1. вибхан̇гава̄ро
хетупаччайо
163. читтасампайутто дхаммо читтасампайуттасса дхаммасса хетупаччайена паччайо – читтасампайутта̄ хетӯ сампайуттака̄нам̣ кхандха̄нам̣ хетупаччайена паччайо; пат̣исандхиккхан̣е…пе…. (1)
читтасампайутто дхаммо читтавиппайуттасса дхаммасса хетупаччайена паччайо – читтасампайутта̄ хетӯ читтасамут̣т̣ха̄на̄нам̣ рӯпа̄нам̣ хетупаччайена паччайо; пат̣исандхиккхан̣е…пе…. (2)
читтасампайутто дхаммо читтасампайуттасса ча читтавиппайуттасса ча дхаммасса хетупаччайена паччайо – читтасампайутта̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (3)
а̄рамман̣апаччайо
164. читтасампайутто дхаммо читтасампайуттасса дхаммасса а̄рамман̣апаччайена паччайо – да̄нам̣…пе… сӣлам̣…пе… упосатхакаммам̣ катва̄ там̣ паччавеккхати асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати; пуббе сучин̣н̣а̄ни…пе… джха̄на̄ вут̣т̣хахитва̄ джха̄нам̣…пе… арийа̄ магга̄ вут̣т̣хахитва̄ маггам̣ паччавеккханти, пхалам̣ паччавеккханти. пахӣне килесе…пе… виккхамбхите килесе паччавеккханти. пуббе самуда̄чин̣н̣е килесе джа̄нанти. читтасампайутте кхандхе аниччато…пе… доманассам̣ уппаджджати. четопарийан̃а̄н̣ена читтасампайуттасаман̇гисса читтам̣ джа̄нанти. а̄ка̄са̄нан̃ча̄йатанам̣ вин̃н̃а̄н̣ан̃ча̄йатанасса…пе… а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса…пе… читтасампайутта̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)
165. читтавиппайутто дхаммо читтасампайуттасса дхаммасса а̄рамман̣апаччайена паччайо – арийа̄ нибба̄нам̣ паччавеккханти. нибба̄нам̣ готрабхусса, вода̄насса, маггасса, пхаласса, а̄ваджджана̄йа а̄рамман̣апаччайена паччайо; чаккхум̣…пе… ваттхум̣ читтавиппайутте кхандхе аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. рӯпа̄йатанам̣ чаккхувин̃н̃а̄н̣асахагата̄нам̣ кхандха̄нам̣…пе… пхот̣т̣хабба̄йатанам̣…пе… читтавиппайутта̄ кхандха̄ иддхивидхан̃а̄н̣асса, пуббенива̄са̄нуссатин̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)
адхипатипаччайо
166. читтасампайутто дхаммо читтасампайуттасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣…пе… сӣлам̣…пе… упосатхакаммам̣ катва̄ там̣ гарум̣ катва̄ паччавеккхати асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. пуббе…пе… джха̄на̄…пе… арийа̄ магга̄ вут̣т̣хахитва̄ маггам̣ гарум̣ катва̄ паччавеккханти, пхалам̣ гарум̣ катва̄ паччавеккханти, читтасампайутте кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. сахаджа̄та̄дхипати – читтасампайутта̄дхипати сампайуттака̄нам̣ кхандха̄нам̣ адхипатипаччайена паччайо. (1)
читтасампайутто дхаммо читтавиппайуттасса дхаммасса адхипатипаччайена паччайо. сахаджа̄та̄дхипати – читтасампайутта̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. (2)
читтасампайутто дхаммо читтасампайуттасса ча читтавиппайуттасса ча дхаммасса адхипатипаччайена паччайо. сахаджа̄та̄дхипати – читтасампайутта̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)
167. читтавиппайутто дхаммо читтасампайуттасса дхаммасса адхипатипаччайена паччайо. а̄рамман̣а̄дхипати – арийа̄ нибба̄нам̣ гарум̣ катва̄ паччавеккханти. нибба̄нам̣ готрабхусса, вода̄насса, маггасса, пхаласса, адхипатипаччайена паччайо; чаккхум̣…пе… ваттхум̣ читтавиппайутте кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. (1)
анантарапаччайа̄ди
168. читтасампайутто дхаммо читтасампайуттасса дхаммасса анантарапаччайена паччайо – пурима̄ пурима̄ читтасампайутта̄ кхандха̄…пе… пхаласама̄паттийа̄ анантарапаччайена паччайо… саманантарапаччайена паччайо… сахаджа̄тапаччайена паччайо… сатта (пат̣иччасадиса̄, пан̃ха̄гхат̣ана̄ наттхи)… ан̃н̃аман̃н̃апаччайена паччайо… чха (пат̣иччасадиса̄)… ниссайапаччайена паччайо… сатта (паччайава̄расадиса̄, пан̃ха̄гхат̣ана̄ наттхи).
