1. вибхан̇гава̄ро

хетупаччайо

144. читтасампайуттам̣ дхаммам̣ пат̣ичча читтасампайутто дхаммо уппаджджати хетупаччайа̄ – читтасампайуттам̣ екам̣ кхандхам̣ пат̣ичча две кхандха̄, две кхандхе пат̣ичча еко кхандхо; пат̣исандхиккхан̣е…пе…. (1)

читтасампайуттам̣ дхаммам̣ пат̣ичча читтавиппайутто дхаммо уппаджджати хетупаччайа̄ – читтасампайутте кхандхе пат̣ичча читтасамут̣т̣ха̄нам̣ рӯпам̣; пат̣исандхиккхан̣е…пе…. (2)

читтасампайуттам̣ дхаммам̣ пат̣ичча читтасампайутто ча читтавиппайутто ча дхамма̄ уппаджджанти хетупаччайа̄ – читтасампайуттам̣ екам̣ кхандхам̣ пат̣ичча две кхандха̄ читтасамут̣т̣ха̄нан̃ча рӯпам̣, две кхандхе…пе… пат̣исандхиккхан̣е…пе…. (3)

145. читтавиппайуттам̣ дхаммам̣ пат̣ичча читтавиппайутто дхаммо уппаджджати хетупаччайа̄ – екам̣ маха̄бхӯтам̣…пе… маха̄бхӯте пат̣ичча читтасамут̣т̣ха̄нам̣ рӯпам̣…пе… пат̣исандхиккхан̣е…пе… екам̣ маха̄бхӯтам̣…пе… маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

читтавиппайуттам̣ дхаммам̣ пат̣ичча читтасампайутто дхаммо уппаджджати хетупаччайа̄ – пат̣исандхиккхан̣е ваттхум̣ пат̣ичча читтасампайуттака̄ кхандха̄. (2)

читтавиппайуттам̣ дхаммам̣ пат̣ичча читтасампайутто ча читтавиппайутто ча дхамма̄ уппаджджанти хетупаччайа̄ – пат̣исандхиккхан̣е ваттхум̣ пат̣ичча читтасампайуттака̄ кхандха̄, маха̄бхӯте пат̣ичча кат̣атта̄рӯпам̣. (3)

146. читтасампайуттан̃ча читтавиппайуттан̃ча дхаммам̣ пат̣ичча читтасампайутто дхаммо уппаджджати хетупаччайа̄ – пат̣исандхиккхан̣е читтасампайуттам̣ екам̣ кхандхан̃ча ваттхун̃ча пат̣ичча две кхандха̄, две кхандхе ча…пе…. (1)

читтасампайуттан̃ча читтавиппайуттан̃ча дхаммам̣ пат̣ичча читтавиппайутто дхаммо уппаджджати хетупаччайа̄ – читтасампайутте кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣; пат̣исандхиккхан̣е читтасампайутте кхандхе ча маха̄бхӯте ча пат̣ичча кат̣атта̄рӯпам̣. (2)

читтасампайуттан̃ча читтавиппайуттан̃ча дхаммам̣ пат̣ичча читтасампайутто ча читтавиппайутто ча дхамма̄ уппаджджанти хетупаччайа̄ – пат̣исандхиккхан̣е читтасампайуттам̣ екам̣ кхандхан̃ча ваттхун̃ча пат̣ичча две кхандха̄, две кхандхе ча…пе… читтасампайутте кхандхе ча маха̄бхӯте ча пат̣ичча кат̣атта̄рӯпам̣. (3)

а̄рамман̣апаччайо

147. читтасампайуттам̣ дхаммам̣ пат̣ичча читтасампайутто дхаммо уппаджджати а̄рамман̣апаччайа̄ – читтасампайуттам̣ екам̣ кхандхам̣ пат̣ичча две кхандха̄, две кхандхе…пе… пат̣исандхиккхан̣е…пе…. (1)

читтавиппайуттам̣ дхаммам̣ пат̣ичча читтасампайутто дхаммо уппаджджати а̄рамман̣апаччайа̄ – пат̣исандхиккхан̣е ваттхум̣ пат̣ичча читтасампайуттака̄ кхандха̄. (1)

читтасампайуттан̃ча читтавиппайуттан̃ча дхаммам̣ пат̣ичча читтасампайутто дхаммо уппаджджати а̄рамман̣апаччайа̄ – пат̣исандхиккхан̣е читтасампайуттам̣ екам̣ кхандхан̃ча ваттхун̃ча пат̣ичча две кхандха̄, две кхандхе ча…пе… (сам̣кхиттам̣). (1)