1. вибхан̇гава̄ро

хетупаччайо

96. сахетуко дхаммо сахетукасса дхаммасса хетупаччайена паччайо – сахетука̄ хетӯ сампайуттака̄нам̣ кхандха̄нам̣ хетупаччайена паччайо; пат̣исандхиккхан̣е…пе…. (1)

сахетуко дхаммо ахетукасса дхаммасса хетупаччайена паччайо – сахетука̄ хетӯ читтасамут̣т̣ха̄на̄нам̣ рӯпа̄нам̣ хетупаччайена паччайо; пат̣исандхиккхан̣е…пе…. (2)

сахетуко дхаммо сахетукасса ча ахетукасса ча дхаммасса хетупаччайена паччайо – сахетука̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (3)

97. ахетуко дхаммо ахетукасса дхаммасса хетупаччайена паччайо – вичикиччха̄сахагато уддхаччасахагато мохо читтасамут̣т̣ха̄на̄нам̣ рӯпа̄нам̣ хетупаччайена паччайо. (1)

ахетуко дхаммо сахетукасса дхаммасса хетупаччайена паччайо – вичикиччха̄сахагато уддхаччасахагато мохо сампайуттака̄нам̣ кхандха̄нам̣ хетупаччайена паччайо. (2)

ахетуко дхаммо сахетукасса ча ахетукасса ча дхаммасса хетупаччайена паччайо – вичикиччха̄сахагато уддхаччасахагато мохо сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо. (3)

а̄рамман̣апаччайо

98. сахетуко дхаммо сахетукасса дхаммасса а̄рамман̣апаччайена паччайо – да̄нам̣ датва̄ сӣлам̣…пе… упосатхакаммам̣ катва̄ там̣ паччавеккхати, пуббе сучин̣н̣а̄ни паччавеккхати, джха̄на̄ вут̣т̣хахитва̄ джха̄нам̣ паччавеккхати. арийа̄ магга̄ вут̣т̣хахитва̄ маггам̣ паччавеккханти, пхалам̣ паччавеккханти. пахӣне килесе…пе… виккхамбхите килесе…пе… пуббе…пе… сахетуке кхандхе аниччато…пе… доманассам̣ уппаджджати; кусала̄кусале нируддхе сахетуко випа̄ко тада̄рамман̣ата̄ уппаджджати; четопарийан̃а̄н̣ена сахетукачиттасаман̇гисса читтам̣ джа̄нанти. а̄ка̄са̄нан̃ча̄йатанам̣ вин̃н̃а̄н̣ан̃ча̄йатанасса…пе… а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса…пе… сахетука̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса а̄рамман̣апаччайена паччайо; сахетуке кхандхе а̄раббха сахетука̄ кхандха̄ уппаджджанти. (1)

сахетуко дхаммо ахетукасса дхаммасса а̄рамман̣апаччайена паччайо – сахетуке кхандхе аниччато …пе… доманассам̣ уппаджджати, кусала̄кусале нируддхе ахетуко випа̄ко тада̄рамман̣ата̄ уппаджджати, сахетуке кхандхе а̄раббха ахетука̄ кхандха̄ ча мохо ча уппаджджанти. (2)

сахетуко дхаммо сахетукасса ча ахетукасса ча дхаммасса а̄рамман̣апаччайена паччайо – сахетуке кхандхе а̄раббха вичикиччха̄сахагата̄ уддхаччасахагата̄ кхандха̄ ча мохо ча уппаджджанти. (3)

99. ахетуко дхаммо ахетукасса дхаммасса а̄рамман̣апаччайена паччайо – нибба̄нам̣ а̄ваджджана̄йа а̄рамман̣апаччайена паччайо; чаккхум̣…пе… ваттхум̣… ахетуке кхандхе ча мохан̃ча аниччато…пе… доманассам̣ уппаджджати; кусала̄кусале нируддхе ахетуко випа̄ко тада̄рамман̣ата̄ уппаджджати; рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе… ахетуке кхандхе ча мохан̃ча а̄раббха ахетука̄ кхандха̄ ча мохо ча уппаджджанти. (1)