упаниссайапаччайо
169. читтасампайутто дхаммо читтасампайуттасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо …пе…. пакатӯпаниссайо – саддхам̣ упанисса̄йа да̄нам̣ дети…пе… ма̄нам̣ джаппети, дит̣т̣хим̣ ган̣ха̄ти; сӣлам̣…пе… паттханам̣ ка̄йикам̣ сукхам̣… ка̄йикам̣ дуккхам̣ упанисса̄йа да̄нам̣ дети…пе… па̄н̣ам̣ ханати…пе… сан̇гхам̣ бхиндати; саддха̄…пе… ка̄йикам̣ дуккхам̣ саддха̄йа…пе… маггасса, пхаласама̄паттийа̄ упаниссайапаччайена паччайо. (1)
читтавиппайутто дхаммо читтасампайуттасса дхаммасса упаниссайапаччайена паччайо – а̄рамман̣ӯпаниссайо, пакатӯпаниссайо…пе…. пакатӯпаниссайо – утум̣… бходжанам̣… сена̄санам̣ упанисса̄йа да̄нам̣ дети…пе… сан̇гхам̣ бхиндати; уту… бходжанам̣… сена̄санам̣ саддха̄йа…пе… пхаласама̄паттийа̄ упаниссайапаччайена паччайо. (1)
пуреджа̄тапаччайо
170. читтавиппайутто дхаммо читтасампайуттасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. рӯпа̄йатанам̣ чаккхувин̃н̃а̄н̣асахагата̄нам̣ кхандха̄нам̣…пе… пхот̣т̣хабба̄йатанам̣…пе…. ваттхупуреджа̄там̣ – чаккха̄йатанам̣ чаккхувин̃н̃а̄н̣асахагата̄нам̣ кхандха̄нам̣…пе… ка̄йа̄йатанам̣…пе… ваттху читтасампайуттака̄нам̣ кхандха̄нам̣ пуреджа̄тапаччайена паччайо. (1)
паччха̄джа̄та̄севанапаччайа̄
171. читтасампайутто дхаммо читтавиппайуттасса дхаммасса паччха̄джа̄тапаччайена паччайо (сам̣кхиттам̣) екам̣, а̄севанапаччайена паччайо … екам̣.
каммапаччайо
172. читтасампайутто дхаммо читтасампайуттасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – читтасампайутта̄ четана̄ сампайуттака̄нам̣ кхандха̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – читтасампайутта̄ четана̄ випа̄ка̄нам̣ кхандха̄нам̣ каммапаччайена паччайо. (1)
читтасампайутто дхаммо читтавиппайуттасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – читтасампайутта̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – читтасампайутта̄ четана̄ кат̣атта̄рӯпа̄нам̣ каммапаччайена паччайо. (2)
читтасампайутто дхаммо читтасампайуттасса ча читтавиппайуттасса ча дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – читтасампайутта̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – читтасампайутта̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (3)
випа̄ка̄ха̄рапаччайа̄
173. читтасампайутто дхаммо читтасампайуттасса дхаммасса випа̄капаччайена паччайо… тӣн̣и.
читтасампайутто дхаммо читтасампайуттасса дхаммасса а̄ха̄рапаччайена паччайо… тӣн̣и.
читтавиппайутто дхаммо читтавиппайуттасса дхаммасса а̄ха̄рапаччайена паччайо – кабал̣ӣка̄ро а̄ха̄ро имасса ка̄йасса а̄ха̄рапаччайена паччайо. (1)
индрийапаччайа̄ди
174. читтасампайутто дхаммо читтасампайуттасса дхаммасса индрийапаччайена паччайо… тӣн̣и.
