1. паччайа̄нуломам̣

1. вибхан̇гава̄ро

хетупаччайо

401. кусало дхаммо кусаласса дхаммасса хетупаччайена паччайо – кусала̄ хетӯ сампайуттака̄нам̣ кхандха̄нам̣ хетупаччайена паччайо. кусало дхаммо абйа̄катасса дхаммасса хетупаччайена паччайо – кусала̄ хетӯ читтасамут̣т̣ха̄на̄нам̣ рӯпа̄нам̣ хетупаччайена паччайо. кусало дхаммо кусаласса ча абйа̄катасса ча дхаммасса хетупаччайена паччайо – кусала̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо. (3)

402. акусало дхаммо акусаласса дхаммасса хетупаччайена паччайо – акусала̄ хетӯ сампайуттака̄нам̣ кхандха̄нам̣ хетупаччайена паччайо. акусало дхаммо абйа̄катасса дхаммасса хетупаччайена паччайо – акусала̄ хетӯ читтасамут̣т̣ха̄на̄нам̣ рӯпа̄нам̣ хетупаччайена паччайо. акусало дхаммо акусаласса ча абйа̄катасса ча дхаммасса хетупаччайена паччайо – акусала̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо. (3)

403. абйа̄като дхаммо абйа̄катасса дхаммасса хетупаччайена паччайо – випа̄ка̄бйа̄ката̄ кирийа̄бйа̄ката̄ хетӯ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ хетупаччайена паччайо; пат̣исандхиккхан̣е випа̄ка̄бйа̄ката̄ хетӯ сампайуттака̄нам̣ кхандха̄нам̣ кат̣атта̄ ча рӯпа̄нам̣ хетупаччайена паччайо. (1)

а̄рамман̣апаччайо

404. кусало дхаммо кусаласса дхаммасса а̄рамман̣апаччайена паччайо – да̄нам̣ датва̄ сӣлам̣ сама̄дийитва̄ упосатхакаммам̣ катва̄ там̣ паччавеккхати, пуббе сучин̣н̣а̄ни паччавеккхати, джха̄на̄ вут̣т̣хахитва̄ джха̄нам̣ паччавеккхати, секкха̄ готрабхум̣ паччавеккханти, вода̄нам̣ паччавеккханти, секкха̄ магга̄ вут̣т̣хахитва̄ маггам̣ паччавеккханти, секкха̄ ва̄ путхуджджана̄ ва̄ кусалам̣ аниччато дуккхато анаттато випассанти, четопарийан̃а̄н̣ена кусалачиттасаман̇гисса читтам̣ джа̄нанти. а̄ка̄са̄нан̃ча̄йатанакусалам̣ вин̃н̃а̄н̣ан̃ча̄йатанакусаласса а̄рамман̣апаччайена паччайо. а̄кин̃чан̃н̃а̄йатанакусалам̣ невасан̃н̃а̄на̄сан̃н̃а̄йатанакусаласса а̄рамман̣апаччайена паччайо. кусала̄ кхандха̄ иддхивидхан̃а̄н̣асса четопарийан̃а̄н̣асса пуббенива̄са̄нуссатин̃а̄н̣асса йатха̄каммӯпаган̃а̄н̣асса ана̄гатам̣сан̃а̄н̣асса а̄рамман̣апаччайена паччайо. (1)

405. кусало дхаммо акусаласса дхаммасса а̄рамман̣апаччайена паччайо – да̄нам̣ датва̄ сӣлам̣ сама̄дийитва̄ упосатхакаммам̣ катва̄ там̣ асса̄дети абхинандати; там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати. пуббе сучин̣н̣а̄ни асса̄дети абхинандати; там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати. джха̄на̄ вут̣т̣хахитва̄ джха̄нам̣ асса̄дети абхинандати; там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати. джха̄не парихӣне виппат̣иса̄рисса доманассам̣ уппаджджати. (2)

406. кусало дхаммо абйа̄катасса дхаммасса а̄рамман̣апаччайена паччайо – араха̄ магга̄ вут̣т̣хахитва̄ маггам̣ паччавеккхати; пуббе сучин̣н̣а̄ни паччавеккхати; кусалам̣ аниччато дуккхато анаттато виппассати; четопарийан̃а̄н̣ена кусалачиттасаман̇гисса читтам̣ джа̄на̄ти. секкха̄ ва̄ путхуджджана̄ ва̄ кусалам̣ аниччато дуккхато анаттато випассанти, кусале нируддхе випа̄ко тада̄рамман̣ата̄ уппаджджати. кусалам̣ асса̄дети абхинандати; там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати, акусале нируддхе випа̄ко тада̄рамман̣ата̄ уппаджджати. а̄ка̄са̄нан̃ча̄йатанакусалам̣ вин̃н̃а̄н̣ан̃ча̄йатанавипа̄касса ча, кирийасса ча а̄рамман̣апаччайена паччайо. а̄кин̃чан̃н̃а̄йатанакусалам̣ невасан̃н̃а̄на̄сан̃н̃а̄йатанавипа̄касса ча, кирийасса ча а̄рамман̣апаччайена паччайо. кусала̄ кхандха̄ четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (3)

407. акусало дхаммо акусаласса дхаммасса а̄рамман̣апаччайена паччайо – ра̄гам̣ асса̄дети абхинандати; там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати. дит̣т̣хим̣ асса̄дети абхинандати; там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати. вичикиччхам̣ а̄раббха вичикиччха̄ уппаджджати, дит̣т̣хи уппаджджати, уддхаччам̣ уппаджджати, доманассам̣ уппаджджати. уддхаччам̣ а̄раббха уддхаччам̣ уппаджджати, дит̣т̣хи уппаджджати, вичикиччха̄ уппаджджати, доманассам̣ уппаджджати. доманассам̣ а̄раббха доманассам̣ уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати. (1)

408. акусало дхаммо кусаласса дхаммасса а̄рамман̣апаччайена паччайо – секкха̄ пахӣне килесе [пахӣнакилесе (сйа̄.)] паччавеккханти, виккхамбхите килесе [виккхамбхитакилесе (сйа̄.)] паччавеккханти, пуббе самуда̄чин̣н̣е килесе джа̄нанти, секкха̄ ва̄ путхуджджана̄ ва̄ акусалам̣ аниччато дуккхато анаттато випассанти, четопарийан̃а̄н̣ена акусалачиттасаман̇гисса читтам̣ джа̄нанти. акусала̄ кхандха̄ четопарийан̃а̄н̣асса, пуббенива̄са̄нуссатин̃а̄н̣асса, йатха̄каммӯпаган̃а̄н̣асса ана̄гатам̣сан̃а̄н̣асса а̄рамман̣апаччайена паччайо. (2)

409. акусало дхаммо абйа̄катасса дхаммасса а̄рамман̣апаччайена паччайо – араха̄ пахӣне килесе паччавеккхати, пуббе самуда̄чин̣н̣е килесе джа̄на̄ти, акусалам̣ аниччато дуккхато анаттато випассати, четопарийан̃а̄н̣ена акусалачиттасаман̇гисса читтам̣ джа̄на̄ти, секкха̄ ва̄ путхуджджана̄ ва̄ акусалам̣ аниччато дуккхато анаттато випассанти, кусале нируддхе випа̄ко тада̄рамман̣ата̄ уппаджджати. акусалам̣ асса̄дети абхинандати; там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати. акусале нируддхе випа̄ко тада̄рамман̣ата̄ уппаджджати. акусала̄ кхандха̄ четопарийан̃а̄н̣асса пуббенива̄са̄нуссатин̃а̄н̣асса йатха̄каммӯпаган̃а̄н̣асса ана̄гатам̣сан̃а̄н̣асса а̄ваджджана̄йа а̄рамман̣апаччайена паччайо. (3)

410. абйа̄като дхаммо абйа̄катасса дхаммасса а̄рамман̣апаччайена паччайо – араха̄ пхалам̣ паччавеккхати, нибба̄нам̣ паччавеккхати. нибба̄нам̣ пхаласса а̄ваджджана̄йа а̄рамман̣апаччайена паччайо. араха̄ чаккхум̣ аниччато дуккхато анаттато випассати. сотам̣… гха̄нам̣… дживхам̣… ка̄йам̣… рӯпе… садде… гандхе… расе… пхот̣т̣хаббе… ваттхум̣… випа̄ка̄бйа̄кате кирийа̄бйа̄кате кхандхе аниччато дуккхато анаттато випассати, диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти, четопарийан̃а̄н̣ена випа̄ка̄бйа̄катакирийа̄бйа̄катачиттасаман̇гисса читтам̣ джа̄на̄ти. а̄ка̄са̄нан̃ча̄йатанакирийам̣ вин̃н̃а̄н̣ан̃ча̄йатанакирийасса а̄рамман̣апаччайена паччайо. а̄кин̃чан̃н̃а̄йатанакирийам̣ невасан̃н̃а̄на̄сан̃н̃а̄йатанакирийасса а̄рамман̣апаччайена паччайо. рӯпа̄йатанам̣ чаккхувин̃н̃а̄н̣асса а̄рамман̣апаччайена паччайо. садда̄йатанам̣ сотавин̃н̃а̄н̣асса… гандха̄йатанам̣ гха̄навин̃н̃а̄н̣асса… раса̄йатанам̣ дживха̄вин̃н̃а̄н̣асса … пхот̣т̣хабба̄йатанам̣ ка̄йавин̃н̃а̄н̣асса а̄рамман̣апаччайена паччайо. абйа̄ката̄ кхандха̄ иддхивидхан̃а̄н̣асса, четопарийан̃а̄н̣асса, пуббенива̄са̄нуссатин̃а̄н̣асса, ана̄гатам̣сан̃а̄н̣асса, а̄ваджджана̄йа а̄рамман̣апаччайена паччайо. (1)

411. абйа̄като дхаммо кусаласса дхаммасса а̄рамман̣апаччайена паччайо – секкха̄ пхалам̣ паччавеккханти, нибба̄нам̣ паччавеккханти. нибба̄нам̣ готрабхусса вода̄насса маггасса а̄рамман̣апаччайена паччайо. секкха̄ ва̄ путхуджджана̄ ва̄ чаккхум̣ аниччато дуккхато анаттато виппассанти. сотам̣… гха̄нам̣… дживхам̣… ка̄йам̣… рӯпе… садде… гандхе… расе… пхот̣т̣хаббе… ваттхум̣… випа̄ка̄бйа̄кате кирийа̄бйа̄кате кхандхе аниччато дуккхато анаттато випассанти, диббена чаккхуна̄ рӯпам̣ пассанти, дибба̄йа сотадха̄туйа̄ саддам̣ сун̣анти, четопарийан̃а̄н̣ена випа̄ка̄бйа̄катакирийа̄бйа̄катачиттасаман̇гисса читтам̣ джа̄нанти. абйа̄ката̄ кхандха̄ иддхивидхан̃а̄н̣асса четопарийан̃а̄н̣асса пуббенива̄са̄нуссатин̃а̄н̣асса ана̄гатам̣сан̃а̄н̣асса а̄рамман̣апаччайена паччайо.

