1. вибхан̇гава̄ро

паччанӣйам̣ – нахетупаччайо

86. акусалам̣ дхаммам̣ пат̣ичча акусало дхаммо уппаджджати нахетупаччайа̄ – вичикиччха̄сахагате уддхаччасахагате кхандхе пат̣ичча вичикиччха̄сахагато уддхаччасахагато мохо. (1)

абйа̄катам̣ дхаммам̣ пат̣ичча абйа̄като дхаммо уппаджджати нахетупаччайа̄ – ахетукам̣ випа̄ка̄бйа̄катам̣ кирийа̄бйа̄катам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣, тайо кхандхе пат̣ичча еко кхандхо читтасамут̣т̣ха̄нан̃ча рӯпам̣, две кхандхе пат̣ичча две кхандха̄ читтасамут̣т̣ха̄нан̃ча рӯпам̣; ахетукапат̣исандхиккхан̣е випа̄ка̄бйа̄катам̣ екам̣ кхандхам̣ пат̣ичча тайо кхандха̄ кат̣атта̄ ча рӯпам̣, тайо кхандхе пат̣ичча еко кхандхо кат̣атта̄ ча рӯпам̣, две кхандхе пат̣ичча две кхандха̄ кат̣атта̄ ча рӯпам̣; кхандхе пат̣ичча ваттху, ваттхум̣ пат̣ичча кхандха̄; екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄, маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄, маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

наа̄рамман̣апаччайо

87. кусалам̣ дхаммам̣ пат̣ичча абйа̄като дхаммо уппаджджати наа̄рамман̣апаччайа̄ – кусале кхандхе пат̣ичча читтасамут̣т̣ха̄нам̣ рӯпам̣. (1)

акусалам̣ дхаммам̣ пат̣ичча абйа̄като дхаммо уппаджджати наа̄рамман̣апаччайа̄ – акусале кхандхе пат̣ичча читтасамут̣т̣ха̄нам̣ рӯпам̣. (1)

абйа̄катам̣ дхаммам̣ пат̣ичча абйа̄като дхаммо уппаджджати наа̄рамман̣апаччайа̄ – випа̄ка̄бйа̄кате кирийа̄бйа̄кате кхандхе пат̣ичча читтасамут̣т̣ха̄нам̣ рӯпам̣; пат̣исандхиккхан̣е випа̄ка̄бйа̄кате кхандхе пат̣ичча кат̣атта̄рӯпам̣; кхандхе пат̣ичча ваттху; екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄, маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄, маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

кусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати наа̄рамман̣апаччайа̄ – кусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣. (1)

акусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати наа̄рамман̣апаччайа̄ – акусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣. (1)

наадхипатипаччайо

88. кусалам̣ дхаммам̣ пат̣ичча кусало дхаммо уппаджджати наадхипатипаччайа̄ – кусалам̣ екам̣ кхандхам̣ пат̣ичча тайо кхандха̄, тайо кхандхе пат̣ичча еко кхандхо, две кхандхе пат̣ичча две кхандха̄. кусалам̣ дхаммам̣ пат̣ичча абйа̄като дхаммо уппаджджати наадхипатипаччайа̄ – кусале кхандхе пат̣ичча читтасамут̣т̣ха̄нам̣ рӯпам̣. кусалам̣ дхаммам̣ пат̣ичча кусало ча абйа̄като ча дхамма̄ уппаджджанти наадхипатипаччайа̄ – кусалам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣, тайо кхандхе пат̣ичча еко кхандхо читтасамут̣т̣ха̄нан̃ча рӯпам̣, две кхандхе пат̣ичча две кхандха̄ читтасамут̣т̣ха̄нан̃ча рӯпам̣. (3)

акусалам̣ дхаммам̣ пат̣ичча акусало дхаммо уппаджджати наадхипатипаччайа̄ – акусалам̣ екам̣ кхандхам̣ пат̣ичча тайо кхандха̄, тайо кхандхе пат̣ичча еко кхандхо, две кхандхе пат̣ичча две кхандха̄. акусалам̣ дхаммам̣ пат̣ичча абйа̄като дхаммо уппаджджати наадхипатипаччайа̄ – акусале кхандхе пат̣ичча читтасамут̣т̣ха̄нам̣ рӯпам̣. акусалам̣ дхаммам̣ пат̣ичча акусало ча абйа̄като ча дхамма̄ уппаджджанти наадхипатипаччайа̄ – акусалам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣, тайо кхандхе пат̣ичча еко кхандхо читтасамут̣т̣ха̄нан̃ча рӯпам̣, две кхандхе пат̣ичча две кхандха̄ читтасамут̣т̣ха̄нан̃ча рӯпам̣. (3)

