5. саббаматтхӣтикатха̄

1. ва̄дайутти

282. саббаматтхӣти? а̄манта̄. саббаттха саббаматтхӣти? на хевам̣ ваттаббе. саббаматтхӣти? а̄манта̄. саббада̄ саббаматтхӣти? на хевам̣ ваттаббе. саббаматтхӣти? а̄манта̄. саббена саббам̣ саббаматтхӣти? на хевам̣ ваттаббе. саббаматтхӣти? а̄манта̄. саббесу саббаматтхӣти? на хевам̣ ваттаббе. саббаматтхӣти? а̄манта̄. айоганти катва̄ саббаматтхӣти? на хевам̣ ваттаббе. саббаматтхӣти? а̄манта̄. йампи наттхи, тампаттхӣти? на хевам̣ ваттаббе. саббаматтхӣти? а̄манта̄. саббаматтхӣти йа̄ дит̣т̣хи са̄ дит̣т̣хи миччха̄дит̣т̣хӣти, йа̄ дит̣т̣хи са̄ дит̣т̣хи самма̄дит̣т̣хӣти, хеваматтхӣти? на хевам̣ ваттаббе. (сам̣кхиттам̣). ва̄дайутти.

2. ка̄ласам̣сандана̄

283. атӣтам̣ аттхӣти? а̄манта̄. нану атӣтам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатанти? а̄манта̄. хан̃чи атӣтам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатам̣, но ча вата ре ваттаббе – ‘‘атӣтам̣ аттхӣ’’ти.

ана̄гатам̣ аттхӣти? а̄манта̄. нану ана̄гатам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтанти? а̄манта̄. хан̃чи ана̄гатам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтам̣, но ча вата ре ваттаббе – ‘‘ана̄гатам̣ аттхӣ’’ти.

паччуппаннам̣ аттхи паччуппаннам̣ анируддхам̣ авигатам̣ авипарин̣атам̣ на аттхан̇гатам̣ на аббхаттхан̇гатанти? а̄манта̄. атӣтам̣ аттхи атӣтам̣ анируддхам̣ авигатам̣ авипарин̣атам̣ на аттхан̇гатам̣ на аббхаттхан̇гатанти? на хевам̣ ваттаббе…пе… паччуппаннам̣ аттхи паччуппаннам̣ джа̄там̣ бхӯтам̣ сан̃джа̄там̣ ниббаттам̣ абхиниббаттам̣ па̄тубхӯтанти? а̄манта̄. ана̄гатам̣ аттхи ана̄гатам̣ джа̄там̣ бхӯтам̣ сан̃джа̄там̣ ниббаттам̣ абхиниббаттам̣ па̄тубхӯтанти? на хевам̣ ваттаббе…пе….

атӣтам̣ аттхи атӣтам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатанти? а̄манта̄. паччуппаннам̣ аттхи паччуппаннам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатанти? на хевам̣ ваттаббе…пе… ана̄гатам̣ аттхи ана̄гатам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтанти? а̄манта̄. паччуппаннам̣ аттхи паччуппаннам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтанти? на хевам̣ ваттаббе.

284. атӣтам̣ рӯпам̣ аттхӣти? а̄манта̄. нану атӣтам̣ рӯпам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатанти? а̄манта̄. хан̃чи атӣтам̣ рӯпам̣ нируддхам̣…пе… аббхаттхан̇гатам̣, но ча вата ре ваттаббе – ‘‘атӣтам̣ рӯпам̣ аттхӣ’’ти.

ана̄гатам̣ рӯпам̣ аттхӣти? а̄манта̄. нану ана̄гатам̣ рӯпам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтанти? а̄манта̄. хан̃чи ана̄гатам̣ рӯпам̣ аджа̄там̣…пе… апа̄тубхӯтам̣, но ча вата ре ваттаббе – ‘‘ана̄гатам̣ рӯпам̣ аттхӣ’’ти.

паччуппаннам̣ рӯпам̣ аттхи паччуппаннам̣ рӯпам̣ анируддхам̣ авигатам̣ авипарин̣атам̣ на аттхан̇гатам̣ на аббхаттхан̇гатанти? а̄манта̄. атӣтам̣ рӯпам̣ аттхи атӣтам̣ рӯпам̣ анируддхам̣ авигатам̣ авипарин̣атам̣ на аттхан̇гатам̣ на аббхаттхан̇гатанти? на хевам̣ ваттаббе.

паччуппаннам̣ рӯпам̣ аттхи паччуппаннам̣ рӯпам̣ джа̄там̣ бхӯтам̣ сан̃джа̄там̣ ниббаттам̣ абхиниббаттам̣ па̄тубхӯтанти? а̄манта̄. ана̄гатам̣ рӯпам̣ аттхи ана̄гатам̣ рӯпам̣ джа̄там̣ бхӯтам̣ сан̃джа̄там̣ ниббаттам̣ абхиниббаттам̣ па̄тубхӯтанти? на хевам̣ ваттаббе.

атӣтам̣ рӯпам̣ аттхи атӣтам̣ рӯпам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатанти? а̄манта̄. паччуппаннам̣ рӯпам̣ аттхи паччуппаннам̣ рӯпам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатанти? на хевам̣ ваттаббе.

ана̄гатам̣ рӯпам̣ аттхи ана̄гатам̣ рӯпам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтанти? а̄манта̄. паччуппаннам̣ рӯпам̣ аттхи паччуппаннам̣ рӯпам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтанти? на хевам̣ ваттаббе.

атӣта̄ ведана̄ аттхи…пе… сан̃н̃а̄ аттхи, сан̇кха̄ра̄ аттхи, вин̃н̃а̄н̣ам̣ аттхӣти? а̄манта̄. нану атӣтам̣ вин̃н̃а̄н̣ам̣ нируддхам̣ вигатам̣ випарин̣атам̣ аттхан̇гатам̣ аббхаттхан̇гатанти? а̄манта̄. хан̃чи атӣтам̣ вин̃н̃а̄н̣ам̣ нируддхам̣…пе… аббхаттхан̇гатам̣, но ча вата ре ваттаббе – ‘‘атӣтам̣ вин̃н̃а̄н̣ам̣ аттхӣ’’ти.

ана̄гатам̣ вин̃н̃а̄н̣ам̣ аттхӣти? а̄манта̄. нану ана̄гатам̣ вин̃н̃а̄н̣ам̣ аджа̄там̣ абхӯтам̣ асан̃джа̄там̣ аниббаттам̣ анабхиниббаттам̣ апа̄тубхӯтанти? а̄манта̄. хан̃чи ана̄гатам̣ вин̃н̃а̄н̣ам̣ аджа̄там̣…пе… апа̄тубхӯтам̣, но ча вата ре ваттаббе – ‘‘ана̄гатам̣ вин̃н̃а̄н̣ам̣ аттхӣ’’ти.

паччуппаннам̣ вин̃н̃а̄н̣ам̣ аттхи паччуппаннам̣ вин̃н̃а̄н̣ам̣ анируддхам̣…пе… на аббхаттхан̇гатанти? а̄манта̄. атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ анируддхам̣…пе… на аббхаттхан̇гатанти? на хевам̣ ваттаббе.

паччуппаннам̣ вин̃н̃а̄н̣ам̣ аттхи паччуппаннам̣ вин̃н̃а̄н̣ам̣ джа̄там̣…пе… па̄тубхӯтанти? а̄манта̄. ана̄гатам̣ вин̃н̃а̄н̣ам̣ аттхи ана̄гатам̣ вин̃н̃а̄н̣ам̣ джа̄там̣…пе… па̄тубхӯтанти? на хевам̣ ваттаббе.

атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ нируддхам̣…пе… аббхаттхан̇гатанти? а̄манта̄. паччуппаннам̣ вин̃н̃а̄н̣ам̣ аттхи паччуппаннам̣ вин̃н̃а̄н̣ам̣ нируддхам̣…пе… аббхаттхан̇гатанти? на хевам̣ ваттаббе. ана̄гатам̣ вин̃н̃а̄н̣ам̣ аттхи ана̄гатам̣ вин̃н̃а̄н̣ам̣ аджа̄там̣…пе… апа̄тубхӯтанти? а̄манта̄.

паччуппаннам̣ вин̃н̃а̄н̣ам̣ аттхи паччуппаннам̣ вин̃н̃а̄н̣ам̣ аджа̄там̣…пе… апа̄тубхӯтанти? на хевам̣ ваттаббе.

