3. одхисокатха̄

274. одхисодхисо килесе джахатӣти? а̄манта̄. сота̄паттипхаласаччхикирийа̄йа пат̣ипанно пуггало дуккхадассанена ким̣ джахатӣти? сакка̄йадит̣т̣хим̣ вичикиччхам̣ сӣлаббатапара̄ма̄сам̣ тадекат̣т̣хе ча килесе екадесе джахатӣти. екадесам̣ сота̄панно, екадесам̣ на сота̄панно, екадесам̣ сота̄паттипхалаппатто [сота̄паттипхалам̣ патто (?)] пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихарати, екадесам̣ саттаккхаттупарамо, колан̇коло, екабӣджӣ, буддхе авеччаппаса̄дена саманна̄гато, дхамме…пе… сан̇гхе…пе… арийакантехи сӣлехи саманна̄гато екадесам̣ арийакантехи сӣлехи на саманна̄гатоти? на хевам̣ ваттаббе…пе….

самудайадассанена ким̣ джахатӣти? сакка̄йадит̣т̣хим̣ джахати, вичикиччхам̣ сӣлаббатапара̄ма̄сам̣ тадекат̣т̣хе ча килесе екадесе джахатӣти. екадесам̣ сота̄панно, екадесам̣ на сота̄панно…пе… екадесам̣ арийакантехи сӣлехи саманна̄гато, екадесам̣ арийакантехи сӣлехи на саманна̄гатоти? на хевам̣ ваттаббе…пе….

ниродхадассанена ким̣ джахатӣти? вичикиччхам̣ сӣлаббатапара̄ма̄сам̣ тадекат̣т̣хе ча килесе екадесе джахатӣти. екадесам̣ сота̄панно, екадесам̣ на сота̄панно…пе… екадесам̣ арийакантехи сӣлехи саманна̄гато, екадесам̣ арийакантехи сӣлехи на саманна̄гатоти? на хевам̣ ваттаббе…пе….

маггадассанена ким̣ джахатӣти? сӣлаббатапара̄ма̄сам̣ тадекат̣т̣хе ча килесе джахатӣти. екадесам̣ сота̄панно, екадесам̣ на сота̄панно, екадесам̣ сота̄паттипхалаппатто пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихарати, екадесам̣ саттаккхаттупарамо, колан̇коло, екабӣджӣ, буддхе авеччаппаса̄дена саманна̄гато, дхамме…пе… сан̇гхе…пе… арийакантехи сӣлехи саманна̄гато, екадесам̣ арийакантехи сӣлехи на саманна̄гатоти? на хевам̣ ваттаббе…пе….

275. сакада̄га̄мипхаласаччхикирийа̄йа пат̣ипанно пуггало дуккхадассанена ким̣ джахатӣти? ол̣а̄рикам̣ ка̄мара̄гам̣ джахати, ол̣а̄рикам̣ бйа̄па̄дам̣ тадекат̣т̣хе ча килесе екадесе джахатӣти. екадесам̣ сакада̄га̄мӣ, екадесам̣ на сакада̄га̄мӣ, екадесам̣ сакада̄га̄мипхалаппатто [сакада̄га̄мипхалам̣ патто (?)] пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихаратӣти? на хевам̣ ваттаббе…пе….

самудайадассанена ким̣ джахатӣти? ол̣а̄рикам̣ ка̄мара̄гам̣ джахати, ол̣а̄рикам̣ бйа̄па̄дам̣ тадекат̣т̣хе ча килесе екадесе джахатӣти. екадесам̣ сакада̄га̄мӣ, екадесам̣ на сакада̄га̄мӣ, екадесам̣ сакада̄га̄мипхалаппатто пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихаратӣти? на хевам̣ ваттаббе…пе….

ниродхадассанена ким̣ джахатӣти? ол̣а̄рикам̣ бйа̄па̄дам̣ джахати, тадекат̣т̣хе ча килесе екадесе джахатӣти. екадесам̣ сакада̄га̄мӣ, екадесам̣ на сакада̄га̄мӣ, екадесам̣ сакада̄га̄мипхалаппатто пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихаратӣти? на хевам̣ ваттаббе…пе….

маггадассанена ким̣ джахатӣти? ол̣а̄рикам̣ бйа̄па̄дам̣ джахати, тадекат̣т̣хе ча килесе джахатӣти. екадесам̣ сакада̄га̄мӣ, екадесам̣ на сакада̄га̄мӣ, екадесам̣ сакада̄га̄мипхалаппатто пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихаратӣти? на хевам̣ ваттаббе…пе….

