1. вибхан̇гава̄ро

нахетупаччайо

18. са̄рамман̣ам̣ дхаммам̣ паччайа̄ са̄рамман̣о дхаммо уппаджджати нахетупаччайа̄… тӣн̣и (пат̣иччава̄расадисам̣).

ана̄рамман̣ам̣ дхаммам̣ паччайа̄ ана̄рамман̣о дхаммо уппаджджати нахетупаччайа̄ – екам̣ маха̄бхӯтам̣…пе… асан̃н̃асатта̄нам̣ екам̣ маха̄бхӯтам̣…пе…. (1)

ана̄рамман̣ам̣ дхаммам̣ паччайа̄ са̄рамман̣о дхаммо уппаджджати нахетупаччайа̄ – чаккха̄йатанам̣ паччайа̄ чаккхувин̃н̃а̄н̣ам̣…пе… ка̄йа̄йатанам̣ паччайа̄ ка̄йавин̃н̃а̄н̣ам̣, ваттхум̣ паччайа̄ ахетука̄ са̄рамман̣а̄ кхандха̄; пат̣исандхиккхан̣е…пе… ваттхум̣ паччайа̄ вичикиччха̄сахагато уддхаччасахагато мохо. (2)

ана̄рамман̣ам̣ дхаммам̣ паччайа̄ са̄рамман̣о ча ана̄рамман̣о ча дхамма̄ уппаджджанти нахетупаччайа̄ – ваттхум̣ паччайа̄ ахетука̄ са̄рамман̣а̄ кхандха̄, маха̄бхӯте паччайа̄ читтасамут̣т̣ха̄нам̣ рӯпам̣; пат̣исандхиккхан̣е…пе…. (3)

19. са̄рамман̣ан̃ча ана̄рамман̣ан̃ча дхаммам̣ паччайа̄ са̄рамман̣о дхаммо уппаджджати нахетупаччайа̄ – чаккхувин̃н̃а̄н̣асахагатам̣ екам̣ кхандхан̃ча чаккха̄йатанан̃ча паччайа̄ тайо кхандха̄…пе… две кхандхе ча…пе… ка̄йавин̃н̃а̄н̣асахагатам̣…пе… ахетукам̣ са̄рамман̣ам̣ екам̣ кхандхан̃ча ваттхун̃ча паччайа̄ тайо кхандха̄…пе… две кхандхе ча…пе… ахетукапат̣исандхиккхан̣е…пе… вичикиччха̄сахагате уддхаччасахагате кхандхе ча ваттхун̃ча паччайа̄ вичикиччха̄сахагато уддхаччасахагато мохо. (1)

са̄рамман̣ан̃ча ана̄рамман̣ан̃ча дхаммам̣ паччайа̄ ана̄рамман̣о дхаммо уппаджджати нахетупаччайа̄ – ахетуке са̄рамман̣е кхандхе ча маха̄бхӯте ча паччайа̄ читтасамут̣т̣ха̄нам̣ рӯпам̣; пат̣исандхиккхан̣е…пе…. (2)

са̄рамман̣ан̃ча ана̄рамман̣ан̃ча дхаммам̣ паччайа̄ са̄рамман̣о ча ана̄рамман̣о ча дхамма̄ уппаджджанти нахетупаччайа̄ – ахетукам̣ са̄рамман̣ам̣ екам̣ кхандхан̃ча ваттхун̃ча паччайа̄ тайо кхандха̄…пе… две кхандхе ча…пе… ахетуке са̄рамман̣е кхандхе ча маха̄бхӯте ча паччайа̄ читтасамут̣т̣ха̄нам̣ рӯпам̣; ахетукапат̣исандхиккхан̣е ахетукам̣ са̄рамман̣ам̣ екам̣ кхандхан̃ча ваттхун̃ча паччайа̄ тайо кхандха̄…пе… две кхандхе ча…пе… ахетуке са̄рамман̣е кхандхе ча маха̄бхӯте ча паччайа̄ кат̣атта̄рӯпам̣…пе… (сам̣кхиттам̣). (3)