20. аджджхаттаттикам̣
1. пат̣иччава̄ро
1. паччайа̄нуломам̣
1. вибхан̇гава̄ро
хетупаччайо
1. аджджхаттам̣ дхаммам̣ пат̣ичча аджджхатто дхаммо уппаджджати хетупаччайа̄ – аджджхаттам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… пат̣исандхиккхан̣е аджджхаттам̣ екам̣ кхандхам̣ пат̣ичча тайо кхандха̄ кат̣атта̄ ча рӯпам̣…пе… две кхандхе…пе… кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣. (1)
бахиддха̄ дхаммам̣ пат̣ичча бахиддха̄ дхаммо уппаджджати хетупаччайа̄ – бахиддха̄ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… пат̣исандхиккхан̣е бахиддха̄ екам̣ кхандхам̣ пат̣ичча тайо кхандха̄ кат̣атта̄ ча рӯпам̣…пе… две кхандхе пат̣ичча две кхандха̄…пе… кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣. (1)
а̄рамман̣апаччайо
2. аджджхаттам̣ дхаммам̣ пат̣ичча аджджхатто дхаммо уппаджджати а̄рамман̣апаччайа̄ – аджджхаттам̣ екам̣ кхандхам̣ пат̣ичча тайо кхандха̄…пе… две кхандхе пат̣ичча…пе… пат̣исандхиккхан̣е аджджхаттам̣ екам̣ кхандхам̣ пат̣ичча тайо кхандха̄…пе… ваттхум̣ пат̣ичча кхандха̄. (1)
бахиддха̄ дхаммам̣ пат̣ичча бахиддха̄ дхаммо уппаджджати а̄рамман̣апаччайа̄ – бахиддха̄ екам̣ кхандхам̣ пат̣ичча тайо кхандха̄…пе… две кхандхе…пе… пат̣исандхиккхан̣е…пе… ваттхум̣ пат̣ичча кхандха̄. (1)
адхипатипаччайо
3. аджджхаттам̣ дхаммам̣ пат̣ичча аджджхатто дхаммо уппаджджати адхипатипаччайа̄ – аджджхаттам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… екам̣ маха̄бхӯтам̣ пат̣ичча…пе… маха̄бхӯте пат̣ичча читтасамут̣т̣ха̄нам̣ рӯпам̣ упа̄да̄рӯпам̣. (1)
бахиддха̄ дхаммам̣ пат̣ичча бахиддха̄ дхаммо уппаджджати адхипатипаччайа̄ – бахиддха̄ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… екам̣ маха̄бхӯтам̣ пат̣ичча…пе… маха̄бхӯте пат̣ичча читтасамут̣т̣ха̄нам̣ рӯпам̣ упа̄да̄рӯпам̣. (1)
анантарапаччайа̄ди
4. аджджхаттам̣ дхаммам̣ пат̣ичча аджджхатто дхаммо уппаджджати анантарапаччайа̄, саманантарапаччайа̄, сахаджа̄тапаччайа̄ – аджджхаттам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… пат̣исандхиккхан̣е аджджхаттам̣ екам̣ кхандхам̣ пат̣ичча тайо кхандха̄ кат̣атта̄ ча рӯпам̣…пе… две кхандхе…пе… кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣. а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча…пе… маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)
бахиддха̄ дхаммам̣ пат̣ичча бахиддха̄ дхаммо уппаджджати сахаджа̄тапаччайа̄ – бахиддха̄ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… пат̣исандхиккхан̣е бахиддха̄ екам̣ кхандхам̣ пат̣ичча тайо кхандха̄ кат̣атта̄ ча рӯпам̣…пе… две кхандхе…пе… кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣ пат̣ичча…пе… маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣. ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча…пе… маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)
ан̃н̃аман̃н̃апаччайа̄ди
5. аджджхаттам̣ дхаммам̣ пат̣ичча аджджхатто дхаммо уппаджджати ан̃н̃аман̃н̃апаччайа̄… ниссайапаччайа̄… упаниссайапаччайа̄… пуреджа̄тапаччайа̄… а̄севанапаччайа̄ (пуреджа̄тепи а̄севанепи пат̣исандхи наттхи)… каммапаччайа̄… випа̄капаччайа̄… а̄ха̄рапаччайа̄… индрийапаччайа̄… джха̄напаччайа̄… маггапаччайа̄… сампайуттапаччайа̄… виппайуттапаччайа̄… аттхипаччайа̄… наттхипаччайа̄… вигатапаччайа̄… авигатапаччайа̄.
1. паччайа̄нуломам̣
2. сан̇кхйа̄ва̄ро
6. хетуйа̄ две, а̄рамман̣е две…пе… авигате две.
ануломам̣.