276. ана̄га̄мипхаласаччхикирийа̄йа пат̣ипанно пуггало дуккхадассанена ким̣ джахатӣти? ан̣усахагатам̣ ка̄мара̄гам̣ джахати, ан̣усахагатам̣ бйа̄па̄дам̣ тадекат̣т̣хе ча килесе екадесе джахатӣти. екадесам̣ ана̄га̄мӣ, екадесам̣ на ана̄га̄мӣ, екадесам̣ ана̄га̄мипхалаппатто [ана̄га̄мипхалам̣ патто (?)] пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихарати, екадесам̣ антара̄паринибба̄йӣ, упахаччапаринибба̄йӣ, асан̇кха̄рапаринибба̄йӣ, сасан̇кха̄рапаринибба̄йӣ, уддхам̣сото аканит̣т̣хага̄мӣ, екадесам̣ на уддхам̣сото аканит̣т̣хага̄мӣти? на хевам̣ ваттаббе…пе….

самудайадассанена ким̣ джахатӣти? ан̣усахагатам̣ ка̄мара̄гам̣ джахати, ан̣усахагатам̣ бйа̄па̄дам̣ тадекат̣т̣хе ча килесе екадесе джахатӣти. екадесам̣ ана̄га̄мӣ, екадесам̣ на ана̄га̄мӣ…пе… екадесам̣ уддхам̣сото аканит̣т̣хага̄мӣ, екадесам̣ на уддхам̣сото аканит̣т̣хага̄мӣти? на хевам̣ ваттаббе…пе….

ниродхадассанена ким̣ джахатӣти? ан̣усахагатам̣ бйа̄па̄дам̣ джахати, тадекат̣т̣хе ча килесе екадесе джахатӣти. екадесам̣ ана̄га̄мӣ, екадесам̣ на ана̄га̄мӣ…пе… екадесам̣ уддхам̣сото аканит̣т̣хага̄мӣ, екадесам̣ на уддхам̣сото аканит̣т̣хага̄мӣти? на хевам̣ ваттаббе…пе….

маггадассанена ким̣ джахатӣти? тадекат̣т̣хе ча килесе джахатӣти. екадесам̣ ана̄га̄мӣ, екадесам̣ на ана̄га̄мӣ, екадесам̣ ана̄га̄мипхалаппатто пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихарати, екадесам̣ антара̄паринибба̄йӣ, упахаччапаринибба̄йӣ, асан̇кха̄рапаринибба̄йӣ, сасан̇кха̄рапаринибба̄йӣ, уддхам̣сото аканит̣т̣хага̄мӣ, екадесам̣ на уддхам̣сото аканит̣т̣хага̄мӣти? на хевам̣ ваттаббе…пе….

277. арахаттасаччхикирийа̄йа пат̣ипанно пуггало дуккхадассанена ким̣ джахатӣти? рӯпара̄гам̣ арӯпара̄гам̣ ма̄нам̣ уддхаччам̣ авиджджам̣ тадекат̣т̣хе ча килесе екадесе джахатӣти. екадесам̣ араха̄, екадесам̣ на араха̄, екадесам̣ арахаттаппатто [арахаттам̣ патто (?)] пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихарати, екадесам̣ вӣтара̄го вӣтадосо вӣтамохо катакаран̣ӣйо охитабха̄ро ануппаттасадаттхо париккхӣн̣абхавасам̣йоджано саммадан̃н̃а̄вимутто уккхиттапалигхо сан̇кин̣н̣апарикхо аббӯл̣хесико нираггал̣о арийо паннаддхаджо паннабха̄ро висан̃н̃утто сувиджитавиджайо, дуккхам̣ тасса парин̃н̃а̄там̣, самудайо пахӣно, ниродхо саччхикато, магго бха̄вито, абхин̃н̃еййам̣ абхин̃н̃а̄там̣, парин̃н̃еййам̣ парин̃н̃а̄там̣, паха̄таббам̣ пахӣнам̣, бха̄ветаббам̣ бха̄витам̣, саччхика̄таббам̣ саччхикатам̣, (екадесам̣ саччхика̄таббам̣ саччхикатам̣,) [( ) (?)] екадесам̣ саччхика̄таббам̣ на саччхикатанти? на хевам̣ ваттаббе…пе….

