1. вибхан̇гава̄ро

хетупаччайо

27. са̄рамман̣о дхаммо са̄рамман̣асса дхаммасса хетупаччайена паччайо – са̄рамман̣а̄ хетӯ сампайуттака̄нам̣ кхандха̄нам̣ хетупаччайена паччайо; пат̣исандхиккхан̣е…пе…. (1)

са̄рамман̣о дхаммо ана̄рамман̣асса дхаммасса хетупаччайена паччайо – са̄рамман̣а̄ хетӯ читтасамут̣т̣ха̄на̄нам̣ рӯпа̄нам̣ хетупаччайена паччайо; пат̣исандхиккхан̣е…пе…. (2)

са̄рамман̣о дхаммо са̄рамман̣асса ча ана̄рамман̣асса ча дхаммасса хетупаччайена паччайо – са̄рамман̣а̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (3)

а̄рамман̣апаччайо

28. са̄рамман̣о дхаммо са̄рамман̣асса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣ катва̄ там̣ паччавеккхати асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати; пуббе сучин̣н̣а̄ни…пе… джха̄на̄…пе… арийа̄ магга̄ вут̣т̣хахитва̄ маггам̣ паччавеккханти, пхалам̣ паччавеккханти, пахӣне килесе…пе… виккхамбхите килесе…пе… пуббе самуда̄чин̣н̣е килесе джа̄нанти, са̄рамман̣е кхандхе аниччато…пе… доманассам̣ уппаджджати; четопарийан̃а̄н̣ена са̄рамман̣ачиттасаман̇гисса читтам̣ джа̄на̄ти, а̄ка̄са̄нан̃ча̄йатанам̣ вин̃н̃а̄н̣ан̃ча̄йатанасса…пе… а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса…пе… са̄рамман̣а̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)

29. ана̄рамман̣о дхаммо са̄рамман̣асса дхаммасса а̄рамман̣апаччайена паччайо – арийа̄ нибба̄нам̣ паччавеккханти, нибба̄нам̣ готрабхусса, вода̄насса, маггасса, пхаласса, а̄ваджджана̄йа а̄рамман̣апаччайена паччайо; чаккхум̣…пе… ваттхум̣ аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе… ана̄рамман̣а̄ кхандха̄ иддхивидхан̃а̄н̣асса, пуббенива̄са̄нуссатин̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)

адхипатипаччайо

30. са̄рамман̣о дхаммо са̄рамман̣асса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣…пе… сӣлам̣…пе… упосатхакаммам̣ катва̄ там̣ гарум̣ катва̄ паччавеккхати асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати, пуббе сучин̣н̣а̄ни…пе… джха̄на̄ вут̣т̣хахитва̄ джха̄нам̣…пе… арийа̄ магга̄ вут̣т̣хахитва̄ маггам̣ гарум̣…пе… пхалам̣ гарум̣…пе… са̄рамман̣е кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. сахаджа̄та̄дхипати – са̄рамман̣а̄дхипати сампайуттака̄нам̣ кхандха̄нам̣ адхипатипаччайена паччайо. (1)

са̄рамман̣о дхаммо ана̄рамман̣асса дхаммасса адхипатипаччайена паччайо. сахаджа̄та̄дхипати – са̄рамман̣а̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. (2)

са̄рамман̣о дхаммо са̄рамман̣асса ча ана̄рамман̣асса ча дхаммасса адхипатипаччайена паччайо. сахаджа̄та̄дхипати – са̄рамман̣а̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

31. ана̄рамман̣о дхаммо са̄рамман̣асса дхаммасса адхипатипаччайена паччайо. а̄рамман̣а̄дхипати – арийа̄ нибба̄нам̣ гарум̣ катва̄ паччавеккханти; нибба̄нам̣ готрабхусса, вода̄насса, маггасса, пхаласса, адхипатипаччайена паччайо; чаккхум̣…пе… ваттхум̣ гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. (1)

анантарапаччайа̄ди

32. са̄рамман̣о дхаммо са̄рамман̣асса дхаммасса анантарапаччайена паччайо – пурима̄ пурима̄ са̄рамман̣а̄…пе… пхаласама̄паттийа̄ анантарапаччайена паччайо… саманантарапаччайена паччайо… екам̣… сахаджа̄тапаччайена паччайо… сатта (пат̣иччава̄ре сахаджа̄тасадиса̄)… ан̃н̃аман̃н̃апаччайена паччайо… чха (пат̣иччава̄ре ан̃н̃аман̃н̃асадисам̣)… ниссайапаччайена паччайо… сатта (паччайава̄ре ниссайасадисо).

