1. вибхан̇гава̄ро

нахетупаччайо

70. дассанена паха̄таббахетукам̣ дхаммам̣ сам̣сат̣т̣хо невадассанена набха̄вана̄йа паха̄таббахетуко дхаммо уппаджджати нахетупаччайа̄ – вичикиччха̄сахагате кхандхе сам̣сат̣т̣хо вичикиччха̄сахагато мохо.(1)

бха̄вана̄йа паха̄таббахетукам̣ дхаммам̣ сам̣сат̣т̣хо невадассанена набха̄вана̄йа паха̄таббахетуко дхаммо уппаджджати нахетупаччайа̄ – уддхаччасахагате кхандхе сам̣сат̣т̣хо уддхаччасахагато мохо. (1)

невадассанена набха̄вана̄йа паха̄таббахетукам̣ дхаммам̣ сам̣сат̣т̣хо невадассанена набха̄вана̄йа паха̄таббахетуко дхаммо уппаджджати нахетупаччайа̄ – ахетукам̣ невадассанена набха̄вана̄йа паха̄таббахетукам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе сам̣сат̣т̣ха̄ две кхандха̄. ахетукапат̣исандхиккхан̣е…пе…. (1)

наадхипатипаччайа̄ди

71. дассанена паха̄таббахетукам̣ дхаммам̣ сам̣сат̣т̣хо…пе… наадхипатипаччайа̄ (сахаджа̄тасадисам̣)… напуреджа̄тапаччайа̄… напаччха̄джа̄тапаччайа̄, наа̄севанапаччайа̄… накаммапаччайа̄… сатта, навипа̄капаччайа̄… наджха̄напаччайа̄… намаггапаччайа̄… навиппайуттапаччайа̄….