412. абйа̄като дхаммо акусаласса дхаммасса а̄рамман̣апаччайена паччайо – чаккхум̣ асса̄дети абхинандати; там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати. сотам̣… гха̄нам̣… дживхам̣… ка̄йам̣… рӯпе… садде… гандхе… расе… пхот̣т̣хаббе… ваттхум̣… випа̄ка̄бйа̄кате кирийа̄бйа̄кате кхандхе асса̄дети абхинандати; там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати. (3)

адхипатипаччайо

413. кусало дхаммо кусаласса дхаммасса адхипатипаччайена паччайо. а̄рамман̣а̄дхипати, сахаджа̄та̄дхипати. а̄рамман̣а̄дхипати – да̄нам̣ датва̄ сӣлам̣ сама̄дийитва̄ упосатхакаммам̣ катва̄, там̣ гарум̣ катва̄ паччавеккхати, пуббе сучин̣н̣а̄ни гарум̣ катва̄ паччавеккхати, джха̄на̄ вут̣т̣хахитва̄ джха̄нам̣ гарум̣ катва̄ паччавеккхати. секкха̄ готрабхум̣ гарум̣ катва̄ паччавеккханти, вода̄нам̣ гарум̣ катва̄ паччавеккханти. секкха̄ магга̄ вут̣т̣хахитва̄ маггам̣ гарум̣ катва̄ паччавеккханти. сахаджа̄та̄дхипати – кусала̄дхипати сампайуттака̄нам̣ кхандха̄нам̣ адхипатипаччайена паччайо. (1)

414. кусало дхаммо акусаласса дхаммасса адхипатипаччайена паччайо. а̄рамман̣а̄дхипати – да̄нам̣ датва̄ сӣлам̣ сама̄дийитва̄ упосатхакаммам̣ катва̄, там̣ гарум̣ катва̄ асса̄дети абхинандати; там̣ гарум̣ катва̄ ра̄го уппаджджати, дит̣т̣хи уппаджджати, пуббе сучин̣н̣а̄ни гарум̣ катва̄ асса̄дети абхинандати; там̣ гарум̣ катва̄ ра̄го уппаджджати, дит̣т̣хи уппаджджати. джха̄на̄ вут̣т̣хахитва̄ джха̄нам̣ гарум̣ катва̄ асса̄дети абхинандати; там̣ гарум̣ катва̄ ра̄го уппаджджати, дит̣т̣хи уппаджджати.

кусало дхаммо абйа̄катасса дхаммасса адхипатипаччайена паччайо. а̄рамман̣а̄дхипати, сахаджа̄та̄дхипати. а̄рамман̣а̄дхипати – араха̄ магга̄ вут̣т̣хахитва̄ маггам̣ гарум̣ катва̄ паччавеккхати. сахаджа̄та̄дхипати – кусала̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. (3)

кусало дхаммо кусаласса ча абйа̄катасса ча дхаммасса адхипатипаччайена паччайо. сахаджа̄та̄дхипати – кусала̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (4)

415. акусало дхаммо акусаласса дхаммасса адхипатипаччайена паччайо. а̄рамман̣а̄дхипати, сахаджа̄та̄дхипати. а̄рамман̣а̄дхипати – ра̄гам̣ гарум̣ катва̄ асса̄дети абхинандати; там̣ гарум̣ катва̄ ра̄го уппаджджати, дит̣т̣хи уппаджджати. дит̣т̣хим̣ гарум̣ катва̄ асса̄дети абхинандати; там̣ гарум̣ катва̄ ра̄го уппаджджати, дит̣т̣хи уппаджджати. сахаджа̄та̄дхипати – акусала̄дхипати сампайуттака̄нам̣ кхандха̄нам̣ адхипатипаччайена паччайо. (1)

акусало дхаммо абйа̄катасса дхаммасса адхипатипаччайена паччайо. сахаджа̄та̄дхипати – акусала̄дхипати читтасамут̣т̣ха̄на̄нам̣ рӯпа̄нам̣ адхипатипаччайена паччайо. (2)

акусало дхаммо акусаласса ча абйа̄катасса ча дхаммасса адхипати паччайена паччайо. сахаджа̄та̄дхипати – акусала̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (3)

416. абйа̄като дхаммо абйа̄катасса дхаммасса адхипатипаччайена паччайо. а̄рамман̣а̄дхипати, сахаджа̄та̄дхипати. а̄рамман̣а̄дхипати – араха̄ пхалам̣ гарум̣ катва̄ паччавеккхати, нибба̄нам̣ гарум̣ катва̄ паччавеккхати. нибба̄нам̣ пхаласса адхипатипаччайена паччайо. сахаджа̄та̄дхипати – випа̄ка̄бйа̄катакирийа̄бйа̄ката̄дхипати сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ адхипатипаччайена паччайо. (1)

абйа̄като дхаммо кусаласса дхаммасса адхипатипаччайена паччайо. а̄рамман̣а̄дхипати – секкха̄ пхалам̣ гарум̣ катва̄ паччавеккханти, нибба̄нам̣ гарум̣ катва̄ паччавеккханти. нибба̄нам̣ готрабхусса, вода̄насса, маггасса адхипатипаччайена паччайо. (2)

абйа̄като дхаммо акусаласса дхаммасса адхипатипаччайена паччайо. а̄рамман̣а̄дхипати – чаккхум̣ гарум̣ катва̄ асса̄дети абхинандати; там̣ гарум̣ катва̄ ра̄го уппаджджати, дит̣т̣хи уппаджджати. сотам̣… гха̄нам̣… дживхам̣… ка̄йам̣… рӯпе… садде… гандхе… расе… пхот̣т̣хаббе… ваттхум̣… випа̄ка̄бйа̄кате кирийа̄бйа̄кате кхандхе гарум̣ катва̄ асса̄дети абхинандати; там̣ гарум̣ катва̄ ра̄го уппаджджати, дит̣т̣хи уппаджджати. (3)

анантарапаччайо

417. кусало дхаммо кусаласса дхаммасса анантарапаччайена паччайо – пурима̄ пурима̄ кусала̄ кхандха̄ паччхима̄нам̣ паччхима̄нам̣ кусала̄нам̣ кхандха̄нам̣ анантарапаччайена паччайо. ануломам̣ готрабхусса… ануломам̣ вода̄насса… готрабху маггасса… вода̄нам̣ маггасса анантарапаччайена паччайо. (1)

кусало дхаммо абйа̄катасса дхаммасса анантарапаччайена паччайо. кусалам̣ вут̣т̣ха̄насса… магго пхаласса… ануломам̣ секкха̄йа пхаласама̄паттийа̄… ниродха̄ вут̣т̣хахантасса невасан̃н̃а̄на̄сан̃н̃а̄йатанакусалам̣ пхаласама̄паттийа̄ анантарапаччайена паччайо. (2)

акусало дхаммо акусаласса дхаммасса анантарапаччайена паччайо – пурима̄ пурима̄ акусала̄ кхандха̄ паччхима̄нам̣ паччхима̄нам̣ акусала̄нам̣ кхандха̄нам̣ анантарапаччайена паччайо. (1)

акусало дхаммо абйа̄катасса дхаммасса анантарапаччайена паччайо. акусалам̣ вут̣т̣ха̄насса анантарапаччайена паччайо. (2)

абйа̄като дхаммо абйа̄катасса дхаммасса анантарапаччайена паччайо – пурима̄ пурима̄ випа̄ка̄бйа̄ката̄ кирийа̄бйа̄ката̄ кхандха̄ паччхима̄нам̣ паччхима̄нам̣ випа̄ка̄бйа̄ката̄нам̣ кирийа̄бйа̄ката̄нам̣ кхандха̄нам̣ анантарапаччайена паччайо. бхаван̇гам̣ а̄ваджджана̄йа… кирийам̣ вут̣т̣ха̄насса… арахато ануломам̣ пхаласама̄паттийа̄… ниродха̄ вут̣т̣хахантасса невасан̃н̃а̄на̄сан̃н̃а̄йатанакирийам̣ пхаласама̄паттийа̄ анантарапаччайена паччайо. (1)

абйа̄като дхаммо кусаласса дхаммасса анантарапаччайена паччайо – а̄ваджджана̄ кусала̄нам̣ кхандха̄нам̣ анантарапаччайена паччайо. (2)

абйа̄като дхаммо акусаласса дхаммасса анантарапаччайена паччайо – а̄ваджджана̄ акусала̄нам̣ кхандха̄нам̣ анантарапаччайена паччайо. (3)

саманантарапаччайо

418. кусало дхаммо кусаласса дхаммасса саманантарапаччайена паччайо – пурима̄ пурима̄ кусала̄ кхандха̄ паччхима̄нам̣ паччхима̄нам̣ кусала̄нам̣ кхандха̄нам̣ саманантарапаччайена паччайо. ануломам̣ готрабхусса… ануломам̣ вода̄насса… готрабху маггасса… вода̄нам̣ маггасса саманантарапаччайена паччайо.

