1. вибхан̇гава̄ро

хетупаччайо

392. кусалам̣ дхаммам̣ сампайутто кусало дхаммо уппаджджати хетупаччайа̄ – кусалам̣ екам̣ кхандхам̣ сампайутта̄ тайо кхандха̄, тайо кхандхе сампайутто еко кхандхо, две кхандхе сампайутта̄ две кхандха̄. (1)

393. акусалам̣ дхаммам̣ сампайутто акусало дхаммо уппаджджати хетупаччайа̄ – акусалам̣ екам̣ кхандхам̣ сампайутта̄ тайо кхандха̄, тайо кхандхе сампайутто еко кхандхо, две кхандхе сампайутта̄ две кхандха̄. (1)

394. абйа̄катам̣ дхаммам̣ сампайутто абйа̄като дхаммо уппаджджати хетупаччайа̄ – випа̄ка̄бйа̄катам̣ кирийа̄бйа̄катам̣ екам̣ кхандхам̣ сампайутта̄ тайо кхандха̄, тайо кхандхе сампайутто еко кхандхо, две кхандхе сампайутта̄ две кхандха̄; пат̣исандхиккхан̣е випа̄ка̄бйа̄катам̣ екам̣ кхандхам̣ сампайутта̄ тайо кхандха̄, тайо кхандхе сампайутто еко кхандхо, две кхандхе сампайутта̄ две кхандха̄. (сам̣кхиттам̣.) (1)