285. ‘‘паччуппаннанти ва̄ рӯпа’’нти ва̄, ‘‘рӯпанти ва̄ паччуппанна’’нти ва̄ паччуппаннам̣ рӯпам̣ аппийам̣ каритва̄ есесе екат̣т̣хе саме самабха̄ге таджджа̄тети? а̄манта̄. паччуппаннам̣ рӯпам̣ нируджджхама̄нам̣ паччуппаннабха̄вам̣ джахатӣти? а̄манта̄. рӯпабха̄вам̣ джахатӣти? на хевам̣ ваттаббе…пе….

‘‘паччуппаннанти ва̄ рӯпа’’нти ва̄, ‘‘рӯпанти ва̄ паччуппанна’’нти ва̄ паччуппаннам̣ рӯпам̣ аппийам̣ каритва̄ есесе екат̣т̣хе саме самабха̄ге таджджа̄тети? а̄манта̄. паччуппаннам̣ рӯпам̣ нируджджхама̄нам̣ рӯпабха̄вам̣ на джахатӣти? а̄манта̄. паччуппаннабха̄вам̣ на джахатӣти? на хевам̣ ваттаббе…пе….

‘‘ода̄танти ва̄ ваттха’’нти ва̄, ‘‘ваттханти ва̄ ода̄та’’нти ва̄ ода̄там̣ ваттхам̣ аппийам̣ каритва̄ есесе екат̣т̣хе саме самабха̄ге таджджа̄тети? а̄манта̄. ода̄там̣ ваттхам̣ раджджама̄нам̣ ода̄табха̄вам̣ джахатӣти? а̄манта̄. ваттхабха̄вам̣ джахатӣти? на хевам̣ ваттаббе.

‘‘ода̄танти ва̄ ваттха’’нти ва̄, ‘‘ваттханти ва̄ ода̄та’’нти ва̄ ода̄там̣ ваттхам̣ аппийам̣ каритва̄ есесе екат̣т̣хе саме самабха̄ге таджджа̄тети? а̄манта̄. ода̄там̣ ваттхам̣ раджджама̄нам̣ ваттхабха̄вам̣ на джахатӣти? а̄манта̄. ода̄табха̄вам̣ на джахатӣти? на хевам̣ ваттаббе.…пе….

286. рӯпам̣ рӯпабха̄вам̣ на джахатӣти? а̄манта̄. рӯпам̣ ниччам̣ дхувам̣ сассатам̣ авипарин̣а̄мадхамманти? на хевам̣ ваттаббе. нану рӯпам̣ рӯпабха̄вам̣ на джахатӣти рӯпам̣ аниччам̣ адхувам̣ асассатам̣ випарин̣а̄мадхамманти? а̄манта̄. хан̃чи рӯпам̣ аниччам̣ адхувам̣ асассатам̣ випарин̣а̄мадхаммам̣, но ча вата ре ваттаббе – ‘‘рӯпам̣ рӯпабха̄вам̣ на джахатӣ’’ти.

нибба̄нам̣ нибба̄набха̄вам̣ на джахатӣти нибба̄нам̣ ниччам̣ дхувам̣ сассатам̣ авипарин̣а̄мадхамманти? а̄манта̄. рӯпам̣ рӯпабха̄вам̣ на джахатӣти [на джахати (сӣ. ка.)] рӯпам̣ ниччам̣ дхувам̣ сассатам̣ авипарин̣а̄мадхамманти? на хевам̣ ваттаббе…пе… рӯпам̣ рӯпабха̄вам̣ на джахати рӯпам̣ аниччам̣ адхувам̣ асассатам̣ випарин̣а̄мадхамманти? а̄манта̄. нибба̄нам̣ нибба̄набха̄вам̣ на джахати нибба̄нам̣ аниччам̣ адхувам̣ асассатам̣ випарин̣а̄мадхамманти? на хевам̣ ваттаббе…пе….

атӣтам̣ аттхи атӣтам̣ атӣтабха̄вам̣ на джахатӣти? а̄манта̄. ана̄гатам̣ аттхи ана̄гатам̣ ана̄гатабха̄вам̣ на джахатӣти? на хевам̣ ваттаббе. атӣтам̣ аттхи атӣтам̣ атӣтабха̄вам̣ на джахатӣти? а̄манта̄. паччуппаннам̣ аттхи паччуппаннам̣ паччуппаннабха̄вам̣ на джахатӣти? на хевам̣ ваттаббе…пе….

ана̄гатам̣ аттхи ана̄гатам̣ ана̄гатабха̄вам̣ джахатӣти [на джахатӣти (бахӯсу) ат̣т̣хакатха̄ олокетабба̄]? а̄манта̄. атӣтам̣ аттхи атӣтам̣ атӣтабха̄вам̣ джахатӣти [на джахатӣти (бахӯсу) ат̣т̣хакатха̄ олокетабба̄]? на хевам̣ ваттаббе…пе….

паччуппаннам̣ аттхи паччуппаннам̣ паччуппаннабха̄вам̣ джахатӣти [на джахатӣти (бахӯсу) ат̣т̣хакатха̄ олокетабба̄]? а̄манта̄. атӣтам̣ аттхи атӣтам̣ атӣтабха̄вам̣ джахатӣти [на джахатӣти (бахӯсу) ат̣т̣хакатха̄ олокетабба̄]? на хевам̣ ваттаббе.

атӣтам̣ аттхи атӣтам̣ атӣтабха̄вам̣ на джахатӣти? а̄манта̄. атӣтам̣ ниччам̣ дхувам̣ сассатам̣ авипарин̣а̄мадхамманти? на хевам̣ ваттаббе…пе… нану атӣтам̣ аниччам̣ адхувам̣ асассатам̣ випарин̣а̄мадхамманти? а̄манта̄. хан̃чи атӣтам̣ аниччам̣ адхувам̣ асассатам̣ випарин̣а̄мадхаммам̣, но ча вата ре ваттаббе – ‘‘атӣтам̣ аттхи атӣтам̣ атӣтабха̄вам̣ на джахатӣ’’ти.

нибба̄нам̣ аттхи нибба̄нам̣ нибба̄набха̄вам̣ на джахатӣти нибба̄нам̣ ниччам̣ дхувам̣ сассатам̣ авипарин̣а̄мадхамманти? а̄манта̄. атӣтам̣ аттхи атӣтам̣ атӣтабха̄вам̣ на джахатӣти атӣтам̣ ниччам̣ дхувам̣ сассатам̣ авипарин̣а̄мадхамманти? на хевам̣ ваттаббе…пе….

атӣтам̣ аттхи атӣтам̣ атӣтабха̄вам̣ на джахати атӣтам̣ аниччам̣ адхувам̣ асассатам̣ випарин̣а̄мадхамманти? а̄манта̄. нибба̄нам̣ аттхи нибба̄нам̣ нибба̄набха̄вам̣ на джахати нибба̄нам̣ аниччам̣ адхувам̣ асассатам̣ випарин̣а̄мадхамманти? на хевам̣ ваттаббе…пе….

287. атӣтам̣ рӯпам̣ аттхи атӣтам̣ рӯпам̣ атӣтабха̄вам̣ на джахатӣти? а̄манта̄. ана̄гатам̣ рӯпам̣ аттхи ана̄гатам̣ рӯпам̣ ана̄гатабха̄вам̣ на джахатӣти? на хевам̣ ваттаббе…пе… атӣтам̣ рӯпам̣ аттхи атӣтам̣ рӯпам̣ атӣтабха̄вам̣ на джахатӣти? а̄манта̄. паччуппаннам̣ рӯпам̣ аттхи паччуппаннам̣ рӯпам̣ паччуппаннабха̄вам̣ на джахатӣти? на хевам̣ ваттаббе…пе….

ана̄гатам̣ рӯпам̣ аттхи ана̄гатам̣ рӯпам̣ ана̄гатабха̄вам̣ джахатӣти [на джахатӣти (бахӯсу) ануломапан̃хойева]? а̄манта̄. атӣтам̣ рӯпам̣ аттхи атӣтам̣ рӯпам̣ атӣтабха̄вам̣ джахатӣти [на джахатӣти (бахӯсу) ануломапан̃хойева]? на хевам̣ ваттаббе…пе….

паччуппаннам̣ рӯпам̣ аттхи паччуппаннам̣ рӯпам̣ паччуппаннабха̄вам̣ джахатӣти [на джахатӣти (бахӯсу) ануломапан̃хойева]? а̄манта̄. атӣтам̣ рӯпам̣ аттхи атӣтам̣ рӯпам̣ атӣтабха̄вам̣ джахатӣти [на джахатӣти (бахӯсу) ануломапан̃хойева]? на хевам̣ ваттаббе…пе….