ахетуко дхаммо сахетукасса дхаммасса а̄рамман̣апаччайена паччайо – арийа̄ нибба̄нам̣ паччавеккханти; нибба̄нам̣ готрабхусса, вода̄насса, маггасса, пхаласса а̄рамман̣апаччайена паччайо. арийа̄ ахетуке пахӣне килесе паччавеккханти, виккхамбхите килесе…пе… пуббе…пе… чаккхум̣…пе… ваттхум̣…пе… ахетуке кхандхе ча мохан̃ча аниччато…пе… доманассам̣ уппаджджати; кусала̄кусале нируддхе сахетуко випа̄ко тада̄рамман̣ата̄ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти, четопарийан̃а̄н̣ена ахетукачиттасаман̇гисса читтам̣ джа̄нанти; ахетука̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, ана̄гатам̣сан̃а̄н̣асса а̄рамман̣апаччайена паччайо; ахетуке кхандхе ча мохан̃ча а̄раббха сахетука̄ кхандха̄ уппаджджанти. (2)

ахетуко дхаммо сахетукасса ча ахетукасса ча дхаммасса а̄рамман̣апаччайена паччайо – чаккхум̣ а̄раббха вичикиччха̄сахагата̄ уддхаччасахагата̄ кхандха̄ ча мохо ча уппаджджанти; сотам̣ …пе… ваттхум̣… ахетуке кхандхе ча мохан̃ча а̄раббха вичикиччха̄сахагата̄ уддхаччасахагата̄ кхандха̄ ча мохо ча уппаджджанти. (3)

100. сахетуко ча ахетуко ча дхамма̄ сахетукасса дхаммасса а̄рамман̣апаччайена паччайо – вичикиччха̄сахагате уддхаччасахагате кхандхе ча мохан̃ча а̄раббха сахетука̄ кхандха̄ уппаджджанти. (1)

сахетуко ча ахетуко ча дхамма̄ ахетукасса дхаммасса а̄рамман̣апаччайена паччайо – вичикиччха̄сахагате уддхаччасахагате кхандхе ча мохан̃ча а̄раббха ахетука̄ кхандха̄ ча мохо ча уппаджджанти. (2)

сахетуко ча ахетуко ча дхамма̄ сахетукасса ча ахетукасса ча дхаммасса а̄рамман̣апаччайена паччайо – вичикиччха̄сахагате уддхаччасахагате кхандхе ча мохан̃ча а̄раббха вичикиччха̄сахагата̄ уддхаччасахагата̄ кхандха̄ ча мохо ча уппаджджанти. (3)

адхипатипаччайо

101. сахетуко дхаммо сахетукасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣ датва̄ сӣлам̣…пе… упосатхакаммам̣ катва̄ там̣ гарум̣ катва̄ паччавеккхати, джха̄на̄…пе… арийа̄ магга̄ вут̣т̣хахитва̄ маггам̣ гарум̣ катва̄…пе… пхалам̣…пе… сахетуке кхандхе гарум̣ катва̄ асса̄дети абхинандати; там̣ гарум̣ катва̄ ра̄го уппаджджати, дит̣т̣хи уппаджджати. сахаджа̄та̄дхипати – сахетука̄дхипати сампайуттака̄нам̣ кхандха̄нам̣ адхипатипаччайена паччайо. (1)

сахетуко дхаммо ахетукасса дхаммасса адхипатипаччайена паччайо. сахаджа̄та̄дхипати – сахетука̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. (2)

сахетуко дхаммо сахетукасса ча ахетукасса ча дхаммасса адхипатипаччайена паччайо. сахаджа̄та̄дхипати – сахетука̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

ахетуко дхаммо сахетукасса дхаммасса адхипатипаччайена паччайо. а̄рамман̣а̄дхипати – арийа̄ нибба̄нам̣ гарум̣ катва̄ паччавеккханти; нибба̄нам̣ готрабхусса, вода̄насса, маггасса, пхаласса адхипатипаччайена паччайо; чаккхум̣…пе… ваттхум̣… ахетуке кхандхе гарум̣ катва̄ асса̄дети абхинандати; там̣ гарум̣ катва̄ ра̄го уппаджджати, дит̣т̣хи уппаджджати. (1)