абйа̄катам̣ дхаммам̣ пат̣ичча абйа̄като дхаммо уппаджджати наадхипатипаччайа̄ – випа̄ка̄бйа̄катам̣ кирийа̄бйа̄катам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣, тайо кхандхе пат̣ичча еко кхандхо читтасамут̣т̣ха̄нан̃ча рӯпам̣, две кхандхе пат̣ичча две кхандха̄ читтасамут̣т̣ха̄нан̃ча рӯпам̣; пат̣исандхиккхан̣е випа̄ка̄бйа̄катам̣ екам̣ кхандхам̣ пат̣ичча тайо кхандха̄ кат̣атта̄ ча рӯпам̣, тайо кхандхе пат̣ичча еко кхандхо кат̣атта̄ ча рӯпам̣, две кхандхе пат̣ичча две кхандха̄ кат̣атта̄ ча рӯпам̣. кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄, маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣; ба̄хирам̣… а̄ха̄расамут̣т̣ха̄нам̣ … утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄, маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

кусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати наадхипатипаччайа̄ – кусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣. (1)

акусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати наадхипатипаччайа̄ – акусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣. (1)

наанантара-насаманантарапаччайа̄

89. кусалам̣ дхаммам̣ пат̣ичча абйа̄като дхаммо уппаджджати наанантарапаччайа̄… насаманантарапаччайа̄ – кусале кхандхе пат̣ичча читтасамут̣т̣ха̄нам̣ рӯпам̣. (наанантарапаччайампи насаманантарапаччайампи наа̄рамман̣апаччайасадисам̣.)

наан̃н̃аман̃н̃апаччайо

90. кусалам̣ дхаммам̣ пат̣ичча абйа̄като дхаммо уппаджджати наан̃н̃аман̃н̃апаччайа̄ – кусале кхандхе пат̣ичча читтасамут̣т̣ха̄нам̣ рӯпам̣. (1)

акусалам̣ дхаммам̣ пат̣ичча абйа̄като дхаммо уппаджджати наан̃н̃аман̃н̃апаччайа̄ – акусале кхандхе пат̣ичча читтасамут̣т̣ха̄нам̣ рӯпам̣. (1)

абйа̄катам̣ дхаммам̣ пат̣ичча абйа̄като дхаммо уппаджджати наан̃н̃аман̃н̃апаччайа̄ – випа̄ка̄бйа̄кате кирийа̄бйа̄кате кхандхе пат̣ичча читтасамут̣т̣ха̄нам̣ рӯпам̣; пат̣исандхиккхан̣е випа̄ка̄бйа̄кате кхандхе пат̣ичча кат̣атта̄рӯпам̣; маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣; ба̄хире маха̄бхӯте пат̣ичча упа̄да̄рӯпам̣; а̄ха̄расамут̣т̣ха̄не маха̄бхӯте пат̣ичча упа̄да̄рӯпам̣; утусамут̣т̣ха̄не маха̄бхӯте пат̣ичча упа̄да̄рӯпам̣; асан̃н̃асатта̄нам̣ маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

кусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати на ан̃н̃аман̃н̃апаччайа̄ – кусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣. (1)

акусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати наан̃н̃аман̃н̃апаччайа̄ – акусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣. (1)

наупаниссайапаччайо

91. кусалам̣ дхаммам̣ пат̣ичча абйа̄като дхаммо уппаджджати наупаниссайапаччайа̄ – кусале кхандхе пат̣ичча читтасамут̣т̣ха̄нам̣ рӯпам̣. (наупаниссайапаччайам̣ наа̄рамман̣апаччайасадисам̣.)

напуреджа̄тапаччайо

92. кусалам̣ дхаммам̣ пат̣ичча кусало дхаммо уппаджджати напуреджа̄тапаччайа̄ – арӯпе кусалам̣ екам̣ кхандхам̣ пат̣ичча тайо кхандха̄, тайо кхандхе пат̣ичча еко кхандхо, две кхандхе пат̣ичча две кхандха̄. кусалам̣ дхаммам̣ пат̣ичча абйа̄като дхаммо уппаджджати напуреджа̄тапаччайа̄ – кусале кхандхе пат̣ичча читтасамут̣т̣ха̄нам̣ рӯпам̣. (2)