кусало дхаммо абйа̄катасса дхаммасса саманантарапаччайена паччайо. кусалам̣ вут̣т̣ха̄насса… магго пхаласса… ануломам̣ секкха̄йа пхаласама̄паттийа̄… ниродха̄ вут̣т̣хахантасса невасан̃н̃а̄на̄сан̃н̃а̄йатанакусалам̣ пхаласама̄паттийа̄ саманантарапаччайена паччайо. (2)

акусало дхаммо акусаласса дхаммасса саманантарапаччайена паччайо – пурима̄ пурима̄ акусала̄ кхандха̄ паччхима̄нам̣ паччхима̄нам̣ акусала̄нам̣ кхандха̄нам̣ саманантарапаччайена паччайо. (1)

акусало дхаммо абйа̄катасса дхаммасса саманантарапаччайена паччайо – акусалам̣ вут̣т̣ха̄насса саманантарапаччайена паччайо. (2)

абйа̄като дхаммо абйа̄катасса дхаммасса саманантарапаччайена паччайо – пурима̄ пурима̄ випа̄ка̄бйа̄ката̄ кирийа̄бйа̄ката̄ кхандха̄ паччхима̄нам̣ паччхима̄нам̣ випа̄ка̄бйа̄ката̄нам̣ кирийа̄бйа̄ката̄нам̣ кхандха̄нам̣ саманантарапаччайена паччайо. бхаван̇гам̣ а̄ваджджана̄йа… кирийам̣ вут̣т̣ха̄насса… арахато ануломам̣ пхаласама̄паттийа̄… ниродха̄ вут̣т̣хахантасса невасан̃н̃а̄на̄сан̃н̃а̄йатанакирийам̣ пхаласама̄паттийа̄ саманантарапаччайена паччайо. (1)

абйа̄като дхаммо кусаласса дхаммасса саманантарапаччайена паччайо – а̄ваджджана̄ кусала̄нам̣ кхандха̄нам̣ саманантарапаччайена паччайо. (2)

абйа̄като дхаммо акусаласса дхаммасса саманантарапаччайена паччайо – а̄ваджджана̄ акусала̄нам̣ кхандха̄нам̣ саманантарапаччайена паччайо. (3)

сахаджа̄тапаччайо

419. кусало дхаммо кусаласса дхаммасса сахаджа̄тапаччайена паччайо – кусало еко кхандхо тин̣н̣аннам̣ кхандха̄нам̣ сахаджа̄тапаччайена паччайо. тайо кхандха̄ екасса кхандхасса сахаджа̄тапаччайена паччайо. две кхандха̄ двиннам̣ кхандха̄нам̣ сахаджа̄тапаччайена паччайо. (1)

кусало дхаммо абйа̄катасса дхаммасса сахаджа̄тапаччайена паччайо – кусала̄ кхандха̄ читтасамут̣т̣ха̄на̄нам̣ рӯпа̄нам̣ сахаджа̄тапаччайена паччайо. (2)

кусало дхаммо кусаласса ча абйа̄катасса ча дхаммасса сахаджа̄тапаччайена паччайо – кусало еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ сахаджа̄тапаччайена паччайо. тайо кхандха̄ екасса кхандхасса читтасамут̣т̣ха̄на̄нан̃ча рӯпа̄нам̣ сахаджа̄тапаччайена паччайо. две кхандха̄ двиннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ сахаджа̄тапаччайена паччайо. (3)

акусало дхаммо акусаласса дхаммасса сахаджа̄тапаччайена паччайо – акусало еко кхандхо тин̣н̣аннам̣ кхандха̄нам̣ сахаджа̄тапаччайена паччайо. тайо кхандха̄ екасса кхандхасса сахаджа̄тапаччайена паччайо. две кхандха̄ двиннам̣ кхандха̄нам̣ сахаджа̄тапаччайена паччайо. (1)

акусало дхаммо абйа̄катасса дхаммасса сахаджа̄тапаччайена паччайо – акусала̄ кхандха̄ читтасамут̣т̣ха̄на̄нам̣ рӯпа̄нам̣ сахаджа̄тапаччайена паччайо. (2)

акусало дхаммо акусаласса ча абйа̄катасса ча дхаммасса сахаджа̄тапаччайена паччайо – акусало еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ сахаджа̄тапаччайена паччайо. тайо кхандха̄ екасса кхандхасса читтасамут̣т̣ха̄на̄нан̃ча рӯпа̄нам̣ сахаджа̄тапаччайена паччайо. две кхандха̄ двиннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ сахаджа̄тапаччайена паччайо. (3)

абйа̄като дхаммо абйа̄катасса дхаммасса сахаджа̄тапаччайена паччайо – випа̄ка̄бйа̄като кирийа̄бйа̄като еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ сахаджа̄тапаччайена паччайо. тайо кхандха̄ екасса кхандхасса читтасамут̣т̣ха̄на̄нан̃ча рӯпа̄нам̣ сахаджа̄тапаччайена паччайо. две кхандха̄ двиннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ сахаджа̄тапаччайена паччайо. пат̣исандхиккхан̣е випа̄ка̄бйа̄като еко кхандхо тин̣н̣аннам̣ кхандха̄нам̣ кат̣атта̄ ча рӯпа̄нам̣ сахаджа̄тапаччайена паччайо. тайо кхандха̄ екасса кхандхасса кат̣атта̄ ча рӯпа̄нам̣ сахаджа̄тапаччайена паччайо. две кхандха̄ двиннам̣ кхандха̄нам̣ кат̣атта̄ ча рӯпа̄нам̣ сахаджа̄тапаччайена паччайо. кхандха̄ ваттхусса сахаджа̄тапаччайена паччайо. ваттху кхандха̄нам̣ сахаджа̄тапаччайена паччайо. екам̣ маха̄бхӯтам̣ тин̣н̣аннам̣ маха̄бхӯта̄нам̣ сахаджа̄тапаччайена паччайо. тайо маха̄бхӯта̄ екасса маха̄бхӯтасса сахаджа̄тапаччайена паччайо. две маха̄бхӯта̄ двиннам̣ маха̄бхӯта̄нам̣ сахаджа̄тапаччайена паччайо. маха̄бхӯта̄ читтасамут̣т̣ха̄на̄нам̣ рӯпа̄нам̣ кат̣атта̄рӯпа̄нам̣ упа̄да̄рӯпа̄нам̣ сахаджа̄тапаччайена паччайо. ба̄хирам̣ екам̣ маха̄бхӯтам̣ тин̣н̣аннам̣ маха̄бхӯта̄нам̣ сахаджа̄тапаччайена паччайо. тайо маха̄бхӯта̄ екасса маха̄бхӯтасса сахаджа̄тапаччайена паччайо. две маха̄бхӯта̄ двиннам̣ маха̄бхӯта̄нам̣ сахаджа̄тапаччайена паччайо. маха̄бхӯта̄ упа̄да̄рӯпа̄нам̣ сахаджа̄тапаччайена паччайо. а̄ха̄расамут̣т̣ха̄нам̣ екам̣ маха̄бхӯтам̣ тин̣н̣аннам̣ маха̄бхӯта̄нам̣ сахаджа̄тапаччайена паччайо. тайо маха̄бхӯта̄ екасса маха̄бхӯтасса сахаджа̄тапаччайена паччайо. две маха̄бхӯта̄ двиннам̣ маха̄бхӯта̄нам̣ сахаджа̄тапаччайена паччайо. маха̄бхӯта̄ упа̄да̄рӯпа̄нам̣ сахаджа̄тапаччайена паччайо. утусамут̣т̣ха̄нам̣ екам̣ маха̄бхӯтам̣ тин̣н̣аннам̣ маха̄бхӯта̄нам̣ сахаджа̄тапаччайена паччайо. тайо маха̄бхӯта̄ екасса маха̄бхӯтасса сахаджа̄тапаччайена паччайо. две маха̄бхӯта̄ двиннам̣ маха̄бхӯта̄нам̣ сахаджа̄тапаччайена паччайо. маха̄бхӯта̄ упа̄да̄рӯпа̄нам̣ сахаджа̄тапаччайена паччайо. асан̃н̃асатта̄нам̣ екам̣ маха̄бхӯтам̣ тин̣н̣аннам̣ маха̄бхӯта̄нам̣ сахаджа̄тапаччайена паччайо. тайо маха̄бхӯта̄ екасса маха̄бхӯтасса сахаджа̄тапаччайена паччайо. две маха̄бхӯта̄ двиннам̣ маха̄бхӯта̄нам̣ сахаджа̄тапаччайена паччайо. маха̄бхӯта̄ кат̣атта̄рӯпа̄нам̣ упа̄да̄рӯпа̄нам̣ сахаджа̄тапаччайена паччайо. (1)

кусало ча абйа̄като ча дхамма̄ абйа̄катасса дхаммасса сахаджа̄тапаччайена паччайо – кусала̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ сахаджа̄тапаччайена паччайо. (1)

акусало ча абйа̄като ча дхамма̄ абйа̄катасса дхаммасса сахаджа̄тапаччайена паччайо – акусала̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ сахаджа̄тапаччайена паччайо. (1)

