1. вибхан̇гава̄ро

хетупаччайо

17. хету дхаммо хетусса дхаммасса хетупаччайена паччайо – алобхо адосасса амохасса хетупаччайена паччайо (чаккам̣). лобхо мохасса хетупаччайена паччайо, досо мохасса хетупаччайена паччайо; пат̣исандхиккхан̣е…пе…. (1)

хету дхаммо нахетусса дхаммасса хетупаччайена паччайо – хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е…пе…. (2)

хету дхаммо хетусса ча нахетусса ча дхаммасса хетупаччайена паччайо – алобхо адосасса амохасса сампайуттака̄нан̃ча кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо (чаккам̣). лобхо мохасса…пе… пат̣исандхиккхан̣е…пе…. (3)

а̄рамман̣апаччайо

18. хету дхаммо хетусса дхаммасса а̄рамман̣апаччайена паччайо – хетум̣ а̄раббха хетӯ уппаджджанти. (1)

хету дхаммо нахетусса дхаммасса а̄рамман̣апаччайена паччайо – хетум̣ а̄раббха нахетӯ кхандха̄ уппаджджанти. (2)

хету дхаммо хетусса ча нахетусса ча дхаммасса а̄рамман̣апаччайена паччайо – хетум̣ а̄раббха хетӯ ча сампайуттака̄ ча кхандха̄ уппаджджанти. (3)

19. нахету дхаммо нахетусса дхаммасса а̄рамман̣апаччайена паччайо – да̄нам̣ датва̄ сӣлам̣…пе… упосатхакаммам̣ катва̄ там̣ паччавеккхати, пуббе сучин̣н̣а̄ни паччавеккхати. джха̄на̄ вут̣т̣хахитва̄…пе… арийа̄ магга̄ вут̣т̣хахитва̄ маггам̣ паччавеккханти, пхалам̣…пе… нибба̄нам̣…пе… нибба̄нам̣ готрабхусса, вода̄насса, маггасса, пхаласса, а̄ваджджана̄йа а̄рамман̣апаччайена паччайо. арийа̄ нахетӯ пахӣне килесе паччавеккханти, виккхамбхите килесе паччавеккханти, пуббе самуда̄чин̣н̣е килесе джа̄нанти, чаккхум̣…пе… ваттхум̣, нахетӯ кхандхе аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти, четопарийан̃а̄н̣ена нахетучиттасаман̇гисса читтам̣ джа̄на̄ти. а̄ка̄са̄нан̃ча̄йатанам̣ [а̄ка̄са̄нан̃ча̄йатанакирийам̣ (сйа̄.) евамупарипи тӣсу т̣ха̄несу] вин̃н̃а̄н̣ан̃ча̄йатанасса…пе… а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса…пе… рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса …пе… нахетӯ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)

нахету дхаммо хетусса дхаммасса а̄рамман̣апаччайена паччайо – да̄нам̣ датва̄ (пат̣хамагаманам̣йева, а̄ваджджана̄ наттхи. рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса̄ти идам̣ наттхи). (2)

нахету дхаммо хетусса ча нахетусса ча дхаммасса а̄рамман̣апаччайена паччайо – да̄нам̣ датва̄ сӣлам̣…пе… упосатхакаммам̣ катва̄ там̣ паччавеккхати, там̣ а̄раббха хетӯ ча сампайуттака̄ ча кхандха̄ уппаджджанти (таттха таттха т̣хитена имам̣ ка̄таббам̣ дутийагаманасадисам̣). (3)

20. хету ча нахету ча дхамма̄ хетусса дхаммасса а̄рамман̣апаччайена паччайо – хетун̃ча сампайуттаке ча кхандхе а̄раббха хетӯ уппаджджанти. (1)

хету ча нахету ча дхамма̄ нахетусса дхаммасса а̄рамман̣апаччайена паччайо – хетун̃ча сампайуттаке ча кхандхе а̄раббха нахетӯ кхандха̄ уппаджджанти. (2)

хету ча нахету ча дхамма̄ хетусса ча нахетусса ча дхаммасса а̄рамман̣апаччайена паччайо – хетун̃ча сампайуттаке ча кхандхе а̄раббха хетӯ ча сампайуттака̄ ча кхандха̄ уппаджджанти. (3)

адхипатипаччайо

21. хету дхаммо хетусса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – хетум̣ гарум̣ катва̄ хетӯ уппаджджанти. сахаджа̄та̄дхипати – хету адхипати сампайуттака̄нам̣ хетӯнам̣ адхипатипаччайена паччайо. (1)