атӣтам̣ рӯпам̣ аттхи атӣтам̣ рӯпам̣ атӣтабха̄вам̣ на джахатӣти? а̄манта̄. атӣтам̣ рӯпам̣ ниччам̣ дхувам̣ сассатам̣ авипарин̣а̄мадхамманти? на хевам̣ ваттаббе…пе… нану атӣтам̣ рӯпам̣ аниччам̣ адхувам̣ асассатам̣ випарин̣а̄мадхамманти? а̄манта̄. хан̃чи атӣтам̣ рӯпам̣ аниччам̣…пе… випарин̣а̄мадхаммам̣, но ча вата ре ваттаббе – ‘‘атӣтам̣ рӯпам̣ аттхи атӣтам̣ рӯпам̣ атӣтабха̄вам̣ на джахатӣ’’ти.

нибба̄нам̣ аттхи нибба̄нам̣ нибба̄набха̄вам̣ на джахати [на джахатӣти (?) пуримапан̃хехи сам̣сандетаббам̣] нибба̄нам̣ ниччам̣ дхувам̣ сассатам̣ авипарин̣а̄мадхамманти? а̄манта̄. атӣтам̣ рӯпам̣ аттхи атӣтам̣ рӯпам̣ атӣтабха̄вам̣ на джахати [на джахатӣти (?) пуриман̃хехи сам̣сандетаббам̣] атӣтам̣ рӯпам̣ ниччам̣ дхувам̣ сассатам̣ авипарин̣а̄мадхамманти? на хевам̣ ваттаббе…пе….

атӣтам̣ рӯпам̣ аттхи атӣтам̣ рӯпам̣ атӣтабха̄вам̣ на джахати атӣтам̣ рӯпам̣ аниччам̣ адхувам̣ асассатам̣ випарин̣а̄мадхамманти? а̄манта̄. нибба̄нам̣ аттхи нибба̄нам̣ нибба̄набха̄вам̣ на джахати нибба̄нам̣ аниччам̣ адхувам̣ асассатам̣ випарин̣а̄мадхамманти? на хевам̣ ваттаббе…пе….

атӣта̄ ведана̄ аттхи… атӣта̄ сан̃н̃а̄ аттхи… атӣта̄ сан̇кха̄ра̄ аттхи… атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ атӣтабха̄вам̣ на джахатӣти? а̄манта̄. ана̄гатам̣ вин̃н̃а̄н̣ам̣ аттхи ана̄гатам̣ вин̃н̃а̄н̣ам̣ ана̄гатабха̄вам̣ на джахатӣти? на хевам̣ ваттаббе…пе… атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ атӣтабха̄вам̣ на джахатӣти? а̄манта̄. паччуппаннам̣ вин̃н̃а̄н̣ам̣ аттхи паччуппаннам̣ вин̃н̃а̄н̣ам̣ паччуппаннабха̄вам̣ на джахатӣти? на хевам̣ ваттаббе…пе….

ана̄гатам̣ вин̃н̃а̄н̣ам̣ аттхи ана̄гатам̣ вин̃н̃а̄н̣ам̣ ана̄гатабха̄вам̣ джахатӣти? а̄манта̄. атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ атӣтабха̄вам̣ джахатӣти? на хевам̣ ваттаббе…пе….

паччуппаннам̣ вин̃н̃а̄н̣ам̣ аттхи паччуппаннам̣ вин̃н̃а̄н̣ам̣ паччуппаннабха̄вам̣ джахатӣти [на джахатӣти (бахӯсу) ануломапан̃хойева]? а̄манта̄. атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ атӣтабха̄вам̣ джахатӣти [на джахатӣти (бахӯсу) ануломапан̃хойева]? на хевам̣ ваттаббе…пе….

атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ атӣтабха̄вам̣ на джахатӣти? а̄манта̄. атӣтам̣ вин̃н̃а̄н̣ам̣ ниччам̣ дхувам̣ сассатам̣ авипарин̣а̄мадхамманти? на хевам̣ ваттаббе…пе… нану атӣтам̣ вин̃н̃а̄н̣ам̣ аниччам̣ адхувам̣ асассатам̣ випарин̣а̄мадхамманти? а̄манта̄. хан̃чи атӣтам̣ вин̃н̃а̄н̣ам̣ аниччам̣ адхувам̣ асассатам̣ випарин̣а̄мадхаммам̣, но ча вата ре ваттаббе – ‘‘атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ атӣтабха̄вам̣ на джахатӣ’’ти.

нибба̄нам̣ аттхи нибба̄нам̣ нибба̄набха̄вам̣ на джахати [на джахатӣти (?) пуримапан̃хехи сам̣сандетаббам̣] нибба̄нам̣ ниччам̣ дхувам̣ сассатам̣ авипарин̣а̄мадхамманти? а̄манта̄. атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ атӣтабха̄вам̣ на джахати [на джахатӣти (?) пуримапан̃хехи сам̣сандетаббам̣] атӣтам̣ вин̃н̃а̄н̣ам̣ ниччам̣ дхувам̣ сассатам̣ авипарин̣а̄мадхамманти? на хевам̣ ваттаббе…пе….

атӣтам̣ вин̃н̃а̄н̣ам̣ аттхи атӣтам̣ вин̃н̃а̄н̣ам̣ атӣтабха̄вам̣ на джахати атӣтам̣ вин̃н̃а̄н̣ам̣ аниччам̣ адхувам̣ асассатам̣ випарин̣а̄мадхамманти? а̄манта̄. нибба̄нам̣ аттхи нибба̄нам̣ нибба̄набха̄вам̣ на джахати нибба̄нам̣ аниччам̣ адхувам̣ асассатам̣ випарин̣а̄мадхамманти? на хевам̣ ваттаббе…пе….

вачанасодхана̄

288. атӣтам̣ нваттхӣти? а̄манта̄. хан̃чи атӣтам̣ нваттхи, атӣтам̣ аттхӣти миччха̄. хан̃чи ва̄ пана аттхи нва̄тӣтам̣, аттхи атӣтанти миччха̄. ана̄гатам̣ нваттхӣти? а̄манта̄. хан̃чи ана̄гатам̣ нваттхи, ана̄гатам̣ аттхӣти миччха̄. хан̃чи ва̄ пана аттхи нва̄на̄гатам̣, аттхи ана̄гатанти миччха̄.

ана̄гатам̣ хутва̄ паччуппаннам̣ хотӣти? а̄манта̄. тан̃н̃ева ана̄гатам̣ там̣ паччуппаннанти? на хевам̣ ваттаббе…пе… тан̃н̃ева ана̄гатам̣ там̣ паччуппаннанти? а̄манта̄. хутва̄ хоти хутва̄ хотӣти? на хевам̣ ваттаббе…пе… хутва̄ хоти хутва̄ хотӣти? а̄манта̄. на хутва̄ на хоти на хутва̄ на хотӣти? на хевам̣ ваттаббе…пе….

паччуппаннам̣ хутва̄ атӣтам̣ хотӣти? а̄манта̄. тан̃н̃ева паччуппаннам̣ там̣ атӣтанти? на хевам̣ ваттаббе…пе… тан̃н̃ева паччуппаннам̣ там̣ атӣтанти? а̄манта̄. хутва̄ хоти хутва̄ хотӣти? на хевам̣ ваттаббе…пе… хутва̄ хоти хутва̄ хотӣти? а̄манта̄. на хутва̄ на хоти на хутва̄ на хотӣти? на хевам̣ ваттаббе…пе….

ана̄гатам̣ хутва̄ паччуппаннам̣ хоти, паччуппаннам̣ хутва̄ атӣтам̣ хотӣти? а̄манта̄. тан̃н̃ева ана̄гатам̣ там̣ паччуппаннам̣ там̣ атӣтанти? на хевам̣ ваттаббе…пе… тан̃н̃ева ана̄гатам̣ там̣ паччуппаннам̣ там̣ атӣтанти? а̄манта̄. хутва̄ хоти хутва̄ хотӣти? на хевам̣ ваттаббе…пе… хутва̄ хоти хутва̄ хотӣти? а̄манта̄. на хутва̄ на хоти на хутва̄ на хотӣти? на хевам̣ ваттаббе.

