(2) паччайаниддесо

1. хетупаччайоти – хетӯ хетусампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ хетупаччайена паччайо [паччайоти (сйа̄.)].

2. а̄рамман̣апаччайоти – рӯпа̄йатанам̣ чаккхувин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ а̄рамман̣апаччайена паччайо. садда̄йатанам̣ сотавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ а̄рамман̣апаччайена паччайо. гандха̄йатанам̣ гха̄навин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ а̄рамман̣апаччайена паччайо. раса̄йатанам̣ дживха̄вин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ а̄рамман̣апаччайена паччайо. пхот̣т̣хабба̄йатанам̣ ка̄йавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ а̄рамман̣апаччайена паччайо. рӯпа̄йатанам̣ садда̄йатанам̣ гандха̄йатанам̣ раса̄йатанам̣ пхот̣т̣хабба̄йатанам̣ манодха̄туйа̄ там̣сампайуттака̄нан̃ча дхамма̄нам̣ а̄рамман̣апаччайена паччайо. саббе дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ а̄рамман̣апаччайена паччайо.

йам̣ йам̣ дхаммам̣ а̄раббха йе йе дхамма̄ уппаджджанти читтачетасика̄ дхамма̄, те те дхамма̄ тесам̣ тесам̣ дхамма̄нам̣ а̄рамман̣апаччайена паччайо.

3. адхипатипаччайоти – чханда̄дхипати чхандасампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ адхипатипаччайена паччайо. вӣрийа̄дхипати вӣрийасампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ адхипатипаччайена паччайо. читта̄дхипати читтасампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ адхипатипаччайена паччайо. вӣмам̣са̄дхипати вӣмам̣сасампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ адхипатипаччайена паччайо.

йам̣ йам̣ дхаммам̣ гарум̣ катва̄ йе йе дхамма̄ уппаджджанти читтачетасика̄ дхамма̄, те те дхамма̄ тесам̣ тесам̣ дхамма̄нам̣ адхипатипаччайена паччайо.

4. анантарапаччайоти – чаккхувин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ анантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ анантарапаччайена паччайо.

сотавин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ анантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ анантарапаччайена паччайо.

гха̄навин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ анантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ анантарапаччайена паччайо.

дживха̄вин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ анантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ анантарапаччайена паччайо.

ка̄йавин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ анантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ анантарапаччайена паччайо.

пурима̄ пурима̄ кусала̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ анантарапаччайена паччайо. пурима̄ пурима̄ кусала̄ дхамма̄ паччхима̄нам̣ паччхима̄нам̣ абйа̄ката̄нам̣ дхамма̄нам̣ анантарапаччайена паччайо.

пурима̄ пурима̄ акусала̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ анантарапаччайена паччайо. пурима̄ пурима̄ акусала̄ дхамма̄ паччхима̄нам̣ паччхима̄нам̣ абйа̄ката̄нам̣ дхамма̄нам̣ анантарапаччайена паччайо.

пурима̄ пурима̄ абйа̄ката̄ дхамма̄ паччхима̄нам̣ паччхима̄нам̣ абйа̄ката̄нам̣ дхамма̄нам̣ анантарапаччайена паччайо. пурима̄ пурима̄ абйа̄ката̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ анантарапаччайена паччайо. пурима̄ пурима̄ абйа̄ката̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ анантарапаччайена паччайо.

йесам̣ йесам̣ дхамма̄нам̣ анантара̄ йе йе дхамма̄ уппаджджанти читтачетасика̄ дхамма̄, те те дхамма̄ тесам̣ тесам̣ дхамма̄нам̣ анантарапаччайена паччайо.

5. саманантарапаччайоти – чаккхувин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо.

сотавин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо.

гха̄н̣авин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо.

дживха̄вин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо.

ка̄йавин̃н̃а̄н̣адха̄ту там̣сампайуттака̄ ча дхамма̄ манодха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо. манодха̄ту там̣сампайуттака̄ ча дхамма̄ мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ саманантарапаччайена паччайо.

пурима̄ пурима̄ кусала̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ саманантарапаччайена паччайо. пурима̄ пурима̄ кусала̄ дхамма̄ паччхима̄нам̣ паччхима̄нам̣ абйа̄ката̄нам̣ дхамма̄нам̣ саманантарапаччайена паччайо.

пурима̄ пурима̄ акусала̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ саманантарапаччайена паччайо. пурима̄ пурима̄ акусала̄ дхамма̄ паччхима̄нам̣ паччхима̄нам̣ абйа̄ката̄нам̣ дхамма̄нам̣ саманантарапаччайена паччайо.