хету дхаммо нахетусса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – хетум̣ гарум̣ катва̄ нахетӯ кхандха̄ уппаджджанти. сахаджа̄та̄дхипати – хету адхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (2)

хету дхаммо хетусса ча нахетусса ча дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – хетум̣ гарум̣ катва̄ хетӯ ча сампайуттака̄ ча кхандха̄ уппаджджанти. сахаджа̄та̄дхипати – хету адхипати сампайуттака̄нам̣ кхандха̄нам̣ хетӯнан̃ча читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

22. нахету дхаммо нахетусса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣ датва̄ (виттха̄ретаббам̣ йа̄ва. нахетӯ кхандха̄). сахаджа̄та̄дхипати – нахету адхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (1)

нахету дхаммо хетусса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣ датва̄ (сам̣кхиттам̣. йа̄ва ваттху нахетӯ ча кхандха̄ та̄ва ка̄таббам̣). сахаджа̄та̄дхипати нахету адхипати сампайуттака̄нам̣ хетӯнам̣ адхипатипаччайена паччайо. (2)

нахету дхаммо хетусса ча нахетусса ча дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣ датва̄ сӣлам̣…пе… упосатхакаммам̣ катва̄ там̣ гарум̣ катва̄ паччавеккхати, там̣ гарум̣ катва̄ нахетӯ кхандха̄ ча хетӯ ча уппаджджанти, пуббе сучин̣н̣а̄ни (йа̄ва ваттху нахетӯ кхандха̄, ча та̄ва ка̄таббам̣). сахаджа̄та̄дхипати – нахету адхипати сампайуттака̄нам̣ кхандха̄нам̣ хетӯнан̃ча читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

23. хету ча нахету ча дхамма̄ хетусса дхаммасса адхипатипаччайена паччайо. а̄рамман̣а̄дхипати – хетун̃ча сампайуттаке ча кхандхе гарум̣ катва̄ хетӯ уппаджджанти. (1)

хету ча нахету ча дхамма̄ нахетусса дхаммасса адхипатипаччайена паччайо. а̄рамман̣а̄дхипати – хетун̃ча сампайуттаке ча кхандхе гарум̣ катва̄ нахетӯ кхандха̄ уппаджджанти. (2)

хету ча нахету ча дхамма̄ хетусса ча нахетусса ча дхаммасса адхипатипаччайена паччайо. а̄рамман̣а̄дхипати – хетун̃ча сампайуттаке ча кхандхе гарум̣ катва̄ хетӯ ча сампайуттака̄ ча кхандха̄ уппаджджанти. (3)

анантарапаччайо

24. хету дхаммо хетусса дхаммасса анантарапаччайена паччайо – пурима̄ пурима̄ хетӯ паччхима̄нам̣ паччхима̄нам̣ хетӯнам̣ анантарапаччайена паччайо. (1)

хету дхаммо нахетусса дхаммасса анантарапаччайена паччайо – пурима̄ пурима̄ хетӯ паччхима̄нам̣ паччхима̄нам̣ нахетӯнам̣ кхандха̄нам̣ анантарапаччайена паччайо. (2)

хету дхаммо хетусса ча нахетусса ча дхаммасса анантарапаччайена паччайо – пурима̄ пурима̄ хетӯ паччхима̄нам̣ паччхима̄нам̣ хетӯнам̣ сампайуттака̄нан̃ча кхандха̄нам̣ анантарапаччайена паччайо. (3)

25. нахету дхаммо нахетусса дхаммасса анантарапаччайена паччайо – пурима̄ пурима̄ нахетӯ кхандха̄ паччхима̄нам̣ паччхима̄нам̣ нахетӯнам̣ кхандха̄нам̣ анантарапаччайена паччайо; ануломам̣ готрабхусса (сам̣кхиттам̣) невасан̃н̃а̄на̄сан̃н̃а̄йатанам̣ пхаласама̄паттийа̄ анантарапаччайена паччайо. (1)

нахету дхаммо хетусса дхаммасса анантарапаччайена паччайо…пе…. (2)

нахету дхаммо хетусса ча нахетусса ча дхаммасса анантарапаччайена паччайо (нахетумӯлакам̣ тӣн̣ипи екасадисам̣). (3)

26. хетӯ ча нахетӯ ча дхамма̄ хетусса дхаммасса анантарапаччайена паччайо – пурима̄ пурима̄ хетӯ ча сампайуттака̄ ча кхандха̄ паччхима̄нам̣ паччхима̄нам̣ хетӯнам̣ анантарапаччайена паччайо. (1)