атӣтачаккхурӯпа̄дикатха̄

289. атӣтам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхӣти? а̄манта̄. атӣтена чаккхуна̄ атӣтам̣ рӯпам̣ пассатӣти? на хевам̣ ваттаббе…пе… атӣтам̣ сотам̣ аттхи садда̄ аттхи сотавин̃н̃а̄н̣ам̣ аттхи а̄ка̄со аттхи манасика̄ро аттхӣти? а̄манта̄. атӣтена сотена атӣтам̣ саддам̣ сун̣а̄тӣти? на хевам̣ ваттаббе…пе… атӣтам̣ гха̄нам̣ аттхи гандха̄ аттхи гха̄навин̃н̃а̄н̣ам̣ аттхи ва̄йо аттхи манасика̄ро аттхӣти? а̄манта̄. атӣтена гха̄нена атӣтам̣ гандхам̣ гха̄йатӣти? на хевам̣ ваттаббе…пе… атӣта̄ дживха̄ аттхи раса̄ аттхи дживха̄вин̃н̃а̄н̣ам̣ аттхи а̄по аттхи манасика̄ро аттхӣти? а̄манта̄. атӣта̄йа дживха̄йа атӣтам̣ расам̣ са̄йатӣти? на хевам̣ ваттаббе…пе… атӣто ка̄йо аттхи пхот̣т̣хабба̄ аттхи ка̄йавин̃н̃а̄н̣ам̣ аттхи патхавӣ аттхи манасика̄ро аттхӣти? а̄манта̄. атӣтена ка̄йена атӣтам̣ пхот̣т̣хаббам̣ пхусатӣти? на хевам̣ ваттаббе…пе… атӣто мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхӣти? а̄манта̄. атӣтена манена атӣтам̣ дхаммам̣ виджа̄на̄тӣти? на хевам̣ ваттаббе…пе….

ана̄гатам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхӣти? а̄манта̄. ана̄гатена чаккхуна̄ ана̄гатам̣ рӯпам̣ пассатӣти? на хевам̣ ваттаббе…пе… ана̄гатам̣ сотам̣ аттхи… гха̄нам̣ аттхи… дживха̄ аттхи… ка̄йо аттхи … мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхӣти? а̄манта̄. ана̄гатена манена ана̄гатам̣ дхаммам̣ виджа̄на̄тӣти? на хевам̣ ваттаббе…пе….

паччуппаннам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхи, паччуппаннена чаккхуна̄ паччуппаннам̣ рӯпам̣ пассатӣти? а̄манта̄. атӣтам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхи, атӣтена чаккхуна̄ атӣтам̣ рӯпам̣ пассатӣти? на хевам̣ ваттаббе…пе…. паччуппаннам̣ сотам̣ аттхи… гха̄нам̣ аттхи… дживха̄ аттхи… ка̄йо аттхи… мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхи, паччуппаннена манена паччуппаннам̣ дхаммам̣ виджа̄на̄тӣти? а̄манта̄. атӣто мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхи, атӣтена манена атӣтам̣ дхаммам̣ виджа̄на̄тӣти? на хевам̣ ваттаббе…пе….

паччуппаннам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхи, паччуппаннена чаккхуна̄ паччуппаннам̣ рӯпам̣ пассатӣти? а̄манта̄. ана̄гатам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхи, ана̄гатена чаккхуна̄ ана̄гатам̣ рӯпам̣ пассатӣти? на хевам̣ ваттаббе…пе… паччуппаннам̣ сотам̣ аттхи… гха̄нам̣ аттхи… дживха̄ аттхи… ка̄йо аттхи… мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхи, паччуппаннена манена паччуппаннам̣ дхаммам̣ виджа̄на̄тӣти? а̄манта̄. ана̄гато мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхи, ана̄гатена манена ана̄гатам̣ дхаммам̣ виджа̄на̄тӣти? на хевам̣ ваттаббе…пе….

атӣтам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхи, на ча атӣтена чаккхуна̄ атӣтам̣ рӯпам̣ пассатӣти? а̄манта̄. паччуппаннам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхи, на ча паччуппаннена чаккхуна̄ паччуппаннам̣ рӯпам̣ пассатӣти? на хевам̣ ваттаббе…пе… атӣтам̣ сотам̣ аттхи… гха̄нам̣ аттхи… дживха̄ аттхи… ка̄йо аттхи… мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхи, на ча атӣтена манена атӣтам̣ дхаммам̣ виджа̄на̄тӣти? а̄манта̄. паччуппанно мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхи, на ча паччуппаннена манена паччуппаннам̣ дхаммам̣ виджа̄на̄тӣти? на хевам̣ ваттаббе…пе….

ана̄гатам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхи, на ча ана̄гатена чаккхуна̄ ана̄гатам̣ рӯпам̣ пассатӣти? а̄манта̄. паччуппаннам̣ чаккхум̣ аттхи рӯпа̄ аттхи чаккхувин̃н̃а̄н̣ам̣ аттхи а̄локо аттхи манасика̄ро аттхи, на ча паччуппаннена чаккхуна̄ паччуппаннам̣ рӯпам̣ пассатӣти? на хевам̣ ваттаббе…пе… ана̄гатам̣ сотам̣ аттхи… гха̄нам̣ аттхи… дживха̄ аттхи… ка̄йо аттхи… мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхи, на ча ана̄гатена манена ана̄гатам̣ дхаммам̣ виджа̄на̄тӣти? а̄манта̄. паччуппанно мано аттхи дхамма̄ аттхи мановин̃н̃а̄н̣ам̣ аттхи ваттхум̣ аттхи манасика̄ро аттхи, на ча паччуппаннена манена паччуппаннам̣ дхаммам̣ виджа̄на̄тӣти? на хевам̣ ваттаббе…пе….

атӣтан̃а̄н̣а̄дикатха̄

290. атӣтам̣ н̃а̄н̣ам̣ аттхӣти? а̄манта̄. тена н̃а̄н̣ена н̃а̄н̣акаран̣ӣйам̣ каротӣти? на хевам̣ ваттаббе…пе… тена н̃а̄н̣ена н̃а̄н̣акаран̣ӣйам̣ каротӣти? а̄манта̄. тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? на хевам̣ ваттаббе…пе….

ана̄гатам̣ н̃а̄н̣ам̣ аттхӣти? а̄манта̄. тена н̃а̄н̣ена н̃а̄н̣акаран̣ӣйам̣ каротӣти? на хевам̣ ваттаббе…пе… тена н̃а̄н̣ена н̃а̄н̣акаран̣ӣйам̣ каротӣти? а̄манта̄. тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? на хевам̣ ваттаббе…пе….

паччуппаннам̣ н̃а̄н̣ам̣ аттхи, тена н̃а̄н̣ена н̃а̄н̣акаран̣ӣйам̣ каротӣти? а̄манта̄. атӣтам̣ н̃а̄н̣ам̣ аттхи, тена н̃а̄н̣ена н̃а̄н̣акаран̣ӣйам̣ каротӣти? на хевам̣ ваттаббе…пе… паччуппаннам̣ н̃а̄н̣ам̣ аттхи, тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? а̄манта̄. атӣтам̣ н̃а̄н̣ам̣ аттхи, тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? на хевам̣ ваттаббе…пе… паччуппаннам̣ н̃а̄н̣ам̣ аттхи, тена н̃а̄н̣ена н̃а̄н̣акаран̣ӣйам̣ каротӣти? а̄манта̄. ана̄гатам̣ н̃а̄н̣ам̣ аттхи, тена н̃а̄н̣ена н̃а̄н̣акаран̣ӣйам̣ каротӣти? на хевам̣ ваттаббе…пе… паччуппаннам̣ н̃а̄н̣ам̣ аттхи, тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? а̄манта̄. ана̄гатам̣ н̃а̄н̣ам̣ аттхи, тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? на хевам̣ ваттаббе…пе….

атӣтам̣ н̃а̄н̣ам̣ аттхи, на ча тена н̃а̄н̣ена н̃а̄н̣акаран̣ӣйам̣ каротӣти? а̄манта̄. паччуппаннам̣ н̃а̄н̣ам̣ аттхи, на ча тена н̃а̄н̣ена н̃а̄н̣акаран̣ӣйам̣ каротӣти? на хевам̣ ваттаббе…пе… атӣтам̣ н̃а̄н̣ам̣ аттхи, на ча тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? а̄манта̄. паччуппаннам̣ н̃а̄н̣ам̣ аттхи, на ча тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? на хевам̣ ваттаббе…пе….