пурима̄ пурима̄ абйа̄ката̄ дхамма̄ паччхима̄нам̣ паччхима̄нам̣ абйа̄ката̄нам̣ дхамма̄нам̣ саманантарапаччайена паччайо. пурима̄ пурима̄ абйа̄ката̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ саманантарапаччайена паччайо. пурима̄ пурима̄ абйа̄ката̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ саманантарапаччайена паччайо.

йесам̣ йесам̣ дхамма̄нам̣ саманантара̄ йе йе дхамма̄ уппаджджанти читтачетасика̄ дхамма̄, те те дхамма̄ тесам̣ тесам̣ дхамма̄нам̣ саманантарапаччайена паччайо.

6. сахаджа̄тапаччайоти – чатта̄ро кхандха̄ арӯпино ан̃н̃аман̃н̃ам̣ сахаджа̄тапаччайена паччайо. чатта̄ро маха̄бхӯта̄ ан̃н̃аман̃н̃ам̣ сахаджа̄тапаччайена паччайо. оккантиккхан̣е на̄марӯпам̣ ан̃н̃аман̃н̃ам̣ сахаджа̄тапаччайена паччайо. читтачетасика̄ дхамма̄ читтасамут̣т̣ха̄на̄нам̣ рӯпа̄нам̣ сахаджа̄тапаччайена паччайо. маха̄бхӯта̄ упа̄да̄рӯпа̄нам̣ сахаджа̄тапаччайена паччайо. рӯпино дхамма̄ арӯпӣнам̣ дхамма̄нам̣ кин̃чи ка̄ле [кан̃чи ка̄лам̣ (сйа̄.)] сахаджа̄тапаччайена паччайо, кин̃чи ка̄ле на сахаджа̄тапаччайена паччайо.

7. ан̃н̃аман̃н̃апаччайоти – чатта̄ро кхандха̄ арӯпино ан̃н̃аман̃н̃апаччайена паччайо. чатта̄ро маха̄бхӯта̄ ан̃н̃аман̃н̃апаччайена паччайо. оккантиккхан̣е на̄марӯпам̣ ан̃н̃аман̃н̃апаччайена паччайо.

8. ниссайапаччайоти – чатта̄ро кхандха̄ арӯпино ан̃н̃аман̃н̃ам̣ ниссайапаччайена паччайо. чатта̄ро маха̄бхӯта̄ ан̃н̃аман̃н̃ам̣ ниссайапаччайена паччайо. оккантиккхан̣е на̄марӯпам̣ ан̃н̃аман̃н̃ам̣ ниссайапаччайена паччайо. читтачетасика̄ дхамма̄ читтасамут̣т̣ха̄на̄нам̣ рӯпа̄нам̣ ниссайапаччайена паччайо. маха̄бхӯта̄ упа̄да̄рӯпа̄нам̣ ниссайапаччайена паччайо.

чаккха̄йатанам̣ чаккхувин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ ниссайапаччайена паччайо. сота̄йатанам̣ сотавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ ниссайапаччайена паччайо. гха̄на̄йатанам̣ гха̄навин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ ниссайапаччайена паччайо. дживха̄йатанам̣ дживха̄вин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ ниссайапаччайена паччайо. ка̄йа̄йатанам̣ ка̄йавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ ниссайапаччайена паччайо. йам̣ рӯпам̣ нисса̄йа манодха̄ту ча мановин̃н̃а̄н̣адха̄ту ча ваттанти, там̣ рӯпам̣ манодха̄туйа̄ ча мановин̃н̃а̄н̣адха̄туйа̄ ча там̣сампайуттака̄нан̃ча дхамма̄нам̣ ниссайапаччайена паччайо.

9. упаниссайапаччайоти – пурима̄ пурима̄ кусала̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ упаниссайапаччайена паччайо. пурима̄ пурима̄ кусала̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ кесан̃чи упаниссайапаччайена паччайо. пурима̄ пурима̄ кусала̄ дхамма̄ паччхима̄нам̣ паччхима̄нам̣ абйа̄ката̄нам̣ дхамма̄нам̣ упаниссайапаччайена паччайо.

пурима̄ пурима̄ акусала̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ упаниссайапаччайена паччайо. пурима̄ пурима̄ акусала̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ кесан̃чи упаниссайапаччайена паччайо. пурима̄ пурима̄ акусала̄ дхамма̄ паччхима̄нам̣ паччхима̄нам̣ абйа̄ката̄нам̣ дхамма̄нам̣ упаниссайапаччайена паччайо.