акусалам̣ дхаммам̣ пат̣ичча акусало дхаммо уппаджджати напуреджа̄тапаччайа̄ – арӯпе акусалам̣ екам̣ кхандхам̣ пат̣ичча тайо кхандха̄, тайо кхандхе пат̣ичча еко кхандхо, две кхандхе пат̣ичча две кхандха̄. акусалам̣ дхаммам̣ пат̣ичча абйа̄като дхаммо уппаджджати напуреджа̄тапаччайа̄ – акусале кхандхе пат̣ичча читтасамут̣т̣ха̄нам̣ рӯпам̣. (2)

абйа̄катам̣ дхаммам̣ пат̣ичча абйа̄като дхаммо уппаджджати напуреджа̄тапаччайа̄ – арӯпе випа̄ка̄бйа̄катам̣ кирийа̄бйа̄катам̣ екам̣ кхандхам̣ пат̣ичча тайо кхандха̄, тайо кхандхе пат̣ичча еко кхандхо, две кхандхе пат̣ичча две кхандха̄, випа̄ка̄бйа̄кате кирийа̄бйа̄кате кхандхе пат̣ичча читтасамут̣т̣ха̄нам̣ рӯпам̣; пат̣исандхиккхан̣е випа̄ка̄бйа̄катам̣ екам̣ кхандхам̣ пат̣ичча тайо кхандха̄ кат̣атта̄ ча рӯпам̣, тайо кхандхе пат̣ичча еко кхандхо кат̣атта̄ ча рӯпам̣, две кхандхе пат̣ичча две кхандха̄ кат̣атта̄ ча рӯпам̣. кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄, маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄, маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

кусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати напуреджа̄тапаччайа̄ – кусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣. (1)

акусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати напуреджа̄тапаччайа̄ – акусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣. (1)

напаччха̄джа̄та-наа̄севанапаччайа̄

93. кусалам̣ дхаммам̣ пат̣ичча кусало дхаммо уппаджджати напаччха̄джа̄тапаччайа̄ – кусалам̣ екам̣ кхандхам̣ пат̣ичча…пе….

кусалам̣ дхаммам̣ пат̣ичча кусало дхаммо уппаджджати наа̄севанапаччайа̄ – кусалам̣ екам̣ кхандхам̣ пат̣ичча…пе…. (напаччха̄джа̄тапаччайампи наа̄севанапаччайампи наадхипатипаччайасадисам̣.)

накаммапаччайо

94. кусалам̣ дхаммам̣ пат̣ичча кусало дхаммо уппаджджати накаммапаччайа̄ – кусале кхандхе пат̣ичча кусала̄ четана̄. (1)

акусалам̣ дхаммам̣ пат̣ичча акусало дхаммо уппаджджати накаммапаччайа̄ – акусале кхандхе пат̣ичча акусала̄ четана̄. (1)

абйа̄катам̣ дхаммам̣ пат̣ичча абйа̄като дхаммо уппаджджати накаммапаччайа̄ – кирийа̄бйа̄кате кхандхе пат̣ичча кирийа̄бйа̄ката̄ четана̄; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣ екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄, маха̄бхӯте пат̣ичча упа̄да̄рӯпам̣. (1)

навипа̄капаччайо

95. кусалам̣ дхаммам̣ пат̣ичча кусало дхаммо уппаджджати навипа̄капаччайа̄ – кусалам̣ екам̣ кхандхам̣ пат̣ичча… тӣн̣и.

акусалам̣ дхаммам̣ пат̣ичча акусало дхаммо уппаджджати навипа̄капаччайа̄… тӣн̣и.

абйа̄катам̣ дхаммам̣ пат̣ичча абйа̄като дхаммо уппаджджати навипа̄капаччайа̄ – кирийа̄бйа̄катам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣, тайо кхандхе пат̣ичча еко кхандхо читтасамут̣т̣ха̄нан̃ча рӯпам̣, две кхандхе пат̣ичча две кхандха̄ читтасамут̣т̣ха̄нан̃ча рӯпам̣; екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча читтасамут̣т̣ха̄нам̣ рӯпам̣ упа̄да̄рӯпам̣; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча кат̣атта̄рӯпам̣ упа̄да̄рӯпам̣.

кусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати навипа̄капаччайа̄ – кусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣.

акусалан̃ча абйа̄катан̃ча дхаммам̣ пат̣ичча абйа̄като дхаммо уппаджджати навипа̄капаччайа̄ – акусале кхандхе ча маха̄бхӯте ча пат̣ичча читтасамут̣т̣ха̄нам̣ рӯпам̣.