ан̃н̃аман̃н̃апаччайо

420. кусало дхаммо кусаласса дхаммасса ан̃н̃аман̃н̃апаччайена паччайо – кусало еко кхандхо тин̣н̣аннам̣ кхандха̄нам̣ ан̃н̃аман̃н̃апаччайена паччайо. тайо кхандха̄ екасса кхандхасса ан̃н̃аман̃н̃апаччайена паччайо. две кхандха̄ двиннам̣ кхандха̄нам̣ ан̃н̃аман̃н̃апаччайена паччайо. (1)

акусало дхаммо акусаласса дхаммасса ан̃н̃аман̃н̃апаччайена паччайо – акусало еко кхандхо тин̣н̣аннам̣ кхандха̄нам̣ ан̃н̃аман̃н̃апаччайена паччайо. тайо кхандха̄ екасса кхандхасса ан̃н̃аман̃н̃апаччайена паччайо. две кхандха̄ двиннам̣ кхандха̄нам̣ ан̃н̃аман̃н̃апаччайена паччайо. (1)

абйа̄като дхаммо абйа̄катасса дхаммасса ан̃н̃аман̃н̃апаччайена паччайо – випа̄ка̄бйа̄като кирийа̄бйа̄като еко кхандхо тин̣н̣аннам̣ кхандха̄нам̣ ан̃н̃аман̃н̃апаччайена паччайо. тайо кхандха̄ екасса кхандхасса ан̃н̃аман̃н̃апаччайена паччайо. две кхандха̄ двиннам̣ кхандха̄нам̣ ан̃н̃аман̃н̃апаччайена паччайо. пат̣исандхиккхан̣е випа̄ка̄бйа̄като еко кхандхо тин̣н̣аннам̣ кхандха̄нам̣ ваттхусса ча ан̃н̃аман̃н̃апаччайена паччайо. тайо кхандха̄ екасса кхандхасса ваттхусса ча ан̃н̃аман̃н̃апаччайена паччайо. две кхандха̄ двиннам̣ кхандха̄нам̣ ваттхусса ча ан̃н̃аман̃н̃апаччайена паччайо. кхандха̄ ваттхусса ан̃н̃аман̃н̃апаччайена паччайо. ваттху кхандха̄нам̣ ан̃н̃аман̃н̃апаччайена паччайо. екам̣ маха̄бхӯтам̣ тин̣н̣аннам̣ маха̄бхӯта̄нам̣ ан̃н̃аман̃н̃апаччайена паччайо. тайо маха̄бхӯта̄ екасса маха̄бхӯтасса ан̃н̃аман̃н̃апаччайена паччайо. две маха̄бхӯта̄ двиннам̣ маха̄бхӯта̄нам̣ ан̃н̃аман̃н̃апаччайена паччайо; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ тин̣н̣аннам̣ маха̄бхӯта̄нам̣ ан̃н̃аман̃н̃апаччайена паччайо…пе… две маха̄бхӯта̄ двиннам̣ маха̄бхӯта̄нам̣ ан̃н̃аман̃н̃апаччайена паччайо. (1)

ниссайапаччайо

421. кусало дхаммо кусаласса дхаммасса ниссайапаччайена паччайо – кусало еко кхандхо тин̣н̣аннам̣ кхандха̄нам̣ ниссайапаччайена паччайо. тайо кхандха̄ екасса кхандхасса ниссайапаччайена паччайо. две кхандха̄ двиннам̣ кхандха̄нам̣ ниссайапаччайена паччайо. (1)

кусало дхаммо абйа̄катасса дхаммасса ниссайапаччайена паччайо – кусала̄ кхандха̄ читтасамут̣т̣ха̄на̄нам̣ рӯпа̄нам̣ ниссайапаччайена паччайо. (2)

кусало дхаммо кусаласса ча абйа̄катасса ча дхаммасса ниссайапаччайена паччайо – кусало еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ ниссайапаччайена паччайо. тайо кхандха̄ екасса кхандхасса читтасамут̣т̣ха̄на̄нан̃ча рӯпа̄нам̣ ниссайапаччайена паччайо. две кхандха̄ двиннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ ниссайапаччайена паччайо. (3)

акусало дхаммо акусаласса дхаммасса ниссайапаччайена паччайо – акусало еко кхандхо тин̣н̣аннам̣ кхандха̄нам̣ ниссайапаччайена паччайо. тайо кхандха̄ екасса кхандхасса ниссайапаччайена паччайо. две кхандха̄ двиннам̣ кхандха̄нам̣ ниссайапаччайена паччайо. (1)

акусало дхаммо абйа̄катасса дхаммасса ниссайапаччайена паччайо – акусала̄ кхандха̄ читтасамут̣т̣ха̄на̄нам̣ рӯпа̄нам̣ ниссайапаччайена паччайо. (2)

акусало дхаммо акусаласса ча абйа̄катасса ча дхаммасса ниссайапаччайена паччайо – акусало еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ ниссайапаччайена паччайо. тайо кхандха̄ екасса кхандхасса читтасамут̣т̣ха̄на̄нан̃ча рӯпа̄нам̣ ниссайапаччайена паччайо. две кхандха̄ двиннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ ниссайапаччайена паччайо. (3)

абйа̄като дхаммо абйа̄катасса дхаммасса ниссайапаччайена паччайо – випа̄ка̄бйа̄като кирийа̄бйа̄като еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ ниссайапаччайена паччайо. тайо кхандха̄ екасса кхандхасса читтасамут̣т̣ха̄на̄нан̃ча рӯпа̄нам̣ ниссайапаччайена паччайо. две кхандха̄ двиннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ ниссайапаччайена паччайо. пат̣исандхиккхан̣е випа̄ка̄бйа̄като еко кхандхо тин̣н̣аннам̣ кхандха̄нам̣ кат̣атта̄ ча рӯпа̄нам̣ ниссайапаччайена паччайо. тайо кхандха̄ екасса кхандхасса кат̣атта̄ ча рӯпа̄нам̣ ниссайапаччайена паччайо. две кхандха̄ двиннам̣ кхандха̄нам̣ кат̣атта̄ ча рӯпа̄нам̣ ниссайапаччайена паччайо. кхандха̄ ваттхусса ниссайапаччайена паччайо. ваттху кхандха̄нам̣ ниссайапаччайена паччайо. екам̣ маха̄бхӯтам̣ тин̣н̣аннам̣ маха̄бхӯта̄нам̣ ниссайапаччайена паччайо. тайо маха̄бхӯта̄ екасса маха̄бхӯтасса ниссайапаччайена паччайо. две маха̄бхӯта̄ двиннам̣ маха̄бхӯта̄нам̣ ниссайапаччайена паччайо. маха̄бхӯта̄ читтасамут̣т̣ха̄на̄нам̣ рӯпа̄нам̣, кат̣атта̄рӯпа̄нам̣, упа̄да̄рӯпа̄нам̣ ниссайапаччайена паччайо; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ тин̣н̣аннам̣ маха̄бхӯта̄нам̣ ниссайапаччайена паччайо. тайо маха̄бхӯта̄ екасса маха̄бхӯтасса ниссайапаччайена паччайо. две маха̄бхӯта̄ двиннам̣ маха̄бхӯта̄нам̣ ниссайапаччайена паччайо. маха̄бхӯта̄ кат̣атта̄рӯпа̄нам̣, упа̄да̄рӯпа̄нам̣ ниссайапаччайена паччайо. чаккха̄йатанам̣ чаккхувин̃н̃а̄н̣асса ниссайапаччайена паччайо. сота̄йатанам̣…пе… гха̄на̄йатанам̣…пе… дживха̄йатанам̣ …пе… ка̄йа̄йатанам̣ ка̄йавин̃н̃а̄н̣асса ниссайапаччайена паччайо. ваттху випа̄ка̄бйа̄ката̄нам̣ кирийа̄бйа̄ката̄нам̣ кхандха̄нам̣ ниссайапаччайена паччайо.

абйа̄като дхаммо кусаласса дхаммасса ниссайапаччайена паччайо – ваттху кусала̄нам̣ кхандха̄нам̣ ниссайапаччайена паччайо. (2)

абйа̄като дхаммо акусаласса дхаммасса ниссайапаччайена паччайо – ваттху акусала̄нам̣ кхандха̄нам̣ ниссайапаччайена паччайо. (3)

422. кусало ча абйа̄като ча дхамма̄ кусаласса дхаммасса ниссайапаччайена паччайо – кусало еко кхандхо ча ваттху ча тин̣н̣аннам̣ кхандха̄нам̣ ниссайапаччайена паччайо. тайо кхандха̄ ча ваттху ча екасса кхандхасса ниссайапаччайена паччайо. две кхандха̄ ча ваттху ча двиннам̣ кхандха̄нам̣ ниссайапаччайена паччайо. (1)

кусало ча абйа̄като ча дхамма̄ абйа̄катасса дхаммасса ниссайапаччайена паччайо – кусала̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ ниссайапаччайена паччайо. (2)

акусало ча абйа̄като ча дхамма̄ акусаласса дхаммасса ниссайапаччайена паччайо – акусало еко кхандхо ча ваттху ча тин̣н̣аннам̣ кхандха̄нам̣ ниссайапаччайена паччайо. тайо кхандха̄ ча ваттху ча екасса кхандхасса ниссайапаччайена паччайо. две кхандха̄ ча ваттху ча двиннам̣ кхандха̄нам̣ ниссайапаччайена паччайо. (1)

акусало ча абйа̄като ча дхамма̄ абйа̄катасса дхаммасса ниссайапаччайена паччайо – акусала̄ кхандха̄ ча маха̄бхӯта̄ ча читтасамут̣т̣ха̄на̄нам̣ рӯпа̄нам̣ ниссайапаччайена паччайо. (2)

упаниссайапаччайо

423. кусало дхаммо кусаласса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо.