хетӯ ча нахетӯ ча дхамма̄ нахетусса дхаммасса анантарапаччайена паччайо – пурима̄ пурима̄ хетӯ ча сампайуттака̄ ча кхандха̄ паччхима̄нам̣ паччхима̄нам̣ нахетӯнам̣ кхандха̄нам̣ анантарапаччайена паччайо. (2)

хетӯ ча нахетӯ ча дхамма̄ хетусса ча нахетусса ча дхаммасса анантарапаччайена паччайо – пурима̄ пурима̄ хетӯ ча сампайуттака̄ ча кхандха̄ паччхима̄нам̣ паччхима̄нам̣ хетӯнам̣ сампайуттака̄нан̃ча кхандха̄нам̣ анантарапаччайена паччайо. (3)

саманантарапаччайа̄ди

27. хету дхаммо хетусса дхаммасса саманантарапаччайена паччайо (анантарасадисам̣.)… сахаджа̄тапаччайена паччайо… ан̃н̃аман̃н̃апаччайена паччайо (име двепи пат̣иччасадиса̄. ниссайапаччайо паччайава̄ре ниссайапаччайасадисо.)

упаниссайапаччайо

28. хету дхаммо хетусса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – хетӯ хетӯнам̣ упаниссайапаччайена паччайо. (1)

хету дхаммо нахетусса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – хетӯ нахетӯнам̣ кхандха̄нам̣ упаниссайапаччайена паччайо. (2)

хету дхаммо хетусса ча нахетусса ча дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – хетӯ хетӯнам̣ сампайуттака̄нан̃ча кхандха̄нам̣ упаниссайапаччайена паччайо. (3)

29. нахету дхаммо нахетусса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе… пакатӯпаниссайо – саддхам̣ упанисса̄йа да̄нам̣ дети…пе… сама̄паттим̣ уппа̄дети…пе… дит̣т̣хим̣ ган̣ха̄ти; сӣлам̣…пе… сена̄санам̣ упанисса̄йа да̄нам̣ дети…пе… сан̇гхам̣ бхиндати; саддха̄…пе… сена̄санам̣ саддха̄йа…пе… пхаласама̄паттийа̄ упаниссайапаччайена паччайо. (1)

нахету дхаммо хетусса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе… пакатӯпаниссайо – саддхам̣…пе… сена̄санам̣ упанисса̄йа да̄нам̣ дети…пе… сан̇гхам̣ бхиндати; саддха̄…пе… сена̄санам̣ саддха̄йа…пе… паттхана̄йа маггасса пхаласама̄паттийа̄ упаниссайапаччайена паччайо. (2)

нахету дхаммо хетусса ча нахетусса ча дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе… пакатӯпаниссайо (дутийаупаниссайасадисам̣). (3)

30. хетӯ ча нахетӯ ча дхамма̄ хетусса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – хетӯ ча сампайуттака̄ ча кхандха̄ хетӯнам̣ упаниссайапаччайена паччайо. (1)

хетӯ ча нахетӯ ча дхамма̄ нахетусса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – хетӯ ча сампайуттака̄ ча кхандха̄ нахетӯнам̣ кхандха̄нам̣ упаниссайапаччайена паччайо. (2)

хетӯ ча нахетӯ ча дхамма̄ хетусса ча нахетусса ча дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо …пе…. пакатӯпаниссайо – хетӯ ча сампайуттака̄ ча кхандха̄ хетӯнан̃ча сампайуттака̄нан̃ча кхандха̄нам̣ упаниссайапаччайена паччайо. (3)

пуреджа̄тапаччайо

31. нахету дхаммо нахетусса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти, рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса…пе…. ваттхупуреджа̄там̣ – чаккха̄йатанам̣…пе… ка̄йа̄йатанам̣…пе… ваттху нахетӯнам̣ кхандха̄нам̣ пуреджа̄тапаччайена паччайо. (1)

нахету дхаммо хетусса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. ваттхупуреджа̄там̣ – ваттху хетӯнам̣ пуреджа̄тапаччайена паччайо. (2)

нахету дхаммо хетусса ча нахетусса ча дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати. ваттхупуреджа̄там̣ – ваттху хетӯнам̣ сампайуттака̄нан̃ча кхандха̄нам̣ пуреджа̄тапаччайена паччайо. (3)