2. паччайапаччанӣйам̣
1. вибхан̇гава̄ро
нахетупаччайо
7. аджджхаттам̣ дхаммам̣ пат̣ичча аджджхатто дхаммо уппаджджати нахетупаччайа̄ – ахетукам̣ аджджхаттам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… ахетукапат̣исандхиккхан̣е…пе… кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣…пе… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣…пе… маха̄бхӯте пат̣ичча кат̣атта̄рӯпам̣ упа̄да̄рӯпам̣. вичикиччха̄сахагате уддхаччасахагате кхандхе пат̣ичча вичикиччха̄сахагато уддхаччасахагато мохо. (1)
бахиддха̄ дхаммам̣ пат̣ичча бахиддха̄ дхаммо уппаджджати нахетупаччайа̄ – ахетукам̣ бахиддха̄ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… ахетукапат̣исандхиккхан̣е…пе… кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣ пат̣ичча…пе… ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча…пе… вичикиччха̄сахагате уддхаччасахагате кхандхе пат̣ичча вичикиччха̄сахагато уддхаччасахагато мохо. (1)
наа̄рамман̣апаччайо
8. аджджхаттам̣ дхаммам̣ пат̣ичча аджджхатто дхаммо уппаджджати наа̄рамман̣апаччайа̄ – аджджхатте кхандхе пат̣ичча читтасамут̣т̣ха̄нам̣ рӯпам̣. пат̣исандхиккхан̣е аджджхатте кхандхе пат̣ичча кат̣атта̄рӯпам̣. кхандхе пат̣ичча ваттху…пе… екам̣ маха̄бхӯтам̣ пат̣ичча…пе… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча…пе…. (1)
бахиддха̄ дхаммам̣ пат̣ичча бахиддха̄ дхаммо уппаджджати наа̄рамман̣апаччайа̄ – бахиддха̄ кхандхе пат̣ичча читтасамут̣т̣ха̄нам̣ рӯпам̣. пат̣исандхиккхан̣е бахиддха̄ кхандхе пат̣ичча кат̣атта̄рӯпам̣. кхандхе пат̣ичча ваттху…пе… екам̣ маха̄бхӯтам̣…пе… ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе…. (1)
наадхипатипаччайа̄ди
9. аджджхаттам̣ дхаммам̣ пат̣ичча аджджхатто дхаммо уппаджджати наадхипатипаччайа̄…пе… (ануломасахаджа̄тасадисам̣, нинна̄на̄каран̣ам̣) наанантарапаччайа̄… насаманантарапаччайа̄ … наан̃н̃аман̃н̃апаччайа̄ … наупаниссайапаччайа̄, напуреджа̄тапаччайа̄ – арӯпе аджджхаттам̣ екам̣ кхандхам̣ пат̣ичча…пе… аджджхатте кхандхе пат̣ичча читтасамут̣т̣ха̄нам̣ рӯпам̣. пат̣исандхиккхан̣е аджджхаттам̣ екам̣ кхандхам̣ пат̣ичча тайо кхандха̄ кат̣атта̄ ча рӯпам̣…пе… две кхандхе…пе… кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣ пат̣ичча…пе… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе….
10. бахиддха̄ дхаммам̣ пат̣ичча бахиддха̄ дхаммо уппаджджати напуреджа̄тапаччайа̄ – арӯпе бахиддха̄ екам̣ кхандхам̣ пат̣ичча…пе… две кхандхе…пе… бахиддха̄ кхандхе пат̣ичча читтасамут̣т̣ха̄нам̣ рӯпам̣. пат̣исандхиккхан̣е (парипун̣н̣ам̣) екам̣ маха̄бхӯтам̣…пе… ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе….
напаччха̄джа̄тапаччайа̄ди
11. аджджхаттам̣ дхаммам̣ пат̣ичча аджджхатто дхаммо уппаджджати напаччха̄джа̄тапаччайа̄, наа̄севанапаччайа̄, накаммапаччайа̄ – аджджхатте кхандхе пат̣ичча аджджхатта̄ четана̄. а̄ха̄расамут̣т̣ха̄нам̣… утусамут̣т̣ха̄нам̣…пе…. (1)
бахиддха̄ дхаммам̣ пат̣ичча бахиддха̄ дхаммо уппаджджати накаммапаччайа̄ – бахиддха̄ кхандхе пат̣ичча бахиддха̄ четана̄. ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣…. (1)
навипа̄капаччайа̄ди
12. аджджхаттам̣ дхаммам̣ пат̣ичча аджджхатто дхаммо уппаджджати навипа̄капаччайа̄ (пат̣исандхи наттхи), наа̄ха̄рапаччайа̄ – утусамут̣т̣ха̄нам̣… асан̃н̃асатта̄нам̣…пе…. (1)
бахиддха̄ дхаммам̣ пат̣ичча бахиддха̄ дхаммо уппаджджати наа̄ха̄рапаччайа̄ – ба̄хирам̣… утусамут̣т̣ха̄нам̣… асан̃н̃асатта̄нам̣…пе…. (1)
аджджхаттам̣ дхаммам̣ пат̣ичча аджджхатто дхаммо уппаджджати наиндрийапаччайа̄ – а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣… маха̄бхӯте пат̣ичча рӯпаджӣвитиндрийам̣. (1)
бахиддха̄ дхаммам̣ пат̣ичча бахиддха̄ дхаммо уппаджджати наиндрийапаччайа̄ – ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣… маха̄бхӯте пат̣ичча рӯпаджӣвитиндрийам̣. (1)
наджха̄напаччайо
13. аджджхаттам̣ дхаммам̣ пат̣ичча аджджхатто дхаммо уппаджджати наджха̄напаччайа̄ – пан̃чавин̃н̃а̄н̣асахагатам̣…пе… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе…. (1)
бахиддха̄ дхаммам̣ пат̣ичча бахиддха̄ дхаммо уппаджджати наджха̄напаччайа̄ – пан̃чавин̃н̃а̄н̣асахагатам̣…пе… ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе…. (1)
намаггапаччайа̄ди
14. аджджхаттам̣ дхаммам̣ пат̣ичча аджджхатто дхаммо уппаджджати намаггапаччайа̄… (нахетусадисам̣. мохо наттхи) насампайуттапаччайа̄… навиппайуттапаччайа̄ – арӯпе…пе… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе…. (1)
бахиддха̄ дхаммам̣ пат̣ичча бахиддха̄ дхаммо уппаджджати навиппайуттапаччайа̄ – арӯпе…пе… ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе… нонаттхипаччайа̄, новигатапаччайа̄.