наа̄ха̄рапаччайо

96. абйа̄катам̣ дхаммам̣ пат̣ичча абйа̄като дхаммо уппаджджати наа̄ха̄рапаччайа̄ – ба̄хирам̣ … утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

наиндрийапаччайо

97. абйа̄катам̣ дхаммам̣ пат̣ичча абйа̄като дхаммо уппаджджати наиндрийапаччайа̄ – ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣ екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча упа̄да̄рӯпам̣; асан̃н̃асатта̄нам̣ маха̄бхӯте пат̣ичча рӯпаджӣвитиндрийам̣. (1)

наджха̄напаччайо

98. абйа̄катам̣ дхаммам̣ пат̣ичча абйа̄като дхаммо уппаджджати наджха̄напаччайа̄ – пан̃чавин̃н̃а̄н̣асахагатам̣ екам̣ кхандхам̣ пат̣ичча тайо кхандха̄; тайо кхандхе пат̣ичча еко кхандхо, две кхандхе пат̣ичча две кхандха̄; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

намаггапаччайо

99. абйа̄катам̣ дхаммам̣ пат̣ичча абйа̄като дхаммо уппаджджати намаггапаччайа̄ – ахетукам̣ випа̄ка̄бйа̄катам̣ кирийа̄бйа̄катам̣ екам̣ кхандхам̣ пат̣ичча тайо кхандха̄ читтасамут̣т̣ха̄нан̃ча рӯпам̣, тайо кхандхе пат̣ичча еко кхандхо читтасамут̣т̣ха̄нан̃ча рӯпам̣, две кхандхе пат̣ичча две кхандха̄ читтасамут̣т̣ха̄нан̃ча рӯпам̣; ахетукапат̣исандхиккхан̣е випа̄ка̄бйа̄катам̣ екам̣ кхандхам̣ пат̣ичча тайо кхандха̄ кат̣атта̄ ча рӯпам̣, тайо кхандхе пат̣ичча еко кхандхо кат̣атта̄ ча рӯпам̣, две кхандхе пат̣ичча две кхандха̄ кат̣атта̄ ча рӯпам̣. кхандхе пат̣ичча ваттху, ваттхум̣ пат̣ичча кхандха̄. екам̣ маха̄бхӯтам̣ пат̣ичча тайо маха̄бхӯта̄, тайо маха̄бхӯте пат̣ичча екам̣ маха̄бхӯтам̣, две маха̄бхӯте пат̣ичча две маха̄бхӯта̄; маха̄бхӯте пат̣ичча читтасамут̣т̣ха̄нам̣ рӯпам̣ кат̣атта̄рӯпам̣ упа̄да̄рӯпам̣; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

насампайуттапаччайо

100. кусалам̣ дхаммам̣ пат̣ичча абйа̄като дхаммо уппаджджати насампайуттапаччайа̄ – кусале кхандхе пат̣ичча читтасамут̣т̣ха̄нам̣ рӯпам̣. (наа̄рамман̣апаччайасадисам̣.)

навиппайуттапаччайо

101. кусалам̣ дхаммам̣ пат̣ичча кусало дхаммо уппаджджати навиппайуттапаччайа̄ – арӯпе кусалам̣ екам̣ кхандхам̣ пат̣ичча тайо кхандха̄, тайо кхандхе пат̣ичча еко кхандхо, две кхандхе пат̣ичча две кхандха̄. (1)

акусалам̣ дхаммам̣ пат̣ичча акусало дхаммо уппаджджати навиппайуттапаччайа̄ – арӯпе акусалам̣ екам̣ кхандхам̣ пат̣ичча тайо кхандха̄, тайо кхандхе пат̣ичча еко кхандхо, две кхандхе пат̣ичча две кхандха̄. (1)

абйа̄катам̣ дхаммам̣ пат̣ичча абйа̄като дхаммо уппаджджати навиппайуттапаччайа̄ – арӯпе випа̄ка̄бйа̄катам̣ кирийа̄бйа̄катам̣ екам̣ кхандхам̣ пат̣ичча тайо кхандха̄, тайо кхандхе пат̣ичча еко кхандхо, две кхандхе пат̣ичча две кхандха̄; ба̄хирам̣… а̄ха̄расамут̣т̣ха̄нам̣… утусамут̣т̣ха̄нам̣… асан̃н̃асатта̄нам̣ екам̣ маха̄бхӯтам̣ пат̣ичча тайо маха̄бхӯта̄…пе… маха̄бхӯте пат̣ичча кат̣атта̄рӯпам̣ упа̄да̄рӯпам̣. (1)

нонаттхи-новигатапаччайа̄

102. кусалам̣ дхаммам̣ пат̣ичча абйа̄като дхаммо уппаджджати нонаттхипаччайа̄… новигатапаччайа̄ – кусале кхандхе пат̣ичча читтасамут̣т̣ха̄нам̣ рӯпам̣. (наа̄рамман̣апаччайасадисам̣.)