паччха̄джа̄тапаччайа̄ди

32. хету дхаммо нахетусса дхаммасса паччха̄джа̄тапаччайена паччайо – паччха̄джа̄та̄ хетӯ пуреджа̄тасса имасса ка̄йасса паччха̄джа̄тапаччайена паччайо. (1)

нахету дхаммо нахетусса дхаммасса паччха̄джа̄тапаччайена паччайо – паччха̄джа̄та̄ нахетӯ кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)

хетӯ ча нахетӯ ча дхамма̄ нахетусса дхаммасса паччха̄джа̄тапаччайена паччайо – паччха̄джа̄та̄ хетӯ ча сампайуттака̄ ча кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)

хету дхаммо хетусса дхаммасса а̄севанапаччайена паччайо (анантарасадисам̣).

каммапаччайо

33. нахету дхаммо нахетусса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – нахету четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – нахету четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (1)

нахету дхаммо хетусса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – нахету четана̄ сампайуттака̄нам̣ хетӯнам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – нахету четана̄ випа̄ка̄нам̣ хетӯнам̣ каммапаччайена паччайо. (2)

нахету дхаммо хетусса ча нахетусса ча дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – нахету четана̄ сампайуттака̄нам̣ кхандха̄нам̣ хетӯнам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо; пат̣исандхиккхан̣е…пе…. на̄на̄ккхан̣ика̄ – нахету четана̄ випа̄ка̄нам̣ кхандха̄нам̣ хетӯнам̣ кат̣атта̄ ча рӯпа̄нам̣ каммапаччайена паччайо. (3)

випа̄капаччайо

34. хету дхаммо хетусса дхаммасса випа̄капаччайена паччайо – випа̄ко алобхо адосасса амохасса випа̄капаччайена паччайо (пат̣иччава̄расадисам̣. випа̄кавибхан̇ге нава пан̃ха̄).

а̄ха̄рапаччайо

35. нахету дхаммо нахетусса дхаммасса а̄ха̄рапаччайена паччайо – нахетӯ а̄ха̄ра̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ а̄ха̄рапаччайена паччайо; пат̣исандхиккхан̣е…пе… кабал̣ӣка̄ро а̄ха̄ро имасса ка̄йасса а̄ха̄рапаччайена паччайо. (1)

нахету дхаммо хетусса дхаммасса а̄ха̄рапаччайена паччайо – нахетӯ а̄ха̄ра̄ сампайуттака̄нам̣ хетӯнам̣ а̄ха̄рапаччайена паччайо; пат̣исандхиккхан̣е…пе…. (2)

нахету дхаммо хетусса ча нахетусса ча дхаммасса а̄ха̄рапаччайена паччайо – нахетӯ а̄ха̄ра̄ сампайуттака̄нам̣ кхандха̄нам̣ хетӯнам̣ читтасамут̣т̣ха̄на̄нан̃ча рӯпа̄нам̣ а̄ха̄рапаччайена паччайо; пат̣исандхиккхан̣е…пе…. (3)

индрийапаччайо

36. хету дхаммо хетусса дхаммасса индрийапаччайена паччайо…пе… (хетумӯлаке тӣн̣и).

нахету дхаммо нахетусса дхаммасса индрийапаччайена паччайо – нахетӯ индрийа̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ индрийапаччайена паччайо; пат̣исандхиккхан̣е…пе… чаккхундрийам̣ чаккхувин̃н̃а̄н̣асса…пе… ка̄йиндрийам̣ ка̄йавин̃н̃а̄н̣асса…пе… рӯпаджӣвитиндрийам̣ кат̣атта̄рӯпа̄нам̣ индрийапаччайена паччайо (евам̣ индрийапаччайа̄ виттха̄ретабба̄. нава).

джха̄напаччайа̄ди

37. нахету дхаммо нахетусса дхаммасса джха̄напаччайена паччайо… тӣн̣и.

хету дхаммо хетусса дхаммасса маггапаччайена паччайо… сампайуттапаччайена паччайо. (имесу двӣсу нава.)