2. паччайапаччанӣйам̣
2. сан̇кхйа̄ва̄ро
15. нахетуйа̄ две, наа̄рамман̣е две, наадхипатийа̄ две, наанантаре две, насаманантаре две (сам̣кхиттам̣, саббаттха две), новигате две (евам̣ ган̣етаббам̣).
паччанӣйам̣.
3. паччайа̄нуломапаччанӣйам̣
16. хетупаччайа̄ наа̄рамман̣е две…пе… навипа̄ке насампайутте навиппайутте нонаттхийа̄ новигате две (евам̣ ган̣етаббам̣).
ануломапаччанӣйам̣.
4. паччайапаччанӣйа̄нуломам̣
17. нахетупаччайа̄ а̄рамман̣е две, анантаре две…пе… магге две…пе… авигате две (евам̣ ган̣етаббам̣).
паччанӣйа̄нуломам̣.
пат̣иччава̄ро.
2. сахаджа̄тава̄ро
(сахаджа̄тава̄ро пат̣иччава̄расадисо.)
3. паччайава̄ро
1. паччайа̄нуломам̣
1. вибхан̇гава̄ро
хетупаччайо
18. аджджхаттам̣ дхаммам̣ паччайа̄ аджджхатто дхаммо уппаджджати хетупаччайа̄ – аджджхаттам̣ екам̣ кхандхам̣ паччайа̄ тайо кхандха̄ читтасамут̣т̣ха̄нан̃ча рӯпам̣…пе… две кхандхе…пе… пат̣исандхиккхан̣е (парипун̣н̣ам̣). екам̣ маха̄бхӯтам̣…пе… ваттхум̣ паччайа̄ аджджхатта̄ кхандха̄. (1)
бахиддха̄ дхаммам̣ паччайа̄ бахиддха̄ дхаммо уппаджджати хетупаччайа̄ – бахиддха̄ екам̣ кхандхам̣ паччайа̄ тайо кхандха̄…пе… пат̣исандхиккхан̣е…пе… екам̣ маха̄бхӯтам̣…пе… ваттхум̣ паччайа̄ бахиддха̄ кхандха̄. (1)
а̄рамман̣апаччайо
19. аджджхаттам̣ дхаммам̣ паччайа̄ аджджхатто дхаммо уппаджджати а̄рамман̣апаччайа̄ (пат̣иччава̄расадисам̣), чаккха̄йатанам̣ паччайа̄ чаккхувин̃н̃а̄н̣ам̣…пе… ка̄йа̄йатанам̣ паччайа̄ ка̄йавин̃н̃а̄н̣ам̣…пе… ваттхум̣ паччайа̄ аджджхатта̄ кхандха̄. (1)
бахиддха̄ дхаммам̣ паччайа̄ бахиддха̄ дхаммо уппаджджати а̄рамман̣апаччайа̄ (пат̣иччава̄расадисам̣), чаккха̄йатанам̣…пе… ка̄йа̄йатанам̣…пе… ваттхум̣ паччайа̄ бахиддха̄ кхандха̄. (1)
адхипатипаччайа̄ди
20. аджджхаттам̣ дхаммам̣ паччайа̄ аджджхатто дхаммо уппаджджати адхипатипаччайа̄… (ваттхум̣ атирекам̣, пат̣иччава̄расадисам̣) анантарапаччайа̄… саманантарапаччайа̄… сахаджа̄тапаччайа̄… (сахаджа̄тава̄ре парипун̣н̣а̄) маха̄бхӯте паччайа̄…пе… (маха̄бхӯта̄нам̣ кхандха̄нан̃ча паччха̄ пан̃ча̄йатана̄ни ча ваттху ча ка̄табба̄) ан̃н̃аман̃н̃апаччайа̄… ниссайапаччайа̄…пе… авигатапаччайа̄.
1. паччайа̄нуломам̣
2. сан̇кхйа̄ва̄ро
21. хетуйа̄ две, а̄рамман̣е…пе… авигате две.
