпам̣, четасике кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣; пат̣исандхиккхан̣е четасике кхандхе ча читтан̃ча пат̣ичча кат̣атта̄рӯпам̣, пат̣исандхиккхан̣е четасике кхандхе ча маха̄бхӯте ча пат̣ичча кат̣атта̄рӯпам̣, пат̣исандхиккхан̣е четасике кхандхе ча ваттхун̃ча пат̣ичча читтам̣. (2)

четасикан̃ча ачетасикан̃ча дхаммам̣ пат̣ичча четасико ча ачетасико ча дхамма̄ уппаджджанти хетупаччайа̄ – четасикам̣ екам̣ кхандхан̃ча читтан̃ча пат̣ичча две кхандха̄ читтасамут̣т̣ха̄нан̃ча рӯпам̣, две кхандхе ча…пе… пат̣исандхиккхан̣е четасикам̣ екам̣ кхандхан̃ча читтан̃ча пат̣ичча две кхандха̄ кат̣атта̄ ча рӯпам̣, две кхандхе ча…пе… пат̣исандхиккхан̣е четасикам̣ екам̣ кхандхан̃ча ваттхун̃ча пат̣ичча две кхандха̄ читтан̃ча, две кхандхе ча ваттхун̃ча пат̣ичча еко кхандхо читтан̃ча. (3)

а̄рамман̣апаччайо

95. четасикам̣ дхаммам̣ пат̣ичча четасико дхаммо уппаджджати а̄рамман̣апаччайа̄ – четасикам̣ екам̣ кхандхам̣ пат̣ичча две кхандха̄, две кхандхе…пе… пат̣исандхиккхан̣е…пе…. (1)

четасикам̣ дхаммам̣ пат̣ичча ачетасико дхаммо уппаджджати а̄рамман̣апаччайа̄ – четасике кхандхе пат̣ичча читтам̣; пат̣исандхиккхан̣е…пе…. (2)

четасикам̣ дхаммам̣ пат̣ичча четасико ча ачетасико ча дхамма̄ уппаджджанти а̄рамман̣апаччайа̄ – четасикам̣ екам̣ кхандхам̣ пат̣ичча две кхандха̄ читтан̃ча, две кхандхе…пе… пат̣исандхиккхан̣е…пе…. (3)

96. ачетасикам̣ дхаммам̣ пат̣ичча ачетасико дхаммо уппаджджати а̄рамман̣апаччайа̄ – пат̣исандхиккхан̣е ваттхум̣ пат̣ичча читтам̣. (1)

ачетасикам̣ дхаммам̣ пат̣ичча четасико дхаммо уппаджджати а̄рамман̣апаччайа̄ – читтам̣ пат̣ичча сампайуттака̄ кхандха̄; пат̣исандхиккхан̣е читтам̣ пат̣ичча сампайуттака̄ кхандха̄, пат̣исандхиккхан̣е ваттхум̣ пат̣ичча четасика̄ кхандха̄. (2)

ачетасикам̣ дхаммам̣ пат̣ичча четасико ча ачетасико ча дхамма̄ уппаджджанти а̄рамман̣апаччайа̄ – пат̣исандхиккхан̣е ваттхум̣ пат̣ичча читтан̃ча сампайуттака̄ ча кхандха̄. (3)

четасикан̃ча ачетасикан̃ча дхаммам̣ пат̣ичча четасико дхаммо уппаджджати а̄рамман̣апаччайа̄ – четасикам̣ екам̣ кхандхан̃ча читтан̃ча пат̣ичча две кхандха̄, две кхандхе ча…пе… пат̣исандхиккхан̣е четасикам̣ екам̣ кхандхан̃ча читтан̃ча пат̣ичча две кхандха̄, две кхандхе ча…пе… пат̣исандхиккхан̣е четасикам̣ екам̣ кхандхан̃ча ваттхун̃ча пат̣ичча две кхандха̄, две кхандхе ча…пе…. (1)

четасикан̃ча ачетасикан̃ча дхаммам̣ пат̣ичча ачетасико дхаммо уппаджджати а̄рамман̣апаччайа̄ – пат̣исандхиккхан̣е четасике кхандхе ча ваттхун̃ча пат̣ичча читтам̣. (2)

четасикан̃ча ачетасикан̃ча дхаммам̣ пат̣ичча четасико ча ачетасико ча дхамма̄ уппаджджанти а̄рамман̣апаччайа̄ – пат̣исандхиккхан̣е четасикам̣ екам̣ кхандхан̃ча ваттхун̃ча пат̣ичча две кхандха̄ читтан̃ча, две кхандхе ча…пе…. (3)

адхипатипаччайо

97. четасикам̣ дхаммам̣ пат̣ичча четасико дхаммо уппаджджати адхипатипаччайа̄ (сам̣кхиттам̣).