23. тевӣсатимавагго

(226) 9. апариниппханнакатха̄

917. рӯпам̣ апариниппханнанти? а̄манта̄. рӯпам̣ на аниччам̣ на сан̇кхатам̣ на пат̣иччасамуппаннам̣ на кхайадхаммам̣ на вайадхаммам̣ на вира̄гадхаммам̣ на ниродхадхаммам̣ на випарин̣а̄мадхамманти? на хевам̣ ваттаббе…пе… нану рӯпам̣ аниччам̣ сан̇кхатам̣ пат̣иччасамуппаннам̣ кхайадхаммам̣ вайадхаммам̣ вира̄гадхаммам̣ ниродхадхаммам̣ випарин̣а̄мадхамманти? а̄манта̄. хан̃чи рӯпам̣ аниччам̣ сан̇кхатам̣…пе… випарин̣а̄мадхаммам̣, но ча вата ре ваттаббе – ‘‘рӯпам̣ апариниппханна’’нти.

дуккхан̃н̃ева париниппханнанти? а̄манта̄. нану йаданиччам̣ там̣ дуккхам̣ [сам̣. ни. 3.15] вуттам̣ бхагавата̄ – ‘‘рӯпам̣ аничча’’нти? а̄манта̄. хан̃чи йаданиччам̣ там̣ дуккхам̣ вуттам̣ бхагавата̄ – ‘‘рӯпам̣ аниччам̣’’, но ча вата ре ваттаббе – ‘‘дуккхан̃н̃ева париниппханна’’нти…пе….

918. ведана̄ …пе… сан̃н̃а̄… сан̇кха̄ра̄… вин̃н̃а̄н̣ам̣… чаккха̄йатанам̣…пе… дхамма̄йатанам̣… чаккхудха̄ту… дхаммадха̄ту… чаккхундрийам̣…пе… ан̃н̃а̄та̄виндрийам̣ апариниппханнанти? а̄манта̄. ан̃н̃а̄та̄виндрийам̣ на аниччам̣…пе… на випарин̣а̄мадхамманти? на хевам̣ ваттаббе…пе… нану ан̃н̃а̄та̄виндрийам̣ аниччам̣ сан̇кхатам̣…пе… випарин̣а̄мадхамманти? а̄манта̄. хан̃чи ан̃н̃а̄та̄виндрийам̣ аниччам̣ сан̇кхатам̣ пат̣иччасамуппаннам̣ кхайадхаммам̣ вайадхаммам̣ вира̄гадхаммам̣ ниродхадхаммам̣ випарин̣а̄мадхаммам̣, но ча вата ре ваттаббе – ‘‘ан̃н̃а̄та̄виндрийам̣ апариниппханна’’нти.

дуккхан̃н̃ева париниппханнанти? а̄манта̄. нану йаданиччам̣ там̣ дуккхам̣ вуттам̣ бхагавата̄ – ‘‘ан̃н̃а̄та̄виндрийам̣ аничча’’нти? а̄манта̄. хан̃чи йаданиччам̣ там̣ дуккхам̣ вуттам̣ бхагавата̄ – ‘‘ан̃н̃а̄та̄виндрийам̣ аниччам̣’’, но ча вата ре ваттаббе – ‘‘дуккхан̃н̃ева париниппханна’’нти.

апариниппханнакатха̄ нит̣т̣хита̄.

тевӣсатимавагго.

тассудда̄нам̣ –

ека̄дхиппа̄йена метхуно дхаммо пат̣исевитаббо, араханта̄нам̣ ван̣н̣ена аманусса̄ метхунам̣ дхаммам̣ пат̣исеванти, бодхисатто иссарийака̄мака̄рика̄хету винипа̄там̣ гаччхати, габбхасеййам̣ оккамати, дуккарака̄рикам̣ ака̄си, апарантапам̣ ака̄си, ан̃н̃ам̣ саттха̄рам̣ уддиси, аттхи на ра̄го ра̄гапатирӯпако аттхи на досо досапатирӯпако аттхи на мохо мохапатирӯпако аттхи на килесо килесапатирӯпако, рӯпам̣ апариниппханнам̣ ан̃н̃а̄та̄виндрийам̣ апариниппханнанти.

кхуддако ад̣д̣хапан̣н̣а̄сако.

тассудда̄нам̣ –

навам̣, ниббути, ека̄дхиппа̄йоти.

пан̣н̣а̄сакудда̄нам̣ –

маха̄нийа̄мо, анусайа̄, ниггахо, кхуддакапан̃чамо;

параппава̄дамаддана̄, суттамӯласама̄хита̄;

уджджотана̄ саттхусамайе, катха̄ваттхупакаран̣ети.

пан̃чаттим̣сабха̄н̣ава̄рам̣

катха̄ваттхупакаран̣ам̣ нит̣т̣хитам̣.