виппайуттапаччайо

38. хету дхаммо нахетусса дхаммасса виппайуттапаччайена паччайо – сахаджа̄там̣, паччха̄джа̄там̣. сахаджа̄та̄ – хетӯ читтасамут̣т̣ха̄на̄нам̣ рӯпа̄нам̣ виппайуттапаччайена паччайо; пат̣исандхиккхан̣е хетӯ кат̣атта̄рӯпа̄нам̣ виппайуттапаччайена паччайо. хетӯ ваттхусса виппайуттапаччайена паччайо. паччха̄джа̄та̄ – хетӯ пуреджа̄тасса имасса ка̄йасса виппайуттапаччайена паччайо. (1)

нахету дхаммо нахетусса дхаммасса виппайуттапаччайена паччайо – сахаджа̄там̣, пуреджа̄там̣, паччха̄джа̄там̣. сахаджа̄та̄ – нахетӯ кхандха̄ читтасамут̣т̣ха̄на̄нам̣ рӯпа̄нам̣ виппайуттапаччайена паччайо; пат̣исандхиккхан̣е нахетӯ кхандха̄ кат̣атта̄рӯпа̄нам̣ виппайуттапаччайена паччайо. кхандха̄ ваттхусса…пе… ваттху кхандха̄нам̣ виппайуттапаччайена паччайо. пуреджа̄там̣ – чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса, ваттху нахетӯнам̣ кхандха̄нам̣ виппайуттапаччайена паччайо. паччха̄джа̄та̄ – нахетӯ кхандха̄ пуреджа̄тасса имасса ка̄йасса виппайуттапаччайена паччайо. (1)

нахету дхаммо хетусса дхаммасса виппайуттапаччайена паччайо – сахаджа̄там̣, пуреджа̄там̣. сахаджа̄там̣ – пат̣исандхиккхан̣е ваттху хетӯнам̣ виппайуттапаччайена паччайо. пуреджа̄там̣ – ваттху хетӯнам̣ виппайуттапаччайена паччайо. (2)

нахету дхаммо хетусса ча нахетусса ча дхаммасса виппайуттапаччайена паччайо – сахаджа̄там̣, пуреджа̄там̣. сахаджа̄там̣ – пат̣исандхиккхан̣е ваттху хетӯнам̣ сампайуттака̄нан̃ча кхандха̄нам̣ виппайуттапаччайена паччайо. пуреджа̄там̣ – ваттху хетӯнам̣ сампайуттака̄нан̃ча кхандха̄нам̣ виппайуттапаччайена паччайо. (3)

хетӯ ча нахетӯ ча дхамма̄ нахетусса дхаммасса виппайуттапаччайена паччайо – сахаджа̄там̣, паччха̄джа̄там̣. сахаджа̄та̄ – хетӯ ча сампайуттака̄ ча кхандха̄ читтасамут̣т̣ха̄на̄нам̣ рӯпа̄нам̣ виппайуттапаччайена паччайо; пат̣исандхиккхан̣е хетӯ ча сампайуттака̄ ча кхандха̄ кат̣атта̄рӯпа̄нам̣ виппайуттапаччайена паччайо. паччха̄джа̄та̄ – хетӯ ча сампайуттака̄ ча кхандха̄ пуреджа̄тасса имасса ка̄йасса виппайуттапаччайена паччайо. (1)

аттхипаччайа̄ди

39. хету дхаммо хетусса дхаммасса аттхипаччайена паччайо – алобхо адосасса амохасса аттхипаччайена паччайо (чаккам̣). лобхо мохасса аттхипаччайена паччайо (чаккам̣); пат̣исандхиккхан̣е…пе…. (1)

хету дхаммо нахетусса дхаммасса аттхипаччайена паччайо – сахаджа̄там̣, паччха̄джа̄там̣. сахаджа̄та̄ – хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо; пат̣исандхиккхан̣е…пе…. паччха̄джа̄та̄ – хетӯ пуреджа̄тасса имасса ка̄йасса аттхипаччайена паччайо. (2)

хету дхаммо хетусса ча нахетусса ча дхаммасса аттхипаччайена паччайо – алобхо адосасса амохасса сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо (чаккам̣). лобхо мохасса сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо (чаккам̣); пат̣исандхиккхан̣е…пе…. (3)

40. нахету дхаммо нахетусса дхаммасса аттхипаччайена паччайо – сахаджа̄там̣, пуреджа̄там̣, паччха̄джа̄там̣, а̄ха̄рам̣, индрийам̣. сахаджа̄то – нахету еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо…пе… две кхандха̄…пе… пат̣исандхиккхан̣е нахету еко кхандхо тин̣н̣аннам̣ кхандха̄нам̣ кат̣атта̄ ча рӯпа̄нам̣…пе… кхандха̄ ваттхусса аттхипаччайена паччайо; ваттху кхандха̄нам̣ аттхипаччайена паччайо; екам̣ маха̄бхӯтам̣…пе… ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе…. пуреджа̄там̣ – чаккхум̣…пе… ваттхум̣…пе… диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти, рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса, чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса, ваттху нахетӯнам̣ кхандха̄нам̣ аттхипаччайена паччайо. паччха̄джа̄та̄ – нахетӯ кхандха̄ пуреджа̄тасса имасса ка̄йасса аттхипаччайена паччайо. кабал̣ӣка̄ро а̄ха̄ро имасса ка̄йасса аттхипаччайена паччайо. рӯпаджӣвитиндрийам̣ кат̣атта̄рӯпа̄нам̣ аттхипаччайена паччайо. (1)

