15. паннарасамавагго

(148) 4. кхан̣алайамухуттакатха̄

722. кхан̣о париниппханно, лайо париниппханно, мухуттам̣ париниппханнанти? а̄манта̄. рӯпанти? на хевам̣ ваттаббе…пе… ведана̄… сан̃н̃а̄… сан̇кха̄ра̄… вин̃н̃а̄н̣анти? на хевам̣ ваттаббе…пе….

723. на ваттаббам̣ – ‘‘мухуттам̣ париниппханнанти? а̄манта̄. нану вуттам̣ бхагавата̄ – ‘‘тӣн̣има̄ни, бхиккхаве, катха̄ваттхӯни! катама̄ни тӣн̣и? атӣтам̣ ва̄, бхиккхаве, аддха̄нам̣ а̄раббха катхам̣ катхеййа – ‘евам̣ ахоси атӣтамаддха̄на’нти; ана̄гатам̣ ва̄, бхиккхаве, аддха̄нам̣ а̄раббха катхам̣ катхеййа – ‘евам̣ бхависсати ана̄гатамаддха̄на’нти; етарахи ва̄, бхиккхаве, паччуппаннам̣ аддха̄нам̣ а̄раббха катхам̣ катхеййа – ‘евам̣ хоти етарахи паччуппанна’нти. има̄ни кхо, бхиккхаве, тӣн̣и катха̄ваттхӯнӣ’’ти. аттхева суттантоти? а̄манта̄. тена хи мухуттам̣ париниппханнанти.

кхан̣алайамухуттакатха̄ нит̣т̣хита̄.