ана̄гатам̣ н̃а̄н̣ам̣ аттхи, на ча тена н̃а̄н̣ена н̃а̄н̣акаран̣ӣйам̣ каротӣти? а̄манта̄. паччуппаннам̣ н̃а̄н̣ам̣ аттхи, на ча тена н̃а̄н̣ена н̃а̄н̣акаран̣ӣйам̣ каротӣти? на хевам̣ ваттаббе…пе…. ана̄гатам̣ н̃а̄н̣ам̣ аттхи, на ча тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? а̄манта̄. паччуппаннам̣ н̃а̄н̣ам̣ аттхи, на ча тена н̃а̄н̣ена дуккхам̣ париджа̄на̄ти, самудайам̣ паджахати, ниродхам̣ саччхикароти, маггам̣ бха̄ветӣти? на хевам̣ ваттаббе…пе….

араханта̄дикатха̄

291. арахато атӣто ра̄го аттхӣти? а̄манта̄. араха̄ тена ра̄гена сара̄готи? на хевам̣ ваттаббе…пе… арахато атӣто досо аттхӣти? а̄манта̄. араха̄ тена досена садосоти? на хевам̣ ваттаббе…пе… арахато атӣто мохо аттхӣти? а̄манта̄. араха̄ тена мохена самохоти? на хевам̣ ваттаббе…пе… арахато атӣто ма̄но аттхӣти? а̄манта̄. араха̄ тена ма̄нена сама̄ноти? на хевам̣ ваттаббе…пе… арахато атӣта̄ дит̣т̣хи аттхӣти? а̄манта̄. араха̄ та̄йа дит̣т̣хийа̄ садит̣т̣хикоти? на хевам̣ ваттаббе…пе… арахато атӣта̄ вичикиччха̄ аттхӣти? а̄манта̄. араха̄ та̄йа вичикиччха̄йа савичикиччхоти? на хевам̣ ваттаббе…пе… арахато атӣтам̣ тхинам̣ аттхӣти? а̄манта̄. араха̄ тена тхинена сатхиноти? на хевам̣ ваттаббе…пе… арахато атӣтам̣ уддхаччам̣ аттхӣти? а̄манта̄. араха̄ тена уддхаччена сауддхаччоти? на хевам̣ ваттаббе…пе… арахато атӣтам̣ ахирикам̣ аттхӣти? а̄манта̄. араха̄ тена ахирикена саахирикоти? на хевам̣ ваттаббе…пе… арахато атӣтам̣ аноттаппам̣ аттхӣти? а̄манта̄. араха̄ тена аноттаппена сааноттаппӣти? на хевам̣ ваттаббе…пе….

ана̄га̄мисса атӣта̄ сакка̄йадит̣т̣хи аттхӣти? а̄манта̄. ана̄га̄мӣ та̄йа дит̣т̣хийа̄ садит̣т̣хикоти? на хевам̣ ваттаббе…пе… ана̄га̄мисса атӣта̄ вичикиччха̄ аттхи… атӣто сӣлаббатапара̄ма̄со аттхи… атӣто ан̣усахагато ка̄мара̄го аттхи… атӣто ан̣усахагато бйа̄па̄до аттхӣти? а̄манта̄. ана̄га̄мӣ тена бйа̄па̄дена бйа̄панначиттоти? на хевам̣ ваттаббе…пе….

сакада̄га̄мисса атӣта̄ сакка̄йадит̣т̣хи аттхӣти? а̄манта̄. сакада̄га̄мӣ та̄йа дит̣т̣хийа̄ садит̣т̣хикоти? на хевам̣ ваттаббе…пе… сакада̄га̄мисса атӣта̄ вичикиччха̄ аттхи… атӣто сӣлаббатапара̄ма̄со аттхи… атӣто ол̣а̄рико ка̄мара̄го аттхи… атӣто ол̣а̄рико бйа̄па̄до аттхӣти? а̄манта̄. сакада̄га̄мӣ тена бйа̄па̄дена бйа̄панначиттоти? на хевам̣ ваттаббе…пе….

сота̄паннасса атӣта̄ сакка̄йадит̣т̣хи аттхӣти? а̄манта̄. сота̄панно та̄йа дит̣т̣хийа̄ садит̣т̣хикоти? на хевам̣ ваттаббе…пе… сота̄паннасса атӣта̄ вичикиччха̄ аттхи… атӣто сӣлаббатапара̄ма̄со аттхи… атӣто апа̄йагаманӣйо ра̄го аттхи… атӣто апа̄йагаманӣйо досо аттхи… атӣто апа̄йагаманӣйо мохо аттхӣти? а̄манта̄. сота̄панно тена мохена самохоти? на хевам̣ ваттаббе…пе….

292. путхуджджанасса атӣто ра̄го аттхи, путхуджджано тена ра̄гена сара̄готи? а̄манта̄. арахато атӣто ра̄го аттхи, араха̄ тена ра̄гена сара̄готи? на хевам̣ ваттаббе…пе… путхуджджанасса атӣто досо аттхи…пе… атӣтам̣ аноттаппам̣ аттхи путхуджджано тена аноттаппена аноттаппӣти? а̄манта̄. арахато атӣтам̣ аноттаппам̣ аттхи, араха̄ тена аноттаппена аноттаппӣти? на хевам̣ ваттаббе…пе….

путхуджджанасса атӣта̄ сакка̄йадит̣т̣хи аттхи, путхуджджано та̄йа дит̣т̣хийа̄ садит̣т̣хикоти? а̄манта̄. ана̄га̄мисса атӣта̄ сакка̄йадит̣т̣хи аттхи, ана̄га̄мӣ та̄йа дит̣т̣хийа̄ садит̣т̣хикоти? на хевам̣ ваттаббе…пе… путхуджджанасса атӣта̄ вичикиччха̄ аттхи…пе… атӣто ан̣усахагато бйа̄па̄до аттхи, путхуджджано тена бйа̄па̄дена бйа̄панначиттоти? а̄манта̄. ана̄га̄мисса атӣто ан̣усахагато бйа̄па̄до аттхи, ана̄га̄мӣ тена бйа̄па̄дена бйа̄панначиттоти? на хевам̣ ваттаббе…пе….

путхуджджанасса атӣта̄ сакка̄йадит̣т̣хи аттхи, путхуджджано та̄йа дит̣т̣хийа̄ садит̣т̣хикоти? а̄манта̄. сакада̄га̄мисса атӣта̄ сакка̄йадит̣т̣хи аттхи, сакада̄га̄мӣ та̄йа дит̣т̣хийа̄ садит̣т̣хикоти? на хевам̣ ваттаббе…пе… путхуджджанасса атӣта̄ вичикиччха̄ аттхи… атӣто ол̣а̄рико бйа̄па̄до аттхи, путхуджджано тена бйа̄па̄дена бйа̄панначиттоти? а̄манта̄. сакада̄га̄мисса атӣто ол̣а̄рико бйа̄па̄до аттхи, сакада̄га̄мӣ тена бйа̄па̄дена бйа̄панначиттоти? на хевам̣ ваттаббе…пе….

путхуджджанасса атӣта̄ сакка̄йадит̣т̣хи аттхи, путхуджджано та̄йа дит̣т̣хийа̄ садит̣т̣хикоти? а̄манта̄. сота̄паннасса атӣта̄ сакка̄йадит̣т̣хи аттхи, сота̄панно та̄йа дит̣т̣хийа̄ садит̣т̣хикоти? на хевам̣ ваттаббе…пе… путхуджджанасса атӣта̄ вичикиччха̄ аттхи…пе… атӣто апа̄йагаманӣйо мохо аттхи, путхуджджано тена мохена самохоти? а̄манта̄. сота̄паннасса атӣто апа̄йагаманӣйо мохо аттхи, сота̄панно тена мохена самохоти? на хевам̣ ваттаббе…пе….

арахато атӣто ра̄го аттхи, на ча араха̄ тена ра̄гена сара̄готи? а̄манта̄. путхуджджанасса атӣто ра̄го аттхи, на ча путхуджджано тена ра̄гена сара̄готи? на хевам̣ ваттаббе…пе… арахато атӣто досо аттхи…пе… атӣтам̣ аноттаппам̣ аттхи, на ча араха̄ тена аноттаппена аноттаппӣти? а̄манта̄. путхуджджанасса атӣтам̣ аноттаппам̣ аттхи, на ча путхуджджано тена аноттаппена аноттаппӣти? на хевам̣ ваттаббе…пе….

ана̄га̄мисса атӣта̄ сакка̄йадит̣т̣хи аттхи, на ча ана̄га̄мӣ та̄йа дит̣т̣хийа̄ садит̣т̣хикоти? а̄манта̄. путхуджджанасса атӣта̄ сакка̄йадит̣т̣хи аттхи, на ча путхуджджано та̄йа дит̣т̣хийа̄ садит̣т̣хикоти? на хевам̣ ваттаббе…пе… ана̄га̄мисса атӣта̄ вичикиччха̄ аттхи…пе… атӣто ан̣усахагато бйа̄па̄до аттхи, на ча ана̄га̄мӣ тена бйа̄па̄дена бйа̄панначиттоти? а̄манта̄. путхуджджанасса атӣто ан̣усахагато бйа̄па̄до аттхи, на ча путхуджджано тена бйа̄па̄дена бйа̄панначиттоти? на хевам̣ ваттаббе…пе….

