1-4. паччайа̄нулома̄ди

хетупаччайо

69. читтам̣ дхаммам̣ сам̣сат̣т̣хо ночитто дхаммо уппаджджати хетупаччайа̄ – читтам̣ сам̣сат̣т̣ха̄ сампайуттака̄ кхандха̄; пат̣исандхиккхан̣е…пе…. (1)

ночиттам̣ дхаммам̣ сам̣сат̣т̣хо ночитто дхаммо уппаджджати хетупаччайа̄ – ночиттам̣ екам̣ кхандхам̣ сам̣сат̣т̣ха̄ две кхандха̄, две кхандхе сам̣сат̣т̣хо еко кхандхо; пат̣исандхиккхан̣е…пе…. (1)

ночиттам̣ дхаммам̣ сам̣сат̣т̣хо читто дхаммо уппаджджати хетупаччайа̄ – ночитте кхандхе сам̣сат̣т̣хам̣ читтам̣; пат̣исандхиккхан̣е…пе…. (2)

ночиттам̣ дхаммам̣ сам̣сат̣т̣хо читто ча ночитто ча дхамма̄ уппаджджанти хетупаччайа̄ – ночиттам̣ екам̣ кхандхам̣ сам̣сат̣т̣ха̄ две кхандха̄ читтан̃ча, две кхандхе…пе… пат̣исандхиккхан̣е…пе…. (3)

читтан̃ча ночиттан̃ча дхаммам̣ сам̣сат̣т̣хо ночитто дхаммо уппаджджати хетупаччайа̄ – ночиттам̣ екам̣ кхандхан̃ча читтан̃ча сам̣сат̣т̣ха̄ две кхандха̄, две кхандхе ча…пе… пат̣исандхиккхан̣е…пе… (сам̣кхиттам̣).

хетуйа̄ пан̃ча, а̄рамман̣е пан̃ча, адхипатийа̄ пан̃ча (саббаттха пан̃ча), авигате пан̃ча (сам̣кхиттам̣).

нахетуйа̄ пан̃ча, наадхипатийа̄ пан̃ча, напуреджа̄те пан̃ча, напаччха̄джа̄те пан̃ча, наа̄севане пан̃ча, накамме тӣн̣и, навипа̄ке пан̃ча, наджха̄не пан̃ча, намагге пан̃ча, навиппайутте пан̃ча.