(144) 9. апарийа̄паннакатха̄

709. дит̣т̣хигатам̣ апарийа̄паннанти? а̄манта̄. магго пхалам̣ нибба̄нам̣, сота̄паттимагго сота̄паттипхалам̣, сакада̄га̄мимагго сакада̄га̄мипхалам̣, ана̄га̄мимагго ана̄га̄мипхалам̣, арахаттамагго арахаттапхалам̣, сатипат̣т̣ха̄нам̣ саммаппадха̄нам̣ иддхипа̄до индрийам̣ балам̣ боджджхан̇готи? на хевам̣ ваттаббе…пе….

710. на ваттаббам̣ – ‘‘дит̣т̣хигатам̣ апарийа̄панна’’нти? а̄манта̄. путхуджджано ‘‘ка̄месу вӣтара̄го’’ти ваттабботи? а̄манта̄. ‘‘вигатадит̣т̣хийо’’ти ваттабботи? на хевам̣ ваттаббе. тена хи дит̣т̣хигатам̣ апарийа̄паннанти.

апарийа̄паннакатха̄ нит̣т̣хита̄.

чуддасамавагго.

тассудда̄нам̣ –

акусаламӯлам̣ пат̣исандахати кусаламӯлам̣, кусаламӯлам̣ пат̣исандахати акусаламӯлам̣, сал̣а̄йатанам̣ чхавин̃н̃а̄н̣ака̄йа̄, арийарӯпам̣ маха̄бхӯта̄нам̣ упа̄да̄йа, свева анусайо там̣ парийут̣т̣ха̄нам̣, парийут̣т̣ха̄нам̣ читтавиппайуттам̣, йатха̄дха̄ту тан̃н̃ева анусети, дит̣т̣хигатам̣ абйа̄катам̣, дит̣т̣хигатам̣ апарийа̄паннанти.