анантарапаччайо

102. сахетуко дхаммо сахетукасса дхаммасса анантарапаччайена паччайо – пурима̄ пурима̄ сахетука̄ кхандха̄ паччхима̄нам̣ паччхима̄нам̣ сахетука̄нам̣ кхандха̄нам̣ анантарапаччайена паччайо; ануломам̣ готрабхусса… ануломам̣ вода̄насса… готрабху маггасса… вода̄нам̣ маггасса… магго пхаласса… пхалам̣ пхаласса… ануломам̣ пхаласама̄паттийа̄… ниродха̄ вут̣т̣хахантасса невасан̃н̃а̄на̄сан̃н̃а̄йатанам̣ пхаласама̄паттийа̄ анантарапаччайена паччайо. (1)

сахетуко дхаммо ахетукасса дхаммасса анантарапаччайена паччайо – пурима̄ пурима̄ вичикиччха̄сахагата̄ уддхаччасахагата̄ кхандха̄ паччхимасса паччхимасса вичикиччха̄сахагатасса уддхаччасахагатасса мохасса анантарапаччайена паччайо; сахетукам̣ чутичиттам̣ ахетукасса упапаттичиттасса анантарапаччайена паччайо; сахетукам̣ бхаван̇гам̣ а̄ваджджана̄йа анантарапаччайена паччайо; сахетукам̣ бхаван̇гам̣ ахетукасса бхаван̇гасса анантарапаччайена паччайо; сахетука̄ кхандха̄ ахетукасса вут̣т̣ха̄насса анантарапаччайена паччайо. (2)

сахетуко дхаммо сахетукасса ча ахетукасса ча дхаммасса анантарапаччайена паччайо – пурима̄ пурима̄ вичикиччха̄сахагата̄ уддхаччасахагата̄ кхандха̄ паччхима̄нам̣ паччхима̄нам̣ вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча анантарапаччайена паччайо. (3)

103. ахетуко дхаммо ахетукасса дхаммасса анантарапаччайена паччайо – пуримо пуримо вичикиччха̄сахагато уддхаччасахагато мохо паччхимасса паччхимасса вичикиччха̄сахагатасса уддхаччасахагатасса мохасса анантарапаччайена паччайо; пурима̄ пурима̄ ахетука̄ кхандха̄ паччхима̄нам̣ паччхима̄нам̣ ахетука̄нам̣ кхандха̄нам̣ анантарапаччайена паччайо; а̄ваджджана̄ пан̃чаннам̣ вин̃н̃а̄н̣а̄нам̣ анантарапаччайена паччайо. (1)

ахетуко дхаммо сахетукасса дхаммасса анантарапаччайена паччайо – пуримо пуримо вичикиччха̄сахагато уддхаччасахагато мохо паччхима̄нам̣ паччхима̄нам̣ вичикиччха̄сахагата̄нам̣ уддхаччасахагата̄нам̣ кхандха̄нам̣ анантарапаччайена паччайо; ахетукам̣ чутичиттам̣ сахетукасса упапаттичиттасса анантарапаччайена паччайо; ахетукам̣ бхаван̇гам̣ сахетукасса бхаван̇гасса анантарапаччайена паччайо; а̄ваджджана̄ сахетука̄нам̣ кхандха̄нам̣ анантарапаччайена паччайо; ахетука̄ кхандха̄ сахетукасса вут̣т̣ха̄насса анантарапаччайена паччайо. (2)

ахетуко дхаммо сахетукасса ча ахетукасса ча дхаммасса анантарапаччайена паччайо – пуримо пуримо вичикиччха̄сахагато уддхаччасахагато мохо паччхима̄нам̣ паччхима̄нам̣ вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча анантарапаччайена паччайо; а̄ваджджана̄ вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча анантарапаччайена паччайо. (3)

104. сахетуко ча ахетуко ча дхамма̄ сахетукасса дхаммасса анантарапаччайена паччайо – пурима̄ пурима̄ вичикиччха̄сахагата̄ уддхаччасахагата̄ кхандха̄ ча мохо ча паччхима̄нам̣ паччхима̄нам̣ вичикиччха̄сахагата̄нам̣ уддхаччасахагата̄нам̣ кхандха̄нам̣ анантарапаччайена паччайо. (1)

