14. чуддасамавагго

(143) 8. абйа̄катакатха̄

706. дит̣т̣хигатам̣ абйа̄катанти? а̄манта̄. випа̄ка̄бйа̄катам̣ кирийа̄бйа̄катам̣ рӯпам̣ нибба̄нам̣ чаккха̄йатанам̣…пе… пхот̣т̣хабба̄йатананти? на хевам̣ ваттаббе…пе… дит̣т̣хигатам̣ абйа̄катанти? а̄манта̄. дит̣т̣хигатасампайутто пхассо абйа̄катоти? на хевам̣ ваттаббе…пе… дит̣т̣хигатам̣ абйа̄катанти? а̄манта̄. дит̣т̣хигатасампайутта̄ ведана̄…пе… сан̃н̃а̄…пе… четана̄…пе… читтам̣ абйа̄катанти? на хевам̣ ваттаббе…пе….

дит̣т̣хигатасампайутто пхассо акусалоти? а̄манта̄. дит̣т̣хигатам̣ акусаланти? на хевам̣ ваттаббе…пе… дит̣т̣хигатасампайутта̄ ведана̄ сан̃н̃а̄ четана̄ читтам̣ акусаланти? а̄манта̄. дит̣т̣хигатам̣ акусаланти? на хевам̣ ваттаббе…пе….

707. дит̣т̣хигатам̣ абйа̄катанти? а̄манта̄. апхалам̣ авипа̄канти? на хевам̣ ваттаббе…пе… нану сапхалам̣ савипа̄канти? а̄манта̄. хан̃чи сапхалам̣ савипа̄кам̣, но ча вата ре ваттаббе – ‘‘дит̣т̣хигатам̣ абйа̄ката’’нти.

дит̣т̣хигатам̣ абйа̄катанти? а̄манта̄. нану миччха̄дит̣т̣хипарама̄ни ваджджа̄ни [ан̇гуттараника̄йе] вутта̄ни бхагавата̄ти? а̄манта̄. хан̃чи миччха̄дит̣т̣хипарама̄ни ваджджа̄ни вутта̄ни бхагавата̄, но ча вата ре ваттаббе – ‘‘дит̣т̣хигатам̣ абйа̄ката’’нти.

дит̣т̣хигатам̣ абйа̄катанти? а̄манта̄. нану вуттам̣ бхагавата̄ – ‘‘миччха̄дит̣т̣хи кхо, ваччха, акусала̄ [акусалам̣ (ма. ни. 2.194)], самма̄дит̣т̣хи кусала̄’’ [кусалам̣ (ма. ни. 2.104)] ти [ма. ни. 2.194]! аттхева суттантоти? а̄манта̄. тена хи на ваттаббам̣ – ‘‘дит̣т̣хигатам̣ абйа̄ката’’нти.

дит̣т̣хигатам̣ абйа̄катанти? а̄манта̄. нану вуттам̣ бхагавата̄ – ‘‘миччха̄дит̣т̣хисса кхо ахам̣, пун̣н̣а, двиннам̣ гатӣнам̣ ан̃н̃атарам̣ гатим̣ вада̄ми – нирайам̣ ва̄ тираччха̄найоним̣ ва̄’’ти [ма. ни. 2.79]! аттхева суттантоти? а̄манта̄. тена хи на ваттаббам̣ – ‘‘дит̣т̣хигатам̣ абйа̄ката’’нти.

708. на ваттаббам̣ – ‘‘дит̣т̣хигатам̣ абйа̄ката’’нти? а̄манта̄. нану вуттам̣ бхагавата̄ – ‘‘‘сассато локо’ти кхо, ваччха, абйа̄катаметам̣, ‘асассато локо’ти кхо, ваччха, абйа̄катаметам̣, ‘антава̄ локо’ти кхо, ваччха, абйа̄катаметам̣, ‘анантава̄ локо’ти кхо, ваччха…пе… ‘там̣ джӣвам̣ там̣ сарӣра’нти кхо, ваччха…пе… ‘ан̃н̃ам̣ джӣвам̣ ан̃н̃ам̣ сарӣра’нти кхо, ваччха…пе… ‘хоти татха̄гато парам̣ маран̣а̄’ти кхо, ваччха…пе… ‘на хоти татха̄гато парам̣ маран̣а̄’ти кхо, ваччха…пе… ‘хоти ча на ча хоти татха̄гато парам̣ маран̣а̄’ти кхо, ваччха…пе… ‘нева хоти на на хоти татха̄гато парам̣ маран̣а̄’ти кхо, ваччха, абйа̄катамета’’нти [сам̣. ни. 4.416, тхокам̣ пана висадисам̣]! аттхева суттантоти? а̄манта̄. тена хи дит̣т̣хигатам̣ абйа̄катанти.

дит̣т̣хигатам̣ абйа̄катанти? а̄манта̄. нану вуттам̣ бхагавата̄ – ‘‘миччха̄дит̣т̣хикасса, бхиккхаве, пурисапуггаласса йан̃чева ка̄йакаммам̣ йатха̄дит̣т̣хисаматтам̣ сама̄диннам̣, йан̃ча вачӣкаммам̣…пе… йан̃ча манокаммам̣, йа̄ ча четана̄, йа̄ ча паттхана̄, йо ча пан̣идхи, йе ча сан̇кха̄ра̄, саббе те дхамма̄ анит̣т̣ха̄йа аканта̄йа амана̄па̄йа ахита̄йа дуккха̄йа сам̣ваттантӣ’’ти [а. ни. 1.306]! аттхева суттантоти? а̄манта̄. тена хи на ваттаббам̣ – ‘‘дит̣т̣хигатам̣ абйа̄ката’’нти.

абйа̄катакатха̄ нит̣т̣хита̄.