сакада̄га̄мисса атӣта̄ сакка̄йадит̣т̣хи аттхи, на ча сакада̄га̄мӣ та̄йа дит̣т̣хийа̄ садит̣т̣хикоти? а̄манта̄. путхуджджанасса атӣта̄ сакка̄йадит̣т̣хи аттхи, на ча путхуджджано та̄йа дит̣т̣хийа̄ садит̣т̣хикоти? на хевам̣ ваттаббе…пе… сакада̄га̄мисса атӣта̄ вичикиччха̄ аттхи…пе… атӣто ол̣а̄рико бйа̄па̄до аттхи, на ча сакада̄га̄мӣ тена бйа̄па̄дена бйа̄панначиттоти? а̄манта̄. путхуджджанасса атӣто ол̣а̄рико бйа̄па̄до аттхи, на ча путхуджджано тена бйа̄па̄дена бйа̄панначиттоти? на хевам̣ ваттаббе…пе….

сота̄паннасса атӣта̄ сакка̄йадит̣т̣хи аттхи, на ча сота̄панно та̄йа дит̣т̣хийа̄ садит̣т̣хикоти? а̄манта̄. путхуджджанасса атӣта̄ сакка̄йадит̣т̣хи аттхи, на ча путхуджджано та̄йа дит̣т̣хийа̄ садит̣т̣хикоти? на хевам̣ ваттаббе…пе… сота̄паннасса атӣта̄ вичикиччха̄ аттхи…пе… атӣто апа̄йагаманӣйо мохо аттхи, на ча сота̄панно тена мохена самохоти? а̄манта̄. путхуджджанасса атӣто апа̄йагаманӣйо мохо аттхи, на ча путхуджджано тена мохена самохоти? на хевам̣ ваттаббе…пе….

атӣтахаттха̄дикатха̄

293. атӣта̄ хаттха̄ аттхӣти? а̄манта̄. атӣтесу хаттхесу сати а̄да̄наниккхепанам̣ пан̃н̃а̄йатӣти? на хевам̣ ваттаббе…пе… атӣта̄ па̄да̄ аттхӣти? а̄манта̄. атӣтесу па̄десу сати абхиккамапат̣иккамо пан̃н̃а̄йатӣти? на хевам̣ ваттаббе…пе… атӣта̄ пабба̄ аттхӣти? а̄манта̄. атӣтесу паббесу сати самин̃джанапаса̄ран̣ам̣ пан̃н̃а̄йатӣти? на хевам̣ ваттаббе…пе… атӣто куччхи аттхӣти? а̄манта̄. атӣтасмим̣ куччхисмим̣ сати джигхаччха̄ пипа̄са̄ пан̃н̃а̄йатӣти? на хевам̣ ваттаббе…пе….

атӣто ка̄йо аттхӣти? а̄манта̄. атӣто ка̄йо паггаханиггахупаго чхеданабхеданупаго ка̄кехи гиджджхехи кулалехи са̄дха̄ран̣оти? на хевам̣ ваттаббе…пе… атӣте ка̄йе висам̣ камеййа, саттхам̣ камеййа, агги камеййа̄ти? на хевам̣ ваттаббе…пе… лаббха̄ атӣто ка̄йо аддубандханена бандхитум̣, раджджубандханена бандхитум̣, сан̇кхаликабандханена бандхитум̣, га̄мабандханена бандхитум̣, нигамабандханена бандхитум̣, нагарабандханена бандхитум̣, джанападабандханена бандхитум̣, кан̣т̣хапан̃чамехи бандханехи бандхитунти? на хевам̣ ваттаббе…пе….

атӣто а̄по аттхӣти? а̄манта̄. тена а̄пена а̄пакаран̣ӣйам̣ каротӣти? на хевам̣ ваттаббе…пе… атӣто теджо аттхӣти? а̄манта̄. тена теджена теджакаран̣ӣйам̣ каротӣти? на хевам̣ ваттаббе…пе… атӣто ва̄йо аттхӣти? а̄манта̄. тена ва̄йена ва̄йакаран̣ӣйам̣ каротӣти? на хевам̣ ваттаббе…пе….

атӣтаккхандха̄дисамодха̄накатха̄

294. атӣто рӯпаккхандхо аттхи, ана̄гато рӯпаккхандхо аттхи, паччуппанно рӯпаккхандхо аттхӣти? а̄манта̄. тайо рӯпаккхандха̄ти? на хевам̣ ваттаббе …пе… атӣта̄ пан̃чаккхандха̄ аттхи, ана̄гата̄ пан̃чаккхандха̄ аттхи, паччуппанна̄ пан̃чаккхандха̄ аттхӣти? а̄манта̄. паннарасаккхандха̄ти? на хевам̣ ваттаббе…пе….

атӣтам̣ чаккха̄йатанам̣ аттхи, ана̄гатам̣ чаккха̄йатанам̣ аттхи, паччуппаннам̣ чаккха̄йатанам̣ аттхӣти? а̄манта̄. тӣн̣и чаккха̄йатана̄нӣти? на хевам̣ ваттаббе…пе… атӣта̄ни два̄даса̄йатана̄ни аттхи, ана̄гата̄ни два̄даса̄йатана̄ни аттхи, паччуппанна̄ни два̄даса̄йатана̄ни аттхӣти? а̄манта̄. чхаттим̣са̄йатана̄нӣти? на хевам̣ ваттаббе…пе….

атӣта̄ чаккхудха̄ту аттхи, ана̄гата̄ чаккхудха̄ту аттхи, паччуппанна̄ чаккхудха̄ту аттхӣти? а̄манта̄. тиссо чаккхудха̄туйоти? на хевам̣ ваттаббе…пе… атӣта̄ ат̣т̣ха̄раса дха̄туйо аттхи, ана̄гата̄ ат̣т̣ха̄раса дха̄туйо аттхи, паччуппанна̄ ат̣т̣ха̄раса дха̄туйо аттхӣти? а̄манта̄. чатупан̃н̃а̄са дха̄туйоти? на хевам̣ ваттаббе…пе….

атӣтам̣ чаккхундрийам̣ аттхи, ана̄гатам̣ чаккхундрийам̣ аттхи, паччуппаннам̣ чаккхундрийам̣ аттхӣти? а̄манта̄. тӣн̣и чаккхундрийа̄нӣти? на хевам̣ ваттаббе…пе… атӣта̄ни ба̄вӣсатиндрийа̄ни аттхи, ана̄гата̄ни ба̄вӣсатиндрийа̄ни аттхи, паччуппанна̄ни ба̄вӣсатиндрийа̄ни аттхӣти? а̄манта̄. чхасат̣т̣хиндрийа̄нӣти? на хевам̣ ваттаббе…пе….

атӣто ра̄джа̄ чаккаваттӣ аттхи, ана̄гато ра̄джа̄ чаккаваттӣ аттхи, паччуппанно ра̄джа̄ чаккаваттӣ аттхӣти? а̄манта̄. тин̣н̣аннам̣ ра̄джӯнам̣ чаккаваттӣнам̣ саммукхӣбха̄во хотӣти? на хевам̣ ваттаббе…пе….

атӣто самма̄саммуддхо аттхи, ана̄гато самма̄самбуддхо аттхи, паччуппанно самма̄самбуддхо аттхӣти? а̄манта̄. тин̣н̣аннам̣ самма̄самбуддха̄нам̣ саммукхӣбха̄во хотӣти? на хевам̣ ваттаббе…пе….

падасодханакатха̄

295. атӣтам̣ аттхӣти? а̄манта̄. аттхи атӣтанти? аттхи сийа̄ атӣтам̣, сийа̄ нва̄тӣтанти.

а̄джа̄на̄хи ниггахам̣. хан̃чи атӣтам̣ аттхи, аттхи сийа̄ атӣтам̣, сийа̄ нва̄тӣтам̣, тена̄тӣтам̣ нва̄тӣтам̣, нва̄тӣтам̣ атӣтанти. йам̣ таттха вадеси – ‘‘ваттаббе кхо – ‘атӣтам̣ аттхи аттхи сийа̄ атӣтам̣, сийа̄ нва̄тӣтам̣, тена̄тӣтам̣ нва̄тӣтам̣, нва̄тӣтам̣ атӣта’’’нти миччха̄.