сахетуко ча ахетуко ча дхамма̄ ахетукасса дхаммасса анантарапаччайена паччайо – пурима̄ пурима̄ вичикиччха̄сахагата̄ уддхаччасахагата̄ кхандха̄ ча мохо ча паччхимасса паччхимасса вичикиччха̄сахагатасса уддхаччасахагатасса мохасса анантарапаччайена паччайо; вичикиччха̄сахагата̄ уддхаччасахагата̄ кхандха̄ ча мохо ча ахетукасса вут̣т̣ха̄насса анантарапаччайена паччайо. (2)

сахетуко ча ахетуко ча дхамма̄ сахетукасса ча ахетукасса ча дхаммасса анантарапаччайена паччайо – пурима̄ пурима̄ вичикиччха̄сахагата̄ уддхаччасахагата̄ кхандха̄ ча мохо ча паччхима̄нам̣ паччхима̄нам̣ вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча анантарапаччайена паччайо. (3)

сахаджа̄тапаччайа̄ди

105. сахетуко дхаммо сахетукасса дхаммасса сахаджа̄тапаччайена паччайо (пат̣иччава̄ре сахаджа̄тасадисам̣, иха гхат̣ана̄ наттхи)… ан̃н̃аман̃н̃апаччайена паччайо (пат̣иччава̄расадисам̣)… ниссайапаччайена паччайо (пат̣иччава̄ре ниссайапаччайасадисам̣, иха гхат̣ана̄ наттхи).

упаниссайапаччайо

106. сахетуко дхаммо сахетукасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – сахетука̄ кхандха̄ сахетука̄нам̣ кхандха̄нам̣ упаниссайапаччайена паччайо. (1)

сахетуко дхаммо ахетукасса дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – сахетука̄ кхандха̄ ахетука̄нам̣ кхандха̄нам̣ мохасса ча упаниссайапаччайена паччайо. (2)

сахетуко дхаммо сахетукасса ча ахетукасса ча дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – сахетука̄ кхандха̄ вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча упаниссайапаччайена паччайо. (3)

107. ахетуко дхаммо ахетукасса дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – ка̄йикам̣ сукхам̣ ка̄йикасса сукхасса, ка̄йикасса дуккхасса, мохасса ча упаниссайапаччайена паччайо; ка̄йикам̣ дуккхам̣… уту… бходжанам̣… сена̄санам̣ ка̄йикасса сукхасса, ка̄йикасса дуккхасса, мохасса ча упаниссайапаччайена паччайо; мохо ка̄йикасса сукхасса, ка̄йикасса дуккхасса, мохасса ча упаниссайапаччайена паччайо; ка̄йикам̣ сукхам̣… ка̄йикам̣ дуккхам̣… уту… бходжанам̣, сена̄санам̣, мохо ча ка̄йикасса сукхасса, ка̄йикасса дуккхасса, мохасса ча упаниссайапаччайена паччайо. (1)

ахетуко дхаммо сахетукасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – ка̄йикам̣ сукхам̣ упанисса̄йа да̄нам̣ дети…пе… сан̇гхам̣ бхиндати; ка̄йикам̣ дуккхам̣… утум̣… бходжанам̣… сена̄санам̣… мохам̣ упанисса̄йа да̄нам̣ дети…пе… сан̇гхам̣ бхиндати; ка̄йикам̣ сукхам̣…пе… мохо ча саддха̄йа…пе… пан̃н̃а̄йа ра̄гасса…пе… паттхана̄йа маггасса пхаласама̄паттийа̄ упаниссайапаччайена паччайо. (2)

ахетуко дхаммо сахетукасса ча ахетукасса ча дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – ка̄йикам̣ сукхам̣ мохо ча вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча упаниссайапаччайена паччайо. (3)

108. сахетуко ча ахетуко ча дхамма̄ сахетукасса дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – вичикиччха̄сахагата̄ уддхаччасахагата̄ кхандха̄ ча мохо ча сахетука̄нам̣ кхандха̄нам̣ упаниссайапаччайена паччайо. (1)

