(186) 1. килесаджаханакатха̄

828. атӣте килесе джахатӣти? а̄манта̄. нируддхам̣ ниродхети, вигатам̣ вигамети, кхӣн̣ам̣ кхепети, аттхан̇гатам̣ аттхан̇гамети, аббхаттхан̇гатам̣ аббхаттхан̇гаметӣти? на хевам̣ ваттаббе…пе… атӣте килесе джахатӣти? а̄манта̄. нану атӣтам̣ нируддханти? а̄манта̄. хан̃чи атӣтам̣ нируддхам̣, но ча вата ре ваттаббе – ‘‘атӣте килесе джахатӣ’’ти. атӣте килесе джахатӣти? а̄манта̄. нану атӣтам̣ наттхӣти? а̄манта̄. хан̃чи атӣтам̣ наттхи, но ча вата ре ваттаббе – ‘‘атӣте килесе джахатӣ’’ти.

829. ана̄гате килесе джахатӣти? а̄манта̄. аджа̄там̣ аджанети, асан̃джа̄там̣ асан̃джанети, аниббаттам̣ аниббаттети, апа̄тубхӯтам̣ апа̄тубха̄ветӣти? на хевам̣ ваттаббе…пе… ана̄гате килесе джахатӣти? а̄манта̄. нану ана̄гатам̣ аджа̄танти? а̄манта̄. хан̃чи ана̄гатам̣ аджа̄там̣, но ча вата ре ваттаббе – ‘‘ана̄гате килесе джахатӣ’’ти. ана̄гате килесе джахатӣти? а̄манта̄. нану ана̄гатам̣ наттхӣти? а̄манта̄. хан̃чи ана̄гатам̣ наттхи, но ча вата ре ваттаббе – ‘‘ана̄гате килесе джахатӣ’’ти.

830. паччуппанне килесе джахатӣти? а̄манта̄. ратто ра̄гам̣ джахати, дут̣т̣хо досам̣ джахати, мӯл̣хо мохам̣ джахати, килит̣т̣хо килесе джахатӣти? на хевам̣ ваттаббе…пе… ра̄гена ра̄гам̣ джахати, досена досам̣ джахати, мохена мохам̣ джахати, килесехи килесе джахатӣти? на хевам̣ ваттаббе…пе….

ра̄го читтасампайутто, магго читтасампайуттоти? а̄манта̄. двиннам̣ читта̄нам̣ самодха̄нам̣ хотӣти? на хевам̣ ваттаббе…пе….

ра̄го акусало, магго кусалоти? а̄манта̄. кусала̄кусала̄ са̄ваджджа̄наваджджа̄ хӣнапан̣ӣта̄ кан̣хасуккасаппат̣ибха̄га̄ дхамма̄ саммукхӣбха̄вам̣ а̄гаччхантӣти? на хевам̣ ваттаббе…пе….

кусала̄кусала̄ са̄ваджджа̄наваджджа̄ хӣнапан̣ӣта̄ кан̣хасуккасаппат̣ибха̄га̄ дхамма̄ саммукхӣбха̄вам̣ а̄гаччхантӣти? а̄манта̄. нану вуттам̣ бхагавата̄ – ‘‘чатта̄рима̄ни, бхиккхаве, сувидӯравидӯра̄ни! катама̄ни чатта̄ри? набхан̃ча, бхиккхаве, патхавӣ ча – идам̣ пат̣хамам̣ сувидӯравидӯрам̣…пе… тасма̄ сатам̣ дхаммо асаббхи а̄рака̄’’ти. аттхева суттантоти? а̄манта̄. тена хи на ваттаббам̣ – ‘‘кусала̄кусала̄…пе… саммукхӣбха̄вам̣ а̄гаччхантӣ’’ти.

831. на ваттаббам̣ – ‘‘атӣте килесе джахати, ана̄гате килесе джахати, паччуппанне килесе джахатӣ’’ти? а̄манта̄. наттхи килесе джахатӣти? на хевам̣ ваттаббе…пе… тена хи атӣте килесе джахати, ана̄гате килесе джахати, паччуппанне килесе джахатӣти.

килесаджаханакатха̄ нит̣т̣хита̄.