а̄рамман̣ӯпаниссайо – да̄нам̣ датва̄ сӣлам̣ сама̄дийитва̄ упосатхакаммам̣ катва̄, там̣ гарум̣ катва̄ паччавеккхати, пуббе сучин̣н̣а̄ни гарум̣ катва̄ паччавеккхати, джха̄на̄ вут̣т̣хахитва̄ джха̄нам̣ гарум̣ катва̄ паччавеккхати, секкха̄ готрабхум̣ гарум̣ катва̄ паччавеккханти, вода̄нам̣ гарум̣ катва̄ паччавеккханти, секкха̄ магга̄ вут̣т̣хахитва̄ маггам̣ гарум̣ катва̄ паччавеккханти.

анантарӯпаниссайо – пурима̄ пурима̄ кусала̄ кхандха̄ паччхима̄нам̣ паччхима̄нам̣ кусала̄нам̣ кхандха̄нам̣ упаниссайапаччайена паччайо. ануломам̣ готрабхусса… ануломам̣ вода̄насса… готрабху маггасса… вода̄нам̣ маггасса упаниссайапаччайена паччайо.

пакатӯпаниссайо – саддхам̣ упанисса̄йа да̄нам̣ дети, сӣлам̣ сама̄дийати, упосатхакаммам̣ кароти, джха̄нам̣ уппа̄дети, випассанам̣ уппа̄дети, маггам̣ уппа̄дети, абхин̃н̃ам̣ уппа̄дети, сама̄паттим̣ уппа̄дети. сӣлам̣…пе… сутам̣…пе… ча̄гам̣…пе… пан̃н̃ам̣ упаниссайа да̄нам̣ дети, сӣлам̣ сама̄дийати, упосатхакаммам̣ кароти, джха̄нам̣ уппа̄дети, випассанам̣ уппа̄дети, маггам̣ уппа̄дети, абхин̃н̃ам̣ уппа̄дети, сама̄паттим̣ уппа̄дети. саддха̄… сӣлам̣… сутам̣… ча̄го… пан̃н̃а̄ … саддха̄йа… сӣласса… сутасса… ча̄гасса… пан̃н̃а̄йа упаниссайапаччайена паччайо.

пат̣хамасса джха̄насса парикаммам̣ пат̣хамасса джха̄насса упаниссайапаччайена паччайо. дутийасса джха̄насса парикаммам̣ дутийасса джха̄насса упаниссайапаччайена паччайо. татийасса джха̄насса парикаммам̣ татийасса джха̄насса упаниссайапаччайена паччайо. чатуттхасса джха̄насса парикаммам̣ чатуттхасса джха̄насса упаниссайапаччайена паччайо. а̄ка̄са̄нан̃ча̄йатанасса парикаммам̣ а̄ка̄са̄нан̃ча̄йатанасса упаниссайапаччайена паччайо. вин̃н̃а̄н̣ан̃ча̄йатанасса парикаммам̣ вин̃н̃а̄н̣ан̃ча̄йатанасса упаниссайапаччайена паччайо. а̄кин̃чан̃н̃а̄йатанасса парикаммам̣ а̄кин̃чан̃н̃а̄йатанасса упаниссайапаччайена паччайо. невасан̃н̃а̄на̄сан̃н̃а̄йатанасса парикаммам̣ невасан̃н̃а̄на̄сан̃н̃а̄йатанасса упаниссайапаччайена паччайо. пат̣хамам̣ джха̄нам̣ дутийасса джха̄насса упаниссайапаччайена паччайо. дутийам̣ джха̄нам̣ татийасса джха̄насса упаниссайапаччайена паччайо. татийам̣ джха̄нам̣ чатуттхасса джха̄насса упаниссайапаччайена паччайо. чатуттхам̣ джха̄нам̣ а̄ка̄са̄нан̃ча̄йатанасса упаниссайапаччайена паччайо. а̄ка̄са̄нан̃ча̄йатанам̣ вин̃н̃а̄н̣ан̃ча̄йатанасса упаниссайапаччайена паччайо. вин̃н̃а̄н̣ан̃ча̄йатанам̣ а̄кин̃чан̃н̃а̄йатанасса упаниссайапаччайена паччайо. а̄кин̃чан̃н̃а̄йатанам̣ невасан̃н̃а̄на̄сан̃н̃а̄йатанасса упаниссайапаччайена паччайо. диббасса чаккхусса парикаммам̣ диббасса чаккхусса упаниссайапаччайена паччайо. дибба̄йа сотадха̄туйа̄ парикаммам̣ дибба̄йа сотадха̄туйа̄ упаниссайапаччайена паччайо. иддхивидхан̃а̄н̣асса парикаммам̣ иддхивидхан̃а̄н̣асса упаниссайапаччайена паччайо. четопарийан̃а̄н̣асса парикаммам̣ четопарийан̃а̄н̣асса упаниссайапаччайена паччайо. пуббенива̄са̄нуссатин̃а̄н̣асса парикаммам̣ пуббенива̄са̄нуссатин̃а̄н̣асса упаниссайапаччайена паччайо. йатха̄каммӯпаган̃а̄н̣асса парикаммам̣ йатха̄каммӯпаган̃а̄н̣асса упаниссайапаччайена паччайо. ана̄гатам̣сан̃а̄н̣асса парикаммам̣ ана̄гатам̣сан̃а̄н̣асса упаниссайапаччайена паччайо. диббачаккху дибба̄йа сотадха̄туйа̄ упаниссайапаччайена паччайо. диббасотадха̄ту иддхивидхан̃а̄н̣асса упаниссайапаччайена паччайо. иддхивидхан̃а̄н̣ам̣ четопарийан̃а̄н̣асса упаниссайапаччайена паччайо. четопарийан̃а̄н̣ам̣ пуббенива̄са̄нуссатин̃а̄н̣асса упаниссайапаччайена паччайо. пуббенива̄са̄нуссатин̃а̄н̣ам̣ йатха̄каммӯпаган̃а̄н̣асса упаниссайапаччайена паччайо. йатха̄каммӯпаган̃а̄н̣ам̣ ана̄гатам̣сан̃а̄н̣асса упаниссайапаччайена паччайо. пат̣хамасса маггасса парикаммам̣ пат̣хамасса маггасса упаниссайапаччайена паччайо. дутийасса маггасса парикаммам̣ дутийасса маггасса упаниссайапаччайена паччайо. татийасса маггасса парикаммам̣ татийасса маггасса упаниссайапаччайена паччайо. чатуттхасса маггасса парикаммам̣ чатуттхасса маггасса упаниссайапаччайена паччайо. пат̣хамо магго дутийасса маггасса упаниссайапаччайена паччайо. дутийо магго татийасса маггасса упаниссайапаччайена паччайо. татийо магго чатуттхасса маггасса упаниссайапаччайена паччайо. секкха̄ маггам̣ упанисса̄йа ануппаннам̣ сама̄паттим̣ уппа̄денти, уппаннам̣ сама̄паджджанти, сан̇кха̄ре аниччато дуккхато анаттато випассанти. магго секкха̄нам̣ аттхаппат̣исамбхида̄йа, дхаммаппат̣исамбхида̄йа, нируттиппат̣исамбхида̄йа, пат̣ибха̄наппат̣исамбхида̄йа, т̣ха̄на̄т̣ха̄накосалласса упаниссайапаччайена паччайо. (1)

кусало дхаммо акусаласса дхаммасса упаниссайапаччайена паччайо – а̄рамман̣ӯпаниссайо, пакатӯпаниссайо.

а̄рамман̣ӯпаниссайо – да̄нам̣ датва̄ сӣлам̣ сама̄дийитва̄ упосатхакаммам̣ катва̄ там̣ гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. пуббе сучин̣н̣а̄ни гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. джха̄на̄ вут̣т̣хахитва̄ джха̄нам̣ гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати.

пакатӯпаниссайо – саддхам̣ упанисса̄йа ма̄нам̣ джаппети, дит̣т̣хим̣ ган̣ха̄ти. сӣлам̣…пе… сутам̣…пе… ча̄гам̣…пе… пан̃н̃ам̣ упанисса̄йа ма̄нам̣ джаппети, дит̣т̣хим̣ ган̣ха̄ти. саддха̄… сӣлам̣… сутам̣… ча̄го… пан̃н̃а̄ ра̄гасса… досасса… мохасса… ма̄насса… дит̣т̣хийа̄… паттхана̄йа упаниссайапаччайена паччайо. (2)

кусало дхаммо абйа̄катасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо.

а̄рамман̣ӯпаниссайо – араха̄ магга̄ вут̣т̣хахитва̄ маггам̣ гарум̣ катва̄ паччавеккхати.

анантарӯпаниссайо – кусалам̣ вут̣т̣ха̄насса… магго пхаласса… ануломам̣ секкха̄йа пхаласама̄паттийа̄… ниродха̄ вут̣т̣хахантасса невасан̃н̃а̄на̄сан̃н̃а̄йатанакусалам̣ пхаласама̄паттийа̄ упаниссайапаччайена паччайо.