ануломам̣.
2. паччайапаччанӣйам̣
1. вибхан̇гава̄ро
нахетупаччайо
22. аджджхаттам̣ дхаммам̣ паччайа̄ аджджхатто дхаммо уппаджджати нахетупаччайа̄ – ахетукам̣ аджджхаттам̣ екам̣ кхандхам̣ паччайа̄ тайо кхандха̄…пе… ахетукапат̣исандхиккхан̣е…пе… кхандхе паччайа̄ ваттху, ваттхум̣ паччайа̄ кхандха̄. екам̣ маха̄бхӯтам̣…пе… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣…пе… чаккха̄йатанам̣…пе… ка̄йа̄йатанам̣…пе… ваттхум̣ паччайа̄ ахетука̄ аджджхатта̄ кхандха̄. вичикиччха̄сахагате уддхаччасахагате кхандхе ча ваттхун̃ча паччайа̄ вичикиччха̄сахагато уддхаччасахагато мохо. (1)
бахиддха̄ дхаммам̣ паччайа̄ бахиддха̄ дхаммо уппаджджати нахетупаччайа̄ (паваттипат̣исандхипи маха̄бхӯта̄пи ка̄табба̄) – чаккха̄йатанам̣…пе… ка̄йа̄йатанам̣…пе… ваттхум̣ паччайа̄ ахетука̄ бахиддха̄ кхандха̄. вичикиччха̄сахагате уддхаччасахагате кхандхе ча ваттхун̃ча паччайа̄ вичикиччха̄сахагато уддхаччасахагато мохо. (1)
наа̄рамман̣апаччайа̄ди
23. наа̄рамман̣апаччайа̄… наадхипатипаччайа̄ (сахаджа̄тасадисам̣)… наанантарапаччайа̄… насаманантарапаччайа̄… наан̃н̃аман̃н̃апаччайа̄… наупаниссайапаччайа̄… напуреджа̄тапаччайа̄ (пат̣иччава̄расадисам̣)… напаччха̄джа̄тапаччайа̄… наа̄севанапаччайа̄… накаммапаччайа̄…пе… навиппайуттапаччайа̄ (пат̣иччава̄рапаччанӣйе виппайуттасадисам̣)… нонаттхипаччайа̄… новигатапаччайа̄….
2. паччайапаччанӣйам̣
2. сан̇кхйа̄ва̄ро
24. нахетуйа̄ две, наа̄рамман̣е две…пе… новигате две.
паччанӣйам̣.
3. паччайа̄нуломапаччанӣйам̣
25. хетупаччайа̄ наа̄рамман̣е две, наадхипатийа̄ две…пе… навипа̄ке насампайутте навиппайутте нонаттхийа̄ новигате две.
ануломапаччанӣйам̣.
4. паччайапаччанӣйа̄нуломам̣
26. нахетупаччайа̄ а̄рамман̣е две…пе… авигате две.
паччанӣйа̄нуломам̣.
паччайава̄ро
4-6. ниссайа-сам̣сат̣т̣ха-сампайуттава̄ро
(ниссайава̄ро паччайава̄расадисо. сам̣сат̣т̣хава̄ропи сампайуттава̄ропи виттха̄ретаббо.)
7. пан̃ха̄ва̄ро
1. паччайа̄нуломам̣
1. вибхан̇гава̄ро
хетупаччайо
27. аджджхатто дхаммо аджджхаттасса дхаммасса хетупаччайена паччайо – аджджхатта̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо. пат̣исандхиккхан̣е…пе…. (1)
бахиддха̄ дхаммо бахиддха̄ дхаммасса хетупаччайена паччайо – бахиддха̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо. пат̣исандхиккхан̣е…пе…. (1)
а̄рамман̣апаччайо
28. аджджхатто дхаммо аджджхаттасса дхаммасса а̄рамман̣апаччайена паччайо – да̄нам̣ датва̄ сӣлам̣ сама̄дийитва̄ упосатхакаммам̣ катва̄ там̣ паччавеккхати, пуббе сучин̣н̣а̄ни…пе… джха̄на̄ вут̣т̣хахитва̄…пе… арийа̄ магга̄ вут̣т̣хахитва̄ маггам̣ паччавеккханти, пхалам̣ паччавеккханти, пахӣне килесе паччавеккханти, виккхамбхите килесе паччавеккханти, пуббе самуда̄чин̣н̣е килесе джа̄нанти. аджджхаттам̣ чаккхум̣…пе… ка̄йам̣… рӯпе…пе… пхот̣т̣хаббе… ваттхум̣… аджджхатте кхандхе аниччато дуккхато анаттато випассати, асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати. диббена чаккхуна̄ рӯпам̣ пассати, дибба̄йа сотудха̄туйа̄ саддам̣ сун̣а̄ти, а̄ка̄са̄нан̃ча̄йатанам̣ вин̃н̃а̄н̣ан̃ча̄йатанасса а̄рамман̣апаччайена паччайо. а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса а̄рамман̣апаччайена паччайо. рӯпа̄йатанам̣…пе… пхот̣т̣хабба̄йатанам̣ ка̄йавин̃н̃а̄н̣асса а̄рамман̣апаччайена паччайо. аджджхатта̄ кхандха̄ иддхивидхан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)