упаниссайапаччайо

33. са̄рамман̣о дхаммо са̄рамман̣асса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – саддхам̣ упанисса̄йа да̄нам̣ дети…пе… ма̄нам̣ джаппети, дит̣т̣хим̣ ган̣ха̄ти. сӣлам̣…пе… пан̃н̃ам̣, ра̄гам̣…пе… паттханам̣, ка̄йикам̣ сукхам̣… ка̄йикам̣ дуккхам̣ упанисса̄йа да̄нам̣ дети…пе… сама̄паттим̣ уппа̄дети, па̄н̣ам̣ ханати…пе… сан̇гхам̣ бхиндати. саддха̄…пе… пан̃н̃а̄, ра̄го…пе… паттхана̄, ка̄йикам̣ сукхам̣… ка̄йикам̣ дуккхам̣ саддха̄йа…пе… пан̃н̃а̄йа, ра̄гасса…пе… паттхана̄йа, ка̄йикасса сукхасса, ка̄йикасса дуккхасса, маггасса, пхаласама̄паттийа̄ упаниссайапаччайена паччайо. (1)

ана̄рамман̣о дхаммо са̄рамман̣асса дхаммасса упаниссайапаччайена паччайо – а̄рамман̣ӯпаниссайо, пакатӯпаниссайо…пе…. пакатӯпаниссайо – утум̣, бходжанам̣, сена̄санам̣ упанисса̄йа да̄нам̣ дети…пе… сама̄паттим̣ уппа̄дети, па̄н̣ам̣ ханати…пе… сан̇гхам̣ бхиндати. уту… бходжанам̣… сена̄санам̣ саддха̄йа…пе… паттхана̄йа, ка̄йикасса сукхасса, ка̄йикасса дуккхасса, маггасса, пхаласама̄паттийа̄ упаниссайапаччайена паччайо. (1)

пуреджа̄тапаччайо

34. ана̄рамман̣о дхаммо са̄рамман̣асса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе…. ваттхупуреджа̄там̣ – чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса…пе… ваттху са̄рамман̣а̄нам̣ кхандха̄нам̣ пуреджа̄тапаччайена паччайо. (1)

паччха̄джа̄та̄севанапаччайа̄

35. са̄рамман̣о дхаммо ана̄рамман̣асса дхаммасса паччха̄джа̄тапаччайена паччайо… екам̣.

са̄рамман̣о дхаммо са̄рамман̣асса дхаммасса а̄севанапаччайена паччайо… екам̣.

каммапаччайо

36. са̄рамман̣о дхаммо са̄рамман̣асса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – са̄рамман̣а̄ четана̄ сампайуттака̄нам̣ кхандха̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – са̄рамман̣а̄ четана̄ випа̄ка̄нам̣ кхандха̄нам̣ каммапаччайена паччайо. (1)

са̄рамман̣о дхаммо ана̄рамман̣асса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – са̄рамман̣а̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – са̄рамман̣а̄ четана̄ кат̣атта̄рӯпа̄нам̣ каммапаччайена паччайо. (2)

са̄рамман̣о дхаммо са̄рамман̣асса ча ана̄рамман̣асса ча дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – са̄рамман̣а̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – са̄рамман̣а̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (3)

випа̄ка-а̄ха̄рапаччайа̄

37. са̄рамман̣о дхаммо са̄рамман̣асса дхаммасса випа̄капаччайена паччайо… тӣн̣и.

са̄рамман̣о дхаммо са̄рамман̣асса дхаммасса а̄ха̄рапаччайена паччайо… тӣн̣и.

ана̄рамман̣о дхаммо ана̄рамман̣асса дхаммасса а̄ха̄рапаччайена паччайо – кабал̣ӣка̄ро а̄ха̄ро имасса ка̄йасса а̄ха̄рапаччайена паччайо. (1)

индрийапаччайо

38. са̄рамман̣о дхаммо са̄рамман̣асса дхаммасса индрийапаччайена паччайо… тӣн̣и.

ана̄рамман̣о дхаммо ана̄рамман̣асса дхаммасса индрийапаччайена паччайо – рӯпаджӣвитиндрийам̣ кат̣атта̄рӯпа̄нам̣ индрийапаччайена паччайо. (1)

ана̄рамман̣о дхаммо са̄рамман̣асса дхаммасса индрийапаччайена паччайо – чаккхундрийам̣ чаккхувин̃н̃а̄н̣асса…пе… ка̄йиндрийам̣ ка̄йавин̃н̃а̄н̣асса индрийапаччайена паччайо. (1)

са̄рамман̣о ча ана̄рамман̣о ча дхамма̄ са̄рамман̣асса дхаммасса индрийапаччайена паччайо – чаккхундрийан̃ча чаккхувин̃н̃а̄н̣ан̃ча чаккхувин̃н̃а̄н̣асахагата̄нам̣ кхандха̄нам̣ индрийапаччайена паччайо…пе… ка̄йиндрийан̃ча ка̄йавин̃н̃а̄н̣ан̃ча ка̄йавин̃н̃а̄н̣асахагата̄нам̣ кхандха̄нам̣ индрийапаччайена паччайо. (1)

джха̄напаччайа̄ди

39. са̄рамман̣о дхаммо са̄рамман̣асса дхаммасса джха̄напаччайена паччайо… тӣн̣и, маггапаччайена паччайо… тӣн̣и, сампайуттапаччайена паччайо… екам̣.