нахету дхаммо хетусса дхаммасса аттхипаччайена паччайо – сахаджа̄там̣, пуреджа̄там̣. сахаджа̄та̄ – нахетӯ кхандха̄ сампайуттака̄нам̣ хетӯнам̣ аттхипаччайена паччайо. пат̣исандхиккхан̣е…пе… ваттху хетӯнам̣ аттхипаччайена паччайо. пуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти; ваттху хетӯнам̣ аттхипаччайена паччайо. (2)

нахету дхаммо хетусса ча нахетусса ча дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – нахету еко кхандхо тин̣н̣аннам̣ кхандха̄нам̣ хетӯнам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо; пат̣исандхиккхан̣е…пе… ваттху хетӯнам̣ сампайуттака̄нан̃ча кхандха̄нам̣ аттхипаччайена паччайо. пуреджа̄там̣ – чаккхум̣…пе… ваттхум̣ аниччато…пе… доманассам̣ уппаджджати; диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти; ваттху хетӯнам̣ сампайуттака̄нан̃ча кхандха̄нам̣ аттхипаччайена паччайо. (3)

41. хету ча нахету ча дхамма̄ хетусса дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – алобхо ча сампайуттака̄ ча кхандха̄ адосасса амохасса аттхипаччайена паччайо (чаккам̣). лобхо ча сампайуттака̄ ча кхандха̄ мохасса аттхипаччайена паччайо (чаккам̣); пат̣исандхиккхан̣е…пе… алобхо ча ваттху ча адосасса амохасса аттхипаччайена паччайо (чаккам̣). (1)

хету ча нахету ча дхамма̄ нахетусса дхаммасса аттхипаччайена паччайо – сахаджа̄там̣, паччха̄джа̄там̣, а̄ха̄рам̣, индрийам̣. сахаджа̄то – нахету еко кхандхо ча хетӯ ча тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ аттхипаччайена паччайо…пе… две кхандха̄…пе… пат̣исандхиккхан̣е…пе… пат̣исандхиккхан̣е хетӯ ча ваттху ча нахетӯнам̣ кхандха̄нам̣ аттхипаччайена паччайо. сахаджа̄та̄ – хетӯ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ аттхипаччайена паччайо. паччха̄джа̄та̄ – хетӯ ча кабал̣ӣка̄ро а̄ха̄ро ча имасса ка̄йасса аттхипаччайена паччайо. паччха̄джа̄та̄ – хетӯ ча рӯпаджӣвитиндрийан̃ча кат̣атта̄рӯпа̄нам̣ аттхипаччайена паччайо. (2)

хету ча нахету ча дхамма̄ хетусса ча нахетусса ча дхаммасса аттхипаччайена паччайо – сахаджа̄там̣, пуреджа̄там̣. сахаджа̄то – нахету еко кхандхо ча алобхо ча тин̣н̣аннам̣ кхандха̄нам̣ адосасса амохасса читтасамут̣т̣ха̄на̄нан̃ча рӯпа̄нам̣ аттхипаччайена паччайо (чаккам̣). нахету еко кхандхо ча лобхо ча тин̣н̣аннам̣ кхандха̄нам̣ мохасса читтасамут̣т̣ха̄на̄нан̃ча рӯпа̄нам̣ аттхипаччайена паччайо (чаккам̣); пат̣исандхиккхан̣е нахету еко кхандхо ча алобхо ча (чаккам̣). пат̣исандхиккхан̣е…пе… алобхо ча ваттху ча адосасса амохасса сампайуттака̄нан̃ча кхандха̄нам̣ аттхипаччайена паччайо, лобхо ча ваттху ча мохасса сампайуттака̄нан̃ча кхандха̄нам̣ аттхипаччайена паччайо….

наттхипаччайена паччайо… вигатапаччайена паччайо… авигатапаччайена паччайо. (3)