пакатӯпаниссайо – саддхам̣ упанисса̄йа атта̄нам̣ а̄та̄пети парита̄пети, парийит̣т̣химӯлакам̣ дуккхам̣ паччанубхоти. сӣлам̣…пе… сутам̣…пе… ча̄гам̣…пе… пан̃н̃ам̣ упанисса̄йа атта̄нам̣ а̄та̄пети парита̄пети, парийит̣т̣химӯлакам̣ дуккхам̣ паччанубхоти. саддха̄… сӣлам̣… сутам̣… ча̄го… пан̃н̃а̄ ка̄йикасса сукхасса… ка̄йикасса дуккхасса… пхаласама̄паттийа̄ упаниссайапаччайена паччайо. кусалам̣ каммам̣ випа̄касса упаниссайапаччайена паччайо. араха̄ маггам̣ упанисса̄йа ануппаннам̣ кирийасама̄паттим̣ уппа̄дети, уппаннам̣ сама̄паджджати, сан̇кха̄ре аниччато дуккхато анаттато випассати. магго арахато аттхаппат̣исамбхида̄йа, дхаммаппат̣исамбхида̄йа, нируттиппат̣исамбхида̄йа, пат̣ибха̄наппат̣исамбхида̄йа, т̣ха̄на̄т̣ха̄накосалласса упаниссайапаччайена паччайо. магго пхаласама̄паттийа̄ упаниссайапаччайена паччайо. (3)

акусало дхаммо акусаласса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо.

а̄рамман̣ӯпаниссайо – ра̄гам̣ гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. дит̣т̣хим̣ гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати.

анантарӯпаниссайо – пурима̄ пурима̄ акусала̄ кхандха̄ паччхима̄нам̣ паччхима̄нам̣ акусала̄нам̣ кхандха̄нам̣ упаниссайапаччайена паччайо.

пакатӯпаниссайо – ра̄гам̣ упанисса̄йа па̄н̣ам̣ ханати, адиннам̣ а̄дийати, муса̄ бхан̣ати, писун̣ам̣ бхан̣ати, пхарусам̣ бхан̣ати, сампхам̣ палапати, сандхим̣ чхиндати, ниллопам̣ харати, ека̄га̄рикам̣ кароти, парипантхе тит̣т̣хати, парада̄рам̣ гаччхати, га̄магха̄там̣ кароти, нигамагха̄там̣ кароти, ма̄тарам̣ джӣвита̄ воропети, питарам̣ джӣвита̄ воропети, арахантам̣ джӣвита̄ воропети, дут̣т̣хена читтена татха̄гатасса лохитам̣ уппа̄дети, сан̇гхам̣ бхиндати. досам̣ упанисса̄йа…пе… мохам̣ упанисса̄йа…пе… ма̄нам̣ упанисса̄йа…пе… дит̣т̣хим̣ упанисса̄йа…пе… паттханам̣ упанисса̄йа па̄н̣ам̣ ханати…пе… сан̇гхам̣ бхиндати. ра̄го… досо… мохо… ма̄но… дит̣т̣хи… паттхана̄ ра̄гасса… досасса… мохасса… ма̄насса… дит̣т̣хийа̄… паттхана̄йа упаниссайапаччайена паччайо. па̄н̣а̄типа̄то па̄н̣а̄типа̄тасса упаниссайапаччайена паччайо. па̄н̣а̄типа̄то адинна̄да̄насса…пе… ка̄месумиччха̄ча̄расса…пе… муса̄ва̄дасса…пе… писун̣а̄йа ва̄ча̄йа…пе… пхаруса̄йа ва̄ча̄йа…пе… сампхаппала̄пасса…пе… абхиджджха̄йа…пе… бйа̄па̄дасса…пе… миччха̄дит̣т̣хийа̄ упаниссайапаччайена паччайо. адинна̄да̄нам̣ адинна̄да̄насса… ка̄месумиччха̄ча̄расса… муса̄ва̄дасса… (сам̣кхиттам̣) миччха̄дит̣т̣хийа̄… па̄н̣а̄типа̄тасса упаниссайапаччайена паччайо. (чаккам̣ бандхитаббам̣.) ка̄месумиччха̄ча̄ро…пе… муса̄ва̄до…пе… писун̣ава̄ча̄…пе… пхарусава̄ча̄…пе… сампхаппала̄по…пе… абхиджджха̄…пе… бйа̄па̄до…пе… миччха̄дит̣т̣хи миччха̄дит̣т̣хийа̄ упаниссайапаччайена паччайо. миччха̄дит̣т̣хи па̄н̣а̄типа̄тасса… адинна̄да̄насса… ка̄месумиччха̄ча̄расса… муса̄ва̄дасса… писун̣а̄йа ва̄ча̄йа… пхаруса̄йа ва̄ча̄йа… сампхаппала̄пасса… абхиджджха̄йа… бйа̄па̄дасса упаниссайапаччайена паччайо. ма̄тугха̄тикаммам̣ ма̄тугха̄тикаммасса упаниссайапаччайена паччайо. ма̄тугха̄тикаммам̣ питугха̄тикаммасса упаниссайа…пе… арахантагха̄тикаммасса… рухируппа̄дакаммасса… сан̇гхабхедакаммасса… нийатамиччха̄дит̣т̣хийа̄ упаниссайапаччайена паччайо. питугха̄тикаммам̣ питугха̄тикаммасса… арахантагха̄тикаммасса… рухируппа̄дакаммасса… сан̇гхабхедакаммасса… нийатамиччха̄дит̣т̣хийа̄… ма̄тугха̄тикаммасса упаниссайапаччайена паччайо. арахантагха̄тикаммам̣ арахантагха̄тикаммасса… рухируппа̄дакаммасса…пе… рухируппа̄дакаммам̣ рухируппа̄дакаммасса…пе… сан̇гхабхедакаммам̣ сан̇гхабхедакаммасса…пе… нийатамиччха̄дит̣т̣хи нийатамиччха̄дит̣т̣хийа̄ упаниссайапаччайена паччайо. нийатамиччха̄дит̣т̣хи ма̄тугха̄тикаммасса упаниссайа…пе… арахантагха̄тикаммасса… рухируппа̄дакаммасса… сан̇гхабхедакаммасса упаниссайапаччайена паччайо. (чаккам̣ ка̄таббам̣.) (1)

акусало дхаммо кусаласса дхаммасса упаниссайапаччайена паччайо. пакатӯпаниссайо – ра̄гам̣ упанисса̄йа да̄нам̣ дети, сӣлам̣ сама̄дийати, упосатхакаммам̣ кароти, джха̄нам̣ уппа̄дети, випассанам̣ уппа̄дети, маггам̣ уппа̄дети, абхин̃н̃ам̣ уппа̄дети, сама̄паттим̣ уппа̄дети. досам̣…пе… мохам̣…пе… ма̄нам̣…пе… дит̣т̣хим̣…пе… паттханам̣ упанисса̄йа да̄нам̣ дети, сӣлам̣ сама̄дийати, упосатхакаммам̣ кароти, джха̄нам̣ уппа̄дети, випассанам̣ уппа̄дети, маггам̣ уппа̄дети, абхин̃н̃ам̣ уппа̄дети, сама̄паттим̣ уппа̄дети. ра̄го… досо… мохо… ма̄но… дит̣т̣хи… паттхана̄ саддха̄йа… сӣласса… сутасса… ча̄гасса … пан̃н̃а̄йа упаниссайапаччайена паччайо. па̄н̣ам̣ хантва̄ тасса пат̣игха̄таттха̄йа да̄нам̣ дети, сӣлам̣ сама̄дийати, упосатхакаммам̣ кароти, джха̄нам̣ уппа̄дети, випассанам̣ уппа̄дети, маггам̣ уппа̄дети, абхин̃н̃ам̣ уппа̄дети, сама̄паттим̣ уппа̄дети. адиннам̣ а̄дийитва̄…пе… муса̄ бхан̣итва̄…пе… писун̣ам̣ бхан̣итва̄…пе… пхарусам̣ бхан̣итва̄…пе… сампхам̣ палапитва̄…пе… сандхим̣ чхиндитва̄…пе… ниллопам̣ харитва̄…пе… ека̄га̄рикам̣ каритва̄…пе… парипантхе т̣хатва̄…пе… парада̄рам̣ гантва̄…пе… га̄магха̄там̣ каритва̄…пе… нигамагха̄там̣ каритва̄ тасса пат̣игха̄таттха̄йа да̄нам̣ дети, сӣлам̣ сама̄дийати, упосатхакаммам̣ кароти, джха̄нам̣ уппа̄дети, випассанам̣ уппа̄дети, маггам̣ уппа̄дети, абхин̃н̃ам̣ уппа̄дети, сама̄паттим̣ уппа̄дети. ма̄тарам̣ джӣвита̄ воропетва̄ тасса пат̣игха̄таттха̄йа да̄нам̣ дети, сӣлам̣ сама̄дийати, упосатхакаммам̣ кароти. питарам̣ джӣвита̄ воропетва̄…пе… арахантам̣ джӣвита̄ воропетва̄…пе… дут̣т̣хена читтена татха̄гатасса лохитам̣ уппа̄детва̄…пе… сан̇гхам̣ бхиндитва̄ тасса пат̣игха̄таттха̄йа да̄нам̣ дети, сӣлам̣ сама̄дийати, упосатхакаммам̣ кароти. (2)

акусало дхаммо абйа̄катасса дхаммасса упаниссайапаччайена паччайо – анантарӯпаниссайо, пакатӯпаниссайо.

анантарӯпаниссайо – акусалам̣ вут̣т̣ха̄насса упаниссайапаччайена паччайо.

пакатӯпаниссайо – ра̄гам̣ упанисса̄йа атта̄нам̣ а̄та̄пети парита̄пети, парийит̣т̣химӯлакам̣ дуккхам̣ паччанубхоти. досам̣…пе… мохам̣…пе… ма̄нам̣ …пе… дит̣т̣хим̣…пе… паттханам̣ упанисса̄йа атта̄нам̣ а̄та̄пети парита̄пети, парийит̣т̣химӯлакам̣ дуккхам̣ паччанубхоти. ра̄го… досо … мохо… ма̄но… дит̣т̣хи… паттхана̄ ка̄йикасса сукхасса… ка̄йикасса дуккхасса… пхаласама̄паттийа̄ упаниссайапаччайена паччайо. акусалам̣ каммам̣ випа̄касса упаниссайапаччайена паччайо. (3)

абйа̄като дхаммо абйа̄катасса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо.

