(141) 6. парийут̣т̣ха̄нам̣ читтавиппайуттантикатха̄

702. парийут̣т̣ха̄нам̣ читтавиппайуттанти? а̄манта̄. рӯпам̣ нибба̄нам̣ чаккха̄йатанам̣…пе… пхот̣т̣хабба̄йатананти? на хевам̣ ваттаббе…пе… парийут̣т̣ха̄нам̣ читтавиппайуттанти? а̄манта̄. наттхи сара̄гам̣ читтам̣ садосам̣ читтам̣ самохам̣ читтам̣…пе… акусалам̣ читтам̣ сам̣килит̣т̣хам̣ читтанти? на хевам̣ ваттаббе…пе… нану аттхи сара̄гам̣ читтам̣ садосам̣ читтам̣ самохам̣ читтам̣…пе… акусалам̣ читтам̣ сам̣килит̣т̣хам̣ читтанти? а̄манта̄. хан̃чи аттхи сара̄гам̣ читтам̣ садосам̣ читтам̣ самохам̣ читтам̣…пе… акусалам̣ читтам̣ сам̣килит̣т̣хам̣ читтам̣, но ча вата ре ваттаббе – ‘‘парийут̣т̣ха̄нам̣ читтавиппайутта’’нти.

парийут̣т̣ха̄нам̣ читтавиппайуттантикатха̄ нит̣т̣хита̄.