пурима̄ пурима̄ абйа̄ката̄ дхамма̄ паччхима̄нам̣ паччхима̄нам̣ абйа̄ката̄нам̣ дхамма̄нам̣ упаниссайапаччайена паччайо. пурима̄ пурима̄ абйа̄ката̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ упаниссайапаччайена паччайо. пурима̄ пурима̄ абйа̄ката̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ упаниссайапаччайена паччайо.

утубходжанампи упаниссайапаччайена паччайо. пуггалопи упаниссайапаччайена паччайо. сена̄санампи упаниссайапаччайена паччайо.

10. пуреджа̄тапаччайоти – чаккха̄йатанам̣ чаккхувин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. сота̄йатанам̣ сотавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. гха̄на̄йатанам̣ гха̄навин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. дживха̄йатанам̣ дживха̄вин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. ка̄йа̄йатанам̣ ка̄йавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо.

рӯпа̄йатанам̣ чаккхувин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. садда̄йатанам̣ сотавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. гандха̄йатанам̣ гха̄навин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. раса̄йатанам̣ дживха̄вин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. пхот̣т̣хабба̄йатанам̣ ка̄йавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. рӯпа̄йатанам̣ садда̄йатанам̣ гандха̄йатанам̣ раса̄йатанам̣ пхот̣т̣хабба̄йатанам̣ манодха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо.

йам̣ рӯпам̣ нисса̄йа манодха̄ту ча мановин̃н̃а̄н̣адха̄ту ча ваттанти, там̣ рӯпам̣ манодха̄туйа̄ там̣сампайуттака̄нан̃ча дхамма̄нам̣ пуреджа̄тапаччайена паччайо. мановин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ кин̃чи ка̄ле пуреджа̄тапаччайена паччайо, кин̃чи ка̄ле на пуреджа̄тапаччайена паччайо.

11. паччха̄джа̄тапаччайоти – паччха̄джа̄та̄ читтачетасика̄ дхамма̄ пуреджа̄тасса имасса ка̄йасса паччха̄джа̄тапаччайена паччайо.

12. а̄севанапаччайоти – пурима̄ пурима̄ кусала̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ а̄севанапаччайена паччайо. пурима̄ пурима̄ акусала̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ а̄севанапаччайена паччайо. пурима̄ пурима̄ кирийа̄бйа̄ката̄ дхамма̄ паччхима̄нам̣ паччхима̄нам̣ кирийа̄бйа̄ката̄нам̣ дхамма̄нам̣ а̄севанапаччайена паччайо.

13. каммапаччайоти – кусала̄кусалам̣ каммам̣ випа̄ка̄нам̣ кхандха̄нам̣ кат̣атта̄ ча рӯпа̄нам̣ каммапаччайена паччайо. четана̄ сампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ каммапаччайена паччайо.

14. випа̄капаччайоти – випа̄ка̄ чатта̄ро кхандха̄ арӯпино ан̃н̃аман̃н̃ам̣ випа̄капаччайена паччайо.

15. а̄ха̄рапаччайоти – кабал̣ӣка̄ро [кабал̣ин̇ка̄ро (ка. сӣ. сйа̄.)] а̄ха̄ро имасса ка̄йасса а̄ха̄рапаччайена паччайо. арӯпино а̄ха̄ра̄ сампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ а̄ха̄рапаччайена паччайо.

16. индрийапаччайоти – чаккхундрийам̣ чаккхувин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ индрийапаччайена паччайо. сотиндрийам̣ сотавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ индрийапаччайена паччайо. гха̄ниндрийам̣ гха̄навин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ индрийапаччайена паччайо. дживхиндрийам̣ дживха̄вин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ индрийапаччайена паччайо. ка̄йиндрийам̣ ка̄йавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ индрийапаччайена паччайо. рӯпаджӣвитиндрийам̣ кат̣атта̄рӯпа̄нам̣ индрийапаччайена паччайо.

арӯпино индрийа̄ сампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ индрийапаччайена паччайо.

17. джха̄напаччайоти – джха̄нан̇га̄ни джха̄насампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ джха̄напаччайена паччайо.

18. маггапаччайоти – магган̇га̄ни маггасампайуттака̄нам̣ дхамма̄нам̣ там̣самут̣т̣ха̄на̄нан̃ча рӯпа̄нам̣ маггапаччайена паччайо.

19. сампайуттапаччайоти – чатта̄ро кхандха̄ арӯпино ан̃н̃аман̃н̃ам̣ сампайуттапаччайена паччайо.

20. виппайуттапаччайоти – рӯпино дхамма̄ арӯпӣнам̣ дхамма̄нам̣ виппайуттапаччайена паччайо. арӯпино дхамма̄ рӯпӣнам̣ дхамма̄нам̣ виппайуттапаччайена паччайо.

