(145) 1. паччайата̄катха̄

711. паччайата̄ ваваттхита̄ти? а̄манта̄. нану вӣмам̣са̄ хету, со ча адхипатӣти? а̄манта̄. хан̃чи вӣмам̣са̄ хету, со ча адхипати, тена вата ре ваттаббе – ‘‘хетупаччайена паччайо, адхипатипаччайена паччайо’’ти.

нану чханда̄дхипати сахаджа̄та̄нам̣ дхамма̄нам̣ адхипатӣти? а̄манта̄. хан̃чи чханда̄дхипати сахаджа̄та̄нам̣ дхамма̄нам̣ адхипати, тена вата ре ваттаббе – ‘‘адхипатипаччайена паччайо, сахаджа̄тапаччайена паччайо’’ти.

712. нану вӣрийа̄дхипати сахаджа̄та̄нам̣ дхамма̄нам̣ адхипатӣти? а̄манта̄. хан̃чи вӣрийа̄дхипати сахаджа̄та̄нам̣ дхамма̄нам̣ адхипати, тена вата ре ваттаббе – ‘‘адхипатипаччайена паччайо, сахаджа̄тапаччайена паччайо’’ти.

нану вӣрийа̄дхипати сахаджа̄та̄нам̣ дхамма̄нам̣ адхипати, тан̃ча индрийанти? а̄манта̄. хан̃чи вӣрийа̄дхипати сахаджа̄та̄нам̣ дхамма̄нам̣ адхипати, тан̃ча индрийам̣, тена вата ре ваттаббе – ‘‘адхипатипаччайена паччайо, индрийапаччайена паччайо’’ти.

нану вӣрийа̄дхипати сахаджа̄та̄нам̣ дхамма̄нам̣ адхипати, тан̃ча магган̇ганти? а̄манта̄. хан̃чи вӣрийа̄дхипати сахаджа̄та̄нам̣ дхамма̄нам̣ адхипати, тан̃ча магган̇гам̣, тена вата ре ваттаббе – ‘‘адхипатипаччайена паччайо, маггапаччайена паччайо’’ти.

713. нану читта̄дхипати сахаджа̄та̄нам̣ дхамма̄нам̣ адхипатӣти? а̄манта̄. хан̃чи читта̄дхипати сахаджа̄та̄нам̣ дхамма̄нам̣ адхипати, тена вата ре ваттаббе – ‘‘адхипатипаччайена паччайо, сахаджа̄тапаччайена паччайо’’ти.

нану читта̄дхипати сахаджа̄та̄нам̣ дхамма̄нам̣ адхипати, со ча а̄ха̄роти? а̄манта̄. хан̃чи читта̄дхипати сахаджа̄та̄нам̣ дхамма̄нам̣ адхипати, со ча а̄ха̄ро, тена вата ре ваттаббе – ‘‘адхипатипаччайена паччайо, а̄ха̄рапаччайена паччайо’’ти.

нану читта̄дхипати сахаджа̄та̄нам̣ дхамма̄нам̣ адхипати, тан̃ча индрийанти? а̄манта̄. хан̃чи читта̄дхипати сахаджа̄та̄нам̣ дхамма̄нам̣ адхипати, тан̃ча индрийам̣, тена вата ре ваттаббе – ‘‘адхипатипаччайена паччайо, индрийапаччайена паччайо’’ти.

714. нану вӣмам̣са̄дхипати сахаджа̄та̄нам̣ дхамма̄нам̣ адхипатӣти? а̄манта̄. хан̃чи вӣмам̣са̄дхипати сахаджа̄та̄нам̣ дхамма̄нам̣ адхипати, тена вата ре ваттаббе – ‘‘адхипатипаччайена паччайо, сахаджа̄тапаччайена паччайо’’ти.

нану вӣмам̣са̄дхипати сахаджа̄та̄нам̣ дхамма̄нам̣ адхипати, тан̃ча индрийанти? а̄манта̄. хан̃чи вӣмам̣са̄дхипати сахаджа̄та̄нам̣ дхамма̄нам̣ адхипати, тан̃ча индрийам̣, тена вата ре ваттаббе – ‘‘адхипатипаччайена паччайо, индрийапаччайена паччайо’’ти.

нану вӣмам̣са̄дхипати сахаджа̄та̄нам̣ дхамма̄нам̣ адхипати, тан̃ча магган̇ганти? а̄манта̄. хан̃чи вӣмам̣са̄дхипати сахаджа̄та̄нам̣ дхамма̄нам̣ адхипати, тан̃ча магган̇гам̣, тена вата ре ваттаббе – ‘‘адхипатипаччайена паччайо, маггапаччайена паччайо’’ти.

715. нану арийам̣ дхаммам̣ гарум̣ катва̄ уппаджджати паччавеккхан̣а̄, тан̃ча̄рамман̣анти? а̄манта̄. хан̃чи арийам̣ дхаммам̣ гарум̣ катва̄ уппаджджати паччавеккхан̣а̄, тан̃ча̄рамман̣ам̣, тена вата ре ваттаббе – ‘‘адхипатипаччайена паччайо, а̄рамман̣апаччайена паччайо’’ти.

716. нану пурима̄ пурима̄ кусала̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ анантарапаччайена паччайо, са̄ ча а̄севана̄ти? а̄манта̄. хан̃чи пурима̄ пурима̄ кусала̄ дхамма̄ паччхима̄нам̣ паччхима̄нам̣ кусала̄нам̣ дхамма̄нам̣ анантарапаччайена паччайо, са̄ ча а̄севана̄, тена вата ре ваттаббе – ‘‘анантарапаччайена паччайо, а̄севанапаччайена паччайо’’ти.

нану пурима̄ пурима̄ акусала̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ анантарапаччайена паччайо, са̄ ча а̄севана̄ти? а̄манта̄. хан̃чи пурима̄ пурима̄ акусала̄ дхамма̄ паччхима̄нам̣ паччхима̄нам̣ акусала̄нам̣ дхамма̄нам̣ анантарапаччайена паччайо, са̄ ча а̄севана̄, тена вата ре ваттаббе – ‘‘анантарапаччайена паччайо, а̄севанапаччайена паччайо’’ти.

нану пурима̄ пурима̄ кирийа̄бйа̄ката̄ дхамма̄ паччхима̄нам̣ паччхима̄нам̣ кирийа̄бйа̄ката̄нам̣ дхамма̄нам̣ анантарапаччайена паччайо, са̄ ча а̄севана̄ти? а̄манта̄. хан̃чи пурима̄ пурима̄ кирийа̄бйа̄ката̄ дхамма̄ паччхима̄нам̣ паччхима̄нам̣ кирийа̄бйа̄ката̄нам̣ дхамма̄нам̣ анантарапаччайена паччайо, са̄ ча а̄севана̄, тена вата ре ваттаббе – ‘‘анантарапаччайена паччайо, а̄севанапаччайена паччайо’’ти.

717. на ваттаббам̣ – ‘‘паччайата̄ ваваттхита̄’’ти? а̄манта̄. хетупаччайена паччайо хоти, а̄рамман̣апаччайена паччайо хоти, анантарапаччайена паччайо хоти, саманантарапаччайена паччайо хотӣти? на хевам̣ ваттаббе. тена хи паччайата̄ ваваттхита̄ти.

паччайата̄катха̄ нит̣т̣хита̄.