аджджхатто дхаммо бахиддха̄ дхаммасса а̄рамман̣апаччайена паччайо – паро аджджхаттам̣ чаккхум̣…пе… ваттхум̣… аджджхатте кхандхе аниччато дуккхато анаттато випассати, асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати. диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. четопарийан̃а̄н̣ена аджджхаттачиттасаман̇гисса читтам̣ джа̄на̄ти. аджджхаттам̣ рӯпа̄йатанам̣ бахиддха̄ чаккхувин̃н̃а̄н̣асса…пе… аджджхаттам̣ пхот̣т̣хабба̄йатанам̣ бахиддха̄ ка̄йавин̃н̃а̄н̣асса а̄рамман̣апаччайена паччайо. аджджхатта̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (2)
29. бахиддха̄ дхаммо бахиддха̄ дхаммасса а̄рамман̣апаччайена паччайо – паро да̄нам̣ датва̄ сӣлам̣ сама̄дийитва̄ упосатхакаммам̣ катва̄ там̣ паччавеккхати, пуббе сучин̣н̣а̄ни паччавеккхати, джха̄на̄ вут̣т̣хахитва̄…пе… арийа̄ магга̄ вут̣т̣хахитва̄ маггам̣ паччавеккханти, пхалам̣ паччавеккханти… нибба̄нам̣ паччавеккханти. нибба̄нам̣ готрабхусса, вода̄насса, маггасса, пхаласса, а̄ваджджана̄йа а̄рамман̣апаччайена паччайо. арийа̄ пахӣне килесе паччавеккханти, виккхамбхите килесе паччавеккханти, пуббе самуда̄чин̣н̣е…пе… паро бахиддха̄ чаккхум̣…пе… ваттхум̣… бахиддха̄ кхандхе аниччато…пе… доманассам̣ уппаджджати. диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. четопарийан̃а̄н̣ена бахиддха̄ читтасаман̇гисса…пе… а̄ка̄са̄нан̃ча̄йатанам̣ вин̃н̃а̄н̣ан̃ча̄йатанасса а̄рамман̣апаччайена паччайо. а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса а̄рамман̣апаччайена паччайо. бахиддха̄ рӯпа̄йатанам̣ бахиддха̄ чаккхувин̃н̃а̄н̣асса…пе… бахиддха̄ пхот̣т̣хабба̄йатанам̣ бахиддха̄ ка̄йавин̃н̃а̄н̣асса…пе… бахиддха̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)
бахиддха̄ дхаммо аджджхаттасса дхаммасса а̄рамман̣апаччайена паччайо – арийа̄ нибба̄нам̣ паччавеккханти. нибба̄нам̣ готрабхусса, вода̄насса, маггасса, пхаласса, а̄ваджджана̄йа а̄рамман̣апаччайена паччайо. бахиддха̄ чаккхум̣…пе… ваттхум̣… бахиддха̄ кхандхе аниччато…пе… доманассам̣ уппаджджати. диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. четопарийан̃а̄н̣ена бахиддха̄ читтасаман̇гисса читтам̣ джа̄на̄ти. бахиддха̄ рӯпа̄йатанам̣ аджджхаттам̣ чаккхувин̃н̃а̄н̣асса…пе… бахиддха̄ пхот̣т̣хабба̄йатанам̣ аджджхаттам̣ ка̄йавин̃н̃а̄н̣асса…пе… бахиддха̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (2)
адхипатипаччайо
30. аджджхатто дхаммо аджджхаттасса дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣ датва̄ сӣлам̣ сама̄дийитва̄ упосатхакаммам̣ катва̄, там̣ гарум̣ катва̄ паччавеккхати, пуббе сучин̣н̣а̄ни гарум̣ катва̄…пе… джха̄на̄ вут̣т̣хахитва̄ джха̄нам̣ гарум̣ катва̄…пе… арийа̄ магга̄ вут̣т̣хахитва̄ маггам̣ гарум̣ катва̄…пе… пхалам̣ гарум̣ катва̄ паччавеккханти. аджджхаттам̣ чаккхум̣…пе… ваттхум̣… аджджхатте кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. сахаджа̄та̄дхипати – аджджхатта̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (1)
аджджхатто дхаммо бахиддха̄ дхаммасса адхипатипаччайена паччайо. а̄рамман̣а̄дхипати – паро аджджхаттам̣ чаккхум̣…пе… ваттхум̣… аджджхатте кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. (2)
31. бахиддха̄ дхаммо бахиддха̄ дхаммасса адхипатипаччайена паччайо – а̄рамман̣а̄дхипати, сахаджа̄та̄дхипати. а̄рамман̣а̄дхипати – паро да̄нам̣ датва̄ сӣлам̣ сама̄дийитва̄ упосатхакаммам̣ катва̄, там̣ гарум̣ катва̄ паччавеккхати, пуббе сучин̣н̣а̄ни гарум̣ катва̄…пе… джха̄на̄ вут̣т̣хахитва̄…пе… арийа̄ магга̄ вут̣т̣хахитва̄ маггам̣ гарум̣ катва̄…пе… пхалам̣ гарум̣ катва̄…пе… нибба̄нам̣ гарум̣ катва̄ паччавеккханти. нибба̄нам̣ готрабхусса, вода̄насса, маггасса, пхаласса адхипатипаччайена паччайо. бахиддха̄ чаккхум̣…пе… ваттхум̣… бахиддха̄ кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. сахаджа̄та̄дхипати – бахиддха̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (1)