сахетуко ча ахетуко ча дхамма̄ ахетукасса дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – вичикиччха̄сахагата̄ уддхаччасахагата̄ кхандха̄ ча мохо ча ахетука̄нам̣ кхандха̄нам̣ мохасса ча упаниссайапаччайена паччайо. (2)

сахетуко ча ахетуко ча дхамма̄ сахетукасса ча ахетукасса ча дхаммасса упаниссайапаччайена паччайо – анантарӯпаниссайо, пакатӯпаниссайо…пе…. пакатӯпаниссайо – вичикиччха̄сахагата̄ уддхаччасахагата̄ кхандха̄ ча мохо ча вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча упаниссайапаччайена паччайо. (3)

пуреджа̄тапаччайо

109. ахетуко дхаммо ахетукасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати, кусала̄кусале нируддхе ахетуко випа̄ко тада̄рамман̣ата̄ уппаджджати; рӯпа̄йатанам̣ чаккхувин̃н̃а̄н̣асса …пе… пхот̣т̣хабба̄йатанам̣ ка̄йавин̃н̃а̄н̣асса пуреджа̄тапаччайена паччайо. ваттхупуреджа̄там̣ – чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса… пуреджа̄там̣ ваттху ахетука̄нам̣ кхандха̄нам̣ мохасса ча пуреджа̄тапаччайена паччайо. (1)

ахетуко дхаммо сахетукасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати; кусала̄кусале нируддхе сахетуко випа̄ко тада̄рамман̣ата̄ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. ваттхупуреджа̄там̣ – ваттху сахетука̄нам̣ кхандха̄нам̣ пуреджа̄тапаччайена паччайо. (2)

ахетуко дхаммо сахетукасса ча ахетукасса ча дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ а̄раббха вичикиччха̄сахагата̄ уддхаччасахагата̄ кхандха̄ ча мохо ча уппаджджанти. ваттхупуреджа̄там̣ – ваттху вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча пуреджа̄тапаччайена паччайо. (3)

паччха̄джа̄тапаччайа̄ди

110. сахетуко дхаммо ахетукасса дхаммасса паччха̄джа̄тапаччайена паччайо – паччха̄джа̄та̄ сахетука̄ кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)

ахетуко дхаммо ахетукасса дхаммасса паччха̄джа̄тапаччайена паччайо – паччха̄джа̄та̄ ахетука̄ кхандха̄ ча мохо ча пуреджа̄тасса имасса ка̄йасса паччха̄джа̄тапаччайена паччайо. (1)

сахетуко ча ахетуко ча дхамма̄ ахетукасса дхаммасса паччха̄джа̄тапаччайена паччайо – паччха̄джа̄та̄ вичикиччха̄сахагата̄ уддхаччасахагата̄ кхандха̄ ча мохо ча пуреджа̄тасса имасса ка̄йасса паччха̄джа̄тапаччайена паччайо. (1)

сахетуко дхаммо сахетукасса дхаммасса а̄севанапаччайена паччайо (анантарасадисам̣. а̄ваджджанампи бхаван̇гампи наттхи, а̄севанапаччайе ваджджетабба̄ навапи ).

каммапаччайо

111. сахетуко дхаммо сахетукасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – сахетука̄ четана̄ сампайуттака̄нам̣ кхандха̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – сахетука̄ четана̄ випа̄ка̄нам̣ сахетука̄нам̣ кхандха̄нам̣ каммапаччайена паччайо. (1)

сахетуко дхаммо ахетукасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – сахетука̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – сахетука̄ четана̄ випа̄ка̄нам̣ ахетука̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (2)

сахетуко дхаммо сахетукасса ча ахетукасса ча дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – сахетука̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. на̄на̄ккхан̣ика̄ – сахетука̄ четана̄ випа̄ка̄нам̣ сахетука̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (3)

ахетуко дхаммо ахетукасса дхаммасса каммапаччайена паччайо – ахетука̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо; пат̣исандхиккхан̣е…пе…. (1)

випа̄капаччайо

112. сахетуко дхаммо сахетукасса дхаммасса випа̄капаччайена паччайо – випа̄ко сахетуко еко кхандхо тин̣н̣аннам̣ кхандха̄нам̣…пе… две кхандха̄…пе… пат̣исандхиккхан̣е…пе…. (1)

