17. саттарасамавагго

(168) 3. саббамидам̣ камматотикатха̄

783. саббамидам̣ камматоти? а̄манта̄. каммампи камматоти? на хевам̣ ваттаббе…пе… саббамидам̣ камматоти? а̄манта̄. саббамидам̣ пуббекатахетӯти? на хевам̣ ваттаббе…пе… саббамидам̣ камматоти? а̄манта̄. саббамидам̣ каммавипа̄катоти? на хевам̣ ваттаббе…пе….

784. саббамидам̣ каммавипа̄катоти? а̄манта̄. каммавипа̄кена па̄н̣ам̣ ханеййа̄ти? а̄манта̄. па̄н̣а̄типа̄то сапхалоти? а̄манта̄. каммавипа̄ко сапхалоти? на хевам̣ ваттаббе…пе… каммавипа̄ко апхалоти? а̄манта̄. па̄н̣а̄типа̄то апхалоти? на хевам̣ ваттаббе…пе….

каммавипа̄кена адиннам̣ а̄дийеййа…пе… муса̄ бхан̣еййа… писун̣ам̣ бхан̣еййа… пхарусам̣ бхан̣еййа… сампхам̣ палапеййа… сандхим̣ чхиндеййа… ниллопам̣ хареййа… ека̄га̄рикам̣ кареййа… парипантхе тит̣т̣хеййа… парада̄рам̣ гаччхеййа… га̄магха̄такам̣ кареййа… нигамагха̄такам̣ кареййа… каммавипа̄кена да̄нам̣ дадеййа… чӣварам̣ дадеййа … пин̣д̣апа̄там̣ дадеййа… сена̄санам̣ дадеййа… гила̄напаччайабхесаджджапариккха̄рам̣ дадеййа̄ти? а̄манта̄. гила̄напаччайабхесаджджапариккха̄ро сапхалоти? а̄манта̄. каммавипа̄ко сапхалоти? на хевам̣ ваттаббе…пе… каммавипа̄ко апхалоти? а̄манта̄. гила̄напаччайабхесаджджапариккха̄ро апхалоти? на хевам̣ ваттаббе…пе….

785. на ваттаббам̣ – ‘‘саббамидам̣ каммато’’ти? а̄манта̄. нану вуттам̣ бхагавата̄ –

‘‘каммуна̄ ваттатӣ [ваттати (пӣ. ка., ма. ни. 2.460), ваттате (?)] локо, каммуна̄ ваттатӣ [ваттати (пӣ. ка., ма. ни. 2.460), ваттате (?)] паджа̄;

камманибандхана̄ сатта̄, ратхасса̄н̣ӣва йа̄йато [ма. ни. 2.460; су. ни. 659].

‘‘каммена киттим̣ лабхате пасам̣сам̣,

каммена джа̄нин̃ча вадхан̃ча бандхам̣;

там̣ каммам̣ на̄на̄каран̣ам̣ видитва̄,

касма̄ ваде наттхи камманти локе’’ти.

аттхева суттантоти? а̄манта̄. тена хи ‘‘саббамидам̣ каммато’’ти.

саббамидам̣ камматотикатха̄ нит̣т̣хита̄.