читтавиппайутто дхаммо читтавиппайуттасса дхаммасса индрийапаччайена паччайо – рӯпаджӣвитиндрийам̣ кат̣атта̄рӯпа̄нам̣ индрийапаччайена паччайо. (1)
читтавиппайутто дхаммо читтасампайуттасса дхаммасса индрийапаччайена паччайо – чаккхундрийам̣ чаккхувин̃н̃а̄н̣асахагата̄нам̣ кхандха̄нам̣ индрийапаччайена паччайо…пе… ка̄йиндрийам̣…пе…. (2)
читтасампайутто ча читтавиппайутто ча дхамма̄ читтасампайуттасса дхаммасса индрийапаччайена паччайо – чаккхундрийан̃ча упеккхиндрийан̃ча чаккхувин̃н̃а̄н̣асахагата̄нам̣ кхандха̄нам̣ индрийапаччайена паччайо …пе… ка̄йиндрийан̃ча сукхиндрийан̃ча…пе… ка̄йиндрийан̃ча дуккхиндрийан̃ча ка̄йавин̃н̃а̄н̣асахагата̄нам̣ кхандха̄нам̣ индрийапаччайена паччайо. (1)
джха̄напаччайена паччайо… тӣн̣и… маггапаччайена паччайо… тӣн̣и… сампайуттапаччайена паччайо… екам̣.
виппайуттапаччайо
175. читтасампайутто дхаммо читтавиппайуттасса дхаммасса виппайуттапаччайена паччайо – сахаджа̄там̣, паччха̄джа̄там̣ (сам̣кхиттам̣). (1)
читтавиппайутто дхаммо читтасампайуттасса дхаммасса виппайуттапаччайена паччайо – сахаджа̄там̣, пуреджа̄там̣. сахаджа̄там̣ – пат̣исандхиккхан̣е ваттху читтасампайуттака̄нам̣ кхандха̄нам̣ виппайуттапаччайена паччайо. пуреджа̄там̣ – чаккха̄йатанам̣ чаккхувин̃н̃а̄н̣асахагата̄нам̣ кхандха̄нам̣ виппайуттапаччайена паччайо…пе… ка̄йа̄йатанам̣ …пе… ваттху читтасампайуттака̄нам̣ кхандха̄нам̣ виппайуттапаччайена паччайо. (1)
аттхипаччайо
176. читтасампайутто дхаммо читтасампайуттасса дхаммасса аттхипаччайена паччайо… екам̣ (пат̣иччасадисам̣). (1)
читтасампайутто дхаммо читтавиппайуттасса дхаммасса аттхипаччайена паччайо – сахаджа̄там̣, паччха̄джа̄там̣ (сам̣кхиттам̣). (2)
читтасампайутто дхаммо читтасампайуттасса ча читтавиппайуттасса ча дхаммасса аттхипаччайена паччайо (пат̣иччасадисам̣). (3)
177. читтавиппайутто дхаммо читтавиппайуттасса дхаммасса аттхипаччайена паччайо – сахаджа̄там̣, а̄ха̄рам̣, индрийам̣ (сам̣кхиттам̣). (1)
читтавиппайутто дхаммо читтасампайуттасса дхаммасса аттхипаччайена паччайо – сахаджа̄там̣, пуреджа̄там̣. сахаджа̄там̣ – пат̣исандхиккхан̣е ваттху читтасампайуттака̄нам̣ кхандха̄нам̣ аттхипаччайена паччайо. пуреджа̄там̣ – чаккхум̣…пе… ваттхум̣ аниччато…пе… (пуреджа̄тасадисам̣). (2)
178. читтасампайутто ча читтавиппайутто ча дхамма̄ читтасампайуттасса дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – чаккхувин̃н̃а̄н̣асахагато еко кхандхо ча чаккха̄йатанан̃ча двиннам̣ кхандха̄нам̣…пе… ка̄йавин̃н̃а̄н̣асахагато еко кхандхо ча ка̄йа̄йатанан̃ча двиннам̣ кхандха̄нам̣…пе… читтасампайутто еко кхандхо ча ваттху ча двиннам̣ кхандха̄нам̣…пе… две кхандха̄ ча…пе… пат̣исандхиккхан̣е…пе…. (1)
читтасампайутто ча читтавиппайутто ча дхамма̄ читтавиппайуттасса дхаммасса аттхипаччайена паччайо – сахаджа̄там̣, паччха̄джа̄там̣, а̄ха̄рам̣, индрийам̣. сахаджа̄та̄ – читтасампайутта̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ аттхипаччайена паччайо; пат̣исандхиккхан̣е…пе…. паччха̄джа̄та̄ – читтасампайуттака̄ кхандха̄ ча кабал̣ӣка̄ро а̄ха̄ро ча имасса ка̄йасса аттхипаччайена паччайо. паччха̄джа̄та̄ – читтасампайуттака̄ кхандха̄ ча рӯпаджӣвитиндрийан̃ча кат̣атта̄рӯпа̄нам̣ аттхипаччайена паччайо. (2)