сахетуко дхаммо ахетукасса дхаммасса випа̄капаччайена паччайо – випа̄ка̄ сахетука̄ кхандха̄ читтасамут̣т̣ха̄на̄нам̣ рӯпа̄нам̣ випа̄капаччайена паччайо; пат̣исандхиккхан̣е…пе…. (2)

сахетуко дхаммо сахетукасса ча ахетукасса ча дхаммасса випа̄капаччайена паччайо – випа̄ко сахетуко еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣…пе… две кхандха̄…пе… пат̣исандхиккхан̣е…пе…. (3)

ахетуко дхаммо ахетукасса дхаммасса випа̄капаччайена паччайо – випа̄ко ахетуко еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣…пе… две кхандха̄…пе… пат̣исандхиккхан̣е…пе… кхандха̄ ваттхусса випа̄капаччайена паччайо. (1)

а̄ха̄рапаччайо

113. сахетуко дхаммо сахетукасса дхаммасса а̄ха̄рапаччайена паччайо… тӣн̣и.

ахетуко дхаммо ахетукасса дхаммасса а̄ха̄рапаччайена паччайо – ахетука̄ а̄ха̄ра̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣…пе… пат̣исандхиккхан̣е…пе… кабал̣ӣка̄ро а̄ха̄ро имасса ка̄йасса а̄ха̄рапаччайена паччайо. (1)

индрийапаччайа̄ди

114. сахетуко дхаммо сахетукасса дхаммасса индрийапаччайена паччайо… тӣн̣и.

ахетуко дхаммо ахетукасса дхаммасса индрийапаччайена паччайо – ахетука̄ индрийа̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣…пе… пат̣исандхиккхан̣е…пе… чаккхундрийам̣ чаккхувин̃н̃а̄н̣асса…пе… ка̄йиндрийам̣ ка̄йавин̃н̃а̄н̣асса индрийапаччайена паччайо; рӯпаджӣвитиндрийам̣ кат̣атта̄рӯпа̄нам̣ индрийапаччайена паччайо. (1)

сахетуко дхаммо сахетукасса дхаммасса джха̄напаччайена паччайо… тӣн̣и.

ахетуко дхаммо ахетукасса дхаммасса джха̄напаччайена паччайо – ахетука̄ни джха̄нан̇га̄ни сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣…пе… пат̣исандхиккхан̣е…пе…. (1)

сахетуко дхаммо сахетукасса дхаммасса маггапаччайена паччайо… тӣн̣и.

сахетуко дхаммо сахетукасса дхаммасса сампайуттапаччайена паччайо (пат̣иччава̄ре сампайуттасадиса̄ чха пан̃ха̄).

виппайуттапаччайо

115. сахетуко дхаммо ахетукасса дхаммасса виппайуттапаччайена паччайо – сахаджа̄там̣, паччха̄джа̄там̣. сахаджа̄та̄ – сахетука̄ кхандха̄ читтасамут̣т̣ха̄на̄нам̣ рӯпа̄нам̣ виппайуттапаччайена паччайо; пат̣исандхиккхан̣е сахетука̄ кхандха̄ кат̣атта̄рӯпа̄нам̣ виппайуттапаччайена паччайо. паччха̄джа̄та̄ – сахетука̄ кхандха̄ пуреджа̄тасса имасса ка̄йасса виппайуттапаччайена паччайо. (1)

ахетуко дхаммо ахетукасса дхаммасса виппайуттапаччайена паччайо – сахаджа̄там̣, пуреджа̄там̣, паччха̄джа̄там̣. сахаджа̄та̄ – ахетука̄ кхандха̄ читтасамут̣т̣ха̄на̄нам̣ рӯпа̄нам̣ виппайуттапаччайена паччайо; пат̣исандхиккхан̣е ахетука̄ кхандха̄ кат̣атта̄рӯпа̄нам̣ виппайуттапаччайена паччайо; кхандха̄ ваттхусса виппайуттапаччайена паччайо; ваттху кхандха̄нам̣ виппайуттапаччайена паччайо. пуреджа̄там̣ – чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса… ваттху ахетука̄нам̣ кхандха̄нам̣ мохасса ча виппайуттапаччайена паччайо. паччха̄джа̄та̄ – ахетука̄ кхандха̄ ча мохо ча пуреджа̄тасса имасса ка̄йасса виппайуттапаччайена паччайо. (1)

