1. вибхан̇гава̄ро

нахетупаччайо

351. акусалам̣ дхаммам̣ сам̣сат̣т̣хо акусало дхаммо уппаджджати нахетупаччайа̄ – вичикиччха̄сахагате уддхаччасахагате кхандхе сам̣сат̣т̣хо вичикиччха̄сахагато уддхаччасахагато мохо. (1)

абйа̄катам̣ дхаммам̣ сам̣сат̣т̣хо абйа̄като дхаммо уппаджджати нахетупаччайа̄ – ахетукам̣ випа̄ка̄бйа̄катам̣ кирийа̄бйа̄катам̣ екам̣ кхандхам̣ сам̣сат̣т̣ха̄ тайо кхандха̄, тайо кхандхе сам̣сат̣т̣хо еко кхандхо, две кхандхе сам̣сат̣т̣ха̄ две кхандха̄; ахетукапат̣исандхиккхан̣е випа̄ка̄бйа̄катам̣ екам̣ кхандхам̣ сам̣сат̣т̣ха̄ тайо кхандха̄, тайо кхандхе сам̣сат̣т̣хо еко кхандхо, две кхандхе сам̣сат̣т̣ха̄ две кхандха̄. (1)

наадхипатиа̄дипаччайа̄

352. кусалам̣ дхаммам̣ сам̣сат̣т̣хо кусало дхаммо уппаджджати наадхипатипаччайа̄… напуреджа̄тапаччайа̄ – арӯпе [а̄руппе (саббаттха)] кусалам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе сам̣сат̣т̣ха̄ две кхандха̄. акусалам̣ дхаммам̣…пе… абйа̄катам̣ дхаммам̣…пе….

напаччха̄джа̄та-наа̄севанапаччайа̄

353. кусалам̣ дхаммам̣ сам̣сат̣т̣хо кусало дхаммо уппаджджати напаччха̄джа̄тапаччайа̄… тӣн̣и. наа̄севанапаччайа̄… тӣн̣и.

накаммапаччайо

354. кусалам̣ дхаммам̣ сам̣сат̣т̣хо кусало дхаммо уппаджджати накаммапаччайа̄. кусале кхандхе сам̣сат̣т̣ха̄ кусала̄ четана̄. (1)

акусалам̣ дхаммам̣ сам̣сат̣т̣хо акусало дхаммо уппаджджати накаммапаччайа̄. акусале кхандхе сам̣сат̣т̣ха̄ акусала̄ четана̄. (1)

абйа̄катам̣ дхаммам̣ сам̣сат̣т̣хо абйа̄като дхаммо уппаджджати накаммапаччайа̄. кирийа̄бйа̄кате кхандхе сам̣сат̣т̣ха̄ кирийа̄бйа̄ката̄ четана̄. (1)

навипа̄капаччайо

355. кусалам̣ дхаммам̣ сам̣сат̣т̣хо…пе… акусалам̣ дхаммам̣…пе… абйа̄катам̣ дхаммам̣ сам̣сат̣т̣хо абйа̄като дхаммо уппаджджати навипа̄капаччайа̄ – кирийа̄бйа̄катам̣ екам̣ кхандхам̣.

(сам̣сат̣т̣хава̄ре паччанӣйавибхан̇ге накамме ча навипа̄ке ча пат̣исандхи наттхи; авасесесу саббаттха аттхи.)

наджха̄напаччайо

356. абйа̄катам̣ дхаммам̣ сам̣сат̣т̣хо абйа̄като дхаммо уппаджджати наджха̄напаччайа̄ – пан̃чавин̃н̃а̄н̣асахагатам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе сам̣сат̣т̣ха̄ две кхандха̄. (1)

намаггапаччайо

357. абйа̄катам̣ дхаммам̣ сам̣сат̣т̣хо абйа̄като дхаммо уппаджджати намаггапаччайа̄ – ахетукам̣ випа̄ка̄бйа̄катам̣ кирийа̄бйа̄катам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе сам̣сат̣т̣ха̄ две кхандха̄; ахетукапат̣исандхиккхан̣е…пе…. (1)

навиппайуттапаччайо

358. кусалам̣ дхаммам̣ сам̣сат̣т̣хо кусало дхаммо уппаджджати навиппайуттапаччайа̄ – арӯпе кусалам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе сам̣сат̣т̣ха̄ две кхандха̄. (1)

акусалам̣ дхаммам̣ сам̣сат̣т̣хо акусало дхаммо уппаджджати навиппайуттапаччайа̄ – арӯпе акусалам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе сам̣сат̣т̣ха̄ две кхандха̄. (1)

абйа̄катам̣ дхаммам̣ сам̣сат̣т̣хо абйа̄като дхаммо уппаджджати навиппайуттапаччайа̄ – арӯпе випа̄ка̄бйа̄катам̣ кирийа̄бйа̄катам̣ екам̣ кхандхам̣ сам̣сат̣т̣ха̄ тайо кхандха̄…пе… две кхандхе сам̣сат̣т̣ха̄ две кхандха̄. (навиппайутте пат̣исандхи наттхи.) (1)