1-4. паччайа̄нулома̄ди

443. упа̄диннам̣ дхаммам̣ сам̣сат̣т̣хо упа̄динно дхаммо уппаджджати хетупаччайа̄ – упа̄диннам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе…пе… пат̣исандхиккхан̣е…пе….

анупа̄диннам̣ дхаммам̣ сам̣сат̣т̣хо анупа̄динно дхаммо уппаджджати хетупаччайа̄ – анупа̄диннам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе…пе…. (1)

хетуйа̄ две, а̄рамман̣е две, адхипатийа̄ екам̣, анантаре две, саманантаре две, сахаджа̄те две, ан̃н̃аман̃н̃е две, ниссайе две, упаниссайе две, пуреджа̄те две, а̄севане екам̣, камме две, випа̄ке две…пе… авигате две.

ануломам̣.

444. упа̄диннам̣ дхаммам̣ сам̣сат̣т̣хо упа̄динно дхаммо уппаджджати нахетупаччайа̄ – ахетукам̣ упа̄диннам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе…пе… ахетукапат̣исандхиккхан̣е…пе…. (1)

анупа̄диннам̣ дхаммам̣ сам̣сат̣т̣хо анупа̄динно дхаммо уппаджджати нахетупаччайа̄ – ахетукам̣ анупа̄диннам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе…пе… вичикиччха̄сахагате уддхаччасахагате кхандхе сам̣сат̣т̣хо вичикиччха̄сахагато уддхаччасахагато мохо. (1)

нахетуйа̄ две, наадхипатийа̄ две, напуреджа̄те две, напаччха̄джа̄те две, наа̄севане две, накамме екам̣, навипа̄ке екам̣, наджха̄не екам̣, намагге две, навиппайутте две.

паччанӣйам̣.