ахетуко дхаммо сахетукасса дхаммасса виппайуттапаччайена паччайо – сахаджа̄там̣, пуреджа̄там̣. сахаджа̄там̣ – пат̣исандхиккхан̣е ваттху сахетука̄нам̣ кхандха̄нам̣ виппайуттапаччайена паччайо. пуреджа̄там̣ – ваттху сахетука̄нам̣ кхандха̄нам̣ виппайуттапаччайена паччайо. (2)

ахетуко дхаммо сахетукасса ча ахетукасса ча дхаммасса виппайуттапаччайена паччайо. пуреджа̄там̣ – ваттху вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча виппайуттапаччайена паччайо. (3)

сахетуко ча ахетуко ча дхамма̄ ахетукасса дхаммасса виппайуттапаччайена паччайо – сахаджа̄там̣, паччха̄джа̄там̣. сахаджа̄та̄ – вичикиччха̄сахагата̄ уддхаччасахагата̄ кхандха̄ ча мохо ча читтасамут̣т̣ха̄на̄нам̣ рӯпа̄нам̣ виппайуттапаччайена паччайо. паччха̄джа̄та̄ – вичикиччха̄сахагата̄ уддхаччасахагата̄ кхандха̄ ча мохо ча пуреджа̄тасса имасса ка̄йасса виппайуттапаччайена паччайо. (1)

аттхипаччайо

116. сахетуко дхаммо сахетукасса дхаммасса аттхипаччайена паччайо – сахетуко еко кхандхо тин̣н̣аннам̣ кхандха̄нам̣…пе… две кхандха̄…пе… пат̣исандхиккхан̣е…пе…. (1)

сахетуко дхаммо ахетукасса дхаммасса аттхипаччайена паччайо – сахаджа̄там̣, паччха̄джа̄там̣. сахаджа̄та̄ – сахетука̄ кхандха̄ читтасамут̣т̣ха̄на̄нам̣ рӯпа̄нам̣ аттхипаччайена паччайо; вичикиччха̄сахагата̄ уддхаччасахагата̄ кхандха̄ мохасса ча читтасамут̣т̣ха̄на̄нан̃ча рӯпа̄нам̣ аттхипаччайена паччайо; пат̣исандхиккхан̣е…пе…. паччха̄джа̄та̄ – сахетука̄ кхандха̄ пуреджа̄тасса имасса ка̄йасса аттхипаччайена паччайо. (2)

сахетуко дхаммо сахетукасса ча ахетукасса ча дхаммасса аттхипаччайена паччайо – сахетуко еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо; вичикиччха̄сахагато уддхаччасахагато еко кхандхо тин̣н̣аннам̣ кхандха̄нам̣ мохасса ча читтасамут̣т̣ха̄на̄нан̃ча рӯпа̄нам̣ аттхипаччайена паччайо…пе… две кхандха̄…пе… пат̣исандхиккхан̣е сахетуко…пе…. (3)

117. ахетуко дхаммо ахетукасса дхаммасса аттхипаччайена паччайо – сахаджа̄там̣, пуреджа̄там̣, паччха̄джа̄там̣, а̄ха̄рам̣, индрийам̣. сахаджа̄то – ахетуко еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо…пе… две кхандха̄…пе… вичикиччха̄сахагато уддхаччасахагато мохо читтасамут̣т̣ха̄на̄нам̣ рӯпа̄нам̣ аттхипаччайена паччайо; пат̣исандхиккхан̣е…пе… (йа̄ва асан̃н̃асатта̄ ка̄таббам̣). пуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати, кусала̄кусале нируддхе ахетуко випа̄ко тада̄рамман̣ата̄ уппаджджати; рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе… чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса аттхипаччайена паччайо; ваттху ахетука̄нам̣ кхандха̄нам̣ мохасса ча аттхипаччайена паччайо. паччха̄джа̄та̄ – ахетука̄ кхандха̄ ча мохо ча пуреджа̄тасса имасса ка̄йасса аттхипаччайена паччайо; кабал̣ӣка̄ро а̄ха̄ро имасса ка̄йасса аттхипаччайена паччайо; рӯпаджӣвитиндрийам̣ кат̣атта̄рӯпа̄нам̣ аттхипаччайена паччайо. (1)