но че пана атӣтам̣ нва̄тӣтам̣ нва̄тӣтам̣ атӣтанти, но ча вата ре ваттаббе – ‘‘атӣтам̣ аттхи аттхи сийа̄ атӣтам̣, сийа̄ нва̄тӣта’’нти. йам̣ таттха вадеси – ‘‘ваттаббе кхо – ‘атӣтам̣ аттхи аттхи сийа̄ атӣтам̣, сийа̄ нва̄тӣтам̣, тена̄тӣтам̣ нва̄тӣтам̣, нва̄тӣтам̣ атӣта’’’нти миччха̄.

ана̄гатам̣ аттхӣти? а̄манта̄. аттхи ана̄гатанти? аттхи сийа̄ ана̄гатам̣, сийа̄ нва̄на̄гатанти.

а̄джа̄на̄хи ниггахам̣. хан̃чи ана̄гатам̣ аттхи аттхи сийа̄ ана̄гатам̣ сийа̄ нва̄на̄гатам̣, тена̄на̄гатам̣ нва̄на̄гатам̣, нва̄на̄гатам̣ ана̄гатанти. йам̣ таттха вадеси – ‘‘ваттаббе кхо – ‘ана̄гатам̣ аттхи аттхи сийа̄ ана̄гатам̣, сийа̄ нва̄на̄гатам̣, тена̄на̄гатам̣ нва̄на̄гатам̣, нва̄на̄гатам̣ ана̄гата’’’нти миччха̄.

но че пана̄на̄гатам̣ нва̄на̄гатам̣ нва̄на̄гатам̣ ана̄гатанти, но ча вата ре ваттаббе – ‘‘ана̄гатам̣ аттхи аттхи сийа̄ ана̄гатам̣, сийа̄ нва̄на̄гата’’нти. йам̣ таттха вадеси – ‘‘ваттаббе кхо – ‘ана̄гатам̣ аттхи аттхи сийа̄ ана̄гатам̣, сийа̄ нва̄на̄гатам̣, тена̄на̄гатам̣ нва̄на̄гатам̣, нва̄на̄гатам̣ ана̄гата’’’нти миччха̄.

паччуппаннам̣ аттхӣти, а̄манта̄. аттхи паччуппаннанти? аттхи сийа̄ паччуппаннам̣, сийа̄ но паччуппаннанти.

а̄джа̄на̄хи ниггахам̣. хан̃чи паччуппаннам̣ аттхи аттхи сийа̄ паччуппаннам̣, сийа̄ но паччуппаннам̣, тена паччуппаннам̣, но паччуппаннам̣, но паччуппаннам̣ паччуппаннанти. йам̣ таттха вадеси – ‘‘ваттаббе кхо – ‘паччуппаннам̣ аттхи аттхи сийа̄ паччуппаннам̣, сийа̄ но паччуппаннам̣, тена паччуппаннам̣ но паччуппаннам̣, но паччуппаннам̣ паччуппанна’’’нти миччха̄.

но че пана паччуппаннам̣ но паччуппаннам̣, но паччуппаннам̣ паччуппаннанти, но ча вата ре ваттаббе – ‘‘паччуппаннам̣ аттхи аттхи сийа̄ паччуппаннам̣, сийа̄ но паччуппанна’’нти. йам̣ таттха вадеси – ‘‘ваттаббе кхо – ‘паччуппаннам̣ аттхи аттхи сийа̄ паччуппаннам̣, сийа̄ но паччуппаннам̣, тена паччуппаннам̣ но паччуппаннам̣, но паччуппаннам̣ паччуппанна’’’нти миччха̄.

нибба̄нам̣ аттхӣти? а̄манта̄. аттхи нибба̄нанти? аттхи сийа̄ нибба̄нам̣ сийа̄ но нибба̄нанти.

а̄джа̄на̄хи ниггахам̣. хан̃чи нибба̄нам̣ аттхи аттхи сийа̄ нибба̄нам̣, сийа̄ но нибба̄нам̣, тена нибба̄нам̣ но нибба̄нам̣, но нибба̄нам̣ нибба̄нанти. йам̣ таттха вадеси – ‘‘ваттаббе кхо – ‘нибба̄нам̣ аттхи аттхи сийа̄ нибба̄нам̣, сийа̄ но нибба̄нам̣, тена нибба̄нам̣ но нибба̄нам̣, но нибба̄нам̣ нибба̄на’’’нти миччха̄.

но че пана нибба̄нам̣ но нибба̄нам̣, но нибба̄нам̣ нибба̄нанти, но ча вата ре ваттаббе – ‘‘нибба̄нам̣ аттхи аттхи сийа̄ нибба̄нам̣, сийа̄ но нибба̄на’’нти. йам̣ таттха вадеси – ‘‘ваттаббе кхо – ‘нибба̄нам̣ аттхи аттхи сийа̄ нибба̄нам̣, сийа̄ но нибба̄нам̣, тена нибба̄нам̣ но нибба̄нам̣, но нибба̄нам̣ нибба̄на’’’нти миччха̄.

суттаса̄дханам̣

296. на ваттаббам̣ – ‘‘атӣтам̣ аттхи, ана̄гатам̣ аттхӣ’’ти? а̄манта̄. нану вуттам̣ бхагавата̄ – ‘‘йам̣ кин̃чи, бхиккхаве, рӯпам̣ атӣта̄на̄гатапаччуппаннам̣ аджджхаттам̣ ва̄ бахиддха̄ ва̄ ол̣а̄рикам̣ ва̄ сукхумам̣ ва̄ хӣнам̣ ва̄ пан̣ӣтам̣ ва̄ йам̣ дӯре сантике ва̄ – айам̣ вуччати рӯпаккхандхо. йа̄ ка̄чи ведана̄… йа̄ ка̄чи сан̃н̃а̄… йе кечи сан̇кха̄ра̄… йам̣ кин̃чи вин̃н̃а̄н̣ам̣ атӣта̄на̄гатапаччуппаннам̣ аджджхаттам̣ ва̄ бахиддха̄ ва̄ ол̣а̄рикам̣ ва̄ сукхумам̣ ва̄ хӣнам̣ ва̄ пан̣ӣтам̣ ва̄ йам̣ дӯре сантике ва̄ – айам̣ вуччати вин̃н̃а̄н̣аккхандхо’’ти [сам̣. ни. 3.48]. аттхева суттантоти? а̄манта̄. тена хи атӣтам̣ аттхи, ана̄гатам̣ аттхӣти.

атӣтам̣ аттхи, ана̄гатам̣ аттхӣти? а̄манта̄. нану вуттам̣ бхагавата̄ – ‘‘тайоме, бхиккхаве, нируттипатха̄ адхивачанапатха̄ пан̃н̃аттипатха̄ асан̇кин̣н̣а̄ асан̇кин̣н̣апубба̄ на сан̇кийанти на сан̇кийиссанти аппат̣икут̣т̣ха̄ саман̣ехи бра̄хман̣ехи вин̃н̃ӯхи. катаме тайо? йам̣, бхиккхаве, рӯпам̣ атӣтам̣ нируддхам̣ вигатам̣ випарин̣атам̣ ‘ахосӣ’ти тасса сан̇кха̄, ‘ахосӣ’ти тасса саман̃н̃а̄, ‘ахосӣ’ти тасса пан̃н̃атти; на тасса сан̇кха̄ ‘аттхӣ’ти, на тасса сан̇кха̄ ‘бхависсатӣ’ти. йа̄ ведана̄…пе… йа̄ сан̃н̃а̄… йе сан̇кха̄ра̄… йам̣ вин̃н̃а̄н̣ам̣ атӣтам̣ нируддхам̣ вигатам̣ випарин̣атам̣ ‘ахосӣ’ти тасса сан̇кха̄, ‘ахосӣ’ти тасса саман̃н̃а̄, ‘ахосӣ’ти тасса пан̃н̃атти; на тасса сан̇кха̄ ‘аттхӣ’ти, на тасса сан̇кха̄ ‘бхависсатӣ’ти.