бахиддха̄ дхаммо аджджхаттасса дхаммасса адхипатипаччайена паччайо. а̄рамман̣а̄дхипати – арийа̄ нибба̄нам̣ гарум̣ катва̄ паччавеккханти. нибба̄нам̣ готрабхусса, вода̄насса, маггасса, пхаласса, адхипатипаччайена паччайо. бахиддха̄ чаккхум̣…пе… ваттхум̣… бахиддха̄ кхандхе гарум̣ катва̄ асса̄дети, абхинандати, там̣ гарум̣ катва̄ ра̄го…пе… дит̣т̣хи уппаджджати. (2)
анантарапаччайо
32. аджджхатто дхаммо аджджхаттасса дхаммасса анантарапаччайена паччайо – пурима̄ пурима̄ аджджхатта̄ кхандха̄ паччхима̄нам̣ паччхима̄нам̣ аджджхатта̄нам̣ кхандха̄нам̣ анантарапаччайена паччайо. ануломам̣ готрабхусса, ануломам̣ вода̄насса, готрабху маггасса, вода̄нам̣ маггасса, магго пхаласса, пхалам̣ пхаласса, ануломам̣ пхаласама̄паттийа̄, ниродха̄ вут̣т̣хахантасса невасан̃н̃а̄на̄сан̃н̃а̄йатанам̣ пхаласама̄паттийа̄ анантарапаччайена паччайо. (1)
бахиддха̄ дхаммо бахиддха̄ дхаммасса анантарапаччайена паччайо (пурима̄ пурима̄ бахиддха̄ти на̄на̄каран̣ам̣, там̣йева гаманам̣). (1)
саманантарапаччайа̄ди
33. аджджхатто дхаммо аджджхаттасса дхаммасса саманантарапаччайена паччайо…пе… (анантарасадисам̣)… сахаджа̄тапаччайена паччайо… ан̃н̃аман̃н̃апаччайена паччайо… ниссайапаччайена паччайо.
упаниссайапаччайо
34. аджджхатто дхаммо аджджхаттасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – аджджхаттам̣ саддхам̣ упанисса̄йа да̄нам̣ дети, сӣлам̣ сама̄дийати, упосатхакаммам̣…пе… джха̄нам̣…пе… випассанам̣…пе… маггам̣…пе… абхин̃н̃ам̣…пе… сама̄паттим̣ уппа̄дети, ма̄нам̣ джаппети, дит̣т̣хим̣ ган̣ха̄ти. аджджхаттам̣ сӣлам̣…пе… пан̃н̃ам̣… ра̄гам̣…пе… паттханам̣… ка̄йикам̣ сукхам̣… ка̄йикам̣ дуккхам̣… утум̣… бходжанам̣… сена̄санам̣ упанисса̄йа да̄нам̣ дети…пе… сама̄паттим̣ уппа̄дети, па̄н̣ам̣ ханати…пе… сан̇гхам̣ бхиндати. аджджхатта̄ саддха̄…пе… пан̃н̃а̄, ра̄го…пе… паттхана̄, ка̄йикам̣ сукхам̣… ка̄йикам̣ дуккхам̣… сена̄санам̣ аджджхатта̄йа саддха̄йа…пе… пан̃н̃а̄йа, ра̄гасса…пе… паттхана̄йа, ка̄йикасса сукхасса, ка̄йикасса дуккхасса, маггасса пхаласама̄паттийа̄ упаниссайапаччайена паччайо. (1)
аджджхатто дхаммо бахиддха̄ дхаммасса упаниссайапаччайена паччайо – а̄рамман̣ӯпаниссайо, пакатӯпаниссайо…пе…. пакатӯпаниссайо – паро аджджхаттам̣ саддхам̣ упанисса̄йа да̄нам̣ дети…пе… ма̄нам̣ джаппети, дит̣т̣хим̣ ган̣ха̄ти. паро аджджхаттам̣ сӣлам̣…пе… сена̄санам̣ упанисса̄йа да̄нам̣ дети, па̄н̣ам̣ ханати…пе… сан̇гхам̣ бхиндати. аджджхатта̄ саддха̄…пе… сена̄санам̣ бахиддха̄ саддха̄йа…пе… маггасса пхаласама̄паттийа̄ упаниссайапаччайена паччайо. (2)
35. бахиддха̄ дхаммо бахиддха̄ дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо…пе…. пакатӯпаниссайо – паро бахиддха̄ саддхам̣…пе… паттханам̣, ка̄йикам̣ сукхам̣…пе… сена̄санам̣ упанисса̄йа да̄нам̣ дети…пе… сан̇гхам̣ бхиндати бахиддха̄ саддха̄…пе… сена̄санам̣ бахиддха̄ саддха̄йа…пе… пхаласама̄паттийа̄ упаниссайапаччайена паччайо. (1)
бахиддха̄ дхаммо аджджхаттасса дхаммасса упаниссайапаччайена паччайо – а̄рамман̣ӯпаниссайо, пакатӯпаниссайо…пе…. пакатӯпаниссайо – бахиддха̄ саддхам̣…пе… сена̄санам̣ упанисса̄йа да̄нам̣ дети…пе… сан̇гхам̣ бхиндати. бахиддха̄ саддха̄…пе… сена̄санам̣ аджджхатта̄йа саддха̄йа…пе… пхаласама̄паттийа̄ упаниссайапаччайена паччайо. (2)
пуреджа̄тапаччайо