21. аттхипаччайоти – чатта̄ро кхандха̄ арӯпино ан̃н̃аман̃н̃ам̣ аттхипаччайена паччайо. чатта̄ро маха̄бхӯта̄ ан̃н̃аман̃н̃ам̣ аттхипаччайена паччайо. оккантиккхан̣е на̄марӯпам̣ ан̃н̃аман̃н̃ам̣ аттхипаччайена паччайо. читтачетасика̄ дхамма̄ читтасамут̣т̣ха̄на̄нам̣ рӯпа̄нам̣ аттхипаччайена паччайо. маха̄бхӯта̄ упа̄да̄рӯпа̄нам̣ аттхипаччайена паччайо.

чаккха̄йатанам̣ чаккхувин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо. сота̄йатанам̣ сотавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо. гха̄на̄йатанам̣ гха̄навин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо. дживха̄йатанам̣ дживха̄вин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо. ка̄йа̄йатанам̣ ка̄йавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо.

рӯпа̄йатанам̣ чаккхувин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо. садда̄йатанам̣ сотавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо. гандха̄йатанам̣ гха̄навин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо. раса̄йатанам̣ дживха̄вин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо. пхот̣т̣хабба̄йатанам̣ ка̄йавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ аттхипаччайена паччайо. рӯпа̄йатанам̣ садда̄йатанам̣ гандха̄йатанам̣ раса̄йатанам̣ пхот̣т̣хабба̄йатанам̣ манодха̄туйа̄ там̣сампайуттака̄нан̃ча дхамма̄нам̣ аттхипаччайена паччайо.

йам̣ рӯпам̣ нисса̄йа манодха̄ту ча мановин̃н̃а̄н̣адха̄ту ча ваттанти, там̣ рӯпам̣ манодха̄туйа̄ ча мановин̃н̃а̄н̣адха̄туйа̄ ча там̣сампайуттака̄нан̃ча дхамма̄нам̣ аттхипаччайена паччайо.

22. наттхипаччайоти – саманантаранируддха̄ читтачетасика̄ дхамма̄ пат̣уппанна̄нам̣ читтачетасика̄нам̣ дхамма̄нам̣ наттхипаччайена паччайо.

23. вигатапаччайоти – саманантаравигата̄ читтачетасика̄ дхамма̄ пат̣уппанна̄нам̣ читтачетасика̄нам̣ дхамма̄нам̣ вигатапаччайена паччайо.

24. авигатапаччайоти – чатта̄ро кхандха̄ арӯпино ан̃н̃аман̃н̃ам̣ авигатапаччайена паччайо. чатта̄ро маха̄бхӯта̄ ан̃н̃аман̃н̃ам̣ авигатапаччайена паччайо. оккантиккхан̣е на̄марӯпам̣ ан̃н̃аман̃н̃ам̣ авигатапаччайена паччайо. читтачетасика̄ дхамма̄ читтасамут̣т̣ха̄на̄нам̣ рӯпа̄нам̣ авигатапаччайена паччайо. маха̄бхӯта̄ упа̄да̄рӯпа̄нам̣ авигатапаччайена паччайо.

чаккха̄йатанам̣ чаккхувин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо. сота̄йатанам̣ сотавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо. гха̄на̄йатанам̣ гха̄навин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо. дживха̄йатанам̣ дживха̄вин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо. ка̄йа̄йатанам̣ ка̄йавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо.

рӯпа̄йатанам̣ чаккхувин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо. садда̄йатанам̣ сотавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо. гандха̄йатанам̣ гха̄навин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо. раса̄йатанам̣ дживха̄вин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо. пхот̣т̣хабба̄йатанам̣ ка̄йавин̃н̃а̄н̣адха̄туйа̄ там̣сампайуттака̄нан̃ча дхамма̄нам̣ авигатапаччайена паччайо. рӯпа̄йатанам̣ садда̄йатанам̣ гандха̄йатанам̣ раса̄йатанам̣ пхот̣т̣хабба̄йатанам̣ манодха̄туйа̄ там̣сампайуттака̄нан̃ча дхамма̄нам̣ авигатапаччайена паччайо.

йам̣ рӯпам̣ нисса̄йа манодха̄ту ча мановин̃н̃а̄н̣адха̄ту ча ваттанти, там̣ рӯпам̣ манодха̄туйа̄ ча мановин̃н̃а̄н̣адха̄туйа̄ ча там̣сампайуттака̄нан̃ча дхамма̄нам̣ авигатапаччайена паччайо.

паччайаниддесо.