‘‘йам̣, бхиккхаве, рӯпам̣ аджа̄там̣ апа̄тубхӯтам̣ ‘бхависсатӣ’ти тасса сан̇кха̄, ‘бхависсатӣ’ти тасса саман̃н̃а̄, ‘бхависсатӣ’ти тасса пан̃н̃атти; на тасса сан̇кха̄ ‘аттхӣ’ти, на тасса сан̇кха̄ ‘ахосӣ’ти. йа̄ ведана̄…пе… йа̄ сан̃н̃а̄… йе сан̇кха̄ра̄… йам̣ вин̃н̃а̄н̣ам̣ аджа̄там̣ апа̄тубхӯтам̣ ‘бхависсатӣ’ти тасса сан̇кха̄, ‘бхависсатӣ’ти тасса саман̃н̃а̄, ‘бхависсатӣ’ти тасса пан̃н̃атти; на тасса сан̇кха̄ ‘аттхӣ’ти, на тасса сан̇кха̄ ‘ахосӣ’ти.

‘‘йам̣, бхиккхаве, рӯпам̣ джа̄там̣ па̄тубхӯтам̣ ‘аттхӣ’ти тасса сан̇кха̄, ‘аттхӣ’ти тасса саман̃н̃а̄, ‘аттхӣ’ти тасса пан̃н̃атти; на тасса сан̇кха̄ ‘ахосӣ’ти, на тасса сан̇кха̄ ‘бхависсатӣ’ти. йа̄ ведана̄…пе… йа̄ сан̃н̃а̄… йе сан̇кха̄ра̄… йам̣ вин̃н̃а̄н̣ам̣ джа̄там̣ па̄тубхӯтам̣ ‘аттхӣ’ти тасса сан̇кха̄, ‘аттхӣ’ти тасса саман̃н̃а̄, ‘аттхӣ’ти тасса пан̃н̃атти; на тасса сан̇кха̄ ‘ахосӣ’ти, на тасса сан̇кха̄ ‘бхависсатӣ’ти. име кхо, бхиккхаве, тайо нируттипатха̄ адхивачанапатха̄ пан̃н̃аттипатха̄ асан̇кин̣н̣а̄ асан̇кин̣н̣апубба̄ на сан̇кийанти на сан̇кийиссанти аппат̣икут̣т̣ха̄ саман̣ехи бра̄хман̣ехи вин̃н̃ӯхи.

‘‘йепи те, бхиккхаве, ахесум̣ уккала̄ вассабхан̃н̃а̄ ахетукава̄да̄ акирийава̄да̄ наттхикава̄да̄, тепиме тайо нируттипатхе адхивачанапатхе пан̃н̃аттипатхе на гарахитаббам̣ на пат̣иккоситаббам̣ аман̃н̃им̣су. там̣ кисса хету? нинда̄бйа̄росаупа̄рамбхабхайа̄’’ти [сам̣йуттаника̄йе]. аттхева суттантоти? а̄манта̄. тена хи на ваттаббам̣ – ‘‘атӣтам̣ аттхи, ана̄гатам̣ аттхӣ’’ти.

атӣтам̣ аттхӣти? а̄манта̄. нану а̄йасма̄ пхаггуно бхагавантам̣ етадавоча – ‘‘аттхи ну кхо там̣, бханте, чаккхум̣ йена чаккхуна̄ атӣте буддхе париниббуте чхиннапапан̃че чхиннават̣уме парийа̄диннават̣т̣е саббадуккхавӣтиватте пан̃н̃а̄пайама̄но пан̃н̃а̄пеййа̄ти. аттхи ну кхо са̄, бханте, дживха̄…пе… аттхи ну кхо со, бханте, мано йена манена атӣте буддхе париниббуте чхиннапапан̃че чхиннават̣уме парийа̄диннават̣т̣е саббадуккхавӣтиватте пан̃н̃а̄пайама̄но пан̃н̃а̄пеййа̄’’ти.

‘‘наттхи кхо там̣, пхаггуна, чаккхум̣ йена чаккхуна̄ атӣте буддхе париниббуте чхиннапапан̃че чхиннават̣уме парийа̄диннават̣т̣е саббадуккхавӣтиватте пан̃н̃а̄пайама̄но пан̃н̃а̄пеййа. наттхи кхо са̄, пхаггуна, дживха̄…пе… наттхи ну кхо со, пхаггуна, мано йена манена атӣте буддхе париниббуте чхиннапапан̃че чхиннават̣уме парийа̄диннават̣т̣е саббадуккхавӣтиватте пан̃н̃а̄пайама̄но пан̃н̃а̄пеййа̄’’ти [сам̣. ни. 4.83]. аттхева суттантоти? а̄манта̄. тена хи на ваттаббам̣ – ‘‘атӣтам̣ аттхӣ’’ти.

атӣтам̣ аттхӣти? а̄манта̄. нану а̄йасма̄ нандако етадавоча – ‘‘аху пуббе лобхо тадаху акусалам̣, со етарахи наттхи, иччетам̣ кусалам̣. аху пуббе досо… аху пуббе мохо, тадаху акусалам̣, со етарахи наттхи, иччетам̣ кусала’’нти [ан̇гуттараника̄йе]. аттхева суттантоти? а̄манта̄. тена хи на ваттаббам̣ – ‘‘атӣтам̣ аттхӣ’’ти.

на ваттаббам̣ – ‘‘ана̄гатам̣ аттхӣ’’ти? а̄манта̄. нану вуттам̣ бхагавата̄ – ‘‘кабал̣ӣка̄ре че, бхиккхаве, а̄ха̄ре аттхи ра̄го, аттхи нандӣ, аттхи тан̣ха̄; патит̣т̣хитам̣ таттха вин̃н̃а̄н̣ам̣ вирӯл̣хам̣. йаттха патит̣т̣хитам̣ вин̃н̃а̄н̣ам̣ вирӯл̣хам̣, аттхи таттха на̄марӯпасса авакканти. йаттха аттхи на̄марӯпасса авакканти, аттхи таттха сан̇кха̄ра̄нам̣ вуддхи. йаттха аттхи сан̇кха̄ра̄нам̣ вуддхи, аттхи таттха а̄йатим̣ пунаббхава̄бхиниббатти. йаттха аттхи а̄йатим̣ пунаббхава̄бхиниббатти, аттхи таттха а̄йатим̣ джа̄тиджара̄маран̣ам̣. йаттха аттхи а̄йатим̣ джа̄тиджара̄маран̣ам̣, сасокам̣ там̣, бхиккхаве, сараджам̣ [садарам̣ (сам̣. ни. 2.64) тадева йуттатарам̣] саупа̄йа̄санти вада̄ми.

‘‘пхассе че, бхиккхаве, а̄ха̄ре… маносан̃четана̄йа че, бхиккхаве, а̄ха̄ре… вин̃н̃а̄н̣е че, бхиккхаве, а̄ха̄ре аттхи ра̄го, аттхи нандӣ…пе… сараджам̣ саупа̄йа̄санти вада̄мӣ’’ти [сам̣. ни. 2.64]. аттхева суттантоти? а̄манта̄. тена хи ана̄гатам̣ аттхӣти.

ана̄гатам̣ аттхӣти? а̄манта̄. нану вуттам̣ бхагавата̄ – ‘‘кабал̣ӣка̄ре че, бхиккхаве, а̄ха̄ре наттхи ра̄го, наттхи нандӣ, наттхи тан̣ха̄; аппатит̣т̣хитам̣ таттха вин̃н̃а̄н̣ам̣ авирӯл̣хам̣. йаттха вин̃н̃а̄н̣ам̣ аппатит̣т̣хитам̣ авирӯл̣хам̣, наттхи таттха на̄марӯпасса авакканти. йаттха наттхи на̄марӯпасса авакканти, наттхи таттха сан̇кха̄ра̄нам̣ вуддхи. йаттха наттхи сан̇кха̄ра̄нам̣ вуддхи, наттхи таттха а̄йатим̣ пунаббхава̄бхиниббатти. йаттха наттхи а̄йатим̣ пунаббхава̄бхиниббатти, наттхи таттха а̄йатим̣ джа̄тиджара̄маран̣ам̣. йаттха наттхи а̄йатим̣ джа̄тиджара̄маран̣ам̣, асокам̣ там̣, бхиккхаве, араджам̣ анупа̄йа̄санти вада̄ми.

‘‘пхассе че, бхиккхаве, а̄ха̄ре… маносан̃четана̄йа че, бхиккхаве, а̄ха̄ре… вин̃н̃а̄н̣е че, бхиккхаве, а̄ха̄ре наттхи ра̄го, наттхи нандӣ…пе… араджам̣ анупа̄йа̄санти вада̄мӣ’’ти [сам̣. ни. 2.64]. аттхева суттантоти? а̄манта̄. тена хи на ваттаббам̣ – ‘‘ана̄гатам̣ аттхӣ’’ти.

саббаматтхӣтикатха̄ нит̣т̣хита̄.