а̄рамман̣ӯпаниссайо – араха̄ пхалам̣ гарум̣ катва̄ паччавеккхати, нибба̄нам̣ гарум̣ катва̄ паччавеккхати, нибба̄нам̣ пхаласса упаниссайапаччайена паччайо.

анантарӯпаниссайо – пурима̄ пурима̄ випа̄ка̄бйа̄ката̄, кирийа̄бйа̄ката̄ кхандха̄ паччхима̄нам̣ паччхима̄нам̣ випа̄ка̄бйа̄ката̄нам̣ кирийа̄бйа̄ката̄нам̣ кхандха̄нам̣ упаниссайапаччайена паччайо. бхаван̇гам̣ а̄ваджджана̄йа… кирийам̣ вут̣т̣ха̄насса… арахато ануломам̣ пхаласама̄паттийа̄… ниродха̄ вут̣т̣хахантасса невасан̃н̃а̄на̄сан̃н̃а̄йатанакирийам̣ пхаласама̄паттийа̄ упаниссайапаччайена паччайо.

пакатӯпаниссайо – ка̄йикам̣ сукхам̣ ка̄йикасса сукхасса, ка̄йикасса дуккхасса, пхаласама̄паттийа̄ упаниссайапаччайена паччайо. ка̄йикам̣ дуккхам̣ ка̄йикасса сукхасса, ка̄йикасса дуккхасса, пхаласама̄паттийа̄ упаниссайапаччайена паччайо. уту ка̄йикасса сукхасса, ка̄йикасса дуккхасса, пхаласама̄паттийа̄ упаниссайапаччайена паччайо. бходжанам̣ ка̄йикасса сукхасса, ка̄йикасса дуккхасса, пхаласама̄паттийа̄ упаниссайапаччайена паччайо. сена̄санам̣ ка̄йикасса сукхасса, ка̄йикасса дуккхасса, пхаласама̄паттийа̄ упаниссайапаччайена паччайо. ка̄йикам̣ сукхам̣… ка̄йикам̣ дуккхам̣… уту… бходжанам̣… сена̄санам̣ ка̄йикасса сукхасса, ка̄йикасса дуккхасса, пхаласама̄паттийа̄ упаниссайапаччайена паччайо. пхаласама̄патти ка̄йикасса сукхасса упаниссайапаччайена паччайо.

араха̄ ка̄йикам̣ сукхам̣ упанисса̄йа ануппаннам̣ кирийасама̄паттим̣ уппа̄дети, уппаннам̣ сама̄паджджати, сан̇кха̄ре аниччато дуккхато анаттато випассати. ка̄йикам̣ дуккхам̣… утум̣… бходжанам̣ … сена̄санам̣ упанисса̄йа ануппаннам̣ кирийасама̄паттим̣ уппа̄дети, уппаннам̣ сама̄паджджати, сан̇кха̄ре аниччато дуккхато анаттато випассати. (1)

абйа̄като дхаммо кусаласса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо.

а̄рамман̣ӯпаниссайо – секкха̄ пхалам̣ гарум̣ катва̄ паччавеккханти, нибба̄нам̣ гарум̣ катва̄ паччавеккханти. нибба̄нам̣ готрабхусса… вода̄насса… маггасса упаниссайапаччайена паччайо.

анантарӯпаниссайо – а̄ваджджана̄ кусала̄нам̣ кхандха̄нам̣ упаниссайапаччайена паччайо.

пакатӯпаниссайо – ка̄йикам̣ сукхам̣ упанисса̄йа да̄нам̣ дети, сӣлам̣ сама̄дийати, упосатхакаммам̣ кароти, джха̄нам̣ уппа̄дети, випассанам̣ уппа̄дети, маггам̣ уппа̄дети, абхин̃н̃ам̣ уппа̄дети, сама̄паттим̣ уппа̄дети. ка̄йикам̣ дуккхам̣… утум̣… бходжанам̣… сена̄санам̣ упанисса̄йа да̄нам̣ дети, сӣлам̣ сама̄дийати, упосатхакаммам̣ кароти, джха̄нам̣ уппа̄дети, випассанам̣ уппа̄дети, маггам̣ уппа̄дети, абхин̃н̃ам̣ уппа̄дети, сама̄паттим̣ уппа̄дети. ка̄йикам̣ сукхам̣… ка̄йикам̣ дуккхам̣… уту… бходжанам̣… сена̄санам̣ саддха̄йа… сӣласса… сутасса… ча̄гасса… пан̃н̃а̄йа упаниссайапаччайена паччайо. (2)

абйа̄като дхаммо акусаласса дхаммасса упаниссайапаччайена паччайо – а̄рамман̣ӯпаниссайо, анантарӯпаниссайо, пакатӯпаниссайо.

а̄рамман̣ӯпаниссайо – чаккхум̣ гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати. сотам̣…пе… гха̄нам̣…пе… дживхам̣…пе… ка̄йам̣…пе… рӯпе…пе… садде…пе… гандхе…пе… расе…пе… пхот̣т̣хаббе…пе… ваттхум̣…пе… випа̄ка̄бйа̄кате кирийа̄бйа̄кате кхандхе гарум̣ катва̄ асса̄дети абхинандати, там̣ гарум̣ катва̄ ра̄го уппаджджати, дит̣т̣хи уппаджджати.

анантарӯпаниссайо – а̄ваджджана̄ акусала̄нам̣ кхандха̄нам̣ упаниссайапаччайена паччайо.

пакатӯпаниссайо – ка̄йикам̣ сукхам̣ упанисса̄йа па̄н̣ам̣ ханати, адиннам̣ а̄дийати, муса̄ бхан̣ати, писун̣ам̣ бхан̣ати, пхарусам̣ бхан̣ати, сампхам̣ палапати, сандхим̣ чхиндати, ниллопам̣ харати, ека̄га̄рикам̣ кароти, парипантхе тит̣т̣хати, парада̄рам̣ гаччхати, га̄магха̄там̣ кароти, нигамагха̄там̣ кароти, ма̄тарам̣ джӣвита̄ воропети, питарам̣ джӣвита̄ воропети, арахантам̣ джӣвита̄ воропети, дут̣т̣хена читтена татха̄гатасса лохитам̣ уппа̄дети, сан̇гхам̣ бхиндати.

ка̄йикам̣ дуккхам̣…пе… утум̣…пе… бходжанам̣…пе… сена̄санам̣ упанисса̄йа па̄н̣ам̣ ханати… (сам̣кхиттам̣.) сан̇гхам̣ бхиндати.

ка̄йикам̣ сукхам̣… ка̄йикам̣ дуккхам̣… уту… бходжанам̣… сена̄санам̣ ра̄гасса… досасса… мохасса… ма̄насса… дит̣т̣хийа̄… паттхана̄йа упаниссайапаччайена паччайо. (3)

пуреджа̄тапаччайо

424. абйа̄като дхаммо абйа̄катасса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣.

а̄рамман̣апуреджа̄там̣ – араха̄ чаккхум̣ аниччато дуккхато анаттато випассати. сотам̣…пе… гха̄нам̣…пе… дживхам̣…пе… ка̄йам̣…пе… рӯпе…пе… садде…пе… гандхе…пе… расе…пе… пхот̣т̣хаббе…пе… ваттхум̣ аниччато дуккхато анаттато випассати, диббена чаккхуна̄ рӯпам̣ пассати, дибба̄йа сотадха̄туйа̄ саддам̣ сун̣а̄ти. рӯпа̄йатанам̣ чаккхувин̃н̃а̄н̣асса пуреджа̄тапаччайена паччайо. садда̄йатанам̣ сотавин̃н̃а̄н̣асса…пе… гандха̄йатанам̣ гха̄навин̃н̃а̄н̣асса…пе… раса̄йатанам̣ дживха̄вин̃н̃а̄н̣асса…пе… пхот̣т̣хабба̄йатанам̣ ка̄йавин̃н̃а̄н̣асса пуреджа̄тапаччайена паччайо.

ваттхупуреджа̄там̣ – чаккха̄йатанам̣ чаккхувин̃н̃а̄н̣асса пуреджа̄тапаччайена паччайо. сота̄йатанам̣ сотавин̃н̃а̄н̣асса …пе… гха̄на̄йатанам̣ гха̄навин̃н̃а̄н̣асса…пе… дживха̄йатанам̣ дживха̄вин̃н̃а̄н̣асса…пе… ка̄йа̄йатанам̣ ка̄йавин̃н̃а̄н̣асса пуреджа̄тапаччайена паччайо. ваттху випа̄ка̄бйа̄ката̄нам̣ кирийа̄бйа̄ката̄нам̣ кхандха̄нам̣ пуреджа̄тапаччайена паччайо. (1)

абйа̄като дхаммо кусаласса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣.

а̄рамман̣апуреджа̄там̣ – секкха̄ ва̄ путхуджджана̄ ва̄ чаккхум̣ аниччато дуккхато анаттато випассанти. сотам̣…пе… гха̄нам̣…пе… дживхам̣…пе… ка̄йам̣…пе… рӯпе…пе… садде…пе… гандхе…пе… расе…пе… пхот̣т̣хаббе…пе… ваттхум̣ аниччато дуккхато анаттато випассанти. диббена чаккхуна̄ рӯпам̣ пассанти. дибба̄йа сотадха̄туйа̄ саддам̣ сун̣анти.

