1. вибхан̇гава̄ро

хетупаччайо

318. аджджхаттикам̣ дхаммам̣ пат̣ичча аджджхаттико дхаммо уппаджджати хетупаччайа̄ – пат̣исандхиккхан̣е читтам̣ пат̣ичча аджджхаттикам̣ кат̣атта̄рӯпам̣. (1)

аджджхаттикам̣ дхаммам̣ пат̣ичча ба̄хиро дхаммо уппаджджати хетупаччайа̄ – читтам̣ пат̣ичча сампайуттака̄ кхандха̄ читтасамут̣т̣ха̄нан̃ча рӯпам̣; пат̣исандхиккхан̣е читтам̣ пат̣ичча сампайуттака̄ кхандха̄ ба̄хирам̣ кат̣атта̄ ча рӯпам̣. (2)

аджджхаттикам̣ дхаммам̣ пат̣ичча аджджхаттико ча ба̄хиро ча дхамма̄ уппаджджанти хетупаччайа̄ – пат̣исандхиккхан̣е читтам̣ пат̣ичча сампайуттака̄ кхандха̄ аджджхаттикан̃ча ба̄хиран̃ча кат̣атта̄рӯпам̣. (3)

319. ба̄хирам̣ дхаммам̣ пат̣ичча ба̄хиро дхаммо уппаджджати хетупаччайа̄ – ба̄хирам̣ екам̣ кхандхам̣ пат̣ичча две кхандха̄ читтасамут̣т̣ха̄нан̃ча рӯпам̣, две кхандхе…пе… пат̣исандхиккхан̣е ба̄хирам̣ екам̣ кхандхам̣ пат̣ичча две кхандха̄ ба̄хирам̣ кат̣атта̄ ча рӯпам̣, две кхандхе…пе… кхандхе пат̣ичча ваттху, ваттхум̣ пат̣ичча кхандха̄, екам̣ маха̄бхӯтам̣…пе… маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣. (1)

ба̄хирам̣ дхаммам̣ пат̣ичча аджджхаттико дхаммо уппаджджати хетупаччайа̄ – ба̄хире кхандхе пат̣ичча читтам̣; пат̣исандхиккхан̣е ба̄хире кхандхе пат̣ичча читтам̣ аджджхаттикам̣ кат̣атта̄ ча рӯпам̣, пат̣исандхиккхан̣е ба̄хирам̣ ваттхум̣ пат̣ичча читтам̣. (2)

ба̄хирам̣ дхаммам̣ пат̣ичча аджджхаттико ча ба̄хиро ча дхамма̄ уппаджджанти хетупаччайа̄ – ба̄хирам̣ екам̣ кхандхам̣ пат̣ичча две кхандха̄ читтан̃ча читтасамут̣т̣ха̄нан̃ча рӯпам̣, две кхандхе…пе… пат̣исандхиккхан̣е ба̄хирам̣ екам̣ кхандхам̣ пат̣ичча две кхандха̄ читтан̃ча аджджхаттикан̃ча ба̄хиран̃ча кат̣атта̄рӯпам̣, две кхандхе…пе… пат̣исандхиккхан̣е ваттхум̣ пат̣ичча читтам̣ сампайуттака̄ ча кхандха̄. (3)

320. аджджхаттикан̃ча ба̄хиран̃ча дхаммам̣ пат̣ичча аджджхаттико дхаммо уппаджджати хетупаччайа̄ – пат̣исандхиккхан̣е читтан̃ча сампайуттаке ча кхандхе пат̣ичча аджджхаттикам̣ кат̣атта̄рӯпам̣. (1)

аджджхаттикан̃ча ба̄хиран̃ча дхаммам̣ пат̣ичча ба̄хиро дхаммо уппаджджати хетупаччайа̄ – ба̄хирам̣ екам̣ кхандхан̃ча читтан̃ча пат̣ичча две кхандха̄ читтасамут̣т̣ха̄нан̃ча рӯпам̣, две кхандхе ча…пе… читтан̃ча маха̄бхӯте ча пат̣ичча читтасамут̣т̣ха̄нам̣ рӯпам̣; пат̣исандхиккхан̣е ба̄хирам̣ екам̣ кхандхан̃ча читтан̃ча пат̣ичча две кхандха̄ ба̄хирам̣ кат̣атта̄ ча рӯпам̣, две кхандхе ча…пе… читтан̃ча маха̄бхӯте ча пат̣ичча ба̄хирам̣ кат̣атта̄рӯпам̣, пат̣исандхиккхан̣е читтан̃ча ваттхун̃ча пат̣ичча ба̄хира̄ кхандха̄. (2)

аджджхаттикан̃ча ба̄хиран̃ча дхаммам̣ пат̣ичча аджджхаттико ча ба̄хиро ча дхамма̄ уппаджджанти хетупаччайа̄ – пат̣исандхиккхан̣е ба̄хирам̣ екам̣ кхандхан̃ча читтан̃ча пат̣ичча две кхандха̄ аджджхаттикан̃ча ба̄хиран̃ча кат̣атта̄рӯпам̣, две кхандхе ча…пе…. (3)

а̄рамман̣апаччайо

321. аджджхаттикам̣ дхаммам̣ пат̣ичча ба̄хиро дхаммо уппаджджати а̄рамман̣апаччайа̄ – читтам̣ пат̣ичча сампайуттака̄ кхандха̄; пат̣исандхиккхан̣е читтам̣ пат̣ичча сампайуттака̄ кхандха̄. (1)

ба̄хирам̣ дхаммам̣ пат̣ичча ба̄хиро дхаммо уппаджджати а̄рамман̣апаччайа̄ – ба̄хирам̣ екам̣ кхандхам̣ пат̣ичча две кхандха̄, две кхандхе…пе… пат̣исандхиккхан̣е…пе… ваттхум̣ пат̣ичча кхандха̄. (1)

ба̄хирам̣ дхаммам̣ пат̣ичча аджджхаттико дхаммо уппаджджати а̄рамман̣апаччайа̄ – ба̄хире кхандхе пат̣ичча читтам̣; пат̣исандхиккхан̣е ба̄хире кхандхе пат̣ичча читтам̣, пат̣исандхиккхан̣е ваттхум̣ пат̣ичча читтам̣. (2)

ба̄хирам̣ дхаммам̣ пат̣ичча аджджхаттико ча ба̄хиро ча дхамма̄ уппаджджанти а̄рамман̣апаччайа̄ – ба̄хирам̣ екам̣ кхандхам̣ пат̣ичча две кхандха̄ читтан̃ча, две кхандхе…пе… пат̣исандхиккхан̣е ба̄хирам̣ екам̣ кхандхам̣ пат̣ичча две кхандха̄ читтан̃ча, две кхандхе…пе… пат̣исандхиккхан̣е ваттхум̣ пат̣ичча читтам̣ сампайуттака̄ ча кхандха̄. (3)

аджджхаттикан̃ча ба̄хиран̃ча дхаммам̣ пат̣ичча ба̄хиро дхаммо уппаджджати а̄рамман̣апаччайа̄ – ба̄хирам̣ екам̣ кхандхан̃ча читтан̃ча пат̣ичча две кхандха̄, две кхандхе ча…пе… пат̣исандхиккхан̣е ба̄хирам̣ екам̣ кхандхам̣ читтан̃ча пат̣ичча две кхандха̄, две кхандхе ча…пе… пат̣исандхиккхан̣е ба̄хирам̣ екам̣ кхандхан̃ча читтан̃ча ваттхун̃ча пат̣ичча две кхандха̄, две кхандхе ча…пе… (сам̣кхиттам̣). (1)