ахетуко дхаммо сахетукасса дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – вичикиччха̄сахагато уддхаччасахагато мохо сампайуттака̄нам̣ кхандха̄нам̣ аттхипаччайена паччайо; пат̣исандхиккхан̣е ваттху сахетука̄нам̣ кхандха̄нам̣ аттхипаччайена паччайо. пуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати; кусала̄кусале нируддхе сахетуко випа̄ко тада̄рамман̣ата̄ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти, ваттху сахетука̄нам̣ кхандха̄нам̣ аттхипаччайена паччайо. (2)

ахетуко дхаммо сахетукасса ча ахетукасса ча дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – вичикиччха̄сахагато уддхаччасахагато мохо сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо. пуреджа̄там̣ – чаккхум̣…пе… ваттхум̣ а̄раббха вичикиччха̄сахагата̄ уддхаччасахагата̄ кхандха̄ ча мохо ча уппаджджанти, ваттху вичикиччха̄сахагата̄нам̣ уддхаччасахагата̄нам̣ кхандха̄нам̣ мохасса ча аттхипаччайена паччайо. (3)

118. сахетуко ча ахетуко ча дхамма̄ сахетукасса дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – вичикиччха̄сахагато уддхаччасахагато еко кхандхо ча мохо ча тин̣н̣аннам̣ кхандха̄нам̣ аттхипаччайена паччайо…пе… две кхандха̄ ча…пе… пат̣исандхиккхан̣е сахетуко еко кхандхо ча ваттху ча тин̣н̣аннам̣ кхандха̄нам̣ аттхипаччайена паччайо…пе… две кхандха̄ ча…пе…. сахаджа̄то – сахетуко еко кхандхо ча ваттху ча тин̣н̣аннам̣ кхандха̄нам̣ аттхипаччайена паччайо…пе… две кхандха̄ ча…пе…. (1)

сахетуко ча ахетуко ча дхамма̄ ахетукасса дхаммасса аттхипаччайена паччайо – сахаджа̄там̣, пуреджа̄там̣, паччха̄джа̄там̣, а̄ха̄рам̣, индрийам̣. сахаджа̄та̄ – сахетука̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ аттхипаччайена паччайо; вичикиччха̄сахагата̄ уддхаччасахагата̄ кхандха̄ ча мохо ча читтасамут̣т̣ха̄на̄нам̣ рӯпа̄нам̣ аттхипаччайена паччайо; пат̣исандхиккхан̣е сахетука̄ кхандха̄ ча маха̄бхӯта̄ ча кат̣атта̄рӯпа̄нам̣ аттхипаччайена паччайо. сахаджа̄та̄ – вичикиччха̄сахагата̄ уддхаччасахагата̄ кхандха̄ ча ваттху ча мохасса аттхипаччайена паччайо. паччха̄джа̄та̄ – вичикиччха̄сахагата̄ уддхаччасахагата̄ кхандха̄ ча мохо ча пуреджа̄тасса имасса ка̄йасса аттхипаччайена паччайо. паччха̄джа̄та̄ – сахетука̄ кхандха̄ ча кабал̣ӣка̄ро а̄ха̄ро ча имасса ка̄йасса аттхипаччайена паччайо. паччха̄джа̄та̄ – сахетука̄ кхандха̄ ча рӯпаджӣвитиндрийан̃ча кат̣атта̄рӯпа̄нам̣ аттхипаччайена паччайо. (2)

сахетуко ча ахетуко ча дхамма̄ сахетукасса ча ахетукасса ча дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – вичикиччха̄сахагато уддхаччасахагато еко кхандхо ча мохо ча тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо…пе…. сахаджа̄то – вичикиччха̄сахагато уддхаччасахагато еко кхандхо ча ваттху ча тин̣н̣аннам̣ кхандха̄нам̣ мохасса ча аттхипаччайена паччайо…пе… две кхандха̄ ча…пе…. (3)