самудайадассанена ким̣ джахатӣти? рӯпара̄гам̣ арӯпара̄гам̣ джахати, ма̄нам̣ уддхаччам̣ авиджджам̣ тадекат̣т̣хе ча килесе екадесе джахатӣти. екадесам̣ араха̄, екадесам̣ на араха̄…пе… екадесам̣ саччхика̄таббам̣ саччхикатам̣, екадесам̣ саччхика̄таббам̣ на саччхикатанти? на хевам̣ ваттаббе…пе….

ниродхадассанена ким̣ джахатӣти? ма̄нам̣ джахати, уддхаччам̣ авиджджам̣ тадекат̣т̣хе ча килесе екадесе джахатӣти. екадесам̣ араха̄, екадесам̣ на араха̄ …пе… екадесам̣ саччхика̄таббам̣ саччхикатам̣, екадесам̣ саччхика̄таббам̣ на саччхикатанти? на хевам̣ ваттаббе…пе….

маггадассанена ким̣ джахатӣти? уддхаччам̣ авиджджам̣ тадекат̣т̣хе ча килесе джахатӣти. екадесам̣ араха̄, екадесам̣ на араха̄, екадесам̣ арахаттаппатто пат̣иладдхо адхигато саччхикато упасампаджджа вихарати, ка̄йена пхуситва̄ вихарати, екадесам̣ на ка̄йена пхуситва̄ вихарати, екадесам̣ вӣтара̄го вӣтадосо вӣтамохо катакаран̣ӣйо охитабха̄ро ануппаттасадаттхо париккхӣн̣абхавасам̣йоджано саммадан̃н̃а̄вимутто уккхиттапалигхо сан̇кин̣н̣апарикхо аббӯл̣хесико нираггал̣о арийо паннаддхаджо паннабха̄ро висан̃н̃утто сувиджитавиджайо, дуккхам̣ тасса парин̃н̃а̄там̣, самудайо пахӣно, ниродхо саччхикато, магго бха̄вито, абхин̃н̃еййам̣ абхин̃н̃а̄там̣, парин̃н̃еййам̣ парин̃н̃а̄там̣, паха̄таббам̣ пахӣнам̣, бха̄ветаббам̣ бха̄витам̣, саччхика̄таббам̣ саччхикатам̣, екадесам̣ саччхика̄таббам̣ саччхикатам̣, екадесам̣ саччхика̄таббам̣ на саччхикатанти? на хевам̣ ваттаббе…пе….

278. на ваттаббам̣ – ‘‘одхисодхисо килесе джахатӣ’’ти? а̄манта̄. нану вуттам̣ бхагавата̄ –

‘‘анупуббена медха̄вӣ, тхокам̣ тхокам̣ кхан̣е кхан̣е;

камма̄ро раджатассева, ниддхаме маламаттано’’ти [дха. па. 239 дхаммападе].

аттхева суттантоти? а̄манта̄. тена хи на ваттаббам̣ – ‘‘одхисодхисо килесе джахатӣ’’ти.

одхисодхисо килесе джахатӣти? а̄манта̄. нану вуттам̣ бхагавата̄ –

‘‘саха̄васса дассанасампада̄йа,

тайассу дхамма̄ джахита̄ бхаванти;

сакка̄йадит̣т̣хӣ вичикиччхитан̃ча,

сӣлаббатам̣ ва̄пи йадаттхи кин̃чи;

чатӯхапа̄йехи ча виппамутто,

чхачча̄бхит̣ха̄на̄ни абхабба [абхаббо (сӣ. сйа̄.)] ка̄ту’’нти [кху. па̄. 6.10; су. ни. 233].

аттхева суттантоти? а̄манта̄. тена хи на ваттаббам̣ – ‘‘одхисодхисо килесе джахатӣ’’ти.

одхисодхисо килесе джахатӣти? а̄манта̄. нану вуттам̣ бхагавата̄ – ‘‘йасмим̣, бхиккхаве, самайе арийаса̄вакасса вираджам̣ вӣтамалам̣ дхаммачаккхум̣ удапа̄ди – ‘йам̣ кин̃чи самудайадхаммам̣, саббам̣ там̣ ниродхадхамма’нти, саха дассануппа̄да̄, бхиккхаве, арийаса̄вакасса тӣн̣и сам̣йоджана̄ни пахӣйанти – сакка̄йадит̣т̣хи вичикиччха̄ сӣлаббатапара̄ма̄со’’ти [ан̇гуттараника̄йе]. аттхева суттантоти? а̄манта̄. тена хи на ваттаббам̣ – ‘‘одхисодхисо килесе джахатӣ’’ти.

одхисокатха̄ нит̣т̣хита̄.