ваттхупуреджа̄там̣ – ваттху кусала̄нам̣ кхандха̄нам̣ пуреджа̄тапаччайена паччайо. (2)

абйа̄като дхаммо акусаласса дхаммасса пуреджа̄тапаччайена паччайо – а̄рамман̣апуреджа̄там̣, ваттхупуреджа̄там̣. а̄рамман̣апуреджа̄там̣ – чаккхум̣ асса̄дети абхинандати, там̣ а̄раббха ра̄го уппаджджати, дит̣т̣хи уппаджджати, вичикиччха̄ уппаджджати, уддхаччам̣ уппаджджати, доманассам̣ уппаджджати. сотам̣…пе… гха̄нам̣…пе… дживхам̣…пе… ка̄йам̣…пе… рӯпе…пе… садде…пе… гандхе…пе… расе…пе… пхот̣т̣хаббе…пе… ваттхум̣ асса̄дети абхинандати, там̣ а̄раббха ра̄го уппаджджати…пе… доманассам̣ уппаджджати.

ваттхупуреджа̄там̣ – ваттху акусала̄нам̣ кхандха̄нам̣ пуреджа̄тапаччайена паччайо. (3)

паччха̄джа̄тапаччайо

425. кусало дхаммо абйа̄катасса дхаммасса паччха̄джа̄тапаччайена паччайо – паччха̄джа̄та̄ кусала̄ кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)

акусало дхаммо абйа̄катасса дхаммасса паччха̄джа̄тапаччайена паччайо – паччха̄джа̄та̄ акусала̄ кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)

абйа̄като дхаммо абйа̄катасса дхаммасса паччха̄джа̄тапаччайена паччайо – паччха̄джа̄та̄ випа̄ка̄бйа̄ката̄ кирийа̄бйа̄ката̄ кхандха̄ пуреджа̄тасса имасса ка̄йасса паччха̄джа̄тапаччайена паччайо. (1)

а̄севанапаччайо

426. кусало дхаммо кусаласса дхаммасса а̄севанапаччайена паччайо – пурима̄ пурима̄ кусала̄ кхандха̄ паччхима̄нам̣ паччхима̄нам̣ кусала̄нам̣ кхандха̄нам̣ а̄севанапаччайена паччайо. ануломам̣ готрабхусса… ануломам̣ вода̄насса… готрабху маггасса… вода̄нам̣ маггасса а̄севанапаччайена паччайо. (1)

акусало дхаммо акусаласса дхаммасса а̄севанапаччайена паччайо – пурима̄ пурима̄ акусала̄ кхандха̄ паччхима̄нам̣ паччхима̄нам̣ акусала̄нам̣ кхандха̄нам̣ а̄севанапаччайена паччайо. (1)

абйа̄като дхаммо абйа̄катасса дхаммасса а̄севанапаччайена паччайо – пурима̄ пурима̄ кирийа̄бйа̄ката̄ кхандха̄ паччхима̄нам̣ паччхима̄нам̣ кирийа̄бйа̄ката̄нам̣ кхандха̄нам̣ а̄севанапаччайена паччайо. (1)

каммапаччайо

427. кусало дхаммо кусаласса дхаммасса каммапаччайена паччайо – кусала̄ четана̄ сампайуттака̄нам̣ кхандха̄нам̣ каммапаччайена паччайо. (1)

кусало дхаммо абйа̄катасса дхаммасса каммапаччайена паччайо – сахаджа̄та̄, на̄на̄ккхан̣ика̄ [на̄на̄кхан̣ика̄ (ка.)]. сахаджа̄та̄ – кусала̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо.

на̄на̄ккхан̣ика̄ – кусала̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (2)

кусало дхаммо кусаласса ча абйа̄катасса ча дхаммасса каммапаччайена паччайо – кусала̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. (3)

акусало дхаммо акусаласса дхаммасса каммапаччайена паччайо – акусала̄ четана̄ сампайуттака̄нам̣ кхандха̄нам̣ каммапаччайена паччайо. (1)

акусало дхаммо абйа̄катасса дхаммасса каммапаччайена паччайо – сахаджа̄та̄, на̄на̄ккхан̣ика̄. сахаджа̄та̄ – акусала̄ четана̄ читтасамут̣т̣ха̄на̄нам̣ рӯпа̄нам̣ каммапаччайена паччайо. на̄на̄ккхан̣ика̄ – акусала̄ четана̄ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. (2)

акусало дхаммо акусаласса ча абйа̄катасса ча дхаммасса каммапаччайена паччайо – акусала̄ четана̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ каммапаччайена паччайо. (3)

абйа̄като дхаммо абйа̄катасса дхаммасса каммапаччайена паччайо – випа̄ка̄бйа̄ката̄ кирийа̄бйа̄ката̄ четана̄ сампайуттака̄нам̣ кхандха̄нам̣, читтасамут̣т̣ха̄на̄нан̃ча рӯпа̄нам̣ каммапаччайена паччайо. пат̣исандхиккхан̣е випа̄ка̄бйа̄ката̄ четана̄ сампайуттака̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. четана̄ ваттхусса каммапаччайена паччайо. (1)

випа̄капаччайо

428. абйа̄като дхаммо абйа̄катасса дхаммасса випа̄капаччайена паччайо – випа̄ка̄бйа̄като еко кхандхо тин̣н̣аннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ випа̄капаччайена паччайо. тайо кхандха̄ екасса кхандхасса читтасамут̣т̣ха̄на̄нан̃ча рӯпа̄нам̣ випа̄капаччайена паччайо. две кхандха̄ двиннам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ випа̄капаччайена паччайо. пат̣исандхиккхан̣е випа̄ка̄бйа̄като еко кхандхо тин̣н̣аннам̣ кхандха̄нам̣ кат̣атта̄ ча рӯпа̄нам̣ випа̄капаччайена паччайо. тайо кхандха̄ екасса кхандхасса кат̣атта̄ ча рӯпа̄нам̣ випа̄капаччайена паччайо. две кхандха̄ двиннам̣ кхандха̄нам̣ кат̣атта̄ ча рӯпа̄нам̣ випа̄капаччайена паччайо. кхандха̄ ваттхусса випа̄капаччайена паччайо. (1)

а̄ха̄рапаччайо

429. кусало дхаммо кусаласса дхаммасса а̄ха̄рапаччайена паччайо – кусала̄ а̄ха̄ра̄ сампайуттака̄нам̣ кхандха̄нам̣ а̄ха̄рапаччайена паччайо. (1)

кусало дхаммо абйа̄катасса дхаммасса а̄ха̄рапаччайена паччайо – кусала̄ а̄ха̄ра̄ читтасамут̣т̣ха̄на̄нам̣ рӯпа̄нам̣ а̄ха̄рапаччайена паччайо. (2)

кусало дхаммо кусаласса ча абйа̄катасса ча дхаммасса а̄ха̄рапаччайена паччайо – кусала̄ а̄ха̄ра̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ а̄ха̄рапаччайена паччайо. (3)

акусало дхаммо акусаласса дхаммасса а̄ха̄рапаччайена паччайо – акусала̄ а̄ха̄ра̄ сампайуттака̄нам̣ кхандха̄нам̣ а̄ха̄рапаччайена паччайо.

акусало дхаммо абйа̄катасса дхаммасса а̄ха̄рапаччайена паччайо – акусала̄ а̄ха̄ра̄ читтасамут̣т̣ха̄на̄нам̣ рӯпа̄нам̣ а̄ха̄рапаччайена паччайо. (2)

акусало дхаммо акусаласса ча абйа̄катасса ча дхаммасса а̄ха̄рапаччайена паччайо – акусала̄ а̄ха̄ра̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ а̄ха̄рапаччайена паччайо. (3)

абйа̄като дхаммо абйа̄катасса дхаммасса а̄ха̄рапаччайена паччайо – випа̄ка̄бйа̄ката̄ кирийа̄бйа̄ката̄ а̄ха̄ра̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ а̄ха̄рапаччайена паччайо. пат̣исандхиккхан̣е випа̄ка̄бйа̄ката̄ а̄ха̄ра̄ сампайуттака̄нам̣ кхандха̄нам̣ кат̣атта̄ ча рӯпа̄нам̣ а̄ха̄рапаччайена паччайо. кабал̣ӣка̄ро а̄ха̄ро имасса ка̄йасса а̄ха̄рапаччайена паччайо. (1)

индрийапаччайо

430. кусало дхаммо кусаласса дхаммасса индрийапаччайена паччайо – кусала̄ индрийа̄ сампайуттака̄нам̣ кхандха̄нам̣ индрийапаччайена паччайо. (1)

кусало дхаммо абйа̄катасса дхаммасса индрийапаччайена паччайо – кусала̄ индрийа̄ читтасамут̣т̣ха̄на̄нам̣ рӯпа̄нам̣ индрийапаччайена паччайо. (2)

кусало дхаммо кусаласса ча абйа̄катасса ча дхаммасса индрийапаччайена паччайо – кусала̄ индрийа̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ индрийапаччайена паччайо. (3)

акусало дхаммо акусаласса дхаммасса индрийапаччайена паччайо – акусала̄ индрийа̄ сампайуттака̄нам̣ кхандха̄нам̣ индрийапаччайена паччайо. (1)

акусало дхаммо абйа̄катасса дхаммасса индрийапаччайена паччайо – акусала̄ индрийа̄ читтасамут̣т̣ха̄на̄нам̣ рӯпа̄нам̣ индрийапаччайена паччайо. (2)

акусало дхаммо акусаласса ча абйа̄катасса ча дхаммасса индрийапаччайена паччайо – акусала̄ индрийа̄ сампайуттака̄нам̣ кхандха̄нам̣ читтасамут̣т̣ха̄на̄нан̃ча рӯпа̄нам̣ индрийапаччайена паччайо. (3)