13. терасамавагго

(132) 7. сама̄панно асса̄детикатха̄

671. сама̄панно асса̄дети, джха̄наниканти джха̄на̄рамман̣а̄ти? а̄манта̄. там̣ джха̄нам̣ тасса джха̄насса а̄рамман̣анти? на хевам̣ ваттаббе…пе… там̣ джха̄нам̣ тасса джха̄насса а̄рамман̣анти? а̄манта̄. тена пхассена там̣ пхассам̣ пхусати, та̄йа ведана̄йа там̣ веданам̣ ведети, та̄йа сан̃н̃а̄йа там̣ сан̃н̃ам̣ сан̃джа̄на̄ти, та̄йа четана̄йа там̣ четанам̣ четети, тена читтена там̣ читтам̣ чинтети, тена витаккена там̣ витаккам̣ витаккети, тена вича̄рена там̣ вича̄рам̣ вича̄рети, та̄йа пӣтийа̄ там̣ пӣти пийа̄йати, та̄йа сатийа̄ там̣ сатим̣ сарати, та̄йа пан̃н̃а̄йа там̣ пан̃н̃ам̣ паджа̄на̄тӣти? на хевам̣ ваттаббе…пе….

джха̄наниканти читтасампайутта̄, джха̄нам̣ читтасампайуттанти? а̄манта̄. двиннам̣ пхасса̄нам̣…пе… двиннам̣ читта̄нам̣ самодха̄нам̣ хотӣти? на хевам̣ ваттаббе…пе….

джха̄наниканти акусалам̣, джха̄нам̣ кусаланти? а̄манта̄. кусала̄кусала̄ са̄ваджджа̄наваджджа̄ хӣнапан̣ӣта̄ кан̣хасуккасаппат̣ибха̄га̄ дхамма̄ саммукхӣбха̄вам̣ а̄гаччхантӣти? на хевам̣ ваттаббе…пе….

672. кусала̄кусала̄ са̄ваджджа̄наваджджа̄ хӣнапан̣ӣта̄ кан̣хасуккасаппат̣ибха̄га̄ дхамма̄ саммукхӣбха̄вам̣ а̄гаччхантӣти? а̄манта̄. нану вуттам̣ бхагавата̄ – ‘‘чатта̄рима̄ни, бхиккхаве, сувидӯравидӯра̄ни! катама̄ни чатта̄ри? набхан̃ча, бхиккхаве, патхавӣ ча – идам̣ пат̣хамам̣ сувидӯравидӯрам̣…пе… тасма̄ сатам̣ дхаммо асаббхи а̄рака̄’’ти. аттхева суттантоти? а̄манта̄. тена хи на ваттаббам̣ – ‘‘кусала̄кусала̄ са̄ваджджа̄наваджджа̄ хӣнапан̣ӣта̄ кан̣хасуккасаппат̣ибха̄га̄ дхамма̄ саммукхӣбха̄вам̣ а̄гаччхантӣ’’ти.

673. на ваттаббам̣ – ‘‘сама̄панно асса̄дети, джха̄наниканти джха̄на̄рамман̣а̄’’ти? а̄манта̄. нану вуттам̣ бхагавата̄ – ‘‘идха, бхиккхаве, бхиккху вивиччева ка̄мехи вивичча акусалехи дхаммехи пат̣хамам̣ джха̄нам̣ упасампаджджа вихарати, со там̣ асса̄дети там̣ ника̄мети тена ча виттим̣ а̄паджджати; витаккавича̄ра̄нам̣ вӯпасама̄…пе… дутийам̣ джха̄нам̣…пе… татийам̣ джха̄нам̣…пе… чатуттхам̣ джха̄нам̣ упасампаджджа вихарати, со там̣ асса̄дети там̣ ника̄мети тена ча виттим̣ а̄паджджатӣ’’ти [а. ни. 4.123]! аттхева суттантоти? а̄манта̄. тена хи сама̄панно асса̄дети, джха̄наниканти джха̄на̄рамман̣а̄ти.

сама̄панно асса̄детикатха̄ нит̣т̣хита̄.