виппайуттапаччайо

40. са̄рамман̣о дхаммо ана̄рамман̣асса дхаммасса виппайуттапаччайена паччайо – сахаджа̄там̣, паччха̄джа̄там̣ (сам̣кхиттам̣). (1)

ана̄рамман̣о дхаммо са̄рамман̣асса дхаммасса виппайуттапаччайена паччайо – сахаджа̄там̣, пуреджа̄там̣. сахаджа̄там̣ – пат̣исандхиккхан̣е ваттху са̄рамман̣а̄нам̣ кхандха̄нам̣ виппайуттапаччайена паччайо. пуреджа̄там̣ чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса виппайуттапаччайена паччайо; ваттху са̄рамман̣а̄нам̣ кхандха̄нам̣ виппайуттапаччайена паччайо. (1)

аттхипаччайо

41. са̄рамман̣о дхаммо са̄рамман̣асса дхаммасса аттхипаччайена паччайо – са̄рамман̣о еко кхандхо тин̣н̣аннам̣ кхандха̄нам̣ аттхипаччайена паччайо…пе… две кхандха̄…пе… пат̣исандхиккхан̣е…пе…. (1)

са̄рамман̣о дхаммо ана̄рамман̣асса дхаммасса аттхипаччайена паччайо – сахаджа̄там̣, паччха̄джа̄там̣ (сам̣кхиттам̣). (2)

са̄рамман̣о дхаммо са̄рамман̣асса ча ана̄рамман̣асса ча дхаммасса аттхипаччайена паччайо (пат̣иччасадисам̣). (3)

42. ана̄рамман̣о дхаммо ана̄рамман̣асса дхаммасса аттхипаччайена паччайо – сахаджа̄там̣, а̄ха̄рам̣, индрийам̣. сахаджа̄там̣ – екам̣ маха̄бхӯтам̣…пе… (йа̄ва асан̃н̃асатта̄). (1)

ана̄рамман̣о дхаммо са̄рамман̣асса дхаммасса аттхипаччайена паччайо – сахаджа̄там̣, пуреджа̄там̣. сахаджа̄там̣ – пат̣исандхиккхан̣е ваттху са̄рамман̣а̄нам̣ кхандха̄нам̣ аттхипаччайена паччайо. пуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе… чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса…пе… ваттху са̄рамман̣а̄нам̣ кхандха̄нам̣ аттхипаччайена паччайо. (2)

43. са̄рамман̣о ча ана̄рамман̣о ча дхамма̄ са̄рамман̣асса дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – чаккхувин̃н̃а̄н̣асахагато еко кхандхо ча чаккха̄йатанан̃ча тин̣н̣аннам̣ кхандха̄нам̣ аттхипаччайена паччайо…пе… две кхандха̄ ча…пе… ка̄йавин̃н̃а̄н̣асахагато еко кхандхо ча ка̄йа̄йатанан̃ча тин̣н̣аннам̣ кхандха̄нам̣ аттхипаччайена паччайо…пе… две кхандха̄ ча…пе… са̄рамман̣о еко кхандхо ча ваттху ча тин̣н̣аннам̣ кхандха̄нам̣ аттхипаччайена паччайо…пе… две кхандха̄ ча…пе… пат̣исандхиккхан̣е…пе…. (1)

са̄рамман̣о ча ана̄рамман̣о ча дхамма̄ ана̄рамман̣асса дхаммасса аттхипаччайена паччайо – сахаджа̄там̣, паччха̄джа̄там̣, а̄ха̄рам̣, индрийам̣. сахаджа̄та̄ – са̄рамман̣а̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ аттхипаччайена паччайо; пат̣исандхиккхан̣е…пе…. паччха̄джа̄та̄ – са̄рамман̣а̄ кхандха̄ ча кабал̣ӣка̄ро а̄ха̄ро ча имасса ка̄йасса аттхипаччайена паччайо. паччха̄джа̄та̄ – са̄рамман̣а̄ кхандха̄ ча рӯпаджӣвитиндрийан̃ча кат̣атта̄рӯпа̄нам̣ аттхипаччайена паччайо. (2)