(125) 10. саттамабхавикакатха̄

653. на ваттаббам̣ ‘‘саттамабхавикасса пуггаласса пахӣна̄ дуггатӣ’’ти? а̄манта̄. саттамабхавико пуггало нирайам̣ упападжджеййа, тираччха̄найоним̣ упападжджеййа, петтивисайам̣ упападжджеййа̄ти? на хевам̣ ваттаббе. тена хи саттамабхавикасса пуггаласса пахӣна̄ дуггатӣти.

саттамабхавикакатха̄ нит̣т̣хита̄.

два̄дасамавагго.

тассудда̄нам̣ –

сам̣варо каммам̣ татхева асам̣варо, саббакаммам̣ савипа̄кам̣, саддо випа̄ко, сал̣а̄йатанам̣ випа̄ко, саттаккхаттупарамо пуггало саттаккхаттупарамата̄нийато, колан̇колапуггало колан̇колата̄нийато, екабӣджӣ пуггало екабӣджита̄нийато, дит̣т̣хисампанно пуггало сан̃чичча па̄н̣ам̣ джӣвита̄ воропеййа, дит̣т̣хисампаннасса пуггаласса пахӣна̄ дуггати, татхева саттамабхавикасса̄ти.