(136) 1. кусала̄кусалапат̣исандаханакатха̄

686. акусаламӯлам̣ пат̣исандахати кусаламӯланти? а̄манта̄. йа̄ акусаласса уппа̄да̄йа а̄ват̣т̣ана̄…пе… пан̣идхи, са̄ва кусаласса уппа̄да̄йа а̄ват̣т̣ана̄…пе… пан̣идхӣти? на хевам̣ ваттаббе…пе….

акусаламӯлам̣ пат̣исандахати кусаламӯлам̣, на ваттаббам̣ – ‘‘йа̄ акусаласса уппа̄да̄йа а̄ват̣т̣ана̄…пе… пан̣идхи, са̄ва кусаласса уппа̄да̄йа а̄ват̣т̣ана̄…пе… пан̣идхӣ’’ти? а̄манта̄. кусалам̣ ана̄ват̣т̣ентасса [ана̄ват̣т̣антасса (сӣ. пӣ. ка.), ана̄ваджджантасса (сйа̄. кам̣.)] уппаджджати …пе… аппан̣идахантасса уппаджджатӣти? на хевам̣ ваттаббе…пе… нану кусалам̣ а̄ват̣т̣ентасса уппаджджати…пе… пан̣идахантасса уппаджджатӣти? а̄манта̄. хан̃чи кусалам̣ а̄ват̣т̣ентасса уппаджджати…пе… пан̣идахантасса уппаджджати, но ча вата ре ваттаббе – ‘‘акусаламӯлам̣ пат̣исандахати кусаламӯла’’нти.

687. акусаламӯлам̣ пат̣исандахати кусаламӯланти? а̄манта̄. акусаламӯлам̣ айонисо манасикарото уппаджджатӣти? а̄манта̄. кусалам̣ айонисо манасикарото уппаджджатӣти? на хевам̣ ваттаббе…пе… нану кусалам̣ йонисо манасикарото уппаджджатӣти? а̄манта̄. хан̃чи кусалам̣ йонисо манасикарото уппаджджати, но ча вата ре ваттаббе – ‘‘акусаламӯлам̣ пат̣исандахати кусаламӯла’’нти.

акусаламӯлам̣ пат̣исандахати кусаламӯланти? а̄манта̄. ка̄масан̃н̃а̄йа анантара̄ неккхаммасан̃н̃а̄ уппаджджати, бйа̄па̄дасан̃н̃а̄йа анантара̄ абйа̄па̄дасан̃н̃а̄ уппаджджати, вихим̣са̄сан̃н̃а̄йа анантара̄ авихим̣са̄сан̃н̃а̄ уппаджджати, бйа̄па̄дасса анантара̄ метта̄ уппаджджати, вихим̣са̄йа анантара̄ карун̣а̄ уппаджджати, аратийа̄ анантара̄ мудита̄ уппаджджати, пат̣игхасса анантара̄ упеккха̄ уппаджджатӣти? на хевам̣ ваттаббе…пе….

688. кусаламӯлам̣ пат̣исандахати акусаламӯланти? а̄манта̄. йа̄ кусаласса уппа̄да̄йа а̄ват̣т̣ана̄…пе… пан̣идхи, са̄ва акусаласса уппа̄да̄йа а̄ват̣т̣ана̄…пе… пан̣идхӣти? на хевам̣ ваттаббе…пе….

кусаламӯлам̣ пат̣исандахати акусаламӯлам̣, на ваттаббам̣ – ‘‘йа̄ кусаласса уппа̄да̄йа а̄ват̣т̣ана̄…пе… пан̣идхи, са̄ва акусаласса уппа̄да̄йа а̄ват̣т̣ана̄…пе… пан̣идхӣ’’ти? а̄манта̄. акусалам̣ ана̄ват̣т̣ентасса уппаджджати…пе… аппан̣идахантасса уппаджджатӣти? на хевам̣ ваттаббе…пе… нану акусалам̣ а̄ват̣т̣ентасса уппаджджати…пе… пан̣идахантасса уппаджджатӣти? а̄манта̄. хан̃чи акусалам̣ а̄ват̣т̣ентасса уппаджджати…пе… пан̣идахантасса уппаджджати, но ча вата ре ваттаббе – ‘‘кусаламӯлам̣ пат̣исандахати акусаламӯла’’нти.

689. кусаламӯлам̣ пат̣исандахати акусаламӯланти? а̄манта̄. кусалам̣ йонисо манасикарото уппаджджатӣти? а̄манта̄. акусалам̣ йонисо манасикарото уппаджджатӣти? на хевам̣ ваттаббе…пе… нану акусалам̣ айонисо манасикарото уппаджджатӣти? а̄манта̄. хан̃чи акусалам̣ айонисо манасикарото уппаджджати, но ча вата ре ваттаббе – ‘‘кусаламӯлам̣ пат̣исандахати акусаламӯла’’нти.

кусаламӯлам̣ пат̣исандахати акусаламӯланти? а̄манта̄. неккхаммасан̃н̃а̄йа анантара̄ ка̄масан̃н̃а̄ уппаджджати, абйа̄па̄дасан̃н̃а̄йа анантара̄ бйа̄па̄дасан̃н̃а̄ уппаджджати, авихим̣са̄сан̃н̃а̄йа анантара̄ вихим̣са̄сан̃н̃а̄ уппаджджати, метта̄йа анантара̄ бйа̄па̄до уппаджджати, карун̣а̄йа анантара̄ вихим̣са̄ уппаджджати, мудита̄йа анантара̄ арати уппаджджати, упеккха̄йа анантара̄ пат̣игхам̣ уппаджджатӣти? на хевам̣ ваттаббе…пе….

690. на ваттаббам̣ – ‘‘акусаламӯлам̣ пат̣исандахати кусаламӯлам̣, кусаламӯлам̣ пат̣исандахати акусаламӯла’’нти? а̄манта̄. нану йасмим̣йева ваттхусмим̣ раджджати тасмин̃н̃ева ваттхусмим̣ вираджджати, йасмим̣йева ваттхусмим̣ вираджджати тасмин̃н̃ева ваттхусмим̣ раджджатӣти? а̄манта̄. хан̃чи йасмин̃н̃ева ваттхусмим̣ раджджати тасмин̃н̃ева ваттхусмим̣ вираджджати, йасмин̃н̃ева ваттхусмим̣ вираджджати тасмин̃н̃ева ваттхусмим̣ раджджати, тена вата ре ваттаббе – ‘‘акусаламӯлам̣ пат̣исандахати кусаламӯлам̣, кусаламӯлам̣ пат̣исандахати акусаламӯла’’нти.

кусала̄кусалапат̣исандаханакатха̄ нит̣т̣хита̄.