36. аджджхатто дхаммо аджджхаттасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – аджджхаттам̣ чаккхум̣…пе… ваттхум̣ аниччато дуккхато анаттато випассати…пе… доманассам̣ уппаджджати, диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти, рӯпа̄йатанам̣ чаккхувин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса пуреджа̄тапаччайена паччайо. ваттхупуреджа̄там̣ – чаккха̄йатанам̣ чаккхувин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса…пе… ваттху аджджхатта̄нам̣ кхандха̄нам̣ пуреджа̄тапаччайена паччайо. (1)
аджджхатто дхаммо бахиддха̄ дхаммасса пуреджа̄тапаччайена паччайо. а̄рамман̣апуреджа̄там̣ – паро аджджхаттам̣ чаккхум̣…пе… ваттхум̣ аниччато…пе… доманассам̣ уппаджджати, диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. аджджхаттам̣ рӯпа̄йатанам̣ бахиддха̄ чаккхувин̃н̃а̄н̣асса…пе… аджджхаттам̣ пхот̣т̣хабба̄йатанам̣ бахиддха̄ ка̄йавин̃н̃а̄н̣асса пуреджа̄тапаччайена паччайо. (2)
37. бахиддха̄ дхаммо бахиддха̄ дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – паро бахиддха̄ чаккхум̣…пе… ваттхум̣ аниччато…пе… диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. бахиддха̄ рӯпа̄йатанам̣ бахиддха̄ чаккхувин̃н̃а̄н̣асса…пе… бахиддха̄ пхот̣т̣хабба̄йатанам̣ бахиддха̄ ка̄йавин̃н̃а̄н̣асса…пе…. ваттхупуреджа̄там̣ – бахиддха̄ чаккха̄йатанам̣…пе… ка̄йа̄йатанам̣…пе… ваттху бахиддха̄ кхандха̄нам̣ пуреджа̄тапаччайена паччайо. (1)
бахиддха̄ дхаммо аджджхаттасса дхаммасса пуреджа̄тапаччайена паччайо. а̄рамман̣апуреджа̄там̣ – бахиддха̄ чаккхум̣…пе… ваттхум̣ аниччато…пе… доманассам̣ уппаджджати, диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. бахиддха̄ рӯпа̄йатанам̣ аджджхаттасса чаккхувин̃н̃а̄н̣асса…пе… бахиддха̄ пхот̣т̣хабба̄йатанам̣ аджджхаттасса ка̄йавин̃н̃а̄н̣асса пуреджа̄тапаччайена паччайо. (2)
38. аджджхатто ча бахиддха̄ ча дхамма̄ аджджхаттасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. бахиддха̄ рӯпа̄йатанан̃ча аджджхаттам̣ чаккха̄йатанан̃ча аджджхаттасса чаккхувин̃н̃а̄н̣асса пуреджа̄тапаччайена паччайо…пе… бахиддха̄ пхот̣т̣хабба̄йатанан̃ча аджджхаттам̣ ка̄йа̄йатанан̃ча аджджхаттасса ка̄йавин̃н̃а̄н̣асса…пе… бахиддха̄ рӯпа̄йатанан̃ча аджджхаттам̣ ваттху ча…пе… бахиддха̄ пхот̣т̣хабба̄йатанан̃ча аджджхаттам̣ ваттху ча аджджхатта̄нам̣ кхандха̄нам̣ пуреджа̄тапаччайена паччайо. (1)
аджджхатто ча бахиддха̄ ча дхамма̄ бахиддха̄ дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. аджджхаттам̣ рӯпа̄йатанан̃ча бахиддха̄ чаккха̄йатанан̃ча бахиддха̄ чаккхувин̃н̃а̄н̣асса пуреджа̄тапаччайена паччайо…пе… аджджхаттам̣ пхот̣т̣хабба̄йатанан̃ча бахиддха̄ ка̄йа̄йатанан̃ча бахиддха̄ ка̄йавин̃н̃а̄н̣асса пуреджа̄тапаччайена паччайо. аджджхаттам̣ рӯпа̄йатанан̃ча бахиддха̄ ваттху ча…пе… аджджхаттам̣ пхот̣т̣хабба̄йатанан̃ча бахиддха̄ ваттху ча бахиддха̄ кхандха̄нам̣ пуреджа̄тапаччайена паччайо. (2)
паччха̄джа̄тапаччайо
39. аджджхатто дхаммо аджджхаттасса дхаммасса паччха̄джа̄тапаччайена паччайо – паччха̄джа̄та̄ аджджхатта̄ кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)
бахиддха̄ дхаммо бахиддха̄ дхаммасса паччха̄джа̄тапаччайена паччайо – паччха̄джа̄та̄ бахиддха̄ кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)
а̄севанапаччайо
40. аджджхатто дхаммо аджджхаттасса дхаммасса а̄севанапаччайена паччайо – пурима̄ пурима̄ аджджхатта̄ кхандха̄ паччхима̄нам̣ паччхима̄нам̣ аджджхатта̄нам̣ кхандха̄нам̣ а̄севанапаччайена паччайо. ануломам̣ готрабхусса… ануломам̣ вода̄насса… готрабху маггасса… вода̄нам̣ маггасса а̄севанапаччайена паччайо. (1)
бахиддха̄ дхаммо бахиддха̄ дхаммасса а̄севанапаччайена паччайо – пурима̄ пурима̄…пе… (аджджхаттасадисам̣йева).
каммапаччайо
41. аджджхатто дхаммо аджджхаттасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – аджджхатта̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. на̄на̄ккхан̣ика̄ – аджджхатта̄ четана̄ випа̄ка̄нам̣ аджджхатта̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (1)
бахиддха̄ дхаммо бахиддха̄ дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – бахиддха̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. на̄на̄ккхан̣ика̄ – бахиддха̄ четана̄ випа̄ка̄нам̣ бахиддха̄ кхандха̄нам̣ кат̣атта̄ ча рӯпа̄нам̣ каммапаччайена паччайо. (1)
випа̄капаччайо
42. аджджхатто дхаммо аджджхаттасса дхаммасса випа̄капаччайена паччайо…пе… (парипун̣н̣ам̣, пат̣иччава̄расадисам̣).
а̄ха̄рапаччайо
43. аджджхатто дхаммо аджджхаттасса дхаммасса а̄ха̄рапаччайена паччайо – аджджхатта̄ а̄ха̄ра̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ а̄ха̄рапаччайена паччайо. пат̣исандхиккхан̣е…пе… аджджхатто кабал̣ӣка̄ро а̄ха̄ро аджджхаттасса ка̄йасса а̄ха̄рапаччайена паччайо. (1)
аджджхатто дхаммо бахиддха̄ дхаммасса а̄ха̄рапаччайена паччайо – аджджхатто кабал̣ӣка̄ро а̄ха̄ро бахиддха̄ ка̄йасса а̄ха̄рапаччайена паччайо. (2)
бахиддха̄ дхаммо бахиддха̄ дхаммасса а̄ха̄рапаччайена паччайо (паваттипат̣исандхи) бахиддха̄ кабал̣ӣка̄ро а̄ха̄ро бахиддха̄ ка̄йасса а̄ха̄рапаччайена паччайо. (1)
бахиддха̄ дхаммо аджджхаттасса дхаммасса а̄ха̄рапаччайена паччайо – бахиддха̄ кабал̣ӣка̄ро а̄ха̄ро аджджхаттасса ка̄йасса а̄ха̄рапаччайена паччайо. (2)
44. аджджхатто дхаммо ча бахиддха̄ дхаммо ча аджджхаттасса дхаммасса а̄ха̄рапаччайена паччайо – аджджхатто кабал̣ӣка̄ро а̄ха̄ро ча бахиддха̄ кабал̣ӣка̄ро а̄ха̄ро ча аджджхаттасса ка̄йасса а̄ха̄рапаччайена паччайо. (1)
аджджхатто дхаммо ча бахиддха̄ дхаммо ча бахиддха̄ дхаммасса а̄ха̄рапаччайена паччайо – аджджхатто кабал̣ӣка̄ро а̄ха̄ро ча бахиддха̄ кабал̣ӣка̄ро а̄ха̄ро ча бахиддха̄ ка̄йасса а̄ха̄рапаччайена паччайо. (2)
индрийапаччайа̄ди
45. аджджхатто дхаммо аджджхаттасса дхаммасса индрийапаччайена паччайо, аджджхаттика̄ индрийа̄ (рӯпаджӣвитиндрийампи виттха̄ретаббам̣)… джха̄напаччайена паччайо… маггапаччайена паччайо… сампайуттапаччайена паччайо… виппайуттапаччайена паччайо – сахаджа̄там̣, пуреджа̄там̣, паччха̄джа̄там̣ (ма̄тика̄пада̄ни анумаджджантена виттха̄ретабба̄ни).
бахиддха̄ дхаммо бахиддха̄ дхаммасса виппайуттапаччайена паччайо – сахаджа̄там̣, пуреджа̄там̣, паччха̄джа̄там̣ (сам̣кхиттам̣).